ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: الحائره في 15:32 02/02/2011
-
السلام عليكم ...
جامعة المقدمين عاللجوء من مصر مثل ما شفنا الاوضاع المتوتره في مصر وسفر الموظفين الامريكان من القاهره ( هسه شنسوي؟؟؟) يعني اني بس بقالي الفحص الطبي ووالدتي كالولها اسبوعين يحددون موعد سفرها هسه شون نعرف مصيرنا ؟؟؟
-
لكم الله عمى الوضع خطير........
-
انتظرو خلي تهداء الاوضاع .... و الله كريم :-[
-
الله كريم
والله اني جدا مقهورة على هذا الي ديصير ومقهورة على العراقيين ومعاملاتهم ومصيرهم
ومصير الي رجعوا والي سافروا لسوريا
الله كريم ان شاء الله تهدأ الاوضاع ويرجع الوضع كما كان ياربي
والله دوم ادعي لكم جميعا
تحياتي رولااااااا
-
انشاالله الوضع يرجع مستقر عن قريب ميضل هيج لئن حسني عليه ظغط كولش جبير من امريكا وباقي الدول لنقل السطة ولعلمج الموظفين الاساسيين الي بالسفارة الامريكية موجودين وهذا دليل على انو الوظع مسيطرين عيله مو حسني وانما امريكا وانشاالله خير
-
الله يكون بعونكم..ان شاءالله تسهل اموركم بس اصبرو شويه..ماكو غير الصبر
-
انشاء الله يستقر الوضع ياربي
-
اختي العزيزه الحائره لا تستبقي الامور فلن يصيبنا الا ماكتب الله لنا لندعو جميعا بالفرج العاجل وتهدئه الامور
حياك الله
-
ادعيلكم الله يسهل اموركم ويقضي حوائجكم ان شاء الله
-
ربي يفرجها عليكم وانشالله خير
-
الفرج من عند الله اختي العزيزة
ان شاء الله يفرجها عليكم باسرع وقت يارب
امنياتي الحلوة
-
السلام عليكم ...
جامعة المقدمين عاللجوء من مصر مثل ما شفنا الاوضاع المتوتره في مصر وسفر الموظفين الامريكان من القاهره ( هسه شنسوي؟؟؟) يعني اني بس بقالي الفحص الطبي ووالدتي كالولها اسبوعين يحددون موعد سفرها هسه شون نعرف مصيرنا ؟؟؟
اووووووووووووووووووووف والله مااعرف شاحجيلج خويتي
الكم الله
يعني الواحد حتى ميلحك يفرح تجيه صدمه مثل هاي بعد ميعرف شيكول
يعني حك اللكمه وصلت للحلك هيج صار بمصر
ارجع واكول خويتي الله يهدي الاوض1اع بمصر ويرجعون الموظفين يستانفون عملهم وتفرج عليكم امين
خويتي
اللي يشوف مصيبة غيره تهون عليه مصيبته
ان شاء الله انتظاركم ميطول بس ايام وتنحل وتخلص المساله
جا صاحبتي كرموشه الله يذكرها بالخير جانت مسافره هيه واهلهه لاخوهه بالمانيا هذا الحجي مصباحية يوم
2 - 8 - 1990
تصوري
تحلف تكول احنه بالمطار مكيفين دنروح نشوف اخونه هناك
جان يرجعونه لبيوتنه
والرجعه رجعه الى سنة 2002 ياله نطوهم فيزا اخيرا من عمان وراحوا
يعني انتظروا الفرج 12 سنه
كولي ياالله خيتي كل الدول بالعالم عدا العراق ازماتهم السياسيه متستمر اكثر من شهر وينتهي كل شي
يعني على كولة خواننه الكدعان حطي ببطنك بطيخه صيفي كلهه جم يوم ويستقر الوضع بمصر
الله كريم
-
انشاءلله ربي يفرجها عليكم كلكم قلوبنا معكم اخوتنا الغالين