ankawa
منتدى الهجرة واللجوء => الهجرة و واللاجئين => الموضوع حرر بواسطة: لينا عدنان في 20:42 02/02/2011
-
اختي العزيزة انجي
قبل فترة وصلوا اهلي والحمدلله الى مشيكن ومن الطبيعي ان اتكلم معهم عن طريق الماسنجر لكن بدأو يلمحون لي وبالالغاز ان لااتكلم عن وجود اي مورد لهم مثل تقاعد او ايجار فهل هذا الشيء طبيعي يعني هل يراقبون النت او الهواتف الخاصة باللاجئ لكي يتأكدوا من عدم حصولهم على مورد غير المساعدات؟
-
لا اختي ماكو هيجي شي عادية الكل يحجي بالتلفون او الايميل وما اعتقد اكو مراقبة عليها
-
اختي العزيزة باي منطقة اهلج ساكنين حتى اعرف اي منظمة تابعه الهم حتى اشرحلك الباقي
-
بااوربا الحرك بفلس هنا و خاصه من العراقيين
زين و الله باامريكا ماكو
-
وين همه بسوريا علمود رقابة على النت ؟؟؟؟؟؟؟؟
بس يمكن يخافون من المقربين وليس الدولة
-
اختي لينا اكو شقق رخيصة غرفة وصالة ب 500 دولار بمنطقة سترلنك هايس منطقة زينه ومليانه محلات عربية والجالية العربية موجودة بكثرة ديربون هم بيها الجالية العربية من كل الاجناس ومحلاتها عربية والاطباء والمطاعم والمساجد والبنوك اغلبها موظفين عرب يعني ديربون منطقة شعبية وكلشي متوفر وقريب عليهم اسعار الايجارات هم زينة لكن الشقق ماعندي علم اسعار الايجارات مااعرف اختي انصحك تسكنين نفس منطقة الي اهلك ساكنين او تختارين منطقة اخرى القرار قرارك اكدر انصحك بالنسبة للمنظمة من توصلون بالسلامة لا ترحون على برنامج المنظمة اذا كالوا احنا ندفع ايجاركم كذا شهر وننطيكم جك كم شهر ومن تخلص المدة يكلون روحو حيروا بروحكم انصحك من البداية سجلوا على برنامج المساعدة دائرة الولفر 8 اشهر وتسجلون مدرسة تعليم لغة اذا شافوا الكم شغل بمدة المساعدات خير على خير مشفتوا شغل ولا هما شافوا الكم راح تستمر المساعدات 8 اشهر اخرى اذا اكو اطفال بالعائلة واذا ماكو اطفال بالعائلة يكولون لازم تشتغلون واي شغل هما يشوفوه لازم ما تمانعون عليه صح قبل كان نظام المساعدات يختلف لانه قبل مكان اكو هوايه هجرة مثل حاليا وهم الوضع الاقتصادي اختلف هوايه عن السابق المهم اختي انشاءلله السفر القريب والباقي الك الله هو المدبر تمنياتي لك السفر القريب والوصول بالسلامة واي سؤال اخر تريدين تعرفيه عن الولاية اسالي وانشاءلله ما اقصر بالرد
-
شكرا اختي العزيزة والله ماادري شنو القصة لان مااكدر أسألهم بعد منبهوني بحيث اكو هواية متعلقات والدتي عافتهه المفروض نتفاهم بيه على النت بس مداكدر الله كريم
اختي العزيزة اني قاريه هوايه من ردودج الي تكولين بيهه الولفر افضل ممكن توضحيلي اكثر لان المنظمة كلولهم لاهلي انه هذا البرنامج الولفر سابقا كان احسن هسه غير شكل
حبيبتي انجي اني اهلي سافروا قبل اسبوع واني الآن على جدول السفر فبدون زحمه عليج اريد افتهم شنو الاحسن من اوصل نسوي اني وزوجي وعندي طفلين وايضا ولايتنا مشيكن
عزيزتي اختي لينا انتي متزوجة وعندك اطفال الافضل هو القبول ببرنامج المنظمة وخليهم يدفعولكم ايجار فد شهر او شهرين هم ترة مو ملزمين وينطوكم الويكم ويكملولكم الاجراءات القانونية
اما الويلفير فماكو فايدة تروحين عليهم رأسا اولا انتي وية المنظمة او بلياها راح ينطوكم لفودستامب والتأمين الصحي وخصوصا انتو عدكم اطفال فلا تخافين هاي مضمونة لمدة 8 اشهر ويتجدد حسب دخلكم الشهري
يعني مختصر مفيد اخذي برنامج المنظمة وهو افضل الكم حتى يبقى برنامج الtanf او الfip من يخلص برنامج الماتشنغ او اي برنامج تخليكم عليه المنظمة لانه التانف بس 60 شهر يعني مو من صالحكم من البداية تبدون بيه
تحياتي
-
مشكورينخ واتي العزيزات بس صار كل رد يختلف عن الثاني تماما على شنو امشي ماادري لان بعدني مواصله ولامفتهمة معاني المصطلحات الي ناصحيني بيهه ارجو التوضيح واعذروني على عدم فهم الشرح
-
مشكورينخ واتي العزيزات بس صار كل رد يختلف عن الثاني تماما على شنو امشي ماادري لان بعدني مواصله ولامفتهمة معاني المصطلحات الي ناصحيني بيهه ارجو التوضيح واعذروني على عدم فهم الشرح
حبي الويلفير موجود ما يطير شوكت ما تخلص مساعدات المنظمة او البرنامج اللي خاليكم عليه روحوا قدموا عالويلفير هذا مختصر للكلام عزيزتي
يعني اوصلي واخذي برنامج المنظمة والويلكوم وخليهم يقدمولكم عالمساعدات ومن يخلص البرنامج اللي خلتكم عليه المنظمة روحوا قدموا عالويلفير تحياتي