ankawa
منتدى الهجرة واللجوء => الهجرة و واللاجئين => الموضوع حرر بواسطة: Arsenal81 في 00:34 03/02/2011
-
كشفت وزارة الخارجية العراقية يوم الثلاثاء، عن إجلاء 1500 من رعاياها المقيمين في مصر من أصل 30 الف عراقي، عقب اندلاع احتجاجات واسعة منذ أكثر من أسبوع، لافتة إلى أن عملية إجلاء الجالية العراقية من مصر مستمرة لحين نقل جميع الراغبين بالعودة إلى بلدهم. عدد من الدول العربية والأجنبية منذ أيام بإجلاء رعاياه من مصر بسبب التظاهرات وما لحقها من أعمال العنف المستمرة حتى الآن.
وكانت وزارة الخارجية العراقية قد أعلنت أول أمس الأحد، عن إرسال الحكومة العراقية لأربع طائرات لنقل الركاب، إحداها طائرة رئاسة الوزراء، إلى مصر بهدف إجلاء الرعايا العراقيين الراغبين بترك مصر بسبب الأوضاع المضطربة.. وقال وكيل وزارة الخارجية العراقية، لبيد عباوي، ان الحكومة الحالية وبالتنسيق مع السفارة العراقية في القاهرة قامت بإجلاء 1500 عراقي مقيم في مصر من مجموع العراقيين المقيمين في مصر والذين يقارب عددهم 30 الف عراقي.. واوضح ان الخطوط الجوية العراقية وطائرة رئاسة الوزراء الخاصة مستمرة في إجلاء الجالية العراقية من مطار القاهرة الدولي لحين الانتهاء من إجلاء العراقيين الراغبين بالعودة لبلدهم.. ولفت عباوي إلى أن الخارجية تتابع بحذر وترقب أوضاع الجالية العراقية في مصر وحريصة على ضمان سلامتهم وأمنهم وأموالهم.
-
زين هاي الطائرة مال رئيس الوزراء ملك خاص لو مال الدائرة والله دنيا عيش وشوف
-
انعم الله عليهم احسن من ماكو شي
والله يحفظ الجميع
-
هم زين حسوا و ديرجعون بس (الراغبين بالعوده ) والي رجعوا الله يساعدهم و يكون بعونهم و الي بقوا الله يحفظهم من كل شر يا رب
-
زين هاي الطائرة مال رئيس الوزراء ملك خاص لو مال الدائرة والله دنيا عيش وشوف
سؤالك شوية غريب, الجواب هو الطيارة ملك خاص, الحكومة الايرانية أهتدها وية طاقمها لرئيس الوزراء العراقي.
-
ربه دينه إرجاع اللاجئين , مدمن على إرجاع اللاجئين , خال كريته ويه اللاجئين
آني سامعه بأذني يكول موضوع اللاجئين مؤامرة, وكلهم حيرجعون, الله ينتقم من اللي انتخبه , حته الي انهزم منه ماخلصان
ومن اصل 30 الف عراقي بمصر ( ولو آني اكول اكثر ) بس 1500 راجعين (حسب الحجي) !
فأنته تخيل , مصر بهذه الحال هم احسن عدهم من العراق.
-
والله يابغدادي 76
والله ضحكتني اهوايه
اخي الرجل متعقد من يشوف عراقي مرتاح
لازم يظل بجحيم العراق
اختك ام زيد
-
حبي أغلب الراجعين مرفوضين من المفوضية وقسم منهم متزوجين مصريات ومصريات يعني ماعدهم شغلة باللجوء والسفر شافوها فرصة طيارة ابلاش ههههههه ويكولك فرصة لمن تصفى الامور نرجع البارحة لقاء ويا واحد منهم على البغدادية يكول بيها مجال يرجعونا لمصر من تصفى الامور بيها ههههه
بس أشو ردودي السابقة جاية تنعلس ؟؟؟لماذا
-
ههههههه ضحكتوي , يعني من هسه يريدن طيارة مرجع
بس اريد اعرف , يعني بس احنه هشكل موضوع اللاجئين مالتنه ؟ لك حته بالويكيليكس انفضحنه , انكشفت وثائق انو موضوع الموافقة في إرجاع اللاجئين العراقيين من السويد جان مربوط بموضوع فتح السفارة السويدية بالمنطقة الخضراء.
-
صاحبنا فعلا كاتل روحه بس يرجع اللاجئين
احنا باقين بمصر .. يعني اطلع من النار .. اروح للنار ... حلوة والله
على الاقل كاعدين ننتظر الاي او ام .. احسن من العراق .. ننتظر المفخخات وشوكت تطفي الكهرباء
الله يحفظ العراقيين وين يكونون
-
حبي أغلب الراجعين مرفوضين من المفوضية وقسم منهم متزوجين مصريات ومصريات يعني ماعدهم شغلة باللجوء والسفر شافوها فرصة طيارة ابلاش ههههههه ويكولك فرصة لمن تصفى الامور نرجع البارحة لقاء ويا واحد منهم على البغدادية يكول بيها مجال يرجعونا لمصر من تصفى الامور بيها ههههه
بس أشو ردودي السابقة جاية تنعلس ؟؟؟لماذا
الاخ كوندا
لااعرف سبب تحاملك على الاخوه العائدين من مصرهل تعرف ضروفهم ومعاناتهم وما المشكله زواجهم من المصريات بل على العكس ضروفهم افضل من الاخرين والاخوه التي مغلقه ملفاتهم هل كانو منتظرين طائرات الدوله كي تعيدهم كنت اتوقع ان تدعو لهم للخروج من محنتهم انظر الى رد الاخ مروكو رد يريح القارء والاخرين ايضا لااستغرب من قولك ردودي جايه تنعلس لو اني اداري لااعلس حتى اشتراكك…منغصات القارء
???
اسف اخوان هاي مشاركتي الاولى في المنتدى
كنت اتمنى ان تكون افضل
-
حبي ساندوكان , ماكو اي تحامل ولا شي, اصلا كلمن ماعنده إقامة دائمية خارج العراق , اله يساعدة
وأكيد الأخ كوندا ماجان يقصد اي تحامل , بالعكس
-
حبي سندوكان وين التحامل بردي الله يخليك ؟؟؟؟؟؟؟؟؟ ومنو كالك اني ماجاي ادعي بالخير لكل الناس مو بس اللي بالمحنة في مصر وحتى العراقيين اللي بالمحنة بالعراق على الاقل مصر صارلها اسبوع مبلشة بالمحنة احنا من يوم يومنا بالمحن !!!
ثم أني المحيرني وخلاني اراجع ردي كذا مرة وين التحامل على المتزوجين من (مصريين او مصريات) بردي بس اريد أعرف ؟؟؟؟؟؟؟؟؟؟
اولا أخي اني عشت في مصر سنة كاملة واكلت من خيرها وشربت من ماء النيل الخالد وبوقتها كنت أعزب والا شوية جان تزوجت من بنية مصرية بس الظروف ماأجت مؤاتية .وكلشي قسمة
وصديقي اني نقلت ماشفتة على قناة البغدادية ولو مابيه شي غلط ..!!!!!وين التحامل بس فهموني
-
كوندا خاف الاخ يسئل على تحاميل
حبي تلكاها بل صيدليات ;D ;D ;D ;D
-
فعلاً هواية عراقيين ديرجعون من مصر " مؤقتاً " هم زيارة للعراق وهمينة ديطفرون من الاوضاع . البارحة كرايبنة جوي من مصر, وصلوا الساعة بلـ 12:00 بلليل واتخيلوا الطيارات دتنقل اعداد كووووومة ولحد هاي الساعة المتأخرة من الليل .
بس عودتهُم مو استقرار بلعراق, مجرد يطفرون من الوضع هناكة وراها يرجعون ...
ريفولفر
-
عاشت ايديهم وخلف الله عليهم وبالفهعل اكو عراقيين اتقطعت بيهم الطرق بمصر وماكو امامهم غير الرجوع وان شاء الله ايقومون بخطوات افضل للناي الي بداخل العراق والخارج احنا شنريد منهم غير الاشياء الزينه الى يخدمون بيها بلدهم واهلهم
-
شكراً على المشاركة
-
يعني مو دفاعا عن الدولة لان اصلا ادري كلهم حرامية و ميسوون فلس بس الله عليكم لو ما دازين طيارات مجان كلتو عافو العراقيين و شوفو باقي الدول شلون مخبوصة برعاياها بس احنة حكومتنة مخالفة و من دزو طيارات هم تصنيف و ضحك هسة دشوفو المصريين شلون كلب على كلب بس احنة ما عدنة غير التصنيف حتى هنا بامريكا مشاكل و طلايب العراقيين مين مدير وجهك
-
يعني مو دفاعا عن الدولة لان اصلا ادري كلهم حرامية و ميسوون فلس بس الله عليكم لو ما دازين طيارات مجان كلتو عافو العراقيين و شوفو باقي الدول شلون مخبوصة برعاياها بس احنة حكومتنة مخالفة و من دزو طيارات هم تصنيف و ضحك هسة دشوفو المصريين شلون كلب على كلب بس احنة ما عدنة غير التصنيف حتى هنا بامريكا مشاكل و طلايب العراقيين مين مدير وجهك
وأللهي أخوية هو هذا طبع معظم شعب العراقي العظيم, متشوف الله شكاعد يسوي بينه, همزين خلصنه منهم ومن العراق, لانه مراح يصير براسة خير لا هسه ولا بعد مليون سنة.
-
شكراً على المشاركة