ankawa
منتدى الهجرة واللجوء => الهجرة و واللاجئين => الموضوع حرر بواسطة: الرسام1973 في 13:52 03/02/2011
-
700 دولار من الحكومة لكل عائلة تعود
العراقيون بصدارة طالبي اللجوء بالعالم
الجزيرة نت-عمان
قالت مسؤولة في المفوضية السامية لشؤون اللاجئين إن العراقيين يحتلون المرتبة الأولى بين طالبي اللجوء في دول العالم، في حين قال مسؤول حكومي إن الدولة تشجع العراقيين بالخارج للعودة وتقدم لهم تشجيعات مادية تبلغ 700 دولار لكل عائلة.
وأكدت مساعدة المتحدث الإعلامي باسم المفوضية مها صدقي في حديث للجزيرة نت أن هناك طلبات متزايدة من العراقيين للجوء إلى دول العالم، وأن العراقيين ما زالوا يحتلون المرتبة الأولى للسنوات الأربع الماضية متقدمين على الأفغان والصوماليين.
وأوضحت صدقي أن الطلبات المقدمة من قبل العراقيين وصلت إلى أكثر من 13 ألفا خلال النصف الأول من هذا العام فقط، متوقعة زيادة في الإقبال على طلبات اللجوء بسبب تردي الأوضاع الأمنية في العراق.
من جهته قال مسؤول في وزارة الهجرة والمهجرين العراقية إن الوزارة تعمل على عودة العراقيين الموجودين في الخارج. وأكد الناطق الإعلامي في الوزارة كريم الساعدي أن هناك الكثير من العراقيين عادوا إلى البلد بعد العام 2008.
دعوات للعودة
وأشار في تصريح للجزيرة نت إلى أن العديد من الوفود الرسمية زارت سوريا والأردن ومصر ولبنان حيث يوجد العدد الأكبر من العراقيين، ووجهت لهم الدعوات للعودة بدلا من طلب اللجوء.
وقال إن الوزارة تقدم مليون دينار عراقي (700 دولار أميركي) لكل عائلة تعود للعراق، أما العوائل المهجرة قبل العام 2003 فإنها ستحصل على مليون دينار إضافة إلى قطعة أرض.
وقال الساعدي إنه لا تتوفر إحصائيات دقيقة عن عدد العراقيين المهجرين في الخارج، إلا أن 150 ألفا عادوا من الخارج، أما الذين عادوا إلى مناطقهم بعد أن غادروها إلى مناطق أخرى داخل العراق فقد بلغ عددهم أكثر من 31 ألفا حتى منتصف أكتوبر/تشرين الأول 2009.
عشرات الطلبات
ويزور المفوضية السامية لشؤون اللاجئين في الأردن وسوريا عشرات العراقيين يوميا لتقديم طلبات للحصول على لجوء في إحدى الدول الأوروبية أو أميركا وكندا. ولا يقتصر ذلك على شريحة معينة.
الجزيرة نت التقت في الأردن بمهند داود -وهو فنان تشكيلي عراقي- الذي أوضح أنه أحد طالبي اللجوء، وقال "منذ العام 2006 وأنا أنتظر أن تجد لي مفوضية اللاجئين بلدا يقبلني لاجئا مع أطفالي، ولكن دون جدوى".
وأوضح مهند أن "أغلب الذين يطلبون اللجوء الآن من العراقيين يرفضون الذهاب إلى أميركا لما سمعوه من اللاجئين السابقين عن معاناة العيش فيها، ولهذا نحن نرغب في دول أوروبا".
ا
أسباب النفور
وعن أسباب نفوره من العودة إلى العراق الآن، يقول مهند إن السبب الرئيسي هو "عدم شعورنا بالأمان في بلدنا والأهم هو عدم وجود ضمان لمستقبل أولادنا في الدراسة والتعلم على نحو صحيح، حيث إن مستوى التعليم في العراق الآن انحدر إلى مستويات متدنية، إلى جانب البطالة وغلاء المعيشة".
بدوره يقول الطالب مصطفى العبيدي للجزيرة نت إن سبب طلبه اللجوء وعدم الرغبة في العودة للعراق الآن هو أنه لا يستطيع أن يكمل دراسته في بلده بسبب النزعة الطائفية التي انتشرت في مدارس وجامعات العراق والتعامل الطائفي لوزارة التربية مع الطلاب، إضافة إلى عدم وجود مستلزمات الحياة الكريمة من كهرباء وماء وعمل يستعين به الإنسان لمواصلة حياته.
أما المهندسة نضال فتقول للجزيرة نت إنها تركت العراق لعدم وجود عمل رغم أنها خريجة عام 2005. وتضيف أن "الحصول على وظيفة أصبح مرتبطا بانتمائك إلى أحد الأحزاب التي تسيطر على الحكم، إضافة لعدم وجود الأمان، فمن يخرج من بيته لا يعرف هل سيعود أم يقتل في تفجير عبوة أو يختطف".
الرسام ابو علاوي
-
والله اخوية بالنسبة الي اني ماارجع وذولة خلي بكيفهم يحجون اكيد النسبة الاكبر ترفض الرجوع
-
خوش مبلغ 700 دولار للعائلة مبلغ مشجع
والله الجماعة هذوله مبين صدك يثردون بصف الماعون ويخوطون بصف الاستكان
هسه لو مسويها 7000 دولار بيها مجال الجماعة يفكرون يرجعون ياخذون ال 7000 وبعدين يرجعون يسافرون بس 700 منو العنده عقل ويرجع
بارك الله بيك اخونا الرسام على نقل الخبر
-
اخوية اي مبلغ ينطو هوة قليل العيشة بالعراق غالية
-
يا اخوان هو اكو واحد ابيع روحة بفلوس يمعود دخلوهم اغنون براحتهم هو العراقي الي بسورية ميت من جوعة و حالة حال الظيم و ماراجع
-
والله لو مليون
شنو فايدة الفلوس مقابل تضحي بحياتك او حياة عائلتك
-
تحيه للاخ الرسام المبدع وبارك الله بيك اني ماارجع حتى لوالاف الدولارات والباونات والذهب والماس ماارجع اكو واحد جايز من حياته عمي ليش الي بغداد لاكين عيشه لاكين سكن امان وظاائف عمي شبعنه من الجذب حتى بس واحد يرجع ينعلس تحياتي اخوكم jack black :o :o :o
-
اخى الرسام شكرا لنقل الخبر وهو مضبوووط مليون بالمئه
بالنسبه ما ارجع لو مال قارون كله
كانت خمسون دولار ؟؟؟!!!!!!!ليش مكلفين على حالهم >:( >:( >:( >:(
-
- السلام عليكم
قبل كم يوم الحكومة الكويتيه تصرف لكل مواطن لكل مواطن اكرر وليس لكل عائله 3500 دولار كمساعدة على الغلاء اتصور انته الكويتي ايعاني من الغلاء وفوك هذا كله تجيهم 3500 دولار بالعافيه عليه لان يستاهلون وجاي السيد الغير محترم المالكي ينطي 700 دولار او على كولت احد الاخوة مو جانت 50 ليش مكلفين نفسهم اشبعوا بالعراق لو دامت ما توصل لكم الله ينتقم من كل ظالم متى يجينه واحد مثل شيخ زايد اللي ما اتشوف مواطن اماراتي اذا ما يترحم على روحه صار اسنين الرجل متوفي والناس تبجي عليه مجرد هو خدم شعبه وانطاهم حقهم حكومة الحراميه ماادري منين طالعوا واشلون اجوي والمواطن العراقي المسكين اللي عاش فترة ظلم وقهر وجوع كاعد وفاتحه حلكه المسكين انوب ما خلصان من القتل اشوكت ترتاح يا عراق
-
على فكره الامارات سنه 70 كانت صحراء وهسه تعال وشوف ناطحات السحاب
عجبى
-
السلام عليكم
اني جداا معجب بمواضيعك اخ الرسام لانه تمتاز بدقه
اخواني اني اكول ندعي وربنا هو ديشوف حالنا اتمنى الاخبار اتهل علينا جميعا بالايام القادمه
تقبلو تحياتي
-
انى بخدمتكم يا طيبين ......الله كريم
-
اخويه الرسام بارك الله بيك لنقل الوقائع؟؟؟
مكلفين نفسهم ... اني عبالي 700 دفتر شنو هل بخل من جيب الخلفوهم جايبها الفلوس لو زرعو النفط بلكاعع وتعبو من سكوها.. اشو الخير من ربك
يله بلعافيه على اللغافه...
ياخويه انته ليش تحرك اعصابنه بهاذا المقال ...
تحياتي الك
-
أبو علي عاش كلامك يمكن أغلب الاعضاء مايعرفون أنه الفنان مهند داود هو أنت بس والله مبلغ 700 دولار قليلة جدا و بعدين أذا رجعنه منو أشغلنه و وين نرجع لبيوتنه المسروقة
الله كريم
-
لا اخويةبالاضافة الى 700 دولار اذا كنت لاجئ بدولة اوربية تنطيك 2500 يورو ولو تعرف ذولة الهجرة شسوو بالعوائل يعني اذوهم هواية عالم بطلبهم ارجاع اللجئين العراقيين وخصوصا ذولة اهل قانون الحماية الجماعية اكو ناس ادمرت دمار من ورة هذي الشغلة هسة الي يريد يرجع هوة من ورحدة يرجع والي يريد يبقة بيقة ليش اتاذون العالم اني والله مااعرف وبصراحة اني وحدة من ذولة
وثاني شي كلة كذب مو كالو للعوائل المهجرة الي ترجع كل وحدة الها 700 دولار اعرف قيامت عالم رجعو كلشي محصلو حتى الوظائفهم الطبيعية مارجعو ومحد يعبرهم فلس بس خلو الدول الاوربية اطردهم وتسحلهم بالكوة وبعدين بفلس واحد محد عبرهم وللصدفة الطريفة كلهم ورة كم شهر رجعو طلعو ههههههههههههههههههههههههه
-
الشكر الجزيل لرسامنا المبدع ابو علاوي على نقل الخبر
-
للاسف احنا بزمن الحراميه
-
انى ممنون احبائى عراقى وافتخر وابو ارا حبيبى ورافد الورد ...........................وعبادى الاصيل
-
عاشت أيدك أخوي الرسام على نقل الخير
ويبقى السؤال هل هذه الـ 700 دولار هي الحل لمشكلة اللاجئ العراقي ؟ أم أن مشاكل المواطن العراقي أكبر من كل الفلوس كونه فقد الأمان وفقد الشعور بأنسانيته وأدميته في بلده ؟
-
حبيبى طائر البرق كلامك ذهب ...........
-
اخي الرسام المبدع تحية طيبة واريد من الله سبحانه وتعالى ان يفرج عن الجميع ويسهل امرنا وانشاء الله ربك مينسى احد حاشى لله بس اريد اكول هذول الجوق الديحكمون بالعراق وعبالك مشايفين ولو همة اكيد واحدهم مشايف والله بس وصف واحد ينطبق عليهم هذول جواعة واكول للجميع دائما الواحد لازم ايدير بالة من الجوعان والمشايف شنو يتوقعون العراقيين جواعة مثلهم 700 دولار ميستحون احنة كلنة عفنة ابيوتنة وسياراتنا وكل مانملك وطلعنة بروحنة وهسة والله ارجعوا على 700 دولار خلي همة ايروحون يشترون شي الهم يسترون بيه حالهم عيب عيب والله عليهم حتى منظرهم نشاز يعني حتى المسؤولية ملايكة عليهم لانهم مواهل للمسؤولية بس اريد اكول شئ واحد اخي حسبي الله ونعم الوكيل حسبي الله ونعم الوكيل حسبي الله ونعم الوكيل بيهم كلهم
-
الله كريم اخى ابو كرار الورد يجى يوم يظهر الحق من الباطل ....الله يصفى القلوب ......تحياتى يا ورد .....
الرسام ابو علاوى
-
700 هههههههههههههههههههههه
مو همه طلعو برة من جان اكو فلس وعانه وقران وبعدهم يحسبولها الف حساب
-
هههههههههه يمكن ...............؟
-
اخوية صاحب الموضوع السلام عليكم ....
اريد أسأل الحكومة العراقية لمن كانو الحكومة قبل بالمعارضة يقبلون ايرجعون بال700 دولار مع فارق الوقت والقيمة المادية, الجواب طبعا لا ميقبلون وللدليل على ذالك قبلو ايرجعون وهمة امسيطرين على كل فلوس النفط وفلوس العراق . اريد اهنا اوضح فكرة يمكن العراقيين ممنتبهين عليه خلينة انشوف تفكير السياسين شكد ضيق او ميفكرون بس بالفلوس ميكولون مثلا راح ننطي الى كل عائلة بالعراق راتب شهري مثلا لازم ايكون الدخل الشهري لكل عائلة 2000 دولار اذا كانو يشتغلون ويحصلون اقل من هذا المبلغ فالحكومة اتكمل المبلغ واذا كان المبلغ اكثر من 2000 دولار الذي اتحصلة العائلة فحلال عليه وميحصلون شي من الحكومة كان هذا احسن من ال700 دولار الي ايريدون ينطوه للعراقي الراجع و اجزم الك لو كل عراقي يسمع انه الحد الادنى الي يدخل للعائلة هوة 2000 دولار ماكان اتشوف عراقي بالخارج كله ترجع او للعلم الفلوس مو من جيب احد الفلوس هية مال العراق والعراق مو مال واحد. اكو اهنا موضوع مهم وهوة اجزم انه الي طلع هذا القرار هوة ايريد منفذ ايبوك من عنده بطرق قانونية حتى ايسجل كل اقرباء كانو بالخارج او هسة رجعو .
طبعا اخوية صاحب الموضوع فتحت اجروح مملتأمة لحد الان بس انكول الله موجود ياأسلاميين ياحكومة
-
السلام لجميع الاخوة الاحبة العراقيين الشرفاء بس احب اكلكم شي واحد واذا اني غلطان احب ان يصحح لي اي واحد من الاخوان احنة مراح ايصير براسنة خير اقصد احنة العراقيين واسف للتعبير فقط بحالة واحدة لازم نتعلم من الشعوب العربية هسة مو من شعوب اخرى نتعلم من المصريين من التوانسة شوفوا اشلون غيروا وضعهم وضحوا تضحية كبيرة فقط بهذه الحالة نكدر انغير ولتكولون انه الحكومات العراقية اجرامية تبيد كل الناس سواء قبل او هسة لان هذه الحكومات العربية مو قليلة شر بس من تخرج الملايين محد يكدر ايردهة وهذا لازم ايكون جوابنة على ال 700 دولار
-
اخواني اريد اوضحلكم شغله مهمه..مثل متعرفون اني رجعت للعراق سنه2009وكان موعد سفري بعد20يومب س رجعت لعده اسباب منها مرض والدي وهذه السبب الرئيسي وطبعا جنت متردد وهوم سك علعموم مو هذه موضوعنه ..بس من رجعت انصدمت بعده امور منه الامان ماكو تقريبا يعني تطلع انته وحظك ترجع لو لا ثانيا الايجارات ابغداد نار وشغل ماكو وضائف ماكو يعني اني شفت ناس عايشه بلقدره.خدمات ماكو كهرباء زفت الانبير الكهرباء الفول ب25الف بلشهر .والله يساعد الي ماعنده..نصيحتي انو الي يكدر يبقه بلخارج ويسافر لا يرجع لان هنا ماكو مستقبل خاصه لاصحاب الدخل المحدود .لان هنا يتدمرون ومحد يسأل عليهم ..والي يكول يجي لكردستان اني بأربيل الي ما عنده راس مال زين ليجي لان محد يشغله..شكرا ابو علاوي واسف عله الاطاله
-
نشكرك جزيل الشكر يا فنانه المبدع ..وربي يفرجه علينه ويلم شملنا ويه اهلنا ويحفظ بلدنا ويبعد عنه اي مكروه امين يارب
-
عاشت ايدك اخوية الرسام علة هذا الموضوع اني لحد الان ما محصل علة السفر بس اني اصير زوج اذا رجعت يا 700$ هذولة ما عدهم اي احساس بالي ديصير بالعراق همة بس ايعرفون يتعاركون علة الكراسي وياخذون بالملايين واحنة ينطون للي يرجع 700$ اللة كريم انشاء اللة الموفقية للجميع
-
هاي هسة بالاخبار ورة ما دزيت هذة المشاركة مضاهرات اليوم بالعراق علة البطالة والتقيد بالحرية خلي ايشوف المالكي ويشوفون جماعتنة الي بامريكا وباقي الدول شلون الحياة خلي تفيدة ال700$ بس اروح ما ارجع واللة لو 700000$