ankawa

منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: ابو سالين في 13:19 06/02/2011

العنوان: مواصفات الزوج الخائن
أرسل بواسطة: ابو سالين في 13:19 06/02/2011
حلوة هذي للنسوان فقط!!!
أقرؤها وسوف لن تندموا!!!!
 
 
 
 
أولاً
موبايله دائما مقفول بكلمة سر (باسوورد)...وإذا عنده موبايلين فاثنينهم مقفولات بنفس كلمة السر.. وإذا تسأليه عن السبب يكول: (حتى من يضيع لو ينباك محد يكدر يستعلمه)
 
ثانياً
كل ما اتخابريه يطلعلك (انتظار)... أما بالبيت فنادراً ما يدك... لييييييييييييش؟؟.. محد يدري
 
ثالثاً
من يوصل للبيت يخلي موبايله على (الصامت)... والله شنو... ما اريد أحد يزعجني!!!... عليييييينه
 
رابعاً
إذا طلع من البيت للشغل لو للسوق لو يم جماعته ونسه موبايله... يرجع للبيت وره دقيقتين مثل (الطللللللللللقة) وياخذ الموبايل... صح لو لا؟؟
 
خامساً
إذا جان نايم يقفله للموبايل... كلشي يصير... إحتمال يدك لو تجيه رسالة وهو نايم وميدري... واتروحين  (من باب الفضول) اتشوفين منو لو تقرين الرسالة (كاررررررررثة موووو!!!!).
 
سادساً
 عنده (ردود استباقية).. يعني إذا دك موبايله.. يرفض المكالمة ويكول:... (آآآآهووووو، والله ثبرني فلان.. صار خمسين مرة يدك عليه... ما أريد اجاوبه)... زين إنت منو سائلك؟؟ حتى اتبرر.. لو يلي بعبه معزة يمعمع
 
سابعاً
أكو (إرتباط شرطي) بين المسج أو المسكول... وبين طلعته من البيت.... مدري شنو العلاقة بحيث أول متجيه المسج يتحجج بأي حجة علمود يفر ويله ويطلع من البيت
 
ثامناً
 يسولف بالموبايل من أماكن غريبة... مطبخ.. حمام.. حديقة.. طرمة.... المهم ماكو أحد يمه يسمع سوالفه ويه منو... فديري بالج
 
تاسعاً
الأسماء في موبايلة غريبة مثل
أبو غادة... يعني غادة
عنتر... يعني عبير
أنور... يعني نورا
الفيترجي... التنكجي... أبو المولدة... أبو الحصة
يعني أزهار... هناء... فائزة... ميسون
 
عاشراً
 إذا جنتي وياه بالسيارة... يكولك فد دقيقة أريد أشتري جكاير... وينزل من السيارة ويطب لأبو سوبر ماركت ... عشر دقائق علما يرجع... والله شنو.. إزدحام... لا ومرات وره هالتأخير يكول... (والله ماعنده جكاير من الأريدها)
 
أحد عشر
فجأة يصير وياج رومانسي جداً ويحبج ويتغزل بيج وبدون سبب او سابق إنذار..... هاي يسموها عقدة الذنب
 
إثنى عشر
ما يمنعك من الروحة لأي مكان... للسوك، للنادي، يم صديقاتج... المهم متبقين يمه حتى ياخذ راحته... وإنتي كمش متصدكين.. راساً  تتطلعين
 
ثلاثة عشر
كلما يجيب طاري الجهال يكول: (جهالج)... وميكول (جهالي) لو (جهالنا)... شي لا إرادي تسبق عملية اي زواج ثانية
 
أربعة عشر
إذا رحتي لبيت أهلج يخابرج ويكول:... (إذا متونسه خليج يمهم، وباتي همين إذا إتريدين)... وإنتي طبعاً ما اتصدكين وتسمعين كلامه...... خليج خليج.. خلي يفدوج أهلج إذا اتزوج عليج
 
خمسة عشر
يسولف بالأمور النسائية بشكل تفصيلي (حمل، مكياج، أظافر، رجيم، ميش)... بحيث تستغربين منين جايب هالمعلومات التفصيلية؟؟... يرادلها روحه للقاضي... من عندها غير
 
ستة عشر
من يكون عنده موعد وياها... يسويله أي مشكلة وياج ويتعارك.. ويطلع من البيت... حتى أخاف اتخابرين عليه ميجاوبك.. والله شنو!!!!... زعلان منج.
 
سبعة عشر
من يوصل للبيت بالسيارة.. يبقى كاعد بيها فد عشر دقائق.. وراها يطب للبيت... مو تدرون... السوالف بالأخير على الموبايل إتكون حلوة وما تتعوض.
 
ثمانية عشر
كل كلامه ويه جماعته بالألغاز... لأن كلهم على شاكلته.. كل مواضيعهم عن بنات
 
 
الخلاصــــه :
 
اذا توفرت في زوجك 3 حالات من الحالات السابقة:
تره إنتي تتوهمين تعوذي من الشيطان الرجيم بس انتبهي
 
اذا توفرت في زوجك 6 حالات من الحالات السابقة:
 خافي على زوجك وابدي شكي بتصرفاته
 
اذا توفرت في زوجك 10 حالات من الحالات السابقة: صور
 اكيييد انه يخونك لو يريد يتزوج عليج
 
اذا توفرت في زوجك 15 حالة من الحالات السابقة:
 اقطع إيديناتي الاثنين اذا ما كان خاين أو متزوج بوحده لخ
 
أما إذا اتوفرت كل الحالات الـ 18 بزوجك
عيوني.. لمي غراضج وروحي لبيت اهلج... حالة زوجك ميؤوس منها
 
 
 
 
 
 
العنوان: رد: مواصفات الزوج الخائن
أرسل بواسطة: ĈAŃDŶ في 13:32 06/02/2011
كلما يجيب طاري الجهال يكول: (جهالج)... وميكول (جهالي) لو (جهالنا)... شي لا إرادي تسبق عملية اي زواج ثانية

لا هذولي جهال الجيران هههههههههههههههههههههههههههههههه





يسلمو ابو سالين روعه روعه


كلكم خونة مو بس هذا رياجيل مصيرلكم جارة  :D :D :D
العنوان: رد: مواصفات الزوج الخائن
أرسل بواسطة: ــــ{{{ABADY}}}ـــــ في 13:35 06/02/2011
عمى ابو سالين اليوووووم انت ضدنا!!!!!!!!!!!!!!؟؟؟؟؟؟؟؟؟؟؟؟؟؟؟ ههههههههه



كيفن الحزب المعادى :D :D :D :D
العنوان: رد: مواصفات الزوج الخائن
أرسل بواسطة: بغداد بقلبي في 14:46 06/02/2011
موبايله دائما مقفول بكلمة سر (باسوورد)...وإذا عنده موبايلين فاثنينهم مقفولات بنفس كلمة السر.. وإذا تسأليه عن السبب يكول: (حتى من يضيع لو ينباك محد يكدر يستعلمه)
 
 ;D ;D ;D

بالفعل اشياء واقعيه طبعا من ورة هذا الموضوع اني متاكد راح تصير مشاكل ببيوت العضوات  وهنه منا النسوان ما ناقصات شكوك بس راح ايصير ن شرلوك هولمز ه ;D ;D ;D
العنوان: رد: مواصفات الزوج الخائن
أرسل بواسطة: كيتاريست فلامنكو في 15:54 06/02/2011
الرائع الصديق الجميل النبيل ابو سالين الورد
كم رائع هو موضوعك فيه من الابتسامات لا تنتهي
على وجه قارئه .. كل الشكر لك على تنبيهنا لكي
لا نفعل ما ذكرت في موضوعك .. ونحن نخون .. ;) :) :D
مع اني لست متزوج  :D ....
الف تحية اليك صديقي المحترم
العنوان: رد: مواصفات الزوج الخائن
أرسل بواسطة: ابو سالين في 19:25 06/02/2011
شكرا ماكنتوشه بس مو كلنه خونه نصنه >:(

حبيبي عبادي ميخاف بس اليوم(الحرب خدعه) ;)

بغداد بقلبي ان شاءالله ماكو اي مشاكل (الزلم دايخه ما ناقصين مشاكل) والنسوان ميصدكون بس يشمون خبر تشتعل النار

كيتار سيت فلامنكو.اخي العزيز هشام ان شاءالله البسمه دوم ولازم نشوف غير طرق لان هاي انكشفت خلص
العنوان: رد: مواصفات الزوج الخائن
أرسل بواسطة: شموسه123 في 21:33 06/02/2011
موضوع حلو شكرا لك ابو سالين
العنوان: رد: مواصفات الزوج الخائن
أرسل بواسطة: الرسام1973 في 23:15 06/02/2011
ابو سالين الف رحمه على والديك لان علمتني شلون اخون ....




الرسام ابو علاوي
العنوان: رد: مواصفات الزوج الخائن
أرسل بواسطة: شمعة في 23:46 06/02/2011
ابو سالين


ليش هيجي حبيبي ليش ؟؟  لييييييييييييش ؟؟  اتريد تعدمنا ؟؟؟ عمي ههههههههه  هسه انته فضحت كل الاسرار .. 

يعني على الاقل خلي  نصهن مضمومات مو تفضح الاسرار كولها  ;D ;D


اكولك حبيبي .. ما تنطيني رقم التلفون اريد اسولف شويه ويا اختي العزيزه  ام سالين عليك   ;D ;D



شمعه
العنوان: رد: مواصفات الزوج الخائن
أرسل بواسطة: ابو سالين في 08:02 07/02/2011
شموسه اسعدني مرورج

الرسام ابو علاوي حشاك انته ذهب ومتخون

حبيبي شمعه هيه هاي نصهن مو كلهن  ;) وام سالين قرته للرساله وزعلت راحت ابيت اهله :'(
العنوان: رد: مواصفات الزوج الخائن
أرسل بواسطة: angie-dawood في 08:43 07/02/2011
مشكوووووور اخي الغالي ابو سالين موضوع حلو 

 يعطيك الف عافيه
العنوان: رد: مواصفات الزوج الخائن
أرسل بواسطة: محيسن في 18:06 07/02/2011
ابو  سالين  مبدع  روح  ابواهسك  اكتب  على كيفك
العنوان: رد: مواصفات الزوج الخائن
أرسل بواسطة: ابو سالين في 12:23 08/02/2011
العفو اختي انجي والله يعافيج

اخويه محيسن انته المبدع (منكم نستفيد).
العنوان: رد: مواصفات الزوج الخائن
أرسل بواسطة: محيسن في 14:57 08/02/2011
ههههههههههههههههههههههههههه   ابو  سالين   طبعا     ابداعك   مو   يخرب  ابيوت  الا  ايطيح   ناطحات الساحب  هههههههههههههههههههههههههههههههههههههههههههههه


حبيبي  ابو سالين  ;D ;D ;D