ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: National في 19:39 08/02/2011
-
تدعو مواقع إلكترونية عراقية عديدة وموقع الفيس بوك وتويتر العراقيين العاطلين عن العمل والمثقفين والمسحوقين وخريجي الجامعات العراقية والعالمية الذين تحولوا الى ربّات بيوت وملايين العاطلين عن العمل وملايين الأرامل والأيتام ،الى الخروج في تظاهرات عارمة يوم الجمعة 25 شباط الحالي في ساحة التحرير بوسط بغداد.
ومن الشعارات التي يتم توزيعها الآن على تلك المواقع :
ألا يكفينا صمتاً ؟؟
ألا يكفينا صبراً ؟؟
ألا تعلمون أننا كالبعير الذي يحمل ذهباً ويأكل عاقولاً ؟؟
ألاتعلمون أننا نحمل على ظهورنا ما يقارب ( 100) ملياردولار سنوياً من واردات النفط والتجارة والسياحة ..ولا زلنا نأكل البصل ان وِجِد ؟؟
الموت لديمقراطية تحوّل السوء الى أسوأ !!
الموت لديمقراطية لا تعترف بشهادات أرقى الجامعات العالمية والعربية والعراقية !!!
الموت لديمقراطية تجعل الناس غرباء في وطنهم وتُزيد الغرباء غربةً !!
الموت لديمقراطية تغض النظر عن الحكومة السارقة للمليارات على أيدي وزرائها كالدفاع والكهرباء والتجارة و...و...و....بل وتحميهم وتيسر سفرهم للخارج ان أحبّوا !!
الموت لديمقراطية تسرق البنوك وتقتل حراسها على أيدي دُعاتِها !!
الموت لديمقراطية توعد بالشفافية لثمان سنين في جوٍ ضبابيٍّ مُغبِر !!!
الموت لديمقراطية تدعو العبد لعبادة الكرسي!!
الموت لديمقراطية الأغتيالات بكاتم الصوت !!!
الموت لديمقراطية أغتالت أرقى العلماء والخبراء والأساتذة لإزاحتهم عن مناصبهم ليحل محلهم من لم يُكمل قراءة (دار دور ) !!
الموت لديمقراطية الموت وقطع الرؤوس !!
الموت لديمقراطية تلقي القبض على القتلة ثم تُطلق سراحهم وتُعلن هروبهم !!
الموت لديمقراطية الجهل والفقر والتخلف والقتل !!!
الموت لديمقراطية تغتال القلم المعارض والكلمة الناطقة بالحق!!
الموت لديمقراطية الجدار العازل السرطاني الذي مزّق جسد حبيبتي بـغــداد !!!
كفانا 8 سنوات من الوعود الكاذبة في فترتي حكمهم الفاشل فلنجعل للفاسدين نهاية ولتكن الأنطلاقة في يوم الجمعة المصادف ( 25 /02 /2011 )في ساحة التحرير ببغــــــداد الحبيبة وتم إبلاغ الآلاف من الشباب الواعي عن طريق الرسائل الألكترونية و( الفيس بوك ) فبلّغ أخوانك من أجل عراق حر كريم .
وقد وجهت تلك الرسائل النداء لقوات الجيش والشرطة أن يكونوا حماة للوطن والشعب ..وأن يقف الجيش والشرطة كوقفة أخوانهم في تونس ومصر فلسنا في عصر الغوغاء والأسلحة القاتلة بل في عصر القلم والكلمة الناطقة بالحق من أجل الفقراء وأبلغوا الجميع بيوم ( ثورة الغضب العراقي ) من أجل التغيير والحرية والديمقراطية الصادقة ، غيّروا ..غيّروا ...غيّروا.
-
احنه هو هذا الفالحين بي بس شعارات.
لا يكفينا صبراً ؟؟
ألموت لديمقراطية تحوّل السوء الى أسوأ !!
كفانا 8 سنوات من الوعود الكاذبة
وين المطلب؟ شنو الهدف من هاي المظاهرات؟ بله التوانسه كالو الشعب يريد اسقاط النظام. وجانو كده و زلمه..المصريين استخمو نفس المطلب و ضافو و كالو الشعب يريد اسقاط الرئيس .. وكالو ارحل يا مبارك ..والله اسباع........ العراقيين ;D شنو مطلبهم؟ وشنو راح يكولون؟ فنه الي يكول نحن نريد اسقاط النظام. وثانيا يا جيش يا شرطة . رحم الوالديك متكلي قابل عايشيين بجزر الوقواق و ما نعرف شنو جيشنه الحالي. خليه سكته.
-
اشو شعارات وكلها الموت والموت
ماكو ولا شعار يحيى الشعب يحيى فلان
لو ويردون يذبون الصوج بالديمقراطية
اني افضل يضيفون شعار "كله من ايدينا"
هو منو فرض علينا الخربطه؟
-
ما اعتقد يصير حل ؟؟؟؟؟؟؟؟؟؟؟ولا راح يصير!!!!!!!!!!!!!!!
شوفو الدول التعبانه وين وصلت وتقدمت واحنا نرجع لورى.بعدنا نفكر بالكهرباء وبالبنزين وبالماء وسوالف حتى بالصومال والسودان متوفره واحنا كهرباء ماكو!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لازم نغير انفسنا اولا اولا اولا علشان نغير الذى نريده
-
this very sad
oh my gad
i hope happy for iraq
thank you so much
salwa
-
اخي المحترم جدا افرح عندما اجد لك موضوع ما لاني على دراية كاملة بحسن اختيارك للمواضيع اضافة لاني لابد ان اخرج منها بوافر ثقافي فتحياتي لك
تعرف اخي قبل ايام رايت على قناة فضائية ان هناك مظاهرة بمحافظة الديوانيه على اساس انهاسلمية وفعلا كانت كذلك ورايت المتظاهرين يرفعون شعارات تطالب الدولة بتعديل الحصة الغذائية ورفع الكمية وحتى شاهدت لوح خشبي وضعت عليه اكياس رمزية على اساس انها من الحصة التمونية وقد حمله المتظاهرون
لكن
لكن
لكن
هنا يظهر الفرق بين الجيش المصري بمصر والتي عمل ماعمل بفتره المظاهرات المصرية ووقوفه مع الشعب الذي يريد اسقاط رئيس وبين جيشنا الباسل ههههه مع الاسف الذي قمع هذه المظاهرةالسلمية التي تريد رفع كمية الحصة الغذائية والتي لم ترى النور بالاسلحة وسقط عشرات الشهداء كل ذنبهم انهم جياااع
يطالبون بحقوقهم
صدقا تالمت كثيرا اشكرك على فكرة الموضوع
-
ليش هو احد يكدر ياخذها حتى ننطيها
من كلام المالكي
-
قالتها الاخت امانى
تظاهره علشان رفع الحصه التموينيه؟؟؟؟؟؟؟؟!!!!!!!!!!!!!!! والله لو سودانى او صومالى راى ذالك لنصدم!!!!
-
اخوية العزيز
والله احجيلك وبكل صراحة
هو منو اللي انتخب هذه النماذج التعبانة ؟؟ مو الشعب ؟؟
بيهم اللي انتخب انتخاب طائفي واللي حزبي واللي ع اساس يغير
واللي ببطانية انطى صوته
ثم هاي النماذج اللي بالحكومة اغلبيتها ناس قتلة ومجرمين
يعني معقولة راح يعيرون اهتمام لمظاهرة ؟؟
وداعتي وداعتك اذا مايكتلوهم بالمظاهرة
يدعبلوللهم سيارة مفخخة تخلي طشارهم ماله والي
ثم خل نكون واقعيين
قابل ايران وامريكا راح يسمحون يصير تغيير بالعراق
بسبب مظاهرة ؟؟
ع العموم
اني من رايي متفيد المظاهرة لان حرامات واحد يصير بيه شيء
من ورا هيج نماذج تعبانة بالحكومة
لكن اللي يشوف بيها فايدة خل يجرب ويروح
والله يعديها ع خير
تحياتي
-
ليش هو احد يكدر ياخذها حتى ننطيها
من كلام المالكي
وداعة ياسر يجيه يوم
مو صعبة يم رب العالمين ينتقم من المجرمين بالدنيا
لو دايمة لغيره كان ماوصلته
-
سأل امريكي عربي: ماهو حلمك الذي تنوي تحقيقه؟
العربي:ان يكون لدي عمل.. وأتزوج.. وأبني منزلا
الامريكي:انا أتحدث عن احلامك وطموحاتك...وليس عن حقوقك!!!.
-
سأل امريكي عربي: ماهو حلمك الذي تنوي تحقيقه؟
العربي:ان يكون لدي عمل.. وأتزوج.. وأبني منزلا
الامريكي:انا أتحدث عن احلامك وطموحاتك...وليس عن حقوقك!!!.
طكت الدمعه بعيني من قرأت هذا التعليق
-
الله كريم اخوان ..ميصح الا الصحيح
-
شكرا اخواني الاعزاء على مروركم العطر وشكرا للاماني الرائعه على المشاعر الطيبه
وأرجو من الاخوه الاعزاء اللي اعترضو ان ايقدمون النه البدائل اما اذا اكو واحد يؤيد هذا الوضع فهذا بشيء اخر
وتقبلو تحياتي
-
الم قلبي هذا التعليق
سأل امريكي عربي: ماهو حلمك الذي تنوي تحقيقه؟
العربي:ان يكون لدي عمل.. وأتزوج.. وأبني منزلا
الامريكي:انا أتحدث عن احلامك وطموحاتك...وليس عن حقوقك!!!.
لا حول الله