ankawa
منتدى الهجرة واللجوء => الهجرة و واللاجئين => الموضوع حرر بواسطة: مروشه في 12:11 12/02/2011
-
سلامي الى كل الاحبه بهذا المنتدى الاكثر من رائع
الحقيقه اني استفسرة على هذا الموضوع سابقا ولكن لم يسعفني احدا عسى الان اجد من ينصحني او يشاطرني همي :
اعزائي ببساطه اني خابروني من عمان كالولي اني عندي مقابله الايام القادمه مع ذكر اليوم والافراد الذين يجب حظورهم الى المقابله الثانيه وكالولي انو جيك ايميلك واكد ماجيئك الينا رسميا .... بعد هل الفرحه والسعاده الي ماتنوصف (اكدر اكول غبطه حتى الثماله) اجيك الايميل ولغاية اليوم ماكو اي ايميل على المقابله ......حتى صار بيه وهواس قهري انو فاتح الايميل من الصبح الى اليوم الثاني وهكذا بس اريد اشوف شي بالانبوكس لكم والله .... حتى ماخليت دعاء لو طريقه ماسويته ... بس دون جدوى ..
نصحني صديقي انو اخابرهم ولكن دون جدوى ... اخابر والرقم لو مكطوع لو مشغول ......ادزلهم ايميل دزيت ماكو جواب
انصحوني لو احد من الي بالمنتدى صار بيه الي صار بيه حتى يرشدني .. ايفهمني ..ربي ابرد قلب كل واحد الي عنده حاجه ...والله حاير وقلبي وقلب اهلي ديتفطر لان ماظل ايام على مقابلتنى الى هيه بس بالتليفون ...
شســــــــــــــــــــــــــــــــوي اهــــــــــــــــــــــــــــــــل المـــــــــــــــــــــــــــــــروه
-
اللة ايساعدك ويساعد اهلك وانشاء اللة هسة ايردون عليك واللة ايوفقك انشاء اللة
-
ماعندج غير ادزيلهم استفسار ع الايميل فد كم مسج كلليهم خابرتوني ع المقابلة او ما اجاني ايميل المقابلة او الله كريم الله يسهل ع الجميع
-
اخي دزلهم ايميل انت واستفسر
وحتى اذا مااجاك الايميل انت تروح باليوم المحدد وبالوقت المحدد للمكان الي تصير بي المقابله
والافراد المذكورين يحضرون وياك
سواء استلمت ايميل او ماستلمت
لان بعمان عادة يعتمدون على التلفون والايميل شي ثانوي للتاكيد
عكس بغداد الي يعتمدون على الايميل والتاكيد يكون بالتلفون
-
شكري الى كل من العزيزه ريم عبد والى كل من نين وعلي
ريم عبد:
يعني امشي على نصيحتج واروحلهم على الموعد الي انطونياه ... هو هم هيجي ماكو غير حيل والله كريم ربي الروح والكاهم حاطين اسمي ... ادعولي ربي ايسهلي ....
يعني شكد شايف خربطه بس مثل هل خربطه ماشفت والله ... ربي اخلصنه من الاي او ام والاس اي في ومشاكلهم لان والله طلعت ارواحنى ومضل حيل بالكوه ... ربي ... صبرنا وخلي خاتمتهى مسك على الكل لان والله ضيعونه ذولي بعد ماضاع العمر بهل طلايب مال الزمن ..
شكرا والف شكر يعني والله هذا المنتدى هو رفيق ومساعد لكل حاير ربي يفتح للكل مخرج من هل مشاكل
-
هاااا عمان اي دزيلهم استفسارات او روحي ع الموعد ربي يسهل عليكم
-
ابعثى ايملات
-
عيني روحي بالموعد التلفون اهم من الاميل بعمان وان شاء الله تلكون ايسمكم وبالخير عليكم
-
اخي دزلهم ايميل انت واستفسر
وحتى اذا مااجاك الايميل انت تروح باليوم المحدد وبالوقت المحدد للمكان الي تصير بي المقابله
والافراد المذكورين يحضرون وياك
سواء استلمت ايميل او ماستلمت
لان بعمان عادة يعتمدون على التلفون والايميل شي ثانوي للتاكيد
عكس بغداد الي يعتمدون على الايميل والتاكيد يكون بالتلفون
اشاطرك الراي
-
اختي العزيزه روحي بالموعد مخسرانه شي
الن
-
اختي العزيزة جيكي السامب لان مرات يجي ايميل منهم ايروح على السامب وخابريهم ودزيلهم ايميل ايكول اني اجاني اتصال هاتفي يحدد بي موعد المقابلة بس مااجاني ايميل واني سوف احضر بالموعد المحدد للمقابلة ولاتاجلين هذا الايميل وسوي ربلي على اخر ايميل اجاج مهم وهذا هسة مو تتاخرين لان لازم اتاكدين حضورج لمجيء المقابلة
اتمنالج الموفقية