ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: العقيد في 12:44 13/02/2011
-
الله كريم بلكي العراق يصير حاله حال الناس
ويصير الشعب ايد وحده وصوت واحد مثل ما جان
شوفو الخبر
واكتب كلمتك لمساندة العراقيين
http://aljeeran.net/iraq/22737.html
-
ان شاءالله تجيب نتيجة
شكرا اخي
-
شكرا على الموضوع
-
الله كريم تسهيله من رب العالمين
احترامي
-
بالمناسبه هناك مظاهره ستقوم غدا في بغداد واخرى في يوم الجمعه
وللحصول على مزيد من المعلومات
هذه الكروبات على الفيس بوك تقوم بنشر اخر الاخبار
بغداد لن تكون قندهار
المركز الصحي العراقي
الثورة الزرقاء
تحياتي لصاحب الموضوع
-
تحياتي لصاحب الموضوع المحترم واشكره لنقل الخبر
ربي يساعد بغدادي واهلها ويحفظهم برعابته ورحمته
لكن هل تعتقد ان الجيش العراقي سيكون موقفه مع بغداد كما فعل الجيش المصري مع ابناء شعبه
هنا فقط عند الاجابة سنعرف ان هذه الحركة الثورية الشعبية الغاضبة سترى النور ام ستقمع باول لحظة مخاظ لها
تحياتي واحترامي
-
الله يساعدنا ويصحينا من نومتنا مثل ما صحى شعب تونس ومصر
مو بعيدة على رب العالمين
اذا الشعب يوما اراد الحياة ..... فلابد ان يستجيب القدر
طبعا المقطع ما فتح عندي لضعف النت بس رديت حسب ما افتهمت من الردود
عجبني موقف الجيش المصري بالتغيير الصار بس ما اعتقد جيشنا يتخذ نفس الموقف وهاي شفتها بعيني وانا شاهد عليها ولهسه احد اقاربي يعاني من ارتجاج بالمخ نتيجة طلقة براسه باحد المظاهرات الطالبت بالتعيينات وتحسين الخدمات وبس يعني مو ( مش عاوزينك اطلع بره )
تقبل احترامي اخي العقيد .... اخوك المقدم سابقا
-
شكراً لكل الاخوان والاخوات الي شاركوا
وبالنسبة ترى ما كو قوة ممكن توكف بوجه الشعب اذا ثار
صدكوني لو بس عدنا شويه من الي سوة المصريين جان
كل شي تغير شنو المصرين 20 يوم نايمين بالشارع وما
تغيرت كلمتهم ولا ضعفوا بيهم دكاترة ومهندسن ومثقفين
وفنانين ...اذا وصلو ربعنا لدرجة ان ينام بالشارع في سبيل
ان يساند اخوانه فاكيد راح تنجح بس اذا يجون بالعشرة الضحى
ويرجعون بالثنعش للبيت وباجر ما يجي ....فأقرأو السلام
كلشي ما يتغير...
وهاي خوش فرصة نختبر الديمقراطية الي باعو على موده العراق
خل نشوفه تشتغل ما تشتغل
احنا نتمنى ان يتغير شي... وانا فتحت هذا الموضوع لان الامر
يخصنا كعراقيين
وجدا اشكركم على مشاركاتكم
تحياتي...
-
اولا هذا الموقع مبين من اللنك مالته مجاني
يعني لو صاحبة خايف وهذا ميفيد يكون داعية لثورة
لو ميريد يخسر 20 دولار على الحرية والتغير الي تريدة الامة
ثانيا
اللي يدعو الى ثورة و انقلاب فهو يدعو الى هدفين غير اخلاقيين قبل الهدف الاخلاقي
الهدفين هما :
الحواسم
الانتقام
ولو كان يريد التغير النبيل و الاخلاقي لاستطاع التغير من خلال توعية الناس واثبات وجهة نظرة من خلال الانتخابات لانها الوسيلة الوحيدة القادرة على التغير اليوم في العراق والتي لا تعجب الكثيرين
واللي يقول ان الانتخابات مو ديمقراطية ومو نظيفة اقوله انت تعرف العراق من الاعلام او تررد كلمات غيرك وما التغيير الاخير الا دليل على كلامي
-
اخي العزيز كلاب اكين هل انت مستعد لنقاش هاديء ام نبتديء بالاتهامات ؟؟؟
طيب مارايك بالكروبات على الفيس بوك ؟؟ارجو منك تصفحها
هل هي تدعو الى نفس الاهداف الغير اخلاقيه؟؟
ثم ماذا عن هذه الحكومه الموجوده حاليا الم تاتي لنفس الاهداف الغير اخلاقيه؟؟؟
ليكن نقاش حضاري
-
لا حبيبي اسف لا اريد النقاش بالسياسة
لسبب ذكرتة سابقا
ولكن حاولت ان اذكر حقائق فقط يحاول الكثير القفز عليها وهي
هل الحكومه الحاليه و الحكومة التي قبلها والتي قبلها فرضت علينا بانقلاب او ثورة ؟ الجواب لاء
نحن من اتى بهم للحكم ولا نلوم انفسنا لاننا لم نختر جيدا (لاسباب طائفية او جهل ) بل نلومهم او امريكا او ايران ......الخ
هل من الممكن التغيير من خلال الانتخابات التي تجري كل اربع سنوات ؟ نعم و الدليل التغيير الغير هين الذي حصل في الانتخابات الاخيرة
صالح المطلك من مجثوث و ممنوع من الترشح الى نائب رئيس الوزراء !!!!!!
تحياتي
-
تحياتي لك اخي
شخصت الخطا
-
اخوان هيه المشكلة اذا اجه واحد يريد يروح للجنة مستعجل يعني مفخخ مو خاف يكرف هاي العالم المسكينه وياه و الله يخلي هلمساكين شذر بذر على كولتنه مو احنه نخاف من هاي والله احنه منخاف واكبر اثبات الزيارة المليونية لكربلاء مع التفجيرات والناس رايح فهوه هذا اخي السبب الي يخوف حقيقة شكرا جزيلا الك واجو ان يتسع صدرك لكلامي اخي العزيز
-
والله يا اخوان اذا على حجيكم هذا
يعني احنا ما راح تصير النا جارة
لان الوضع الحالي بالعراق ما ممكن ان يتغير لوحده
يعني شلون بالله نكعد ونصفن الواحد بوجه الاخر
يعني شنو الحل قابل ننتظر ملائكه تنزل وتنظف المكان
مع احترامي الشديد لكل الاراء بس
ترى انا لا مع الحكم السابق ولا مع الحالي
صدكوني ما الي لا بالموقع الي نشر الموضوع
ولا باي جهه بس 20 يوم وانا مكابل التلفزيون
واراقب المصرين واكول شيصير لو العراقيين صارو
ايد وحده مثل المصرين الي جانو ولا زالو ياكلون بخير العراق
بعدين هسه صارت المطالبة بحقوق الشعب غير اخلاقي
لعد شنو الاخلاقي بنظرك اخي clap again
مو هالانتخابات صارت وفاز علاوي يالله وين الحرية ليش ضغطو عليه ايران
وهددو بهدم العراق اذا المالكي ما صار رئيس وزراء بعدين
احنا ما نطالب بتغيير الحكم ولا بانقلاب احنا نريد حقوقنا كعراقيين
يعني 8 سنوات ما كدرو يعدلون الكهرباء هاي شتسميها.
هاي وجهة نظري بدون زعل وكل واحد حر يخلي وجهة نظرة بكل احترام
تحياتي.....
-
الله ينصر شعب العراق
-
والله يا اخوان اذا على حجيكم هذا
يعني احنا ما راح تصير النا جارة
لان الوضع الحالي بالعراق ما ممكن ان يتغير لوحده
يعني شلون بالله نكعد ونصفن الواحد بوجه الاخر
يعني شنو الحل قابل ننتظر ملائكه تنزل وتنظف المكان
مع احترامي الشديد لكل الاراء بس
ترى انا لا مع الحكم السابق ولا مع الحالي
صدكوني ما الي لا بالموقع الي نشر الموضوع
ولا باي جهه بس 20 يوم وانا مكابل التلفزيون
واراقب المصرين واكول شيصير لو العراقيين صارو
ايد وحده مثل المصرين الي جانو ولا زالو ياكلون بخير العراق
بعدين هسه صارت المطالبة بحقوق الشعب غير اخلاقي
لعد شنو الاخلاقي بنظرك اخي clap again
مو هالانتخابات صارت وفاز علاوي يالله وين الحرية ليش ضغطو عليه ايران
وهددو بهدم العراق اذا المالكي ما صار رئيس وزراء بعدين
احنا ما نطالب بتغيير الحكم ولا بانقلاب احنا نريد حقوقنا كعراقيين
يعني 8 سنوات ما كدرو يعدلون الكهرباء هاي شتسميها.
هاي وجهة نظري بدون زعل وكل واحد حر يخلي وجهة نظرة بكل احترام
تحياتي.....
الاخلاقي بنظري هو : ولو كان يريد التغير النبيل و الاخلاقي لاستطاع التغير من خلال توعية الناس واثبات وجهة نظرة من خلال الانتخابات لانها الوسيلة الوحيدة القادرة على التغير اليوم في العراق والتي لا تعجب الكثيرين
مو هالانتخابات صارت وفاز علاوي يالله وين الحرية ليش ضغطو عليه ايران
وهددو بهدم العراق اذا المالكي ما صار رئيس وزراء
هاي انت قلتها بنفسك مو اني ولو هي تبقى اقاويل لذلك اقول
لو هو جبان و خضع للضغوط لو ميعرف شلون يسايس ويوصل للهدف ويحقق الامانة الي كلفه بيها الي انتخبوه وفي كلا الحالتين فاختيارة كان خطاء
لذلك المرة الجاية ثقفوا الشعب على اختيار شخص او اشخاص يؤدون الامانة بشكل كامل
تحياتي
-
لا يغير الله ما بقوم حتى يغيروا ما بأنفسهم + شعب الشقاق و النفاق = بلد مغضوب عليه الى يوم الدين.
-
لا يغير الله ما بقوم حتى يغيروا ما بأنفسهم + شعب الشقاق و النفاق = بلد مغضوب عليه الى يوم الدين.
عشت اخويه ويلباور , والله كلامك صحيح ومعادلة منطقيه.
اؤيدك 100% .
-
أنا مع ارادة الشعب لكن هل القادم افضل من الحاضر يا ترى؟ :-\
-
شكرا للأخ العقيد على طرح هذا الموضوع
أحواني الاعزاء نأمل أن يكون يو 25 شباط هو يوم غضب حقيق على النظام الرجعي الفاسد
لذلك أخي الكريم ساهم في توعية الناس ووضح لهم ماهي حقوق الشعوب على حكامها
وضح لكل من تعرف أن الأمريكي او البريطاني او اي جنسيه أخرى على الأرض ليس هو افضل المواطن العراقي
يجب أن نعيش مثل شعوب العالم فشعبنا عائم على بحر من النفط والمعادن الاخرى الثمينه ويعيش تحت خط الفقر لأحتكار الثروه بيد طبقه من الفاسدين المترفين
فلنخرج ونقول قولنا الفصل في يوم 25 شباط
أخي العزيز تذكر أخوانك وابناء بلدك اللذين تم القائهم في غياهب السجون منذ سنين ولحد الان وتذكرو المجازر والأعدامات
تذكرو العوائل التي هدمت بيوتها على رؤسهم
من أجل اطفالنا وحتى لا تسرق ابتسامتهم أخرجو يوم 25 شباط
وتحياتي اليكم
http://platform.ak.fbcdn.net/www/app_full_proxy.php?app=7146470109&v=1&size=o&cksum=43d948b26c42dcdcce167a3dcd0cb8db&src=http%3A%2F%2Fwww.iraqup.com%2Fup%2F20110217%2FD5al7-qT6U_496826007.jpg[/img]](http://platform.ak.fbcdn.net/www/app_full_proxy.php?app=7146470109&v=1&size=o&cksum=43d948b26c42dcdcce167a3dcd0cb8db&src=http%3A%2F%2Fwww.iraqup.com%2Fup%2F20110217%2FD5al7-qT6U_496826007.jpg) (http://[img width=600 height=401)
(http://www.kitabat.com/s1959.jpg)
-
هذا تعليقي وردي على الموضوع بعد نشرة لمساندة اخواننا العراقيين المظلومين
محيسن ابو جوجوو في 2011/02/13
ايها الشعب العراقي انت عظيم ولن تقبل بالظلم ولا الاضطهاد ثور على هؤلاء الفاسدين في العراق وسارقيين ثرواتكم اليوم فرصة لكم وغدا مصيركم لاتدع الفرصة تمر عليك وتبقى اسير هؤلاء المفسدين في العراق
حبي لكم ايها الشعب العظيم ثورو على الفاسدين
محيسن ابو جوجو
0
محيسن في 2011/02/13
ايها الشعب العراقي المغلوب على امرك ذهب صدام وجاء الاكثر فساد وقتل من صدام اننا شغب مغلوب على امره اتمنى من كل عراقي ان يقف بوجه هذا الحكومة الفاسدة حتا تاخذون حقوقكم ابصط حقوقكم محرومين
موجود في التعليق في الموضوع الرئيسي
-
الف شكر اخواني الاعضاء
على مشاركاتكم
ويارب يتغير العراق ويصير من اجمل واهدأ الدول
ويعم السلام والمحبة بين الناس
تحياتي