ankawa
منتدى الهجرة واللجوء => الهجرة و واللاجئين => الموضوع حرر بواسطة: amtariq في 10:55 14/02/2011
-
السلام عليكم انا عراقية ومقيمة في قطر وبصراحة ينطيكم العافية ساعدتوني وانطيتوني ارقام هواتف UN في السعودية وخابرتهم ومليت الطلبات وخلصت كل شي وهذا الكلام من سنة وشهرين وظليت انتظر وصارت ويانا المقابلة اخيرا في بداية شهر 11 2010 ولحد الأن ماكو أي شي ممكن اعرف شسوي او شنو اللي راح يصير بعدين يعني اوكي ولا لاء راح يقبلونا لوبعد ننتظر لان هما مقصد حجيهم اننا مقيمين ومرتاحين ومامحتاجين لجوء ممكن تنطوني اجوبتكم والله ينطيكم العافيه
-
عزيزتي انتو مقيمين يعني عدكم عقد عمل لو شنو ؟اذا عدكم عقد عمل وكاعدين ومستقرين اكيد مابيها رجه من انه يحولوكم الى دوله اخرى وخاصه انه انتو هسه مستقرين ولا يوجد تهديد اما اذا انت اتريدين اللجوء ومحابه تبقين في بلاد عربيه عليك ان تخرجي من قطر وتاتي الى احدى الدول الاخرى الي بيها العراقي لا يجد عمل ولا يستطيع الرجوع الى العراق وحالته حاله حتى يقتنعون بحالتك واتكون لك اسباب قويه بعدم القدره في البقاء في العراق او الرجوع له .وهم تره مو كل الملفات تتحول للتوطين فادرسي الموضوع جيدا عزيزتي قبل ما تخطي اي خطوه
-
والله اخت ام طارق
اللي اعرفه الاجراءات تتاخر
فانتوا مصارلكم غير 3 اشهر من قابلتوا
اصبروا وراسلوهم دائما
بالتوفيق ان شاءالله
-
اختي العزيزة بعدكم باول الطريق المهم وراكم مقابلة ثانية الي هية المحلفين وراها يجيكم قرار المحلف وان شاء الله القبول وراها ايحددولكم الولاية وراها تحديد موعد السفر ان شاء الله شوفي اختي كل شي يعتمد على قصة التهديد وضروف الكيس مالتكم يعني اذا قصة تهديد قوية وياها ادلة ومستندات شغلتكم الموافقة عليها اضمن هاي شغلة شغلة ثانية اختلف ويا الاخوان الاعزاء با النسبة لانه انتم بقطر وعلى اساس مرتاحين يعني ما تنقبلون لا هاي مو شرط يعني الناس الي قدمو من تركيا او طلعو شنو يعني تركيا مو مريحة لو ما بيهة راحة نفس الشي با االنسبة لماليزيا والامارات فلا اتشيلون هم واقولك شي اختي كلها با الحظ الحظ اله دور ناس سوت مصايب الله كلها اوطلعت وناس لا مهددة ولا شي اوطلعت او ناس خطية حياتهم با الضيم وحالتهم صعبة او ما طلعو المهم اصبري وخلي عينج بعين الله ومن الله التوفيق واسف على الاطالة بس عموما شغلتكم بعد بيهة حوالي 6 ااشهر والله اعلم
-
السلام عليكم اخواني وخواتي لااعزاء بهذا المنتدا الرائع اني مشاركه جديده هنا واتمنى من الله يفرج كل هموم العراقيين امين عيوني اني مقدمه على اليوان من سوريا اني وزوجي واطفالي اثنين الله يحفظهم وصارلنه سنه 6 اشهر كلشي ماكو لاتصال ولا شي وانتم تعرفون سوريا ووضع يعني ماكو اي فرصه عمل بيه المهم زوجي عندا عقد عمل بلسعوديه ويريد نطلع هناك ومناك نقدم على اليوان واني حايره نطلع ونغلق الملف ومناك نفتحه لو ننتظر لحد مايتصلون علينه وحنه من العوائل الي جدا جدا متظرره وانطينه شهداء كثير وتهجرنه وكلشي وكلهن وثائق موجوده بس ماعرف شنو المشكله المهم اني اسفه طولت عليكم بس اني حايره شنو اتصرف ياريت الي عنده فكره على موظوعي يفيدني وجزاكم الله الف خير اختكم ام مهيب العزاويه
-
اختي العزيزه ام مهيب,
اذا تكدرين تحصلين الشغلتين ليش متردده , يعني شغل بالسعوديه هو شي مضمون المفروض زوجج و انتو تروحون , و تحولون الملف مالكم الى السعوديه , اولا بالسعوديه الاجراءات اسرع لان عدد العراقيين اقل اكيد من سوريا و الزخم على التقديم اقل , يعني اني اعرف صديقتي مقدمه جانت من مصر اضطرت تسافر على سلطنه عمان و رجعت فتحت الفايل بسلطنه عمان و خلصت الاجراءات هسه بانتظار الامنيه مطولت الشغله هوايه لان ماكو زخم , اتوكلي على الله و انشاء الله الي بيه صالح يقدمه رب العالمين
مع اصدق التمنيات بالموفقيه
-
رد: سؤال واحتاج للمساعدة .... ضروري
-
اختي العزيزة ام مهيب تكدرين اتحولين الملف مالتكم للسعودية ماكو داعي تغلقين الملف دزي رسالة لل يو ان واشرحيلهم ضروفك قصدي مال سوريا وشوفي شنو جوابهم وان شاء الله الموفقية الشغلة بسيطة لا تشيلون هم
-
السلام عليكم شكرا الكم اخواني لاعزاء اني كلش ممنونه لانكم الصراحه فدتوني كثير وكنت جدا حايره ودايخه ماعرف شتصرف يعني انشالله استمع النصيحتكم والتوفيق من الله ويارب يفرجها عليكم ويفتح ابواب الخير بوجهكم امين اني انشالله شنو راح يصير معاي ابلغكم وتحياتي الكم شكرا اختكم امهيب العزاويه
-
اخويه الغالي اشلون اقدر احول ملفنه يعني مسموح ننقله والطريقه اشلون يعني نروح نقابل لو شلون فدوه ياريت اذا تعرف تفيدني او جزاك الله الف خير ياطيب لااني ماريد اغلق الملف معنى ابدي من جديد انتظر جوابك شكرا الك
-
اختي العزيزة ام مهيب اني الي متاكد من عندة انه جماعة بغداد لانه اني من بغداد النلف يتحول عن طريق الايميل يعني ترسل الهم رساله تشرحلهم بيه ضروفك وانه تريد تتحول شوف يا دولة انت رايدهة وهمة ايجاوبوك وينطوك الاوكي با النسبة ال سوريا ما اعرف شلون الاجرائات اعتقد نفس الشي المهم اني راح اسال ناس امسوين هاي الشغلة قبل يعني محولين ملف وشراح ايفهموني راح ابلغج لو هنا با الموضوع لو على ايميلج وادللي الموفقية للجميع ان شاء الله
-
اختي هاي كل المعلومات عن اليو ان بالسعودية
تلفون : 0096614801815
فاكس : 0096614828737
الايميل : sauri@unhcr.org
موقعهم بالرياض
وهمة المكتب الاقليمي لدول الخليج
اما بالنسبة لنقل الملف والله ما اعرف يصير لو لا
بس تكدرين تسألين اليو ان الي يمكم بسوريا
وهمة ينطونكم جواب
اتمنى اكون ساعدتج حسب استطاعتي
-
مشكورين وربي يخليكم ماقصرتو تسلم اخويه الغالي العقيد ماقصرت الله ييفتحها بوجهكم امين يارب او شكرا الك اخويه الطيب ماعرف اكتب اسمك بس هم ممنونه منك وماقصرت ربي يحميك ويخليك ويسهل كل اموركم يارب انشالله اشوف شنو يصير معاي وابلغكم شكرا اختكم امهيب