ankawa
منتدى الهجرة واللجوء => الهجرة و واللاجئين => الموضوع حرر بواسطة: طير الموصل في 19:46 18/02/2011
-
السلام عليكم أعزائي أعضاء منتدى عنكاوة المحترمين
حبيت أكتب هذا الموضوع والذي قد تم طرحه مسبقا ولكن للاسف لم تكن هناك مشاركة واسعة ولذلك حبيت ان اكرره لانه يعتبر مهم بالنسبة لي و هو أيما أفضل بالنسبة للمسافر أبقى سنكل أو ادورلي بنت حلال واجي علما ان حالتي المادية محدودة؟ فاذا الزواج أفضل فممكن نعرف أشنو هو ألفرق بين الي يكون سنكل والي يكون متزوج من ناحية المساعدات؟ وهل مهم ان تكون لدى الفتاة التي يتم إختيارها تجيد القراءة والكتابة يعني تكون مثقفة؟؟
أرجو من كل عضو ان يبدي برأيه وخصوصا الاخوان الي هما بأمريكا وأنا جدا مشكور على آرائكم ومقدرها.
تحياتي الخاصة لكم
-
حبيبي الورد
انت راح تجي لامريكا اريدك تصبر ولا تزوج تجي هنا اشوف الدنيا عجبتك مثل لقيت شغل ايناسبك تكدر تتحمل غربة تكدر تتحمل تعامل الناس هنا اشوف نظام امريكا العمل الضرائب التعليم النظام الصحي وبعدين يالله اتقرر تزوج واجيب عراقية وياك حتى اذا انت اعزب وما عجبك الوضع ترجع براحتك
-
مشكوووور أخي repentant
على هذا الجهد والرأي الجميل الصراحة سمعت من الناس هوني هم قلولي إذا أعزب أحسن بس أنا فكرت أنه إذا جيت للامريكا ماراح اكدر ارجع إلا بعد الجنسية أقصد أطيق ارجع ورى كرين كارت بس المشكلة راح تأخر من حصولي عل الجنسية@
تحياتي
-
والله اني حسب اللي شفته المتزوج يهتمون اكثر بي لأن علمود الاطفال وهالشغلات وطبعا" الفود ستامب هم يبقى وشوية اكو فرص للمتزوج اكثر من العازب وثاني شي اذا تجي هنا مااعتقد راح تحصل وحدة وتزوج والزواج مكلف
-
شكرا" أخ مهند هادي على هذا الرأي...إذا متزوج أفضل حسب كلامك بس أنا محصل الكيس نمبر فكيف أضيف زوجتي الى الكيس إذا تزوجت؟ وهل ان الفترة تأخذ اطول لان إحتمال بعد شهر تيجيني المقابلة وإذا زوجت هل ان الزواج يؤخر هالشي؟
تحياتي
-
الفرق بين المتزوج والعازب بالمساعدات
يعني العازب مطول مساعداته 3 اشهر الله اعلم هذا ما سمعته من احد الاصدقاء العزب بمريكا
اما المتزوج وخاصة عنده اطفال المساعدات حتكون اله قوية ومستمره لان عنده اطفال الا ان يبلغون 18 سنة وبعد ال 18 مبلغ للشخص 250 دولار شهريا
فاكيد المتزوج احسن
الفرق الثاني هو
انه الي حيجي عازب مثل منكولها بالعامية بطرك روحه ميهمه وين ميكعدوا يكعد
اما المتزوج وعنده عائلة تصادف مرات متاعب ( بس مو شرط حسب المنظمة )
يعني مثل مرات يكعدون عائلة ويه شخص من غير جنسبة ( وهذا الشي ميفيدنه )
بهاي الحالة تكدر تكول للمنظمة احنه منكدر نكعد ويه شخص اطباعنه واخلاقنة متسمح هم حيفتهمون قصدك
فيكلولك اكعد ويا بس كم يوم الى ان ندبرلك مكان بمجمع ثاني
ثالثا : والاغلبية الي ديوصلون مؤخرا ديحضرولهم شقق فارغة ويسكنون بيها ( تعتمد على افراد العائلة من ناحية كثرة العدد )
وكتلك حسب المنظمة الي حتستقبلك شنو امكانيتها
فافضل شي هو المتزوج من كل النواحي
احتمال تشوف عذاب بالفترة الاولى بس تتعود وترتاحون
حبيت احجيلك تفصيل سريع بالمعلومات الي عندي
تحياتي
-
عظم الله اجرك أخي مان وألف شكر على هذه المعلومات القيمة والله الصراحة أنا متردد لهسة ماعرف ادورلي بنت حلال واجيبها وأجي والا ابقى أعزب
ما إفتهمت عليك إنت قلت العازب مساعداته ? أشهر؟ أنا لحد الان ماأعرف أنه العيشة صعة لو سهلة لان الزواج مسؤلية بس بنفس الوقت أعتقد أحسن لان الاطفال راح يأخذون جناسي امريكية وإن شاء الله تكون الفكرة اكثر وضوحا لي عن طريق المساعدة من قبل بعض الاعضاء الاخرون ومنك يا أخ مان
تقبل تحياتي
-
اخى العزيز انى ابنى صارله سنه بفلوريدا يكول اللى يزوج من بغداداحسن ليش ؟ يعنى اللى يجون اما متزوجه ويه زوجهه او بعدهم صغار البنات قليلات ومن يكون العدد قليل الاختيارات تكون محدوده يعنى منو يكول رح تلكى المواصفات اللى ابالكلئن كل شاب اكيد عنده فد مواصفات معينه لزوجه المستقبل زين اذا سافرت ان شاء الله وقررت وره فتره تتزوج لازم ترد ترجع لبغداد وتدور ومن الله يتمم ابخير لازم تسويلهه معامله والله اليعلم شكد رح تطول لم الشمل عينى انصحك مادامك بالبدايه اخطب وقدم اسم البنيه وبين ماتكمل المعامله انتو مزوجين ان شاء الله توكل علا الله واخطب بنت الحلال ومرح تخسر شي بالعكس احسن الك لئن يعتبروك عائله والمساعدات تكون احسن بعدين الزوجه اللى تاخذهه وياك لازم تكون الك عون وتكدر تتاقلم ويه الحياه هناك متكلى المتعرف تقره وتكتب شرح تسوي بيهه هناك هاى تصير عبء الك اخى العزيز والبنات المثقفات ماشاء الله هوايه هذا رايء الشخصي وانت صاحب القرار
-
اخي العزيز متزوج احسن من عزابي
1- من ناحيه العنايه و المساعدات و التأمين و الى اخره
2- و اهم شي اضمن الك من ان تتهاوى باشياء لا نود الحديث عنها و الحرتكفيه الاشاره (وحشاك وانت انشالله ارفع من هذا الشي).
3- الزوجه تهون احساس الفراق و تقف الى جانبك وتهون عليك مصاعب الحياة,
تبقى انت صاحب القرار و بالتوفيق
-
إختي إم تسنيم1 ألف ألف شكر على تعليقك والله تمام الزواج أحسن من جميع النواحي بس أريد أكلك أنا مامن بغداد انا من الموصل وماشاء الله اكو بنات حلوات ومثقفات..زين إذا خطبتلي وحدة باذن الله كيف أكدر اضيف إسمها على الكيس مالتي وأشكد تطول المدة برأيك؟ علما انا محصل كيس نمبر بس ما مسوي أي مقابلة؟
تحيأتي ومشكور على رأيك وصدكيني راح اتزوج
أكول إذا ابنك عندو موقع على عنكاوة كوم ممكن تكليلي شنو النك نيم لان أحب اروح للفلوريدا؟ شكرا
-
شكرا أخي ابن الحله
إي فكرت بالموضوع والصراحة الزواج فكرة حلوة وشرعية وأحسن بكثير من أن ننحرف ولو انا بعيد عن هذا الشي ولكن هاي غير دولة وغير عادات وغير ناس فالفكرة تختلف فالافضل كما تفضلت والاخت ام تسنيم1 بس أعتقد لوتكون صاحبة شهادة افضل وأحسن مو أرجو تبليغي افضل شهادة للبنت أشنو؟
تحياتي
-
أخوية طير الموصل حبي
تكدر تضيف زوجتك وشغلة عادية اصلا" ولعلمك المرغوب هوة المتزوج او اللي راح يتزوج قبل ليوصل لأمريكا واللي عنده اطفال ومياثر شي حبي اتوكل بالله وضيفها وعادي دزلهم العقد مالتك وضيفها على الكيس مالتك اخوية امورك عدلة مرتب امورك هههههههههههه مجطل لازم ههههههه
-
هههههه بشنو مجطل ؟شكرا" أخي مهند هادي يعني كيف اكدر أضيف الاسم يعني بأي طريقة؟ وبعدين آني بعدني ماخاطب كيف احصل عقد الزواج يعني بعد الخطوبة؟ وإذا أكو فرد حالة عملية لاحد افراد العائلة والعملية تتطلب خمسة اشهر يظل بالفراش هل ممكن تأجيل وقت المقابلة لحال انتهاء المدة؟ ارجوك أخي جاوبني سؤال سؤال وانتظر ردك الجميل.
تحياتي
-
اخويه العزيز طير الموصل انت نفس حالتي بس انا مخلص كلشي ومنتظر بس موعد سفر..وانا عااازب ولله الحمد..واعيش في الشام ... انا اكولك نصيحتي الك من اخ او صديق بكيفك انت .. انا لدي الكثير من اصدقائي في امريكا .. ومنهم عزاب ومنهم متزوجين .. والكل اشار انه العزاب اريح ... بس مو احسن من جهة المساعدات .. لان العائلة تلم يعني تجمع ... يعني مساعدات اكثر ولوقت اطول ...
اخويه العزيز اطلع هناك اول شي وعيش وكون نفسك ..واخذ الجنسية وراها ارجع اتزوج والي يعجبك ...
لان انت تكول انه انت بعد توك اول مقابلة وترى الشغلى تطول لاعبالك شغله هينه يعني بالقليل تاخذ الها سنة انا مو قصدي احبطك .. لكن هاي الحقيقة وانشالله يارب اتمنى لك السفر السريع والحياة السعيدة ...
مع تحياتي لك ... اخوك من سوريا
-
السلام عليكم أخي طه القيسي ألف شكر على ردك الجميل
الصراحة انا لحد الان مامقرر اي شي وجنابك قلت الاعزب أحسن زين انا عمري ??سنة وبعد سنة لما اطلع للامريكا وابقى خمس سنوات لما اخذ الجنسية يعني عمري راح يسير?? سنة مو كبير؟ يعني لو ازوج وحدة صاحبة شهادة هم تساعدني يعني تتوظف وهم اطفالنا راح يأخذون جناسي
بس اكو شي اللخ لو اتزوج وحدة امريكية بعدما تسلم أشنو رأيك أخي طه؟
سؤال آخر هل ممكن أحد يتزوج بنية من الشام وكيف يكون ذلك وكيف؟
تمنياتي بالسفر القريب ياأخ طه وحياة جديدث ومستقبل افضل
تقبل تحياتي