ankawa

منتدى الهجرة واللجوء => الهجرة و واللاجئين => الموضوع حرر بواسطة: s.n في 22:32 20/02/2011

العنوان: ألله يخليكم بشروني
أرسل بواسطة: s.n في 22:32 20/02/2011
                                                مرحبه أخواني وخواتي
ألله يخليكم ألله يخليكم ؟؟؟؟ بس اريد اعرف منو قابل مقابله أولى IOMعمان ويبدي الكيس مالتهJO-122
محتاج اعرف لان كلش تعبت من التفكير واتصل يوميه يكولي بعد ماعندك مقابله
وصاحب عائله وضروفي صعبة بعمان احتاج من الي قابلوا اي او ام 122 يبشرني

وكلش أشكركم واشكر القائمين على هذه المنتدى الرائع

تحياتي للجميع

سعد نوري
العنوان: رد: ألله يخليكم بشروني
أرسل بواسطة: (COBRA) في 22:40 20/02/2011
اخي  العزيز الله يكون بعونك
اخويه اتصفح الكروبات مال اي اوام يمكن تجد شي يخص الكيس مالكم والله كريم
العنوان: رد: ألله يخليكم بشروني
أرسل بواسطة: علي امون في 22:47 20/02/2011
ألسلام عليكم جميعآ

أخي الطيب وألله ماعرف شكولك ؟؟؟؟؟؟؟؟؟؟ أذأ اجاوبك عن نفسي اني JO-1228xx وانتظر مثلك وماعندي احد من الاصدقاء عنده 122 كولهم 123 و124

والصراحة : مع احترامي للجميع محد يحجي ويكول الصدك هنااااااااااااااااااااااااااااااك متشوفه الا وهو بامريكا يابه ليش متكول؟؟؟ علمود العين وانت تعرف بعد ... بلكي يجي واحد يمر يبشرك انت وعائلتك وألله يعينك أخويه


بالتوفيق للجميع

علي أمون
العنوان: رد: ألله يخليكم بشروني
أرسل بواسطة: ضـاع الوطن في 22:54 20/02/2011
والله اخوية كان بودي ابشرك واريح بالك بس شريد اكلك غير الله كريم تهون أن شاء الله

اني عن نفسي فالكيس مالتي 1222 متحول لل iom من شهر الـــ 6 ــــ2010 ولحد الان ممقابل ولا مقابلة
بس تقريبا وحسب علمي من الاصدقاء 90% من الي يبدي ملفهم ب 122 محد مقابل بعدة
أن شاء الله بكل تأخير خير بالنهاية
العنوان: رد: ألله يخليكم بشروني
أرسل بواسطة: زيد من عمان في 23:00 20/02/2011
اخوان العراقيين الشرفاء ساعدو الناس تره تعبت والله واذا واحد ميحجي والله عيب واحنا هنا بالغربة لازم واحد يساعد اللاخ واذا واحد ميريد يكول اني خلي يحجي القصة يكول صديق كرابيد بس كولو اكو احد قابل رقم 122 لو كلهم ممقابلين وارجو ان يكتب رقمه يعني شلون مثلا 122 ويكول اني رقمي باول مية رقم يعني اذا واحد رقمه 122080 وبالتتابع .


وشكرا ياشرفاء ساعدونه واحجو كل شي الله يخليك ويسهل امركم واتسافرون خلي كلنه نستفاد .


تحياتي
العنوان: رد: ألله يخليكم بشروني
أرسل بواسطة: ضـاع الوطن في 23:06 20/02/2011
اخوية زيد الله يساعدك ويصبرك بس الحقيقة اغلب الي كيسهم بالرقم 122 تحويل يو أن  مو تقديم مباشر بعدهم ممقابلين
والي يعرف شنو سبب التاخير ينطينة خبر الله يوفقة
العنوان: رد: ألله يخليكم بشروني
أرسل بواسطة: علي امون في 23:11 20/02/2011
                                           ألسلام عليكم جميعآ

وألله أخوية زيد من عمان كئانك في قلبي ؟؟؟ بس انكول البركه بالمنتدى والاخوان كلهم أنشألله ميقصرون وتحياتي للاخ ضأع الوطن
وألله يبارك بيكم واخونه سعد اصبر أنشألله تجيك البشارة من الاخوان ؟؟؟


تحياتي للجميع

علي أمون
العنوان: رد: ألله يخليكم بشروني
أرسل بواسطة: ريحـــانه في 04:17 21/02/2011
اخ سعد اول شي اكولك الله يساعدك و يعينك لان صحيح العيشه غاليه بالاردن و ماكو شي يلحك للمصرف اني عندي عائله و دا احس بمعاناتك بس الله موجود و انشاء الله باقرب وقت تجيك البشاره و يجيك تلفون مقابله اولى

ثانيا و حتى بالعكس اهون عليك اني هم 122 و ما مقابله ولا مقابله و انت المفروض ما تضوج لان من تسمع لا سامح الله اغلب ال122 قابلوا و انت بعدك ذاك الوقت الواحد يقلق بس انشاء الله انت من اواءل الناس الي يتصلون بيهم بس يبدون بال122

الصبر اخ سعد و بالتوفيق انشاء الله انت تكون اول من يبشرنا و فاتحه خير علينا كلنا
العنوان: رد: ألله يخليكم بشروني
أرسل بواسطة: s.n في 13:29 21/02/2011
أشكرج كثيرآ أختي المهندسنه وباقي الطيبين على مشاركتهم ويارب يتصلون لو أعرف اشوكت تبدي مقابلتي لان عايش بلامل

وتحيه الكم جميعآ


أخوكم سعد