منتدى الهجرة واللجوء => الهجرة و واللاجئين => الموضوع حرر بواسطة: مغترب بلا وطن في 08:28 22/02/2011
العنوان: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: مغترب بلا وطن في 08:28 22/02/2011
السلام عليكم
يا اخواني جانت المقابلة وتسليم الجوازات يوم 04-11-2010 , اليوم الرابع من شهر نوفمبر , ولحد الان ماكو فيزا واليوم هو 22 شباط 2011 يعني كومة ما اعرف شكد ما اكدر احسب لان ما بقى عندي عقل احسب بيه ولا صبر اصبره , الي يكدر يعزيني خلي يعزيني واكون اله ممنون والي عنده تفسير لهذا الموضوع ارجوك اكتبه لان دماغي ديفكر بستميت الف اتجاه بالثانية الوحدة, هسة اذا ماكو فيزا خلي يرجعون الجوازات نشوفلنه غير دولة تلفينا.
العنوان: رد: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: Aiham_ في 08:56 22/02/2011
الله يساعدك اخوية .......احسن شي انسة انو انتة مقدم للسفر ,,,, اويلي اني بعدني ما داز اوراقي ان في سي و من هسة بايك طن هوة من شغلة انتظار الفيزا ,,, بس يلة احنة جلدنا ادبغ من ورة الكوم . الله يسهل عليك و تطلعلك الفيزا
العنوان: رد: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: googoo في 11:50 22/02/2011
أخويه أستهدي بالله همه كلمن يقابل يكللوله بين 3 الى 6 أشهر يعني انت من تعبر ال6 أشهر يلله تبدي تقلق.
تحياتي
العنوان: رد: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: ARMY STRONG في 11:54 22/02/2011
googoooo
شلون حلوه بلسانك من تعبر 6 اشهر عود ابدي اقلق
مو الي بيده بل تار مو مثلالي اييده بل ثلج ;)
الله كريم
العنوان: رد: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: ابن الحله في 12:22 22/02/2011
هلا بيك هل وبجيتكت هله . حسب ماقريت و عرفت لازم بعد تنتظر اكثر بس هذا شي . اخ يابه احنه شلون لعد ... الله يحلها. اني هسه الكوم اخذ من ذاك الحساب وانوب ان في سي و هسه الفيزا . اكولكم ليش منبطل مو احسن؟؟؟؟؟!!!!! تره اشاقه بالتوفيق اخي العزيز
العنوان: رد: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: امين عبد الله في 12:39 22/02/2011
يمعود خلي عينك بعين رب العالمين واصبر وهسه تمر الايام وماتشوف نفسك الا وانت مخبوص بتحضير ووزن الجنط وتسافرون ان شاء الله و كلها تصير سوالف
العنوان: رد: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: الفانوس السحري في 12:40 22/02/2011
أخوية العزيز مغترب بلا وطن لا تضوج ترا اني قبلك بيومين قابلت يوم 02-11-2010 ولحد الان ماكو شيء مثلك وهيه هسه صارت روتين اعتيادي ساري على الكل 6 اشهر واني اصلا لا فكرت ولا دوخت نفسي كلت هيه تجي من كيفها , بس تظل تفكر تتعب نفسيا , واني خابرت ابو الدي اج ال هم كلي ما مستلم معاملات وكالي نفس كلام السفارة 6 اشهر اصبر والله كريم.
العنوان: رد: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: googoo في 12:54 22/02/2011
اخويه آرمي: الكوم أخذ مني 18 شهر يلله شرًف فعادي يعني من الواحد ينتظر ال6 أشهر .. الصبر ثم الصبر ثم الصبر هذا أختبار من رب العالمين لازم نصبر تحياتي
العنوان: رد: فترة انتظار الفيزا لجماعة SIV ???!!! ترة لا صايرة ولا دايرة
أرسل بواسطة: Haidar82 في 15:42 22/02/2011
اخوية اصبر اني قابلت قبلك ب 5 ايام يوم 31-10-2010 وكلولي تطول المراجعة الادارية 3 اشهر وانتهت وكلشي ماكو وبعد كم يوم يصيرلي 4 اشهر والمشكلة انو زوجتي هناك طالبة بعثة والسفارة لاقبلت تنطيني فيزة مرافق في السابق