ankawa
منتدى الهجرة واللجوء => الهجرة و واللاجئين => الموضوع حرر بواسطة: fufu_celebrity في 11:27 23/02/2011
-
هل المتقدم على (IOM) وتتأخر معاملتة سنتين او اكثر يحق له ان يقدم على برنامج (SIV)؟؟؟؟؟
-
اي ليش لا بس انتة مكمل سنة وياهم و عندك ركمنديشن و اج ار لتر و باجات
-
اي اني عندي اكثر من سنة وية هواية شركات, وعندي عشرات الريكمونديشمز من هاي الشركات, وعندي من الج ار رسالة ومن السوبر فايزر الامريكي؟؟؟؟بس لانه معاملتي على (IOM) صارلهة حوالي 3 سنوات وهي تحت الفحص الامني فاريد اقدم (SIV) فشنو لازم اسوي؟؟؟؟؟وهل البرنامج راح يخلص صيف هاي السنة 2011؟؟؟؟؟؟وشكرا للاجابة
-
اي ماتكولي وين جنت ياعنيي
ثاني شي هاي الشركات اللي مشتغل بيها منو يكول مشموله بل اس اي في؟
وين جنت تشتغل ؟
-
اني كنت اعمل في شركات ماخذة عقود من (USAID) وعندي منها هواية ريكومنديشينات واعتقد هي مشمولة ب (SIV) وايظا عملت مع شركة ماخذة عقد من (USG/DoD) بس ماعندي منها بس الباجات؟؟؟؟يعني انسى موضوع اللجوء الي صارلة حوالي 3 سنوات؟واقدم على ال (SIV)؟؟؟؟
-
أخي العزيز قدم وتوكل على الله ,, أني مثل حالتك تقريبآ سنة و8 أشهر على الأي أو ام مأجني كلشي مع العلم أني قدمت الجماعة وسويت اميلاتهم 2010 الشهر الخامس وقابلوا وفحص طبي واني بعدني تاليها فريت البكته مالتي ههههههههه على الأس أي في وحاليآ أنتظر الكوم بروفل,, بس لا تذكرلهم أنت مقدم على الأي أو أم
-
توكل بالله وقدم على ال SIV و ان شاء الله امورك سهلة
-
تحياتي للزملاء،،
نعم نستطيع و عملها شخص تأخرت معاملته باللجوء اكثر من 2 سنة..وبعد التقديم على الهجرة الخاصة حصل على الكوم بعد 4 اشهر ..توكل و اعتبر نفسك هذا اول تقديم لك ..لا تثير الماضي
تقديري لكم
-
اخواني الاعزاء:
كلكم تقريبا ذكرتوا (لاتذكر الماضي واعتبرهة اول تقديم)؟؟؟يعني ميصير اذكر بال(SIV) شغلة (IOM)وانه اني مقدم على اللجوء؟؟؟؟زين مراح يعرفون؟؟؟؟؟
-
اخواني الاعزاء:
كلكم تقريبا ذكرتوا (لاتذكر الماضي واعتبرهة اول تقديم)؟؟؟يعني ميصير اذكر بال(SIV) شغلة (IOM)وانه اني مقدم على اللجوء؟؟؟؟زين مراح يعرفون؟؟؟؟؟
اخي فوفي مراح يعرفون وماكو حاجه ان يعرفون
وهيه مو فد مخالفه بس حتى الي يقدم على برنامج يفسح مجال للاخرين بالتقديم على البرنامج الثاني ويقلل من الجهد عليهم بالاتجاهين
وحتى لتتكنسل قضييتك عند ال اي او ام خليها ماشيه الى ان تحصل الفيزه يله تلغي الاولى
واذا عندك احد من اهلك تريد تقدمله على الكيس مالتك ايضا ينفعك
ولتخاف كل الي مقدمين على الس اي في عدهم كيسات بال اي او ام
-
اخوية انت بعدك على اتصال بالمسؤول الامريكي مالتك لو لا؟ هاي مهمة الشغلة
وثانيا الشركات اللي عقودها غرانت grant ما مشمولة اخذ الريكومنديشن مال المسؤول اللي بشركة متعاملة وية وزارة الخارجية او وية الجيش
-
هاا صدك العقود كلها مطلوبة بعدين راح يريدوها منك انت تكدر تدبرها لو لا؟؟
-
شكرا اخواني عالجواب, بس ياريت توضحولي شلون اقدم على (SIV)؟؟بعد (IOM)؟؟؟ واهم سؤال عندي: اذا سئلوني مقدم لجوء على (IOM) شنو اجاوب؟؟؟؟اخاف اذا كلت لا يكولون انتة كذاب وترفض معاملتي للابد؟؟؟؟؟ممكن التوضيح؟؟؟وسؤال لاخ بدون زحمة : شلون اقدم على ال (SIV) من البداية؟؟؟وهل المقابلات مثل (IOM) يعني مقابلتين وحدة معلومات عامة والثانية مراجعة وية المحلف؟؟؟؟؟لو تختلف؟؟؟؟وشكرا جزيلا
-
أخ فوفو شلونك أنت زين لو لا ,,,, الحمد الله يعني زين
ثانيآ الأسم مالتك كلش عجبني لأن جان عندي ولد وياي بالعسكرية أسمه فوفو من أهل البصرة فد لا تطلع انت هههههههههه
هسه نرجع القضيتك
أولآ بالنسبة اذا عرفوا أو لا ترة مو فد شي ضروري بالنسبة الهم لأن الاي أو أم مرات يرسل رسائل متفرقة للمتقدمين على برنامجهم يكولون بيها (علينا ضغط أهوي تكدر أتحول على برنامج الاس أي في) يعني بيها شرح مطول بس الخلاصة يعني التحويل مسموح والاس أي في عدهم علم بذالك ومثل ما كتلك أني قدمت على الاس أي في ومنتظر الكوم بروفل ولا أضل متردد قدم وتوكل على الله وأي شي تحتاج أحنا أخوتك وراسلني على الخاص و لا تتردد بالمراسلة أذا أحتاجيت شي
وهاي مال سألوني عوفها هسه لأن يرادك أقل شي سنة يله تجيك المقابلة
وعدد المقابلات بس وحدة ومطول أكثر من ساعة وبسيطة جدآ ومتخوف وهاي بعدين نفهمك بيها بس دقدم مو موتتني عاد هسه مو الطيارة واكفة تنتظرك ههههههههههه حبي أشاقة وياك لا تزعل الله عليك
أذا نويت أتقدم عود نبدي بالشرح علمود أدزلك أشتحتاج
وأدلل
-
هههههههه لا صديقي انا ماازعل منك وبعدين اسمي لان مثل متعرف انو احنة بالعراق كلنة الي نشتغل وية الجماعة عدنة اسماء مو هية واني هذا النك مالتي.....
المهم اني صارلي من الشهر السادس 2008 على برنامج ال (IOM) مقدم وليهسة ماكو شي وطبعا خلالهة فحصت 3 مرات بابن البيطار ومرتين فنكر برنت وكل ماادز ايميل يكولولي بالسيكيورتي روتين وبكليشة اوتاماتيكية فشنو اسوي......فقررت ان اقدم على (SIV).
بس عندي هم سؤال؟؟؟؟؟ برنامج SIV يحتاج يراسلون السوبرفايزرية مالتي؟؟؟؟زين شلون يتصلون بيهم؟؟؟؟لو عادي بس يعتمدون على الباجات والريكومنديشينات والعقود؟؟؟؟؟؟؟
وشكرا يااصدقائي
-
هههههههه لا صديقي انا ماازعل منك وبعدين اسمي لان مثل متعرف انو احنة بالعراق كلنة الي نشتغل وية الجماعة عدنة اسماء مو هية واني هذا النك مالتي.....
المهم اني صارلي من الشهر السادس 2008 على برنامج ال (IOM) مقدم وليهسة ماكو شي وطبعا خلالهة فحصت 3 مرات بابن البيطار ومرتين فنكر برنت وكل ماادز ايميل يكولولي بالسيكيورتي روتين وبكليشة اوتاماتيكية فشنو اسوي......فقررت ان اقدم على (SIV).
بس عندي هم سؤال؟؟؟؟؟ برنامج SIV يحتاج يراسلون السوبرفايزرية مالتي؟؟؟؟زين شلون يتصلون بيهم؟؟؟؟لو عادي بس يعتمدون على الباجات والريكومنديشينات والعقود؟؟؟؟؟؟؟
وشكرا يااصدقائي
يراسلون السوبرفايزر على ايميله الرسمي
-
نعم من حق اللي مقدم على IOM أن يقدم على SIV لأنه برنامج مستقل بحد ذاته لكن بشرط ان تكون مكمل سنة مع جهة امريكية
-
بشرفك انت مستحق اس اي في ورايح تقدم علا اي او ام؟؟؟
اخي قدم اس اي في ومشي كل معاملة بصورة مستقلة عن الثانية ولا تنتظر اي شي
-
صديقي فوفو أكيد راح يتصلون بالسوبر فايزر لان لازم يكتب أسمه والايميل مالتة أضافة الى رقم الهاتف بالريكومنديشن الي راح يسولكياها وعن طريقهن راح يخابروا أو يدزوله أيميل علمود يتأكدون من صحة المعلومات الموجودة بالتزكية ومن يجاوبوك راح يحطوا بالسيسي
وأدلل ( قدم عاد مو راح تطلع بالجاهل) هههههههههههههههههههه