ankawa
منتدى الهجرة واللجوء => الهجرة و واللاجئين => الموضوع حرر بواسطة: طير الموصل في 19:50 24/02/2011
-
ألسلام عليكم إخواني واخواتي الاعزاء
أريد من كل واحد ان يكتب المدة الاجمالية يعني من اليوم الي قدم الاوراق وإلى يوم السفر ارجو المشاركة من الكل حتى يستفيد الجميع وأنا اول الناس.
وشكرا من الجميع
-
سيدي العزيز ليس هناك فترة زمنيه محددة تستطيع القياس عليها لانه كل قضيه وظروفه واشكالاتها وتعقيداته
سنه ونص لحد الان وبعدني عالشحن siv
-
عمي ماكو قياس الله وكيلك كله تره شغله حظوظ و داعتك
يعني اس اي في صارت انكس و اتعس من اي او ام
في وقت كانت اس اي في اذا الواحد يتاخر كلش كلش سنه و هو مسافر
هسه بس الكوم ابروفال ياخذله سنه من عمرك
و اي او ام معروفه شغلتها من زمان نعبانه
-
أخواني مشكووور على مشاركاتكم
عراقي هواي والله الفترة الي انت مريت بيها كلش طويلة سنة ونصف وبعدك ممسافر الله يعينك ويصبرك ونتمنالك السفر القريب ان شاء الله@
أخوية ARMY STRONG يارب يفرج عليك كربتك ويعجل سفرك بجاهد اسمه العظيم بس انت ما كتبتلي الفترة الزمنية الي مريت بيها ومشكور على مشاركتك اخي الغالي
تحياتي
-
عمي طير الموصل
اني مقدم اس اي في من شهر الواحد 2010 و معارك و دفرات يله حصلت مقابله بشهر الرابع 2011 زين تحسبها هاي هم سنه 16 شهر وين تلحكها فد 6 الى 7 انتظار فيزا هاي 23 شهر و شهرين تاخذلها ويه اي او ام حته تسافر هاي شكد؟ 25 شهر
بله مو قهر ؟ زين اي او ام
شغلتها هم بايكه هو مقدم من شهر 8 2009 و عود قبل 4 ايام الي وياي بل كيس يله قابلو محلفين شكد؟ هاي سنه و نص
تلحكها امنيه كول 6 اشهر هاي اذا مبخت انته تلحكها تحديد موعد سفر الله اعلم شوكت
يعني شلون ماجان الشغله عاويه و تحب صبر
اخير شي شسويت اني
شلت غريضاتي ;D و هجيت لغير مكان ;D ;D لا اي او ام ولا منيه اس اي في
-
و الله صوجي ما سويت مثلك ارمي
-
والله مااكول غير الله يصبرك.. الفترة كلش طويلة بس ما بيدنا حيلة هاي هاي المشكلة الي دنواجها.. يعني لازم واحد يصبر ?? شهر يالله يكدر يسافر يعني آني قدمت على آي إو إم ب ? /?? /???? وإستلمت الكيس نمبر بتاريخ ??/? شوكت تتوقع تطلع عندي المقابلة؟ أنا أتوقع بشهر الجاي انت شتكول؟
-
ارمي سترونك دتعال شوف امريكا ترة امريكا حلوة شعندك كاعد ابلجيكا , ;D
اني شفتها لاميركا وان شاء الله اعود الى ادراجي للنرويج سالما غانما ;D
-
ارمي سترونك هاي انته بكل مكان موجود 8).ارمي انته يعني تأييد للواحد افضله ان ياخذ شنغن و يجي للاوربا؟
اخي ايهم,اني محتار شنو اسوي ,بما انته مقدم على امريكا,شنو تنصحني اقدم على ال SIV لو اروح ورة صديقي ارمي سترونك.
حبي مغترب بلا وطن, رايك مهم,انته بشنو تنصحني ,امريكا لو اوربا؟
-
عزيزي افلك هية تعتمد علا الشخص وشيريد يسوي بحياته اني كتبت بهذا الموضوع بالتفصيل للاخ ابو الوليد بمواضيع الحياة العامة في امريكا وجان اسم الموضوع , تعالوا نتكلم بصراحة لماذا اغلب الناس لا تريد امريكا.
اذا تحب تعرف رأيي ف اني كاتب جريدة هناك والاخوان اصحاب الخبرة هم كتبوا كل واحد جريدة لان صاحب الموضوع طلعلة توطين في امريكا ويريد يحول الى المانيا ولو تروح تشوف الموضوع صايرة بالدفرات ف تكدر انت تقره كل الردود وتقرر بنفسك.
تحياتي
-
عيوني Affleck اني وين ماكو موضوع قجق و اس اي و رفض امريكا
تلكاني اول واحد هناك ;D
انته لهسه دايخ و الله كتلتني
اني اعرفك انته مزلغ روحك على فلندا و لا تكولي لا ;D
صديقي مغترب بلاوطن
هسه انته شفت امريكا و شفت النروج ;) شتكول ;)
شو راح ترجع للنروج شنو الفلم ;)
-
اخوية ارمي , النرويج بيها ضمانات اكثر من امريكا ولحد الان اني ما مقرر , راح ارجع للنرويج علمود تجديد الاقامة لان النرويج لازم تجدد الاقامة بيها كل سنه مو مثل بلجيكا او السويد او غيرها.
بمناسبة وقت الانتظار مال الفيزا حبيت انزل الفيزا مالتي واريد تنتبهون علا تاريخ اسمه Clearance وتاريخ اصدار الفيزا , راح تشوفون السفارة طولت 20 يوم بس لاصدار الفيزا , والي اعتقده انو فترات الانتظار الطويلة الي دتصير بالعراق هية خاصة بال Clearance مو باصدار الفيزا نفسها وتكدر تشوف هذا الشي بوضوح بالفيزا مالتي
-
اخي مغترب بلا وطن, شكرا على الاجابة و ممنون منك هواية.اني بصراحة قرات هواية مواضيع بالمنتدى بخصوص هذا الموضوع,و مراح تكدر تقرر لانه واحد يرفع ولاخ يكبس.اني سالتك مثل متفضل الاخ ارمي سترونك ,انته هسه شفت امريكا و شفت النرويج.سؤالي منو الافضل و ليش اذا امكن ؟
حبيبي و اخوية العزيز ارمي سترونك,مو كتلك انته شدة ورد مو بس وردة وحدة.و ليش تشهر بيه بخصوص فلندة ;D, هسه اني محصلها و كايل لا ;D.انته شنو رايك ارمي ,منو الافضل امريكا لو اوربا؟ادري بيك قجقجي و هسه تكول اوربا .بالمناسبة اذا اني كاتل روحي لى فلندة ,انته موت روحك على بريطانيا.هسه اريدك تسولفلي على بريطانيا خلي اشوف شنو فلمك وياها ;D.
تحياتي للجميع........
-
اي كلامك صحيح
هو معروفه الكليرنس هو الي ده يأخر اصدار الفيزا
و هذا يفرق من شخص الى اخر يعني اكو ناس طلع كليرنس مالتها ب 3 ايام و بااسبوع و هذوله من كل 100 طلعلك فد 5 منهم
و الباقين ينشتلون اشهر
اكلكAffleck هههههههههه
اني فلمي ويه بريطانيا ما يتسولف ;) اروح اروح ;)
عيني Affleck يااخي كل شخص اله وجه نظر مختلفه مستحيل تلكه 2 الهم نفس النظره و شغله اوربا و امريكا ما تعتمد على هذا كال و هذا حجه اذا ما تشوف و تجرب بنفسك جذب راح تفتهم شي من الحجي
اني شفت اوربا و لو ماصارلي هواي هنا
و ده اسمع حجي على امريكا
بس الدوده ما تفوخ ;) اذا مااروح لاامريكا و اشوف بعيني ;)
بعدين هي تصفه
للعلم اني بعدها فرصتي اروح لااامريكا بس هسه مااجلها شويه خلي ارتب اموري هنا و الله كريم
-
اخوية افلك اوربا بيها ضمانات اكثر بهواي من امريكا , يعني اذا تتمرض ب اوربا اكو من يعالجك بس بامريكا اذا ماعندك ضمان صحي راح تخلصها علا البنادول , بس باوربا المساعدات تبقى وياك من المهد الى اللحد , اذا انت تحس انو انت غير قادر علا منافسة الامريكان نفسهم بسوق العمل ف لا توصل امريكا , علا كولة واحد صديقي ساكن جواية يكول , هاي امريكا معمعه, ;D , يعني يراد تسرفنلها وتركض ركضة طويريج وياها. بس ب اوربا تحديق من هذا الاصلي الي يعجبك , اول ما وصلت للنرويج انطوني ملابس ولحاف وكالولي سوق ;D ;D, تبقى انت وطموحاتك والاشياء الي تريد تسويها بغربتك ومحد يكدر يقرر عنك , انت لازم تقرر بنفسك.
ارمي سترونك , الحياة هنا بيها ونسة مو طبيعية واذا اجيت هنا راح تنسى بريطانيا مثل ما اني نسيتها لان اني جنت اسمي نفسي عبد لندن سابقا هههههههه بس شسوي الحظ ماخلاني الكه معبر للجزيرة المباركة واضطريت ابصم بالنرويج. >:(
-
أخي السائل (صاحب الموضوع):-
سابقا كانت الفترة وعلى البرنامجين من سنة الى سنة ونص وحاليا صارت من سنتين الى سنتين ونص بسبب الزخم طبعا
-
شكرا أخي kunda
والله الفترة كلش صارت طويلة لازم نصبر شنسوي ماكو حل.
تحياتي