ankawa
منتدى الهجرة واللجوء => الهجرة و واللاجئين => الموضوع حرر بواسطة: NEVER FORGET في 10:15 25/02/2011
-
اول شي اتمنه السفر وتسهيل الامور للجميع باذن الله قريبا
سؤالي انا مقابل وفد امريكي ومكمل فحص طبي وصار سنة عالمقابلة تقريبا
ولحد الان اجراءات امنية
هل من الممكن اني انقل ملفي من ICMC لبنان الى ICMC تركيا
لان متوفر الي شغل بتركيا والظرف بلبنان جدا صعب ومندري باي ساعة اي حزب واي عمامة تنلف علينه
لكن بتركيا متوفر الي شغل وسكن الى ان الله يفرجها
ارجو من اهل الاخبرة الاجابة
والله يجازيكم خير يارب ويسهل اموركم الجميع وتسافرون
-
اخي العزيز ابعث ايميل للمنظمه الي مسأوله عليكم واسأله وتنطيك الجواب المضبوط ..او خابرهم بتلفون ولا تكلهم انك لاكي شغل بتركيا بس كلهم اريد اروح لتركيا لعدم استقرار الاوضاع في لبنان..والله يسهل عليك وتسافر ان شاءالله
-
اخي الكريم
قبل اي تصرف من قبلك عليك ان تخبر منظمة الهجرة اولا بحجة انك تشعر بان الوضع السياسي في لبنان غير مستقر و ان الوضع مهدد بالانفجار في اي لحظة و انك لا تعلم متى تتم الموافقة على طلبك للهجرة وانك خائف من تأخر الموافقات في حالة تأزم الوضع في لبنان دون ذكر اي شئ عن فرص العمل المتاحة لديك في تركيا. فعسى ان تأتي موافقاتك دون الحاجة الى ذهابك الى تركيا
-
اخي العزيز انت الان بمرحلة انتضار الموافقات الامنيه وماعندك بعد اي مقابله وميحتاج تنقل ملفك الي اي بلد اخر
اذا تشوف انه شغلك في تركيا احسن
فتكدر تروح لتركيا وتنتضر بدون نقل الملف وتبقى على اتصال معهم عن طريق الايميل
ومن يجي موعد السفر ترجع الى لبنان وتسافر او تطلب منهم يكون السفر من تركيا اذا وافقوا خير على خير
-
اشكركم جزيل الشكر على الاجابة والله يوفقكم
بالنسبة لاقتراحك اخت ريم اني ما اكدر اروح تركيا وارجع لبنان من يطلع السفر لان ماعندي اقامة
وبقيت بس انتظر يوم الاثنين اتصل بالمنظمة واسالهم
ومثل مكال الاخ امين عبدالله ما انطيهم اي علم اني عندي شغل بتركيا
الله يوفقكم جميعا
-
السلام عليكم؟؟؟؟؟؟؟؟
هسه الامم المتحده لو ينطون هويات للاجئين ييكدرون يعبرن حدود الى دول الجوار جان هوايه امور انحلت,,
خوش اقتراح بس منو يطرحه عليهم .... الله يسهلك ياخي ابو لبنان
-
كان الله بالعون اخي العزيز
لا املك لك سوى الدعاء من الله بالتوفيق والفرج القريب
اخوك الناسك
-
اخي بس انت اول شي اسال على ملفك بالكي الله جايه الموافقه الامنيه ويحددولك سفر حتى بعد ماكو داعي اتروح التركيا كبل اتسافر ومن الله التوفيق
-
اول شي اتمنه السفر وتسهيل الامور للجميع باذن الله قريبا
سؤالي انا مقابل وفد امريكي ومكمل فحص طبي وصار سنة عالمقابلة تقريبا
ولحد الان اجراءات امنية
هل من الممكن اني انقل ملفي من ICMC لبنان الى ICMC تركيا
لان متوفر الي شغل بتركيا والظرف بلبنان جدا صعب ومندري باي ساعة اي حزب واي عمامة تنلف علينه
لكن بتركيا متوفر الي شغل وسكن الى ان الله يفرجها
ارجو من اهل الاخبرة الاجابة
والله يجازيكم خير يارب ويسهل اموركم الجميع وتسافرون
اخي اي شي تريدون تحويل ملف من دولة الى دولة الغاء سفر الغاء شخص من المعاملة اي استفسار عن ملفكم اتصل او راسلوا الجهة المعنية هما ينطوكم الجواب الاكيد رغم نساعد بالي نعرفه لاكن لازم تعرفون كل كيس شكل وكل دولة شكل وكل فترة قانون شكل بدوائرهم حتى مرات المحامين الهجرة ما يعرفون باي تغير يصير بدوائرة اليوان اي او ان اس اي في كل البرامج لذالك انصح دائما التاكد منهم قبل ان تخطون اي خطوة بمعاملاتكم ودليل كلامي مواعيد السفر الي تاجلت لمعظم الناس محد يعرف ليش وحتى المنظمة الي تستقبلهم معرفت غير اخر لحظة لذالك انصحك اخي مراسلتهم والتاكد منهم قبل ما تخطي اي خطوة ربي يوفقك
-
اشكركم جزيل الشكر على الاجابة الوافية
واتمنالكم الخير وين ماكنتو
واشكرك اخي الناسك على تعاطفك القيم
وشكر جزيل الشكر لكل الاعضاء
وشكرا للاخت انجي على التفضل بالاجابة
وان شاءالله غدا الاثنين اتصل بيهم واشوف شنو قرارهم
والتوفيق من الله