ankawa

منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: السندبادي في 10:57 26/02/2011

العنوان: هل تقبل بان تحضر زواج من تحب
أرسل بواسطة: السندبادي في 10:57 26/02/2011
اخواني ..اخواتي هذا اول موضوع اطرحة في هذا المنتدى الراقي وارجوا ان ينال احسانكم ... 


بعض الأشخاص لهم قصة حب عاشوا فيها

وتعايشوا معها بكل تفاصيلها واحداثها

ضحك منها ايااااااااام

وبكى منها بعض الاحيان

وسعد بهاااا وحلق في عالم المحبين ايام وليالي

ورسم خطوط للحظات اللقاء

وكتب فيها أجمل ماقيل بالحب

وخط على الورق الشعر والنثر للمحب

ولــــــكن ......!!!

البعض ختم هذه القصه باجمل النهايات

والبعض انتهى حبه بالفراق

وبزواج الحبيب ... من شخص اخر

أو بفقدان الامل من الزواج بالمحبوب

سؤالي هو؟؟

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟


وبرر موقفك اذا رفضت واذكر السبب اذا وافقت الحضور ؟؟


وهل من الممكن ان تنسي من فى يوم من الاييام اعتبرتها حبيبتك\ حبيبك؟؟

اتمنى منكم التفاعل  وتشجيعي ...
 

اخوكم السندبادي
العنوان: رد: هل تقبل بان تحضر زواج من تحب
أرسل بواسطة: Aiham_ في 11:22 26/02/2011
لي عودة ........
العنوان: رد: هل تقبل بان تحضر زواج من تحب
أرسل بواسطة: طه القيسي في 18:31 26/02/2011
اول  شي  حبيبي الغالي موضوع حلو جدا... وانا راح اسولف لك
واكول  لك نعم بس انا من الطرفين ... يعني انا  احب بينة من كنا صغار الى ان كبرنا  . وعلى اساس نتزوج وكل الناس تعرف  احنا نحب بعضنا ....
واتزوجت من اعز صديق الي  ... بدون علمي... وانت تخيل الموقف شصار بيه انت شتكول شصار بيه والله ردت اموت
والمشكلة عزموني هم صديقي وهم اهل البنية .....

و رحت......

 اما ليش رحت
 حتى اوصل  رسالة فحواها انه انا مازعلان ولامكسور  ...بالعكس لان عرفت اثنين على حقيقتهم  بنفس الوقت ...
وهسه اني  منعت قلبي ونفسي من الحب الى الابد

وصدك مرتااااااح جدا جدا... بس تريد الصدك والله ابقى احبها لان مو هينه من عمرنا 10 سنين الي  صرنا  بال 22 سنه وانت تخيل
 اوصلها للمدرسة ورجعها والصبح صباح الخير وبليل  تصبح على خير ... والاتصالات... والله كانت احلى قصة   بعمري 
وماكو شي بس الله  يسعدهم ... بس ابقى احبها ...

تحياتي الك..
 اخوك من سوريا
العنوان: رد: هل تقبل بان تحضر زواج من تحب
أرسل بواسطة: السندبادي في 19:39 26/02/2011
اخوية شكرا على مرورك واهتمامك موضوعي ..بس الحقيقة انت شخص تملك قلب قوي وقدرت تتغلب على هيج ضرف وسيطرت على اعصابك وانفعالاتك لان مو شي هين الي مريت بيه.. اخوية صدق بالله لو اني منك انساهة لان مثل هيج وحدة ضحت ب10 سنين عشرة وحب ماتستاهل ولو لحضة افكر بيهة وانشاالله تلاقي الانسانة الي تقضي عمرك وياهة واكو مثل عدنة بالعراق يقلك لو خليت قلبت بنات الحلال اهواية بس كلشي بقسمتة .....تحياتي الك 

واحنة نريد ردود اخرى من اخوانة وهو الهدف منة مثل ميقولون  فضفضة عن هموم دفينة ...


 اخوكم السندبادي
العنوان: رد: هل تقبل بان تحضر زواج من تحب
أرسل بواسطة: willpower في 20:07 26/02/2011
لا احظر العرس.... وان حظرت راح اكلبه العرس عزه على روؤسهم و روؤس الخلفوهم واكلبه الدنيه.... فخلي لا احظر احسن... والاحسن انو تتزوج بدون ما اتكلي ولا اتدليني مكان العرس.

طبعا هاي الحالة تلكاه اكثر شي البنيه هي التركت و اتزوجت لاسباب معينه. والعكس قليل جدا.... ايبااااااااااااااااه قاسيات ومالهن امان ههههههه .. منو سامع القصة و الحكمة الي كاله احد كبار قادة الجيش من كال لقائد جيش العدو ( سنحاربك برجال قلوبهم كقلوب النساء) ؟؟؟؟؟

وشغلة ثانيه تدري قصيدة انا وليلى بيه الصورة الشعرية مال حالتك هاي الدتحجي بيه. من يكول...
(( خانتكي عيناكي في زيف وفي كذب...ام غرك البهرج الخداع يا مولاتي؟)) من عافته وراحت ارتزوجت غيره.
ومن يكول
(( لو كنت ذا ترف ما كنتي رافضة حبي...ولكن ضعف الحال و فقر الحال و عسر الحال مأساتي))

وعليهم.

تحياتي

Willpower

العنوان: رد: هل تقبل بان تحضر زواج من تحب
أرسل بواسطة: Aiham_ في 20:13 26/02/2011
تدرون تصورت محد راح يجاوب على هذا السوال .... و هم لي عودة
العنوان: رد: هل تقبل بان تحضر زواج من تحب
أرسل بواسطة: لورنس السفاح في 21:12 26/02/2011
اذا اني العريس اروح ليش لا ههههههههههههههه
اما اذا لا لا والله لا اروح ولا اصل
العالم كلها فرحانة واني كاعد اتحرمسسسس ههههههه مجبووووور يا اخوية

والله موضوع حلووووو
عاشت ايدك
بس اخاف يجيك واحد يكلك عندك تصريح بهيج مواضيع حساسة ههههههههه

منور اخوية السندبادي
العنوان: رد: هل تقبل بان تحضر زواج من تحب
أرسل بواسطة: السندبادي في 21:26 26/02/2011
منورة بيك اخوية لو رنس العرب 2 ومني الي تقدر تعوفك وانت لورنس  ;D ;D ;D ;D  واما التصريح خليناهها على الله الي يحب يحجي براحتة والي  ميعجبة  هذا اكيد شي  خاص بيه  ....تحياتي الك اخوية ولكل طيبين عين كاوة


اخوكم السندبادي
العنوان: رد: هل تقبل بان تحضر زواج من تحب
أرسل بواسطة: sandy 88 في 03:58 27/02/2011
تحية معطرة بالورد ،، اخي السندبادي موضوعك تحفة وطرح جدا رائع وحبيت اشارك بيه اتمنى اكون خفيفة الظل عليكم

انا حصلت تقريبا معي مثل هذه الحالة لكن بقصة مختلفة (حضور زواج من احبني وليس من احببت) وهي انه كان هنالك شاب يحبني وانا من عمر 17 سنة وصارحني اكثر من مرة لكني اعتبرته دوما مثل اخي ولم اكن له اي مشاعر حب بعكسه تماما وكنت اجده دوما معي في احزاني وافراحي اجده اول شخص بقربي لا يكل ابدا ولا يتراجع ، على كل مرت السنين وانا بداخلي لا اريد ان اجرحه فقررت بيوم من الايام ان احبس نفسي في البيت وبقيت لشهور لا اتردد الا لاماكن قليلة جدا ابتعدت عنه لكي يستطيع ان ينساني ويبني حياته بعيدا عني لانه لا استطيع بناء سعادة الاخرين على حساب تعساتي ولا ان ابني سعادتي على حساب تعاسة الاخرين الى ان اتى اليوم الذي اقتنع هو فيه بانه لا يوجد امل ولكن الحمد لله بقينا اصدقاء لاني بصراحة بذلت جهدي لكي اقنعه باننا اصدقاء وكنت دوما اشجعه واعطيه الامل واقول له انت شاب كل الفتيات تتمناك وستجد يوما انسانة تسعدك اكثر مني والحمد لله بعد مرور سنتين جاء يوم وعزمني على زواجه فاعتذرت منه في البداية  لكنه اصر جدا وقال ان اردتِ حقا ان انساكي اريدك ان تريني وانا ارقص مع زوجتي قلت له ان كان هذا سيسعدك طوال عمرك اكيد سوف احضر وبالفعل حضرت زفافه وكان اجمل زفاف احضره في حياتي وفي نهاية الحفلة عندما ذهبت لاهنئه اتدرون ماذا قال لي ؟ قال ان شاء الله افرح بك وان ياخذكي من يستحقكِ  يا اعز صديقة حقيقية كسبتها في حياتي والحمد لله هو الان سعيد في حياته وهذا الشي يفرحني كثيرا ...

اما اذا كنت احب شخص وتزوج ها الاشخص بغيري ودعاني لاحضر حفل زفافه سيكون ردي على حالتين :-
1- اذا تزوج الذي احببته بيوم من الايام واحبني هو ايضا وكان زواجه من غير اسباب واضحة وكسر بخاطري وجرحني سوف اذهب على عناده  ;) واكون اجمل فتاة في العرس واكون دائما مبتسمة واهنيه ايضا على زواجه وكأني لا اعرفه ( وهذا اكبر عقاب له  :D لانه سيشعر بنذالته وكلما حضر فيديو عرسه وسيراني فيه وسيتحسر  ::) لان بنات الناس مو لعبة بيده  >:(  )

2- اما اذا تزوج بيوم من الايام الانسان الذي احببته واحبني من فتاة غيري لكن كان مجبرا لظروف الحياة لا سوف لن احضر زفافه لو كان اخر يوم في حياتي  :(




تحيتي وتقديري مرة اخرى لصاحب الموضوع وللجميع
العنوان: رد: هل تقبل بان تحضر زواج من تحب
أرسل بواسطة: angie-dawood في 04:04 27/02/2011
لا مااحضر مو على شي بس على ما ادفع الظرف مال زواج  ;D 

واذا اريد اروح احضر الزواج بدون دفع الظرف اول ما ادخل هيجي يصير مصيره


(http://www.upgulf.com/gif/27X86550.gif) (http://www.upgulf.com/)

العنوان: رد: هل تقبل بان تحضر زواج من تحب
أرسل بواسطة: sandy 88 في 04:11 27/02/2011

 هههههه انجي حبيبتي هذا احلى جواب  شلون اني ما فكرت بيه  :D
العنوان: رد: هل تقبل بان تحضر زواج من تحب
أرسل بواسطة: بسمة امل في 06:37 27/02/2011
موضوع حلو,,,,

الله يساعد الجميع وانشاء الله الكل يكون بخير ,,,,

اخوية السندبادي موضوعك جميل ,,,,

سالوني مرة يعني  علمود يخففون علية واقع الحادث الاليم اللي صابني بفقدان اعز الناس وهو زوجي الله يرحمه,,,

كالوا هههههه هو لو انتي ميتة جان زوجج اتزوج وراج وبسرعة ,,,

اقسم بالله كلت ياريت انه يزوج علية ورغم الحب القوي اللي بينا بس مكان يموت ,,,

حبي اله واعتزازي بيه وتقديري واحترامي جان راح يجبرني اني احضر عرسه ...

اعتقد الحب شي رائع ,,,,حب الطفولة ميسمى حب بكد ميكون مراهقة ,,,,

لكن لو هو عايش هسة ويريد يزوج اروح اني اخطب اله بس يكون كدام عيوني واسمع حسه بالدنيا,,,,,وكلمة اني انساه صعب لان هو اول حب واقوى حب بس اقصر فترة حب ,,,انسى صعب لكن اتناسى حتى اكدر اعيش واكمل حياتي,,,

الحب كلمة كبيرة ,,,رغم انه حرفين بس ,,,
تجمع كل الاحاسيس اللي ممكن الانسان يشعر بيها,,,
الفرح بوجود الحبيب والحزن بغيابه,,,,,
الراحة بقربه والالم ببعده,,,,,,
الضحكة والبسمة من تشوفه والدموع من يغيب عن عينك,,,
الشوق واللهفة من تسمع صوته والاهات والاشواق الاكثر لان صعب انك تسمع صوته,,,,
لمسة حنان وامان واطمئنان وجوده وخوف وتوهان وسهر ليالي بفقدانه,,,,,
احلى الكلام اللي تسمعه منه وصمت رهيب تعيش بدونه,,,

هذا الحب ,,,الحب ,,,الحب,,,واكيد اله تكملة ,,,,,

تقبل مروري

بسمة امل
العنوان: رد: هل تقبل بان تحضر زواج من تحب
أرسل بواسطة: السندبادي في 07:59 27/02/2011
تحية لاخواتي الرائعات ساندي والاخت وانجي واختي بسمة امل شرفتوني بالمرور الراقي ونورتو موضوعي وهذا شي  اعتز به جدا ... الحقيقة اخواني واخواتي اني اسف يمكن اثرت جروح ماكان ان تثار في هذا الوقت ...اختي ساندي احييك على شجاعتك وخفة ضلك .....واخت انجي انتي يمكن مصلاوية  ;) ;) ;D ;D اختي بسمة امل ادعوا من الله ان يلهمك الصبر على محنتك وهذا امر الله سبحانه وتعالى والحقيقة اني اكتشفت ولايهونا اخواتي الغاليات علية انو عندي اخت اصيلةورفعة راس واتشرف بيهة بكل مكان احييك اختي على حبك وتفانيك  واخلاصك لزوجك لان هذا هو شان العراقية بدون مجاملة ولاانحياز صابرة مضحيةمن اجل من تحب ....وادعوا من الله ان يسكنة فسيح جناته.....


اخوكم السندبادي
العنوان: رد: هل تقبل بان تحضر زواج من تحب
أرسل بواسطة: ملكة الورد في 08:09 27/02/2011
اكيد ما اروح اذا جان حبيبي ما اكدر اشوفة وية بنية ثانية مااااااااااااروح >:(

ملكة الورد
العنوان: رد: هل تقبل بان تحضر زواج من تحب
أرسل بواسطة: мαяyαи في 08:15 27/02/2011
مستحيل اروح مهما كانت الاسباب مستحيييييييل
العنوان: رد: هل تقبل بان تحضر زواج من تحب
أرسل بواسطة: salwa_lolo في 08:24 27/02/2011
يسلموو السنديادي ع الموضوع الحلوو


سلوى
العنوان: رد: هل تقبل بان تحضر زواج من تحب
أرسل بواسطة: willpower في 08:59 27/02/2011
اجابات حلوه بصراحه... بس Sandy 88  اشكد مغرورة .. ;D  امبين عليج هههههههههههههههههههههههههه اتشاقه وياج . هذا حب من طرف واحد فماكو تخلي او خيانه بالموضوع شي جدا عادي.

والله يا خويه صاحب الموضوع انت بس لا شاعر لو كاتب و تريد نستفاد من تجارب الاخرين و ردودهم  ;D

تحياتي
العنوان: رد: هل تقبل بان تحضر زواج من تحب
أرسل بواسطة: الامانـــــي في 12:36 27/02/2011
اشكر صاحب الموضوع على طرحه لهذا  فهو موضوع اجتماعي للمناقشة وجميل ان نكتب به حقيقة الامر  اسعدني المرور تحياتي واحترامي لك
------------
 عمي اذا الشغلة بيهه كيك وببسي وطش جكليت وصفكه وهلهوله  ليش منروح ..ههههههه
انا من راي الشخصي اللي عافنا عفناااااه لو كان غااالي
فاما احضر العرس ههههههههه من باب ميهمني ((ظاهرياً :'( :'())ههههههه
ومن باب الفضول حتى اشبع قهر اذا اشوفهه احلى مني واشعر انها ستسعده فراح اغاااار
ومن اروح طبعا بدون هدية لاني اعطيت العروس هو هدية لها  وبالنسبة له اعطيته عروسه هدية له....
واما لا احضر العرس تعبيرا اني محتقرته  فلا يستحق اي اهتمام  وبالغرفة اكعد ابجي واخلص باكيتين كلينكس ههههههه...
وبكل الاحوال  تلك  فانا للان لم تمر عليه هذه الحالة  لارى ما سافعل هههههههههه  يمكن افجر العرس  بمفخخة
تحياتي  للجميع  
العنوان: رد: هل تقبل بان تحضر زواج من تحب
أرسل بواسطة: ĈAŃDŶ في 13:15 27/02/2011
فعلا الموضوع حلو كلش ويستحق النقاش

كل انسان عنده مشاعر و اهم شي الكرامة في الحب


واكيد اني كرامتي ماتسمحلي احضر زواج من احب

بس اذا اضطر الامر اروح واباوع بعينهم واطبق مقولة الخانك لاتخونة باوع بس نظرة بعيونة  ;) ;) ;) ;) ;) ;)

وشكرا
العنوان: رد: هل تقبل بان تحضر زواج من تحب
أرسل بواسطة: sandy 88 في 17:45 27/02/2011
مقتبس من: willpower في 08:59 27/02/2011
اجابات حلوه بصراحه... بس Sandy 88  اشكد مغرورة .. ;D  امبين عليج هههههههههههههههههههههههههه اتشاقه وياج . هذا حب من طرف واحد فماكو تخلي او خيانه بالموضوع شي جدا عادي.

والله يا خويه صاحب الموضوع انت بس لا شاعر لو كاتب و تريد نستفاد من تجارب الاخرين و ردودهم  ;D

تحياتي


هههههه من حقي اكون مغرورة لان اكو ناس تحبني   ;)
العنوان: رد: هل تقبل بان تحضر زواج من تحب
أرسل بواسطة: السندبادي في 18:15 27/02/2011
تحية اجلال وعرفان لكل من شارك وتفاعل في الموضوع ورد عليه  ومهما كان رده فانه غالي علية والحقيقة بعض الردود كانت اكثر من شيقة و لوكنت شاعر او قصصي كما قال  اخوية  willpower لدونت كل هذه القصص المشوقة في كتاب ليكون فائدة لكل من يقرئها ويجعلها تجربة له بدون ان يمر بها ..... وعندما تكتمل الردود ويغلق الموضوع طبعا عن اذنكم اخواني سيكون تصويت على ااصعب موقف  مر او مرت بها اخت او اخ غالي علينا .تيحاتي لكم اخواني اخواتي...

اخوكم السندبادي
العنوان: رد: هل تقبل بان تحضر زواج من تحب
أرسل بواسطة: kfc_w2002 في 02:45 02/03/2011
موضوع شيق جدا شكرا الك ياغالي وان شاء الله دوام التقدم
بالنسبه لي لا اقبل ان احضر زواج من احب لاني ممكن افقد اعصابي واكلب العرس عزه
اني مجرد دخلت بموضوعك بكت هوه عاد اسمع بالزواج او ممكن احضر عرس!!!!!ياستاااااااار
العنوان: رد: هل تقبل بان تحضر زواج من تحب
أرسل بواسطة: Cpt_Ali في 04:44 02/03/2011
أخوية السندبادي, واللهي موضوعك كلش حلو

أني بالنسبة اللي, أروح للعرس ليش لا, وراح البس قاط ابيض من هذا مال ايام زمان (ابو السراويين), وجوه القاط راح البس حزام ناسف (عليه وعلى اعدائي)

ألله يبعدنا على الحب, لانه حبيت مرتين بحياتي, وثنينهم خانوني, الحمدالله صارلي 6 سنين بدون حب, صدك مرتاح وراسي بارد.
العنوان: رد: هل تقبل بان تحضر زواج من تحب
أرسل بواسطة: السندبادي في 01:03 04/03/2011
تحياتي الك اخوية  Cpt_Ali اكو مثل يقول لو خليت قلبت بنات الحلال اهواية وتلكة انشاالله الي تحبك وتحبهة وشكرا حبيبي على ردك الحلو...


اخوك السندبادي
العنوان: رد: هل تقبل بان تحضر زواج من تحب
أرسل بواسطة: غــــــــزل في 02:15 04/03/2011
اول شي احب اكول شكد متألق ورائع هذا الموضوع

اخي السندباي مواضيعك رووووووووعة وهدافة

اتمنالك الموفقية

ثاني شي الله يساعد قلبك اخي طه القيسي  فعلا قصتك مؤثرة جدا

بس يلة كلشي قسمة ونصيب الله يعوضك انشاء الله

اما بالنسبة الي والله ولا اروح ولا احضر لو يكطعوني وصل  ;D ;D ;D ;D

شنو اروح حتى اشبع قهر غير اموت بنفس اللحظة  >:( >:( >:(

لا عمي لا ماارووووووووووح شنو الي يجبرني اروح

والسبب واضح حتى مااشبع قهر  :( :( :(

تحياتي

غزل
العنوان: رد: هل تقبل بان تحضر زواج من تحب
أرسل بواسطة: السندبادي في 15:53 04/03/2011
شكرا اخويةkfc_w2002 على ردك الجميل مثل اخلاقك وصدقني انت مبين عليك كلش عاطفي ومسويهة وتكلب العرس عزا لان تعرف كلشي قسمة ونصيب والخير فيما اختاره الله المايريدني ماريدة ....


اختي الغزالة الرائعة شكرا الك انتي الروعة والمتالقة دائما وبوجدوك يصير المنتدى يزهي والله ليسويهة يمعودة شنو تتقطعين ماعاش الي يقطعك واخوتك بالوجود....

 تحياتي اخواني

اخوكم السندبادي