ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي قديم في 09:29 01/03/2011
-
صباح الخير جميعا
مع تحياتي للجميع بدوام الصحة و العافية
باختصار شديد قصتي هي كالاتي:
اني مقيم في سلطنة عمان صارلي فترة و اريد اقدم على اللجوء الى امريكا عن طريق الاردن بس مدا اعرف شلون
لان يكولون لازم اكون مقيم بالاردن يله يحقلي اقدم هل هذا صحيح؟
زين و اذا رحت بفيزا زيارة للاردن اكدر اقدم من هناك لو لا؟
طبعا اني اشتغلت وية الامريكان بال 2003 بس المشكلة لمدة 6 اشهر بس و فوكاها ما عندي شهادة خبرة من هم حتى تساعدني بالتقديم
اذا اكو احد يكدر يساعدني ياريت و اكون ممنون الكم
و اذا ما تفيد هاي الطريقة ياريت تنطوني حل بديل
لان ملينا من هالوضع التعبان و ياريت نغير شي
اني جدا ممنون الكم و اشكركم من هسه
اخوكم عراقي قديم
-
اخويه عراقي قديم
اهلا وسهلا بيك ولو تكدر تنزل موضوعك في قسم الهجره يكون احسن لان راح تحصل على ردود اكثر
طبعا تكدر تقدم من الاردن اذا كنت سائح او مقيم فهذا مايمنع واذا عندك اي اثبات انك كنت تعمل مع القوات الامريكيه تكون فرصتك اسرع
انشالله الاعضاء راح يردون عليك بتفصيل اكبر
اخوك : الفريدو
-
اخي الكريم
لازم تكون مقيم بالامارات مثل ماحضرتك قلت وليس فيزا زياره
موضوع كيف تثبت انك عملت مع الامريكان بدون ورقه او اثبات فهذا بحد ذاته هو المشكله
لنا ولكم وللجميع رب لاينسى العراقيين المساكين
خسرنا ولانزال نخسر الدنيا ولكن باذن الله الاخره لنا
اللهم سامحنا واغفر لنا وتجاوز عن خطايانا
اللهم امين
-
اسف تصحيح لكلمه
لازم تكون مقيم بالاردن للتمكن من التقديم هناك وهي اسرع من هنا ومن اي مكان اخر
-
اولا اني اسف لان حطيت الموضوع مو بمكانه الصحيح
بس الاخت انجي تداركت الموضوع و نقلته للهجرة و اللاجئين مشكوررررررة انجي
شكرا للاخوان اللي تجاوبوا ويايه
بالنسبة لموضوع الاقامة بالاردن طبعا هيه مو سهلة احصل عليها بس اذا كان بالامكان ان اقدم و اني بفيزا الزيارة يكون اسهل علي حتى لو طولت شهرين كعدتي هناك لان اني هم ما اريد اخسر وضعي هنا بسلطنة عمان و لو انه مؤقت بس على الاقل ما ارجع للعراق
اما بالنسبة للاثبات فهم الامريكان مو عدهم ريكورد بكل شي و اسمائنا موجودة وياهم من اول يوم اشتغلنا بيه وياهم
اذا اكلهم المكان و الوقت اللي اشتغلت بيه وياهم ما يكرون يطلعون تاريخي من سجلاتهم
شكرا للجميع مرة ثانية
-
تحياتي للزملاء،،
خطوتك الاولى حاول ان تتصل بالجهة التي عملت معها سواء البحث بالانترنيت او عن طريق بقايا زملاء العمل..الباقي هو امور اجرائية...بخصوص قاعدة البانات الموجودة لديهم لا تعتمد عليها..لان لا دخل لهم بالاثبات بل عليك ان تجلب مستمسك من الجهة التي عملت بها وهم يتاكدون من الموضوع..لن يبحثوا بدلا عنك عن الجهة...ممكن اتسوي زيارة للعراق وتحاول ان تتصل بالزملاء في العمل لتزويدك ببقايا خيط قديم هذا المستمسك يقلص الوقت كثيرا..وتبرر موضوع سفرك للعراق عند طلبك للجوء انك عدت للعراق لغرض الاستقرار لكن تسلمت تهديد من شخص يعرفني من عام 2003 وهذا ما منعني من الاستقرار في العراق والتقديم للجوء لديكم..
اه ما اقسى الحياة في العراق تعبت من الكلاوات!!!
-
اخي الكريم اضافة لما تفضلوا به الاخوان
عند تقديمك الى الامم المتحدة سوف يطلبون منك الغاء اقامتك الدائمية في سلطنة عمان ( تنكسلها من جوازك ) يالله تمشي امورك .
مع التحيات
-
شكرا جزيلا للجميع
راح احاول اسوي اللي كلتوا عليه و الله كريم
الله ييسر امور الكل