ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: عراقي هواي في 14:24 03/03/2011
-
أدك روحي .. نذر للجايب
ابشاره
واو رجه أعله الجروح ، ألمالهن
جاره
جرح ينزف .. جرح باني .. أعله
بسماره
- خجل .. و آلما يخاف اللوم.. يرضه
أبذلته وعاره
يالمبشر .. مته المكَصوص جنحه
أيطولن اكَصاره ؟
ومتى الوكت التراده ، أيبدل
أطواره
ومتى لعايش غريب ، ايأمن
أبداره ... ؟
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيـــــفا ره .. ؟)
وهلبت .. (هوشي منه )
انكَطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حدّاره
يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
.......
اعله هونك .. من يهاب
السيل .. لو ينخاض
تياره
اعله هونك .. من تربّه اهلال
.. غطت غيمته انواره
دَذر ، جرح الصبر بارود ..
خل يتباهن اكتاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمّه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
لَوَن .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزّة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكَم .... ؟!
وِنِت طيف المحبه .. اوشوك
الولايه
انت .. زخات غيمه .. ابكَاع
صبخايه
يشاتل بالكَلب دايات .. دايه
اتلوب .. من دايه
يبو الشط التعيش اوياك ..
قصته .. طينته .. اومايه
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره
-
كلام جميل جدا عاشت الايادي اخي العزيز
تقبل تحياتي
-
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره
عاشت الايادي
روعة اخوية عراقي
-
عمي ابو مصطفى
ليش هيجي تعزف على الجروح
هسة من دون كل الشعراء الا عريان السيد خلف
وفوكاهة نزلته بالليل للموضوع
حتى ينطبق القول الليل لمن يجي يلتمن جروحي
شكلك عمي غير بس ممنون
-
الارمنية اسعدني مرورك
لورنس حبي انت الروعة تسلملي ياطيب
عمي بلاك انتظار الفيزا هيج الاول والتالي واني اعتذر منك اذا سببت لك اي ذكرى مؤلمة
واحنه العراقيين خاصة من دون خلق الله معلميين على الجروح واللجمات والصدعات
تلكه حتى قصائد الفرح بيه ونيين وألم
ممنون منك بلاك الله لا يحرمنه منك ياورد يا اصيل
-
عمي ابو مصطفى
لاتعتذر بس شسوي لاشعار عريان
كال الشعر ومحسب وراه شراح يصير
وخلى العالم صفنه تاخذهة وصفنة تجيبهم
ممنون منك عمي على الشعر وعلى الرد
-
السلام عليكم
كلك ذوق حبيبي ابو مصطفى
عريان السيد خلف يطيح عالجرح بكل قصائده رائع وابن ولايتي
ابو مصطفى انا قبلك مريت بهاي اللي يسموها ( انتظار الفيزا هيج الاول والتالي ) ;D
عاشت ايدك ابو مصطفى
-
تسلم حبيبي ابو مصطفى
هسه بهالليل وين اكو دكتور
مو اجروحنا الجمت وكامت
تنزف....هوة احنا العراقيين
معجونين ويا الحزن عجن
تحياتي الك .....
-
انت العايش ابو خالد اشكرك انت الذوق وانت وولد ولايتك على الراس يا طيب
والله صحيح اخوي العقيد معجونين بالحزن والالم ومو من هسه على مر التاريخ صدكني تاريخ العراق تاريخ عجيب غريب
لاتجد عصر او فترة من الفترات دون ان تكون هناك مأسي ودماء وظلم
وكل هذا طبعا اسس للشخصيه العراقية
تحياتي لك العقيد اسعدني مرورك يا طيب