ankawa
منتدى الهجرة واللجوء => الهجرة و واللاجئين => الموضوع حرر بواسطة: مروكو في 11:15 05/03/2011
-
اخواني و اخواتي الاعضاء الكرام حبيت انزل هذا الموضوع لان شفته محير هوايه ناس و حيرني الي شخصيا بعد ما دورت هوايه بالمواضيع و كل عضو رأيه شكل ::)
اني جمعت كل الكلام الي يدور عن موافقة المحلفين بهذا الموضوع و ان شاء الله الباقين يستفادون منه لان كولش الواحد يحتار لما يشوف تضارب الاراء و الاختلاف بتفسير مضمون الرساله
اشكر كل الاعضاء الي ردوا بموضوعي الاول و بهذا الموضوع و ان شاء الله القبول لكل المقدمين من المنتدى و من بره المنتدى
قبل يومين نزلت موضوع بخصوص موافقة المحلفين و ما كنت اعرف شنو النتيجه قبول او قيد الدراسه لان دزولي ايميل بس و محد كلي قبول او قيد الدراسه و لان كل الاعضاء الله يوفقهم ان شاء الله و يسر امورهم الي دخلوا موضوعي كالولي هاي قبول و الحمد لله بس شفت بكم موضوع شي مخالف يا ريت كل عضو اسلتم رد المحلفين بالايميل او استلم الظرف مثل ميكولون يكولنه شنو جان مكتوب بيه في حالة القبول و قيد الدراسه و الرفض لا سامح الله حتى الباقين يستفادون
و بالنسبه الي هاي الي مكتوب عندي
Please be advised that a final decision regarding your application for refugee status in the United States has been deferred for one of the following reason
وماشريلي بعلامة اكس على اول مربع الي هوه هذا
Further review of your eligibility for refugee resettlement in the United States is necessary.
و ثاني مربع الي مكتوب بيه other فارغ
واكو توقيع بالاحرف الاولى اسفل الورقه
الاسئله الان؟؟؟؟
هل صحيح ان كل الرسائل في حالة القبول و الرفض و قيد الدراسه تحمل نفس المضمون بس الفرق بتأشير المربعات من قبل المحلف
بعض الاعضاء يقولون اذا اكو توقيع اسفل الورقه بالاحرف الاولى يعني هاي موافقه و اذا ماكو توقيع هذا رفض
بعض الاعضاء يقولون الي ماشريله على المربع الثاني اكس xواحد يعني قيد الدراسه
و الي ماشريله علامة اكسين xx على المربع الثاني يعني رفض
يا ريت الي عنده خبره يشرحلنا وشكرا الكم
-
أخي انا لسة مااستلمت مغلف المحلفين بس اعرف عائلة حالتهم مشابهة الك ونفس اللي مكتوب بمغلفك مكتوب بمغلفهم ومعناها تأجل البت في طلبك للتوطين اي ان المحلف لم يبدي رايه لانهم بحاجة الى دراسة إضافية لاهليتك بالقبول على البرنامج وطبعا سبب التأجيل اكيد ذاكريه وإن لم تذكره أنت
هذا اللي افهمه من الكلام المكتوب وحسب تصوري لايعني موافقة والعبرة بما مكتوب وليس بالاقوال
نواري
-
اخي العزيز وداعتك هاي موافقه مشروطه بالموافقه الامنيه يعني المحلف موافق و بانتظار الامنيه مبروك
ألن
-
اخويه ... اني احجيلك ابغداد... هذا اني الحجيت ويه المحلف و سمعته منه مباشرة . لا سمعت ولا كلولي ولا هم يحزنون.
كلي المحلف يبت بقراره بنفس يوم الي يقابلك بيه و يسلم الموقف الرسمي الي ال IOM و خلال شهر او اكثر يبلغوك عن طريق الايميل بالنتيجه.
هسه مخلص الحجي..انت الكاتبه بالاحمر واضح جدا المعنى و ما يحتاج فتاوي... القرار النهائي مؤجل لاحد الاسباب اتاليه ...وانت ماشريلك على الخانه الي اتكول انهم بحاجة الى دراسة إضافية لاهليتك بالقبول على البرنامج . جدا واضح.
عاد تجييك امني لو تشابه اسماء لو اي شي اخر هذا انت شكو مدوخ نفسك بيه؟ تجيك الصافي بالاخير لو اي لو لا سامح الله لا... وانت حتى لو عرفت لو سمعت شي شنو راح تكدر اتسوي؟ كلشي ما تكدر اتسوي بس الانتظار. فلا اتدوخ ولا كلولي ولا كتلهم.
تحياتي
Willpower
-
مبروك حبيبي لأن اني اجاني نفس شغلتك باللضبط وهاي صارلي سنتين بأمريكة وانشالله يوم الالك ولكل اللي بالمنتدى واللي مو بالمنتدى
-
هاي موافقه مبدئية الى ان تطلع الموافقة الامنية اني اجاني نفس الشي وهاي صارلي سنة بامريكا
-
اخي العزيز
كلمة deferred في رأي المحلف مع التأشير على المربع الاول او الثاني او الاثنان معاً ...
يعني ان المحلف موافق مبدئياً ولكن يربط موافقته النهائية مع الموافقة الامنية يعني اذا الامنية سليمة
فتأجيله يتحول الى موافقة ... وبالتالي هنالك الكثيرين مثلك قد سافروا ووفقهم الله تعالى
ومن الله التوفيق والفرج القريب لنا ولكم ....
الناسك