السلام عليكم جميعاً
هذة القصيده كنت مأجل انزالها لعدة مرات
والسبب هو ان انها قد تسبب الحزن الشديد
وخاصه للبعيدين عن الاهل............لكن
ما باليد حيلة الحزن من اطباع العراقيين
راح انزلها وبكيفكم تبجون تلطمون كلمن يعبر
بطريقته الخاص.....بس ترى هيه مو دعوة
للرجوع بل قصيدة وعجبتني..وانشاء الله تعجبكم
قصـــــــيدة
المـــــــوت في الغـــــــــربة
للشاعر رحيم المالكي(رحمه الله )
ليـــش لوحدك من غير جناز...........
وياهو الغسلك ويغمض العيون
غريب بنص محطة وادم أجناب ................
وهلك عنك بعيد شلون يدرون
اليموت بنص هلة تتهدل هدال.................
عليه امه وخواته تطيح الامتون
وأشوفك وحدك وانت الكبل جان ..................
الجبل والساتر بسدك يلوذون
ددليني بجوازك رايد اقراه ..................
واشوف شصارلك بالغربة مسجون
من وحشة الغربة لوحشة الموت .................
وشربت الوحشتين بفرد ماعون
عليك امك تعاين بلجن تعود................
وضعنك ما رجع من دون الضعون
عدمن ودعتهة وجيت ليجاي ...................
وعليك تناشد ال يرحون ويجون
تريدك عون الهة بتالي الشيب...................
وهسة انت ضعت وتريدلك عون
وحدك تنعي روحك جنك تـــــكول................
هلي يامن ضيعوني شلون ينسون
المثلك ما يموت وناسة تنسى .................
العراقي انت العزيز وتنسي شلون
يل حنت جروحك حنة الفاو .....................
يل مدفي بقميصك حقل مجنون
يل بالهور دمك لسة موجود......................
ولسة بنهر جاسم بيك يحجون
المثلك ما يضل من غير جناز..............
النخل يطلع وراك وية اليشيعون
المن جابتك للغربة رجليك .....................
ومتت لا ناعية ولا ناس يبجون
تكلي الجوع اكلك انت غلطان ..................
العراق بخير بعدة ولسة مامون
صحيح الجوع كافر من يمر بيك ..............
وانا مجربة واعرفة شلون ملعون
حافي وساوموني وكلت ما ابيع ...............
وشلت غيرة هلي العشرين مليون
اثبت لا تهزك رعشة العوز....................
الشدايد صم صبر واتعدي وتهون
العراقي شما تلم بيه الملمات..................
جلد على النايبة وبالصبر مدهون
اذا ذيب الوكت ما ننكلب شاة.................
ونتانيهة شوكت تكطعنة السنون
غدر طبع الذيابة وهذا معروف.................
ومثل هاي النهاية المرة يردون
انا يا صاحبي راجع للعراق......................
اسولف قصتك للي يأشرون
اكلهم نهر ذلة ورة طريبيل....................
وانا خايف عليكم لا تغركون
الوطن هذا الوطن كل شبر محراب..............
كعبة ودنكوا يمة اليصلون
عراق ومنهو غيرك يرهم وياي .................
وانا مطلك الدنية وعايف الكون
وان شاءالله كل غريب يرجع لاهله والي يبقه بالغربه ان شاءالله يرتاح وميتعذب يارب