ankawa
منتدى الهجرة واللجوء => الهجرة و واللاجئين => الموضوع حرر بواسطة: ابوا ابراهيم العراقي في 01:32 06/03/2011
-
السلام عليكم
اني جيت جديد على عمان او قدمت اوراقي الاسبوع الماضي الى الIOM في عمان .
اني ابصراحه انصدمت بل اسعار في عمان او ماااعرف اشكد اكد اصمد اهنا .
اني اخويه طلع الى امريكا عن طريق ال IOM او اني دااقدم عن طريقه .
أكوا احد يعرف تقريبا اشكد المده الى تخلص بيها المقابلات او يجي بيها الموافقه او الرفض ؟
شكرا
-
اهلا وسهلا بك اخي ابو ابراهيم بالنسبة شكد المدة محد يعرف اخي كلها متوقفة على الامنية شوكت تخلص حتى لو ما تاخرت بالمقابلات يبقى التاخير اكثر الاحيان يكون من الامنية انشاءلله ما تتاخر كثير وتكمل معاملتك باسرع وقت ربي يوفقكم بالمقابلات ويتم القبول بالتوفيق
-
اخي اني صارلي 7 اشهر من مقدمه تقديم مباشر للاي او ام و بعد ما مقابله و انت يمك الحساب يعني حط ابالك كمعدل سنه و نص شويه اقل شويه اكثر و طبعا هاي تقدير مو كلام مضبوط و انشاء الله موفق
-
اخى العزيز انشاء الله سريعه معاملتك واخوك صار سنه ونص انتظر خط رحله ......ومن الله التوفيق
-
حبيبي مو سوة...يعني اني مثلا من تحول ملفي الى ان قابلت اول مقابلة 4 اشهر و وراها بشهرين يالله محلفين و صار 6 اشهر عالامنية و كبلها 7 اشهر يو ان و الحمد لله...يعني مو اقل من سنة و ان شاء الله اتصيرلك باقل
-
حبيبي
خللي ببالك سنة و فوك و أنته و حظك و التوفيق من رب العالمين
آني تقديم مباشر عالآي أو أم من عمان ووره سنه و شهرين سافرت
بالموفقية بأذن الله تعالى
أخوكم - زياد - أبو الحسن - مينيسوتا
-
اخي ابو ابراهيم
احنا الموجودين بالاردن من وجهة نظري 3 أقسام القسم الاول هم جماعة الطابوقة ( يعني اللي نايمة عليهم الطابوقة) واخوك من ضمنهم، القسم الثاني المشاتل هذا القسم الذين تم زرعهم قبل 4 اشهر الى 9 اشهر ولحد الان لم تتبين نتيجتهم النهائية بوضوح ، اما القسم الثالث والاخير فهم ال لحيمية الذين مازالوا لحم ولم ينبت ريشهم وهؤلاء من 4 اشهر وما دون. انا في الاردن منذ ما يقارب 5 سنوات ومر علي الكثير الكثير فهناك من لم تستغرق معاملاتهم في IOM ستة اشهر وسهل الله لهم وسافروا والمعدل للسفر اذا كان التقديم مباشرة الى IOM من 9 اشهر الى السنة والنصف هذا ضمن المعقول والسبب الرئيسي في التاخير هو الموافقة الامنية وهذه الموافقة ليست من صلاحية IOM او المفوظية السامية للامم المتحدة وانما من دوائر اخرى وعند الحصول على الموافقة الامنية يبدأ العداد بالعد التنازلي للسفر. اما بالنسبة للاسعار ما اعرف انت وين ساكن او ربما الاسعار التي كنت تتصورها مغلوطة اذا احببت مساعدتي ارجو ان تتصل بي على الخاص فانا اسكن في منطقة تبعد عن مركز عمان الذي هو دوار الداخلية 20 دقيقة والايجارات هنا تقريبا دار وليست شقة صالة وهول و2 غرفة نوم وحمام مطبخ في حدود 150 دينار ,شقة صالة وغرفة نوم والملحقات من 80-100 دينار حسب المنطقة ومساحة الغرف.