ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: عراقي هواي في 17:19 06/03/2011
-
الشاعر عريان سيد خلف
بعد بيه الصبر واجد ..
يشب بيه المكابر نار تلهم باث ..
يگضيني الشرار وطبعي اضل بارد ..
ازم شفه اعله شفه ..
وناب يخلف ناب ..
كل واحد شكل وصوابهن واحد ..
مگالب والليالي تريد وسعة بال ..
وهموم العلي .. ما مرن بواحد ..
كفاني اترفعت عن چلمة الياحيف ..
وسهمي شما نگص من هالوكت زايد ..
اكابر عالنزف ..
حد وشلة النتاك ..
دامنته .. وجزِت .. لاجبر ولا شد ..
گبل مهرة احلامي ..
تضل باثرها الخيل ..
هسه .. اشما اعسها .. امحدده اتحدد ..
ومشاچچ زماني وياي .. عين بعين ..
اتمهمز الگومه .. وصاح بيه اگعد ..
حجرني الصبر .. لاسمِح لا مغتاض ..
حالي لحالتي .. لا وادد ولا ضد ..
لا ملگه اليدب بالروح ..
دفگة روح ..
ولا عصرة حزن .. للراد عني يصد ..
خلها شما تصح .. خنياب لو صيهود ..
طيبت النفس ..
لا طير ولا سِد ..
لا طيب الحليب .. يحرك الوجدان ..
ولا صاحب وفي لعند الضنك ينشد ..
بس مجمع عجارب .. ويل للغفلان ..
تتناوبه ابسمها .. وبالعجل تلبد ..
صحبة ليل كاس .. وكهكهة غمان ..
محاببهم چذب ومزاحهم بارد ..
عمت عين الليالي .. وهجم بيت الموت ..
يتخطه الرعيع .. وياخذ الماجد ..
دنيه ولا وحتني .. املاوح السرحان ..
غشتني ابهداها .. وباگت الواحد ..
وبعد بيه الصبر واجد .. اضل لهالعصر شاهد ..
واصفهم بالقصايد .. واحد الواحد ..
واطشرهم .. ولمهم .. واحسب الف حساب ..
ونگي الثوب الابيض من ردى الفاسد
-
برافووووو
-
عمي ابو مصطفى
ممنون منك عمي الوردة
شلون اني وية عريان السيد خلف مو شلعه لقلبي شلع
محاببهم چذب ومزاحهم بارد ..
عمت عين الليالي .. وهجم بيت الموت ..
يتخطه الرعيع .. وياخذ الماجد ..
دنيه ولا وحتني .. املاوح السرحان ..
غشتني ابهداها .. وباگت الواحد
-
عمي قلة اليستوعبون مقاصد عريان وصدكني من يضيق بي الوكت الجأ العريان وام كلثوم
والله المفروض يسووله تمثال بصف تمثال الحريه بساحة التحرير
اشكرك مرورك العطر عمي كلك حس وانسانيه
-
عمت عين الليالي .. وهجم بيت الموت ..
يتخطه الرعيع .. وياخذ الماجد ..
دنيه ولا وحتني .. املاوح السرحان ..
غشتني ابهداها .. وباگت الواحد ..
عاشت ايدك وايد عريان السيد خلف
تحياتي
-
شعر كلش حلو بس بي كلمات ماعرفت معناها الصراحه لان جلفيه 100% :D
عاشت الايادي على الاختيار
-
ماكنتوشة اشري ياكلمة وانشالله نشرحه شكرا لمرورك العطر لورنس
شكرا ماكنتوشة
-
اخي عراقي صار ساعة ادور شعر جلفي ملكيت غير هل سطرين وهم داينتهم لي باجر ارجعهم لصحابهم منو وين تجيبون هاي الاشعار مرة جلفي ومرة مزهريات مااعرف زهيريات دنشوف بعد شراع يطلع النا من الشعر سلمت ايدك اخي حلو بس ميفهم عبالك هذول الجاينيس الي يمنا تقريبا نفس اللغة وهاي السطرين الكم هدية
يانايمين الليل نوم العوافي النوم ما طول وكصر اعماره
الي مفارك المحبوب ماضنه غافي اهل الهوى معلوم كلهم سهاره
-
ههههههههههههه هلا والله بانجي زارتنه البركه والسرور
طبعا اولا ميسمة جلفي اسمه شعبي واي كلمه ما مفهومة نستطيع نشرح معناها
ثانيا اشكرك على البيتين الحلوات
الشي الثالث الكوكل موجود وبسلامته كلشي نكدر نحصل
شكرا لمرورك العذب
-
عاشت ايدك اخوية على اختيارك والله يخليك عريان لان هو شاعر مخضرم ..وهاي كم كلمة لشاعرنة اهديهة لاختنة انجي وخل ترجمهة الي...يكول الشاعر
تكتر كون ماتكدر تدك انكر ;
;D ;D ;D ;D ;D
اخوك السندبادي
-
لا طيب الحليب .. يحرك الوجدان ..
ولا صاحب وفي لعند الضنك ينشد ..
بس مجمع عجارب .. ويل للغفلان ..
تتناوبه ابسمها .. وبالعجل تلبد ..
صحبة ليل كاس .. وكهكهة غمان ..
محاببهم چذب ومزاحهم بارد ..
عمت عين الليالي .. وهجم بيت الموت ..
يتخطه الرعيع .. وياخذ الماجد ..
الله واكبر اي والله يا ابو مصطفى هذا اليذبح الروح
تسلملي والله احلى كلام
-
مشكرور على المرور اخي السندبادي
عمي العقيد كل كلمة تدك بالقلب وتد اشكرك على المرور و ربي يحفظ شاعرنا الكبير الاستاذ عريان
-
عمت عين الليالي وهجم بيت الموت
يتخطى الرعيع وياخذ الماجد
عريان السيد خلف شاعر راقي جدا
عشت عمي عراقي هواي
-
حياكم الله البغداديه اسعدني مروركم عمي