ankawa
منتدى الهجرة واللجوء => الهجرة و واللاجئين => الموضوع حرر بواسطة: لوليه في 02:38 08/03/2011
-
مرحبا اخواني واتمنالكم الموفقية بعد الاجراء الامني اكيد ما يطوها بالساهل الا بعد ميهلسوه مثل الدجاجة ويطلعون روحا ويقوم يكرة السفر ويتخبل ??? احنا مقدمين على استراليا من 2008 وبعد سنة سوينا مقابلة المحلفين ثم الفحص الطبي ولحد الان اجراءات امنية كمت ادلعها (امونة) ولي هسة ما كو شي وكل ما اتصل يكولون اجراءات امنية وقبل فترة اتصلت بيهم كالولي بس الوالدة خلصت الاجراء الامني بقى افراد العائلة ينطونا اياها بالتقصيد الممل :o ::)
زين بقية افراد العائلة شوكت ينطوها عن قريب اريد اخواني من له علم بهذا الشيء يخبرني بس اريد افتهم اشكد المدة ؟ زين ما هي الاجراءات بعد الامنية وشكد طول يا ترى هم يطلعون روحنا اريد من له خبرة بموضوع سفر استراليا يحكي شوكت يحطونا على جدول السفر
>:(
يا اخواني اشو محد يحكي على استراليا الكل يحكي على امريكا 000 ومنو عنده اي معرفة او خبر عن استراليايحكي شلون هاجر
-
مرحبا انت ملفك متحول من اليو ان لاستراليا لو اهلك مقدميلك يعنى الهجره بكفبل وشوكت مليت الفورمات وخصوصا رقم 80 بعد مقابله الوفد لو قبل مقابله الوفد وممكن توضحلنه كيف كانت مقابله الوفد وماهى الاسئله التى اكدو عليها بالمقابله وكانت مقابله واحده للوفد لو دزو عليكم قبل يوم
-
مرحبا ابو الشوش شكرا على ردك احنا عدنا اقارب من الدرجة الاولى في استراليا وكفيل متكفل بكل التكاليف حتى حط محامي ..بس ما اعرف بالفورمات لان الكفيل هو الي ملئ الاستمارة ويوم المقابلة اعطيناهم الفورمات بس ما اذكر الرقم بس والله ملينا من الانتضار طلعت روحنا اخر شي سوينا الفحص الطبي بشهر 8 \2010 وبعدها كلشي ماكو لحد الان احنا بالشهر الثالث 2011 زين منو عندة خبرة بشغلة الهجرة لاستراليا ومنو سافر يحجيلنا ايش صار وياه وشكد طول والله خلص عمرنا واحنا ننتظر :o ??? >:( :P :-X :-\ :'(
-
مرحبا لوليه انى الى ادرى الامنيه اطول من 4 - 5 بالزايد 7 اشهر خلال هاى الفتره يتصلون بيكم من السفاره يخبروكم انو تم تجهيز بيت الكم بسدنى اذا عندك اقارب من الدرجه الاولى بسدنى واذا لا فبغير ولايه والى ادرى بيه وره المقابله يدزولكم بريد من السفاره عن طريه الاى او ام بسوريا عن الحياه باستراليا واخر موعد لدخول استراليا وفيه نوع الفيزا والى هى 204 (امراه فى خطر) كونكم عائله مؤلفه من بنات خلى الكفيل يراسل دائره الهجره والى هى اعتقد بفكتوريا يستفسر منهم يجوز باقيه اجراءات بخصوص السكن وغير ذلك . اختى بلكى تحكيلى على اجراءات المقابله وشلون كانت الاسئله واريد اعرف دزو عليكم قبل يوم من المقابله مثل امريكا لو راسا قابلتو الوفد وانشاء الله الله يسهل امركم والسفر عن قريب وخلى شى بالك الاسترالين ميهملون معامله وشغلهم نظامى ودقيق بس عدهم المعاملات بالسره وهاى شغله الهجره بكفيل اعتقد شويه ابطئ من التوطين يعنى الملفات المحاله من اليو ان لان فيزها محدوده لان انى بال2008 قدمتلى امى وانرفضت المعامله انشاء الله الفرج القريب.
-
مرحبا اخي ابو الشوش طبعا احنا قبل قدمنا على استراليا وانرفضت وبعدين خلينا محامي ودفعنا فلوس هواي وبعدين اجت موافقة مبدئية كانت الاجراءات جدا بطيئة بعد سنة من الموافقة المبدئية سوينا مقابلة المحلفين ب (اي او ام )وبعد شهر الفحص الطبي تقريبا انتهينا من الفحص الطبي بداية الشهر الثامن وكل ما اتصل بيهم يكولون اجراءات امنية ::) انت تسالني عن المقابلة كانت اسئلة من كعب الدسك ما اعرف من وين جايب هل الاسئلة طبعا ارتبكنا :o وبقينا مصدومين اكم يوم............ المهم اخي شنو امرءة في خطر احنا عائلة مكونة من الاب والام والبنات طبعا الي تدرس بكلوريا ولي مخلصا جامعة وماكو اقامة ولا مستقبل ولا شغل والي تركت كليتها بسبب الظروف في بغداد ..........واحنا كلنالهم يوم المقابلة تكاليف السفر على حسابنا وكل هذا هواي تاخرو علينا كمنا نخاف وبابا صار كل بداية شهر يحكيلي اتصلي على السفارة في عمان واحنا بسوريا وكل ما اتصل اجراءات امنية :P :-[ :'( بس احنا ما نريدها تتعدى السنة لان اذا صار سنة للفحص الطبي يخلص اكسبايرا وينعاد وسمعت من هواي ناس يكولون تتاخر سنة ثانية الاجراءات اذا هسة ما ردولنا الجواب ??? والله حرنا وما اعرف شنسوي زين ما يصير نقدم شكوى وبرائيك شنو الحل علمود نسرع موضوعنا وشنو هاي (امراة في خطر) زين احنا عائلة يجوز ما يصير :'( وهي اذا الشغلة بيها فلوس ندفع والله دنحكي من الياس
وطبعا خلال وجودنا بسوريا كنا انراجع الامم un ونسوي مقابلات ويعرفون انو طلعنا هجرة الى استراليا ب اي او ام
مع العلم احنا بنات اعمارنا فوق 20 وفما فوق والله تعبنا لان وضعنا غير مستقر بالمرة >:(
-
مرحبا لوليه انى اسف كنت اصور انتو عائله مؤلفه من الام وبناتها فقط لان انت وضحتى بالبدايه انو انتو كلكم بنات فلهذا كلتلج انتو فيزتكم 204(امراه فى خطر ) وبما انتو عائله من اب وزوجه وبنات فانتو على فيزه 202 والمفروض من قابلتو الوفد يخبركم بنوع الفيزا ورقمها اما بالنسبه للاجراءات فممكن الكفيل يكدر يتصل بدائره الهجره ويفتهم شنو القصه اما مثل متفضلت الشغله اذا اصير بفلوس فهاى شفله مستحيله ماعليكم غير الصبر بالمناسبه انتو سويتو عدم محكوميه وره المقابله لان اى شى ناقص بالمعامله ياخرها وماكلج غير اصبروا مابيدينا شى غير الصبر والدعاء لان ذوله روحهم طويله وانى من 2008 بسوريا والعشيره كلها بسدنى وهمين داانتظر رحمه الله انشاء الله يفرج علينا وعليكم تحياتى.
-
والله اخ مدري اخت لوليه اعذرني
ما اعرف شي عن استراليا
بس الي اعرفه
خالي قدم سافر من العراق بشهر السابع او الثامن مدا اتذكر الصراحه
وبعد فتره بماليزيا راح لاندونيسيا
وهو قبل اربع ايام طار لاستراليا
وهسه برزبن مدري بلزربن المهم
فهيه هاي فترته ياله حصل لجوء
وكل الموفقيه الكم
-
شكرا اخ حمزاوي على ردك بس اكيد خالك طالع قجكق ;D يمكن تهريب مو معقولة يسافرون بسرعة ومن العراق يمعود احنا صنا زمان مو شايفين العراق راح يصيرنا بعد شهر خمس سنين تماما من طلعنا من العراق لان استراليا بالها طويل تموت الواحد :P والله اعلم
وشكرا للاخ ابو الشوش شكرا الك واتمنالك الموفقية وانشاءالله تسافر والله احنا تعبت اعصابنا خاف ننتظر كل هل المدة وبالاخر يجي رفض وانا بصراحة ما عندي خبرة حول السفر على استراليا لان كل اقاربنا سافرو الى استراليا من زمن صدام من التسعينات واقاربنا الي بسوريا حاليا الغالبية طالعلها على امريكا والسويد وتقريبا كلهم سافرو بس بقينا احنا بس استراليا طلعت شلعان قلب ......لو اكو حل انقدم زين يصير نقدم شكوى لل un الي بكفرسوسة ؟ زين ويصير الكفيل يلاقي حل وشكرا الك..............
-
اختى لوليه اليو ان مالها اى علاقه بعد بشغلتكم انتو معاملتكم بالسفاره الاستراليه (مكتب عمان ) بس اتصلو بالكفيل وخلى يشوفلكم القصه بدائره الهجره لان ممعقوله لحد الان متصلوا بيه حتى يحضرللكم الامور الاداريه كلها من سكن وغير ذلك اما الموافقه الامنيه فهى من 4-5 اشهر بالزايد 7 اشهر او اكتبى ايميل للسفاره وارفقى رقم الملف وضحى بيها اسباب التاخير وانشاء الله تفرج واصير اسوالف تحياتى
-
اهلللللللللللللللين جماعة استراليا
شلونكم
اني اخوكم كمان على استراليا
بس صار فترة ما داخل للمنتدى
واليوم شفت الموضوع وكلت معقولة موضوع عن استراليا
لان المواضيع عن استراليا بهل منتدى كلش قليلة
المهم اخت لوليه حسب ما فهمت من كلامج انو انتو مسوين الفحص الطبي بشهر ال 8 من سنة 2010
فهذا يوضحلي انو كانت مقابلتكم بشهر ال 7 من سنة 2010 وتقريبا بين 11-7 لغاية 29-7 يعني باحد هذه الايام جانت مقابلتكم اذا ما جنت غلطان
ان جانت مقابلتكم بالشهر ال 7 فمعنا هذا انو انتو من جماعة الوجبه الاولى الي هي اول وجبه قابلت الوفد الاسترالي في سوريا بعد انقطاع ما يقارب السنة
المهم احب اطمنج هذه الوجبه لم يسافر اي شخص منهم لحد هذه اللحظة والسبب هو تسلم الامنيات الى شركة امنيه بطيئه جدا من التدقيق الامني بعكس الوجبات الثانية والثالثة والرابعة التي سلمت امنياتهم الى شركات اخرى وبعضهم سافر ووصل الى استراليا في اواخر شهر ال 1 وبداية الثاني من هذا العام ومستمرين بالسفر
طبعا اني كان لازم يكون سفري خلال هل ايام ولكن تاجل لفترة شهر ونصف الى شهرين بسبب كثر المعاملات التي ينتظر اصحابها دورهم في حظور الدورة التثقيفية في منظمة الهجرة الدولية
اذا محتاجه اي استفسار او اي سؤال تقدرين مراسلتي من خلال رسائل المنتدى وذلك بسبب قلت دخولي الى المنتدى وقراءة المواضيع
ترى اخوكم صار خبير في اي استفسار او اي سؤال عن معاملات استراليا بعد انتظار 4 سنوات
تحيااااااتي
للجميع
-
شكرا ابو الشوش
بس كفيلنا يحاول يتابعها باي طريقة بس كل ما يستفسر يقولولة هاي اجراءات امنية محد يكدر يدخل بيها ...........وهسة من جديد يحاول يقدم شكوى باي طريقة علمود يعجلونا المعاملة شكرا اخي
شكرا للاخ البرنس والله مبين عليك فتاح فال بلى شوفلنا بختنا شوكت راح تخلص الامنية ....صح احنا قابلنا بشهر 7
وخلصنا الفحص تقريبا 2\الشهر الثامن يا ربي شنو هالبخت طلعت شركة امنية بطيئة زين هاي الشركة شتسوي دور علينا زين اخي ممكن تحكينا شوكت راح يخلصون الامنية مالتنا وشكرا الك
-
شكرا للاخ البرنس والله مبين عليك فتاح فال بلى شوفلنا بختنا شوكت راح تخلص الامنية ....صح احنا قابلنا بشهر 7
وخلصنا الفحص تقريبا 2\الشهر الثامن يا ربي شنو هالبخت طلعت شركة امنية بطيئة زين هاي الشركة شتسوي دور علينا زين اخي ممكن تحكينا شوكت راح يخلصون الامنية مالتنا وشكرا الك
ههههههههههههههههههههههه
لالا لالالالالالالا للاسف انا مو فتاح مدري مفتاح :) فال لكن بسبب اهتامي بالموضوع لان الموضوع يهمني وانا مثل ما كلت سابقا دانتظر دورة الطيران لكي استطيع الحجز ثم السفر
اقدر اكلج انو اغلب الي قابلوا من وجبتكم اي الوجبه الاولى لم يستلموا ظرف القبول الى حد الان
ولدي اصدقاء من وجبتكم لم يستلموا امنيتهم لحد هذه اللحظة
وبالنسبة الى الذين سافروا من وجبتكم لم يسافر سوى امراتان فقط وذلك لشمولهم بحسب القانون بامرأة في خطر وايضا عدم وجود لهم اي نشاط عسكري يعني اقصد الخدمة العسكرية خدمة العلم
بالنسبة لسؤالك انو شتسوي هل شركة تسال عليكم نعم هي التي تسمح بدخولكم الى استراليا بعد موافقتها اي موافقتة الامن القومي الاسترالي
طبعا الموافقة تختلف من شخص الى اخر بحث ان كان ذاكر ان سكن في اي دولة اخرى غير الي بيها الان فذك يتوجب جلب عدم محكومية من ذلك البلد ايضا
وايضا غير ذلك من خلال الاحداث التي قمتم بتقديمها في قصتكم
لا يوجد حل سوى الانتظار على ان يتصلون بكم في اقرب وقت
واستراليا تسوى الانتظار ;)
وحسب اقتراحي اتصلي بالسفارة الاسترالية في عمان بين فترة واخرى لكي تعلمين باي جديد
تحياااااااااااااااااتي
-
مبروك اخي اتمنالك الموفقية والسفر باسرع وقت الف مبروك ممكن تحجيلنا عن شوكت قدمت هجرة وشوكت قابلت بالتفصيل وحسب ما تحكي انتو كنتو يا وجبة ومن شوكت تنتظرون وانت الك خبرة بهل الموضوع انو ليش امي وصلتها الموافقة الامنية وباقي افراد العائلة بعدهم شنو هل الشركة الامنية غير كلنا سوا ............بصراحة احنا كلش قلقانين من الانتظار لان بشهر اربعة يصيرنا 9 تشهر وكلش خايفين يقترب الموعد من السنة لان اكسباير الفحص الطبي ينتهي عاد تبدا المعاملاه من اول وجديد من فحص طبي واجراء امني وصحة الوالد ما تسمح بالانتضار لان السكر عندا هواي يرتفع غير يعاني من ارتفاع بالضغط وذاك اليوم دخل المستشفى وغير انو نعمة من رب العالمين تعدى الفحص الاول وضعنا بسوريا تعبان ما يسمح بالانتظار وتنتمنى نوصل استراليا علمود يكون الاهتمام بالوالد اكثر واحنا باقي افراد العائلة بنات لاعسكرية ولا سافرنا لبلد غير سوريا وقبل كنا بالعراق والوالد لاكان عسكري وماكان اله اي علاقة بالسياسة وكان موظف مدرس والظروف الي مرينا بيها بالعراق تصعب على الكافر قصتنا تبكي .......... اخي طمنا من خلال تجربتك عني تتوقع انو يتصلون بينا بصراحة خبصتهم خبص للسفارة بعمان كامو ميردون على رقمي ابدا صرت اتصل بيهم من غير ارقام وصارت تحكيلي الموظفة يعني اذا وصلت الامنية احنا منخبركم احنا بسرعة نتصل بيكم بعد لاتتصلين احنا نتصل :-X حتى كفيلنا اتصل بيهم وبهدلهم بهدلة زفهم يمعود شنسوي حرنا خاصة زاد القلق لان خاف يقرب موعد السنة على الفحص الطبي :'( :'( :'(
-
مبروك اخي اتمنالك الموفقية والسفر باسرع وقت الف مبروك ممكن تحجيلنا عن شوكت قدمت هجرة وشوكت قابلت بالتفصيل وحسب ما تحكي انتو كنتو يا وجبة ومن شوكت تنتظرون وانت الك خبرة بهل الموضوع انو ليش امي وصلتها الموافقة الامنية وباقي افراد العائلة بعدهم شنو هل الشركة الامنية غير كلنا سوا ............بصراحة احنا كلش قلقانين من الانتظار لان بشهر اربعة يصيرنا 9 تشهر وكلش خايفين يقترب الموعد من السنة لان اكسباير الفحص الطبي ينتهي عاد تبدا المعاملاه من اول وجديد من فحص طبي واجراء امني وصحة الوالد ما تسمح بالانتضار لان السكر عندا هواي يرتفع غير يعاني من ارتفاع بالضغط وذاك اليوم دخل المستشفى وغير انو نعمة من رب العالمين تعدى الفحص الاول وضعنا بسوريا تعبان ما يسمح بالانتظار وتنتمنى نوصل استراليا علمود يكون الاهتمام بالوالد اكثر واحنا باقي افراد العائلة بنات لاعسكرية ولا سافرنا لبلد غير سوريا وقبل كنا بالعراق والوالد لاكان عسكري وماكان اله اي علاقة بالسياسة وكان موظف مدرس والظروف الي مرينا بيها بالعراق تصعب على الكافر قصتنا تبكي .......... اخي طمنا من خلال تجربتك عني تتوقع انو يتصلون بينا بصراحة خبصتهم خبص للسفارة بعمان كامو ميردون على رقمي ابدا صرت اتصل بيهم من غير ارقام وصارت تحكيلي الموظفة يعني اذا وصلت الامنية احنا منخبركم احنا بسرعة نتصل بيكم بعد لاتتصلين احنا نتصل :-X حتى كفيلنا اتصل بيهم وبهدلهم بهدلة زفهم يمعود شنسوي حرنا خاصة زاد القلق لان خاف يقرب موعد السنة على الفحص الطبي :'( :'( :'(
تم الرد عل خااااص
تحياااتي
-
شكرا الك قرات الرد على الرسائل ............ ولا تنسى تخبرنا بكل ما هو جديد
وعلى العلم احنا لما قابلنا المحلفين حجينالهم احنا نتحمل كافة تكاليف السفر علمود يسرعولنا اياها ومع هذا دي بطئوها والله حرنا .........اكيد السبب من الشركة الامنية اليحجيتلي عليها :'(