ankawa

منتدى الهجرة واللجوء => الهجرة و واللاجئين => الموضوع حرر بواسطة: زيد الصقر في 00:11 09/03/2011

العنوان: سره البيض
أرسل بواسطة: زيد الصقر في 00:11 09/03/2011
السلام عليكم  اخواني واخواتي الأعزاء
في زمن البكر الله يرحمه جان اكو سراوات هوايه الناس توكف عليهه فتوكف سره عبالهه بيض يطلع دجاج المهم هيه تدخل السره    محتاجه ممحتاجه المهم توكف سره وتزاحم الناس الاخرين الي محتاجين فعلا  بعدين من يوصل الهه السره اتكول اهووووووووووو هم بيض تعوفه وتطلع   زين هو وكف بنص السره وزاحم الاخرين وهذا العمل كان بدون دراسه ولا تفكير   ومع الاسف اكول اكو هوايه ناس وكفت بالسره مال اللاجئين وهيه مرايدتهه وظروفهه زينه ببغداد ولسبب بسيط طلع ولمن طلع ووصل شاف الشغله صارت صدك يريد يرجع   طبعا هاي عن تجربه اني شفتهه بالسويد وكفت الناس سره ويانه واخذو اقامات ورجعو لانه بارده متحملو البرد وصار عدهم حنين للباجه  ولللكاهي والكيمر الي ماكو منه بالسويد والنتيجه انه السويديين لمن شافو العراقيين ديرجعون انطونه رفض على اعتبار انه هوايه ديرجعون ومصار بيهم شي   هاي الحاله دتتكرر هسه على اللاجئين الي لازمين سره بسوريا وبالاردن وحتى بالعراق الي اكوله انه الواحد لازم يفكر الف مره ومره  مو بس يكول اني اريد اطلع وخلص  تره خطيه اكو كومه ناس محتاجه اللجوء  فعلا وواكفه بسره البيض
العنوان: رد: سره البيض
أرسل بواسطة: علي النعيمي في 00:22 09/03/2011
اخوية زيد عفية عليك علة هالحجي الحلو ترة ذولة الديرجعون ديئثرون علينة اذا همة ميردون الغربة لعد ليش زاحمونة بس اذية لو شنو بالظبط اكو الاف محتاجة توطين واكو بطرانين بس يريون يمكن يسوون سياحة او مااعرف شنو غايتهم الله يكون بعون كل العراقين المحتاجين توطين
العنوان: رد: سره البيض
أرسل بواسطة: rafid82 في 00:27 09/03/2011
ههههههههههههههه 

موضوعك في المكان و الزمان المناسب   أخي زيد   والمعنى في قلب الشاعر
العنوان: رد: سره البيض
أرسل بواسطة: ألن في بلاد العجائب في 00:28 09/03/2011
هو مو صوجهم صوج الي نطاهم الاقامه و احنا الي اكلناها الي محتاجيها صدك
و هسه امريكا هم بالطريق و روحوا العراقيين اكلوها عدل و اكعدوا بالاردن و سوريا منو يلفينا بعد
ألن
العنوان: رد: سره البيض
أرسل بواسطة: علي النعيمي في 00:29 09/03/2011
ذكرتني بفلم قاسم الملاك ستة على ستة من جان يدز الاطفال حتة ياخذون البيض ههههههههههه لانو تلف البيض
العنوان: رد: سره البيض
أرسل بواسطة: امين عبد الله في 00:49 09/03/2011
صح لسانك، احسنت على سلاسة التعبير وحسن التشبيه
العنوان: رد: سره البيض
أرسل بواسطة: ريحـــانه في 03:55 09/03/2011
عاشت ايدك اخويه على هيج تنبيه بطريقه حضاريه سلسه متزعل احد و بنفس الوكت تبسمر ناس عبالك كالوا بقت علينا دخل نسجل و الله كريم
العنوان: رد: سره البيض
أرسل بواسطة: hamada2 في 06:58 09/03/2011
 :D :D :D :D :D :D :D :D :D :D :D :D :D


 :-*
العنوان: رد: سره البيض
أرسل بواسطة: ابن الحله في 07:45 09/03/2011
صح لسانك اخي العزيز
العنوان: رد: سره البيض
أرسل بواسطة: ابو علاوي في 07:48 09/03/2011
رحم الله والديك  هو هذا الي صاير سرة مال بيض يعني انا بالعراق انتضر طلعتي على احر من الجمر والي يوصل ايريد يرجع هية الدنية هم حضوض زين الي مثلي راتبة فوق المليون وبيتة ملك وعندي ثلاث اولاد وبنص اهلي وناسي وكل هذا اطلع ومقرر ما اندفن بالعراق لو اخر يوم ابحياتي وما اخلي اولادي يتربون ابدولة متخلفة عن العالم 200 عام الله وكبر يعني لازم الساعة توكف بمريكة على عام 2011 وحنة نبقة انراوح 200 سنة يالة انلحك بيهم  حسبالهم الحيات اكل وشرب وعيشة رخيصة خلي نضرتكم اخوان الترجعون ابعد من انوفكم الي اقصد بي انضر المستقبل اولادك ومستقبلك صدقني بالعراق ماكو مستقبل ولو العراق ايفيد كان ضلو بي السياسين مو ياهو الي يجي يخمط ويرجع للدول الي بيهة جنسيتة الثانية اما ابخصوص حنينكم للباجة انشاء الله من اجي الكليفورنية اسويلكم محل مال باجة لازعلون وحتة احدث قسم فلافل خاص للعراقين الي يحبون ايعيشون حيات العراق ومستعد اسويلكم علاوي ونهضة واجيب كم صومالية وسويهن ام الجاي علمود اشوية تاخذون راحتكم واذكركم بيامزمان اما ابخصوص الكهرباء والصيطرات المتروسة بيهة الشوارع هاي جدا سهلة الكهرباء انطفيهة عليكم 22 ساعة باليوم هم بيهة وبلياهة انوفرلكم كم فلس وعندي كومة خطط من اوصل لمريكة اتخليكم تذكرون بيهة العراق وخصوص بغداد منزوعت الخدمات وتدللون
العنوان: رد: سره البيض
أرسل بواسطة: hamada2 في 07:54 09/03/2011
اي عمي ابو علاوي اهم شي الباجة

ترة ها اني هم اريد ارجع علمود الباجة  :'( :'( :'( :'( :'( :'( :'(

يالله ننتظرك تفتح محل باجة ابو علي

بس ليش رايح لكلفورنيا ؟ تعال لمينيسوتا بيهة صومالين هواية والصوماليات معدلات بالجاي   ::) ::) ::)

العنوان: رد: سره البيض
أرسل بواسطة: علي امون في 09:54 09/03/2011
                                                               ألسلام عليكم جميعآ
أولآ أحييك اخويه العزيز على هذا الموضوع المفيد والحقييقي صدك لاعاب حلكك . وياريت باقي الاخوان تكون مواضيعهم هادفه ومفيده مثل هاي الامور

وترة فعلآ اكو ناس ممحتاجه اصلآ تطلع ولا عدهه مشكله بس هيج بطر وتزاحم كثير من الناس الي ماعدهم بس ألله
واكو احد المسئوليين العراقيين الي زار عمان قبل فترة ويمكن بعض الاخوان عرفوا جاب ابنه وياه وقدم لجوء
بس اليقهر بالمسئله انو طلع ونطوه لجوء بزمن قياسي وذاكو ببريطانيه ليششششش ألله يقبله فوك مو الوقت اللهم انوب يزاحمون الناس حتى بهاي المسئله حسبناألله ونعم الوكيل

تحياتي الك وكلامك على راسي


وتحياتي لمن دمر حياتي


علي أمون
العنوان: رد: سره البيض
أرسل بواسطة: Torture Killer في 10:24 09/03/2011
في يوم من الايام ملك العالم اتمرض كلش وراد يموت فراحت الناس اتزوره من كل مكان اجوي اثنين يابانيين واحد منهم حجى وكان كلامه جدا جميل فالملك كله اني راح انطيك اي شي تريد على كلامك هذا بشرط واحد هو ان انطي لصاحبك مضاعف فالياباني كله مو مشكله اريد معمل ..... الملك كال انطو معمل وانطو لصاحبه اثنين التفت الملك على الياباني كله ما ضجت لان انطيت لصاحبك اثنين .. كله طبعا لا المهم اني اخذت واحد.... واستمر الحال على نفس المنوال كلما يجي وفد ينطي لواحد اي شي يريد وينطي لصاحبه اثنين والكل مقتنعين ومتشكرين...
واذا يدخل العراقي ويضرب دقلات من بدايه القاعه لحد ما وصل للملك وشك هدومه وكام يلطم ومد ايده بجيبه وطلع قصيده ومدح الملك مدحا لا يوصف حتى وصل لمرحله الالوهية ..... كام الملك من مكانه وكلهم جيبو يمي هذا الوحيد الي يحبني صدك .... كله شتريد انطيك حتى اتصير بمكاني هم اقبل بس لازم انطي لصاحبك اثنين .... العراقي كله اي افكس عيني .. استغرب الملك من هذا الطلب وكله ليش افكس عينك... كله حتى تعمي صاحبي

وهذا هو حال شعب افكس عيني العظيم
العنوان: رد: سره البيض
أرسل بواسطة: ام بكر في 10:37 09/03/2011
والله كلامك كله صحيح . بالله اعرف ناس هنا بلبنان مدري ليش اجوي  و طلبو لجوء وحصلو اللجوء و طلعتلهم امريكا . هناك وكال اوووي شسوي بامريكا . اريد استراليا واجاله رفض . وظل هنا سنه ونص ونسه وفر لما ضاج من لبنان كال كافي رح اسجل بالعوده الطوعيه وركب الطياره على حساب الحكومه العراقيه ورجع . يعني هذا مو كان ماخذ مكان غيره اللي محتاج اللجوء ؟ اويلي علينا
العنوان: رد: سره البيض
أرسل بواسطة: ميمي2010 في 11:41 09/03/2011
غعلا اخوان انياعرف تقريبا ثلاث عوائل وصلت لامريكا وهسة ديرجعون للعراق بعد ان حصلوا على الاقامة زين اذا واحد ممحتاجها ليش اصلا يروح وياخذ سره غيره وشي ثاني امريكا شلون تخليهم يرجعون للعراق همة ميكولون مهددين والله راح اتخبل الله يهدي الناس يارب
العنوان: رد: سره البيض
أرسل بواسطة: مروكو في 12:05 09/03/2011
هوايه اكو ناس تاخذ الاقامه و ترجع و اني بنظري هذوله اصلا مو مهددين  و لا اكو اي خطر عليهم بس هيج اخذوا اللجوء لان حشر مع الناس عيد مثل ميكولون و تشوفهم عدهم شغل و مشاريع بالعراق فوكاها و عايشين بره  و اكو ناس الله يعلم بظروفهم و منريد نظلمهم بالنهايه هاي  حياتهم و همه حرين باتخاذ قراراتهم بس ننصحهم لان نريد مصلحتهم ونحب الخير للجميع  
العنوان: رد: سره البيض
أرسل بواسطة: زرزور بغداد في 12:12 09/03/2011
ألسلام عليكم ..... وألله العظيم اخواني أني أعرف عائلتين جيراني زين ... عدهم ألله يزيدهم كل واحد بيتين ومحلات وكوستر وسيارتين تكسي .... هذا كله أبغداد ...... وهسة هم كاعدين اهنا بسوريا كاعد ياخذون مساعدات حصة .... ودينتظرون السفر الى امريكا ... وكل شي مامحتاجين .... وأكو عوائل كوة امدبريهه

زين ذولة ليش أمقدمين ال أمريكا .... مع العلم أنه هذه العوائل ماكو عدهم أي تهديد أو شي صار وياهم

بالعافية
العنوان: رد: سره البيض
أرسل بواسطة: مغترب بلا وطن في 12:14 09/03/2011
هو شنو اسوأ شي ممكن يصير ويانه ب امريكا ؟؟؟

اني اجاوب نفسي واكول انو اولا محد راح يموت من الجوع وثانيا اسوء شي نطلع بيه من امريكا بعد فد 4 الى 5 سنين هو ان نتقن اللغة الانكليزية وناخذ الجنسية الامريكية , هههههههه دتلاحظون اسوأ شي شنو؟ ;D ;D
العنوان: رد: رد: سره البيض
أرسل بواسطة: Cpt_Ali في 12:25 09/03/2011
مقتبس من: مغترب بلا وطن في 12:14 09/03/2011
هو شنو اسوأ شي ممكن يصير ويانه ب امريكا ؟؟؟

اني اجاوب نفسي واكول انو اولا محد راح يموت من الجوع وثانيا اسوء شي نطلع بيه من امريكا بعد فد 4 الى 5 سنين هو ان نتقن اللغة الانكليزية وناخذ الجنسية الامريكية , هههههههه دتلاحظون اسوأ شي شنو؟ ;D ;D


بس أكو شغله أخوية العزيز وهيه اللي يضل بأمريكا وعايش على المساعدات فطول عمرة مراح يتعلم لغة لانه راح يكضيها تمبلة وصلاة ونوم, ومراح يصير براسة خير, وبنفس الوقت راح يكون أنسان فاشل, ومحد راح يحترمة اهنا بهذا البلد لانه مكاعد ديقدم فشي للمجتمع, وبهيج حاله هذا الانسان راح يعتبر عار على المجتمع.
العنوان: رد: سره البيض
أرسل بواسطة: مروكو في 12:29 09/03/2011
اي والله اخويه مغترب هوه منو يحلم يحصلها للجنسيه تعالوا شوفوا بالبحرين كتل و مكتول لان اكو ناس تجنست من قبل 16 سنه  و لو ممتجنسين ذاك الوكت هم جان هسه استحقوها لان القانون 15 سنه
من حور جنسيتهم عاد  عبالك الملكيه البريطانيه و من ذاك اليو لليوم مشاكلهم  و هاي الكويت ربع الشعب بدون و امريكا تنطيها على طبق من ذهب و محد راضي  
العنوان: رد: سره البيض...اني من المؤيدين للاخ كاتب (سره البيض)لأن اكو ناس داتستوي على منقلة انتظار المحلفين و
أرسل بواسطة: ALQUBIAS في 12:36 09/03/2011
اني من المؤيدين للاخ كاتب (سره البيض)لأن اكو ناس داتستوي على منقلة انتظار المحلفين وجماعة ال iom بس ترة اخوان لا أحد ابلوم غبره اكو ناس انصدمت بالحقيقة (من الهوش للماكنتوش) اكيد ما اتحملهة عقلهم وكالو خلي نرجع الى بلد المفاجات
العنوان: رد: سره البيض...اني من المؤيدين للاخ كاتب (سره البيض)لأن اكو ناس داتستوي على منقلة انتظار المحلفين و
أرسل بواسطة: Cpt_Ali في 12:39 09/03/2011
مقتبس من: ALQUBIAS في 12:36 09/03/2011
اني من المؤيدين للاخ كاتب (سره البيض)لأن اكو ناس داتستوي على منقلة انتظار المحلفين وجماعة ال iom بس ترة اخوان لا أحد ابلوم غبره اكو ناس انصدمت بالحقيقة (من الهوش للماكنتوش) اكيد ما اتحملهة عقلهم وكالو خلي نرجع الى بلد المفاجات

لاعاب حلكك اخوية, خليهم يرجعون لانه هذولة عار على المجتمع الامريكي, اذا ضلو اهنا فراح يجيفوها لامريكا مثل مجيفوا بلدنا العراق
العنوان: رد: سره البيض
أرسل بواسطة: Architectural Engineering في 12:42 09/03/2011
تحيه خاصه الى صاحب الموضوع

والله يا اخوان ذوله حسد عيشه لا اكثر ولا اقل

تحياتي
العنوان: رد: سره البيض
أرسل بواسطة: اريج الراوي في 12:56 09/03/2011
فعلا الموضوع جدا حلو والتعبير عن الفكره جدا راقي وبالفعل دكت على الوتر الحساس .الكثير الكثير قدمو للهجره وهمه ابدا ممفكرين  بيها بس على اساس فرصه اجتي وديشوفون ناس كاتله روحه عليها فشون يرففضوها عيب .لازم يكملون كل الاجرائات وينسحبون باخر لحظه  (على كولة صاحب الموضوع اهو هم بيض. لعد انت مجنت تدري بيض لو هو انانيه )طبعا مراح احجي على الي وصلو  ورجعو  قد تكون لهم اسباب ولو هم هي مو مقنعه بس مو مشكله .اني احجي على الي  ينطوهم موعد سفر وميروحون وللعلم اكو منهم اياجلون الموعد للمره الثانيه وهمه متاكدين ميروحون من الاول. و ميروحون واني اعرف هيج عائله وهذا طبعا خساره ماديه من الهجره واخذ مكان عائله اخرى اكيد محتاجه اكثر منهم ومن اتناقشهم ايجاوبوك بعذر اقبح من الصوج وهو هسه خلي تصرف علينا الحكومه الامريكيه هو من افلوسنه مال العراق )طبعا اني مراح اناقش افلوس منو بس راح ااكول نسو هاي نفسها الفلوس والجهود  اتفيد غيرهم بغض النظر من اين تاتي وعبالك هي مساله افلوس ديتلفوها اعنادا بامريكا .مو اعنادا باخوتهم العراقيين المحتاجين هيج فرصه
الله يهدي عباده يارب
العنوان: رد: سره البيض
أرسل بواسطة: احمد سلطان في 13:58 09/03/2011
اشكرك اخوية زيد صدك واللة ضحكتنى خوش تشبية بس بلا زحمة شكد ينطون طبقى لو نص يابة شتسوى واللة العالم روحها طافرة مدتعرف شنو مصيرها وشتسوى فالتمس العذر لاخوانك علما انى لازم سرة على البيض من عام 2006 وانشا اللة راح يوصلى السرةالعفو سرة اللجوء خربطتنى زيد بين سرة اللجوء وسرة البيض ياااااارب الكل يستلم مو يوصل النا السرة ويكولون خلصنة تحياتى وتمنياتى للجميع بطبقة بيض ودجاجة
العنوان: رد: سره البيض
أرسل بواسطة: محمد امين في 14:21 09/03/2011
السلام عليكم اشلونكم اخباركم ها الي كاعدين بالكاردنز وشميساني اشلونكم اهم شي ما ضايجين منحصرين وجوعانين وما لاكين شغل لا ترى نزعل عليكم  اهم شي انتو اتوطنتو على الدول الي تريدونه مو ترى ماكو شي  يضل تحت السرير  بس اريد اخاطب الشريف الي بيكم الي امزحم على الناس الفقره الي كاعدين تحت الانقاض لو كاتلهم الجوع حلال حرام تاخذون سراهم هذول ناس تعبانه ومو لاقيه تاكل عمي عيب عليكم وعيب على نص تجار الحره هنا امقدمه على توطين وجاي ياخذون راتب ومساعدات ومزحمين على المرضه ولك عيب وحرام عليكم المن لحمد لحمود ترى الجفن ما بي جيب اخوكم الي ماكول قلبه محمد امين الي ما يعرف شسوي  اكلكم اتقو الله لان دعاء الفقير مستجاب يا ناس والكم الكلام وارجو الرد على رسالتي لان انا احب النقاش الصريح والجاد من هاي الناس المحترمه الي ذكرتهم وشكرا
العنوان: رد: سره البيض
أرسل بواسطة: كوجي كابوتو في 14:49 09/03/2011
السلام عليكم اخوان
تحياتي للاخ صاحب الموضوع ولكل الاخوه الشرفاء الي جاوبو  وحب اضيف شي ثاني (اني شخص مهدد لاكثر من 6 مرات حاولو الارهابيين والمليشيات قتلي وتهجيري والاستيلاء على بيتي وقتل اخواني ولكن الحمد لله في كل مره الله ينجيني وتدرون اسواء ما بالموضوع انه شخص من هل مجموعات الي  كانت خارجه عن قانون الله وعن كل قوانين الطبيعه  هسه باميركا وفيزته اجتي  بايام يعني كم يوم ورى المقابله الامنيه واني صار الي اشهر انتضر الفيزا بعد المقابله فكلولي وين العداله بهاي الشغله ورحم الله والديك اخويه صاحب موضوع البيض
العنوان: رد: سره البيض
أرسل بواسطة: المهندس زياد في 14:55 09/03/2011
اخ محمد امين تحية الك

بس سؤال يرحم اهلك انت ليش حاقد على اهل شميساني والكاردنز؟؟؟؟ شمعنه؟؟؟؟؟ بعدين تعال جاي ابو المرضة والمزاحمين ياهو الكلك امريكا مثل السويد حبي اذا ماكو شغل هناك الك اديح مع احترامي لا مريض ولا كلاوات

شويه الناس والاعضاء خل يراقبون هالحجي الدنيا مو بس فلوس ولا طمع وجشع اخي اكو ناس هجت بثيابها وهيه تملك ما تملك بسبب المليشيات السنية السخيفة المسمية نفسها مقاومة الله يجرم وهم شلة عصابات مجرمة منحرفة لو مليشيات شيعية ايرانية عميله والطلعو جانو يملكون ما يملكون فعيب هالحجي السخيف الماله معنى

يا اخي اذا انت حاقد او حاسد فليش متصير مثلهم شاطر وتعرف دربك صح مثل التعبو؟؟؟؟صح اكو الحيتان والحرامية بس اخي اصابع ايدك مو كلها سوا

سلامي
العنوان: رد: سره البيض
أرسل بواسطة: زهرة الصبار في 14:55 09/03/2011
يعني على اساس اللي كاعدين بشميساني والكاردنز زناكين وميستحقون توطين  ??? ??? ??? ??? ???لعد لو  تعرف كاعدين بصويفيه وعبدون ودير  غبار شتكول عليهم لا اخي لا مع احترامي الك بس هذا مو منطق لان هوايه ناس عدها فلوس تهددت وعافت وطلعت واعتقد الزنكين واللي عنده جم فلس اسنهدفو حتا يبتزو والكل تعرف هالشغله والنتيجه كان انه طلع دول الجوار وحصل اقامه سنويه ينشلع كلبه حتا يجددها كل سنه وميدري شوكت يغضبون عليه ويطلعون قرار وينطرد حاله حال كل العراقيين الباقين يعني بين قوسين هم ياخذ سرة بالداخليه ويه غيرة وينتظر الى ان تخلص معاملته .زين هذا شنو فرقه عن اللي ماعنده اللي يفرق انه شبعان ويصرف على نفسه لكن يحتاج الجواز الاجنبي مثل ما انت محتاجه حتا مينذل باي دوله هوه موجود بيها او اي دوله يريد يروحلها وترفض تنطي فيزة دخول بس لانه هوه عراقي او تحجزه بالمطار بغرفه وتقفل عليه الباب من برة حتا لينهزم ويطلع من المطار ويبقى بالدوله لانه باعتقادهم انه العراقي ميستحق الحياة وميستاهل يعيش غير بالعراق (هذي هي فكرة كل الدول عن العراقي)بعد كل هذا تستكثر عليه اذا قدم ديروح لجوء حاله من حالك وللعلم هوه ديروح بس علمود ياخذ الجواز الامريكي مو علمود ينافسك على مساعدات اوشغل ولمن يحصل الجواز ايا كان مصدره امريكي اوربي استرالي موزمبيقي يعرف انه راح يحترمو وميضايقو باي دوله مو لسبب وانما فقط لانه هوه مو عراقي
اتمنى اخويه ان تكون الفكرة وصلتك واقتنعت بيها لانه بالنهايه الكل تهدد وتهجر وخسر وطلع ويعرف انه ما اله رجعه عالاقل فد 10 سنين لخه
تقبل الراي الاخر مع التحيات
العنوان: رد: سره البيض
أرسل بواسطة: ĈAŃDŶ في 15:22 09/03/2011
فعلا سرة بيض
ونص الي سافرو والي دياخذون مساعدات همه متمكنين ماديا وضروفهم مو مال مساعدات والفقير كاعد ياكل بنفسه و بكم فلس بقتله

بس كلها متوكع اله براس الفقير والمحتاج

وبعد هو مظلوم بقت على السفر يابه بلعافيه عليهم بس مال يرجعون ويأثرون على البقيه هاي مو عداله ابد

شنسوي اكو الله
العنوان: رد: سره البيض
أرسل بواسطة: اريج الراوي في 15:23 09/03/2011
اخويه محمد امين  مع الاسف انت طلعت عن الموضوع ورحت بعيد .اما لانك مفاهم الموضوع او مفاهم شنو وليش طلعنا من العراق اصلا االجميع الي طلع صدك من العراق واكد الصدك طلع لان مهدد واجه بدول الجوار مجانت طلعته لان هو ملاكي ياكل وانما مهدد لان الفقر بالنسبه الموضوع التهديد اصبح شي تافه وللعلم حتى اليو ان اذا رحت كتله اريد اطلب اللجوء لان ماعندي شغل وماعندي اكل تضحك عليك وتلزمك الباب يعني الفقير والزنكين يجمعهم عامل مشترك واحد هو التهديد مو العوز والي كاعد بدير اغبار ومتهددهو نفسه الي كاعد بالخرابه ومتهدد الاثنين ماعدهم وطن يحميهم ومن حقهم يلكون من الي ايوطنهم في
بلد تعترف بيهم كانسان .
اني مدا اقلل من شان العوز لكن هاي ربك جعل الناس مستويات منذ الازل.  ا واحنه اهنا مدنحجي على هلشغله احنه نحجي على  الشي الطارئ الي حاصل بالعراق والي العبد سواها مو ربك
اتمنى اتوضت الصوره
العنوان: رد: سره البيض
أرسل بواسطة: اريج الراوي في 15:34 09/03/2011
ودنحجي على الناس الي ممتهدده وتكدر ترجع باي وقت للعراق وازاحم على الطلعه ووره فتره بسيطه ترجع .وفقط تاخذ فرصة قد تكون حلم لغيرها
العنوان: رد: سره البيض
أرسل بواسطة: الناسك في 00:01 10/03/2011
والله يابة كلام ذهب والماس وزمرد وياقوت ...
تقبل مروري
العنوان: رد: سره البيض
أرسل بواسطة: حمزاوي في 20:28 10/03/2011
صدقت ورب الكعبه
العنوان: رد: رد: سره البيض
أرسل بواسطة: ابو علاوي في 21:00 10/03/2011
مقتبس من: مغترب بلا وطن في 12:14 09/03/2011
هو شنو اسوأ شي ممكن يصير ويانه ب امريكا ؟؟؟

اني اجاوب نفسي واكول انو اولا محد راح يموت من الجوع وثانيا اسوء شي نطلع بيه من امريكا بعد فد 4 الى 5 سنين هو ان نتقن اللغة الانكليزية وناخذ الجنسية الامريكية , هههههههه دتلاحظون اسوأ شي شنو؟ ;D ;D
يابــــــــــــــــــة اشكد ضحكت  الله صدك اسوء شي ليصير عندك جنسيتين عراقية ومريكية  هنيالهم الراحو ونجحو ابحياتهم انشاء الله نلحكهم
العنوان: رد: سره البيض
أرسل بواسطة: Storm2003 في 04:00 11/03/2011
مستقبل العراق مجهول واكو هواية رجعو للعراق هسة يفكرون بالانتحار لان ضيعو مستقبلهم بالاستعجال ما فكرو انو امريكا بس اول سنة صعبة بينما العراق اول 100 سنة صعبة يعني من الولادة للموت ومن واحد يموت يرتاح
اني اتعجب ليش اكو اقلام داتدافع على اليائسين ومتذكر نجاحات 99 بالمية من العراقيين الي عبرو اول سنة بنجاح وهسة ما شاء الله مرتاحين وبدو يحسون بالفرق بين امريكا والعراق الي هو من السما للكاع
اخوان ديرو باللكم ترة الخروج من امريكا مو مثل الدخول لان راح تنتهون من تخرجون