قصيده اخرى اعجبتني اتمنى ان تعجبكم
سولف گول الك واهس تضل وياي ؟؟؟
واذا ما الك واهس گول لاتخجل
ما اقبل احبك وانت مامرتاح
وما ارتاح احبك وانت ماتقبل
اذا متشدني بيك وبيه اشدك حيل
انحل بسهوله منك وتنحل
بكيفك من اجيت وما جبرتك يوم
وماجبرك بكيفك لو ردت ترحل!!
فكر باليهمك والمهم شتريد ؟؟؟
انه كل اليهمني المهم ماتزعل
ما مليت منك اگدر ابقه اوياك
بس المشكله خاف اني راح انمل ؟!!؟
ميهمني الدرب صار امشي بيه اسنين
ما اندل گبل بس هسه گمت اندل
وماگولن خساره الراح مني وياك
وي كلمن تحبه الروح ماتبخل
روحي الحبتك تتحمل بلياك
وماينقص صبرهه بغيبتك يكمل
مجنونك نعم
بس تدري روحي شلون
تنجن بالعشگ وبلا عشگ تعقل؟؟؟
حبيتك صدگ والوكت چذبه اهواي !!!
وبمعركة الدغش انه انزلت اعزل
وتعرفني ولو عندك شكوك اهواي
وادريلك شكوكك چان عندك حل
من شفتك سنابل روحي اجت ترويك
ولاتظن تصير الك منجل
حبيتك صدگ والوكت چذبه اهواي !!!
صحيح هذا الكلام صحيح
دتبدع اخوية
عجبتني الخاطرة
ونتظر المزييييييييييد
حبيتك صدگ والوكت چذبه اهواي !!!
صحيح هذا الكلام صحيح
دتبدع اخوية
عجبتني الخاطرة
حمامتنا الحبابه
شكراً لكي لردك الجميل وكل جميل نابع منكم ولكم
ونتظر المزييييييييييد