ankawa
منتدى الهجرة واللجوء => الهجرة و واللاجئين => الموضوع حرر بواسطة: mohamad.alanee في 00:55 14/03/2011
-
اعزائي عيوني انتو ترة ورب الكون اني سألت سؤال والسؤال ابلاش واني جديد بالمنتدى ولحد الان محد انطاني الجواب الصحيح وحتى الموضوع انشال ومحد معلق ولا احد دازلي جواب كل موضوعي هو.... طلعتلي هجرة الى فنلندا واول مقابلة الي صارت وية الوفد الفنلندي نفسة وحصلت موافقة بعد 4 اشهر ورحت لل يو ان كفرسوسة وكلولي الحكومة وافقت ع ملفك بس تبقة تنتظر تلفون من السفارة الي يعرف اي شي مثلا شكد ويتصلون شكد اطول لحد ماسافر رحمة لوالديكم اريد جواب مظبوط
-
أخوية العزيز
أن شاء الله الي عنده رد يگدر يفيدك أني والله ماعندي فكرة على هذا موضوعك ومسمعت بي بعمان صار هيجي شي هوايه أعرف ناس بس فنلندا ماأعرف بس أني عندي شغلتين أگدر أفيدك بيهم وهي ترى لا نصيحة ولا فضل دأسوي عليك هي مجرد كلمتين
موضوعك هذا لو تنزله بالهجرة يمكن أحسن يفيدك يعني هناك أكيد واحد راح يقرا وأذا مجاك رد عليه ظل سويله رفع لحد ميشوفه واحد من الي عدهم خبرة وهمين اكو ناس خيره هناك وأهنا همين بس هي الشغلة أخوية الواحد ميگدر ينطي جواب بشي ميعرفه لأن هذا مستقبلك وباجر الله يحاسبنه على هذا الجواب قبل متحاسبنه انت عليه
الشغلة الثانية أخونا اهنا بالدردشة أسمه بغداد بقلبي هو بفلندا دزله عالخاص واساله وهو ميقصر وان شاء الله ينطيك الرد بلكي هو عنده معلومات لأن هو بفلندا
ان شاء الله أكون فدتك واني همينراح اسألك أي واحد من الي اعرفهم بلكي أشوفلك احد عنده معلومه أو سامع معلومه تفيدك وان شاء الله منقصر وياك
الله يسرها عليك اخوية
وتحياتي وسلامي
-
تفضل اخي هذا موضوع اخونا بغداد بقلبي تكدر تراسله وهو انشاءلله يساعدك بالرد
http://www.ankawa.com/forum/index.php/topic,456910.0.html
اخي هاي الروابط للاخوة الي مقدمين من سوريا انشاءلله تستفاد منها اني نقلت موضوعك من الدردشة الى الهجرة لانه هو القسم الخاص للمواضيع الهجرة وحتى الاخوة يطلعون عليه ويساعدوك بالرد انشاءلله مايقصرون
http://www.ankawa.com/forum/index.php/topic,457443.0.html
Meme Al-Temimi في يوليو 12, 2010, 08:07:54 pm
--------------------------------------------------------------------------------
((رحلة البحث عن وطن))
أخوتي أخواتي الأعزاء في أدناه رحلتنا في البحث عن وطن من خلال الأمم المتحدة في سوريا
أرجو ان تكون مفيدة للأعضاء الأعزاء مع تمنياتي بأن يضيف كل منهم رحلته لتعم الفائدة على الجميع
1- تم التقديم الى الأمم المتحدة (حرستا) في تموز 2007 و حصلنا على وثيقة الحماية .
2- مقابلة توطين (كفرسوسة) 21/02/2009 .
3- ترشيح لأمريكا و مقابلة في كفرسوسة 23/02/2009
4- ترشيح لألمانيا في 16/03/2009 (بدلا عن أمريكا) . بناء على توصية من الأمم المتحدة .
5- رفض من قبل ألمانيا (بدون مقابلة ) و ترشيح لفنلندا 27/07/2009
6- مقابلة الوفد الفنلندي (كفرسوسة) 06/09/2009
7- رفض من قبل فنلندا و أعادة ترشيح لأمريكا 18/10/2009
8- مقابلة IOM (الأولى و الثانية بنفس اليوم ) في يوم 02/11/2009 (في المزة)
9- مقابلة محلفين (كفرسوسة) 05/05/2010 .
10- فحص طبي (جميع الفحوصات في يوم واحد ) 20/05/2010 .
11- نتيجة المحلف ( أستلام الضرف ) في يوم 27/06/2010 (موافقة) .
و الباقي على رب كريم .
الملاحظات
اولا : أن قصتنا مقبولة 100% لأنها مدعمة بوثائق كاملة لا يرقى أليها الشك ، لذلك كان هناك اهتمام منقطع النظير من كل من قابلناه عربيا كان او اجنبيا منذ بداية المشوار .
ثانيا : الغريب بالموضوع أننا رشحنا لأمريكا اولا ، ثم حولنا الى ألمانيا دون معرفة السبب !! ، كل ما حصل أنهم (الأمم المتحدة) كانوا يتصلون بنا هاتفيا في كل مرة و يسألون "هل لديكم مانع بالترشيح الى أمريكا؟؟" ، و الجواب "لا مانع أبدا " .
ثم نفس السؤال عن ألمانيا " هل لديكم مانع من تغيير الترشيح الى ألمانيا ؟؟" , و الجواب ايضا "لا مانع أبدا " , و في الثالثة كان نفس السؤال و لكن لفنلندا !!! , و كان جوابنا هذه المرة " لماذا ؟!! " ، فكان الرد "بأنكم مرفوضين من قبل ألمانيا !!" , دون تحديد السبب .
و نفس الشيء حصل مع فنلندا ولكن بعد مقابلة الوفد الفنلندي الذي كان متجاوبا معنا الى درجة كبيرة و خاصة و أن معضمنا يتكلم الأنكليزية بطلاقة و يتحدث معهم بشكل مباشر و دون مترجم .
و مع ذلك فوجئنا بالمكالمة الهاتفية التي ابلغتنا رفض فنلندا مع العبارة التقليدية " هل لديكم مانع بالترشيح الى أمريكا ؟!!!!" ، و نفس الجواب " لا مانع أبدا " .
"و ما حيلة المضطر ألا ركوبها " !!!!!!!
ثالثا : بعد مقابلة المحلف الأمريكي الذي كان متجاوبا الى درجة بعيدة كما غيرها من المقابلات السابقة , دخلنا مرحلة أنتظار النتائج و الفحص الطبي .
أتصلت بنا سكرتيرة الطبيب لغرض أبلاغنا بموعد الفحص الطبي فطلب منها الوالد تأجيل موعد فحصي (انا ميسو ) لأن عندي أمتحان في الجامعة يوم الفحص الطبي , و لكنها أجابته بأستحالة تأجيل موعد الفحص فسألها الوالد "لماذا؟" ، قالت (ان ملفكم مكتوب عليه حالة خاصة!!) لذلك لا يمكننا تأخيره لدينا ولايوم اضافي ! و سوف يعاد الى الهجرة بشكل منفرد و ليس مع وجبة الملفات التي لدينا !! .
(( شي ما يشبه شي )) !! ناس ترفض و ناس حالة خاصة و الله أعلم ماذا تخبئ لنا الأيام
نرجو الله ان ييسرها علينا و عليكم انه سميع مجيب .
-
اني شفت الاخ بغداد بقلبي كان مجاوب على موضوعك الاول راجع الردود على موضوعك اخي العزيز وترة اللي عنده معلومة هنا الكل ما يقصرون تحياتي
-
والعباس لو نعرف جان جاوبنا ??? , بس الي اعرفه اكو بحيرة بفلندا تكوم تمشي عليها الشاحنات بالشتا >:( >:(