ankawa
منتدى الهجرة واللجوء => الهجرة و واللاجئين => الموضوع حرر بواسطة: ameeeeeer11 في 04:37 14/03/2011
-
السلام عليكم
اولا اني عضو جديد واحب اشكر جميع الاعضاء الكرام
اخوان احب اسافر برة وتحديدا الى امريكا لاكن ماعندي اوليات او معلومات عن سفر طبعن الغايه من سفر هوه علاج و سكن او استقرار
طبعن اني مريض الله يبعدكم عن مريض ويشافي جميع مسلمين ومسلمات مرضي هوه تخثر بلدم نسبه قليله في ساقي لاكن الاطباء يكلون مابيك شي بس ارفع رجلك واني مليت ابصراحه لئن صار 3 سنوات متعذب ماخليت طبيب مارحلتله كلهم نفس شي مابيك شي
فاريد اروح لمريكا اهناك علاج ممكن وامكانيات رهيبه
وكذالك والدتي الله يحفضهه ويحفظكم عدهه ضغط مامستقر وكذالك والدي
اولا اريد اعرف البيوت او منازل اذا صح تعبير اشكد اسعارهن لئن افكر اول ماروح اخذ بيت
وطبعن اريد بولايه يوتا لئنها هاديه وحلوه
سؤال اهنا
منزل بيوتا اشكد يوصل الاسعار يعني حتى تكون عندي خلفيه بيت مو ضغير ولا كبير متوسط
هاي نقطه وياريت لو تذكرون سعر بلدولار و دينار العراقي اكون ممنون منكم
ثانيا واهم اشون اطلع من عراق يعني هسه بهاي ظروفنه لازم شنو اسوي
لئن اني مااعرف اروح للمطار بغداد اركب وطير اكيد اكو امور لازم اسويه اقدم طلب مثلا او اروح دوله فلانيه وراهه فلانيه حتى اوصل هاي الامور ارجو اسرادهه اهنا حتى يكون عندي معلومات كامله حتى ابلش اشوكت ماحل هل معلومات واني اشكركم جزيل شكر مع ممنونيه
-
صباح الخير اخي العزيز و اهلا و سهلا بيك بيناتنا
رح احاول الخصلك الموضوع بكم نقطه حتى تفتهم بيها على السريع
1- حضرتك مشتغل ويا الامريكان بالعراق ؟ اذا مشتغل فتكدر تقدم من بغداد !
2- اذا ممشتغل لازم تطلع لوحده من دول الجواز يا تركيا يا الاردن علمود تقدم على المفوضيه الساميه لشؤون اللاجئين و طبعا لازم عندك قصة اضطهاد و تهديد بالادله و الوثائق حتى تمشي شغلتك و تتحول لامريكا !
المده لا تقل عن سنه في احسن الاحوال و الظروف و اذا كولشي ماشي عدل !
هسه نجي شون تطلع :-
1- الاردن يا تطلع بري و تحصل فيزا عن طريق شركو جت بالعلاوي و الفيزا بيها ممضمونه يا تروح برحله على الخطوط الجويه الملكيه الاردنيه تو وي يعني مرجع و تطلع الفيزا ب اسبوع!
2- تركيا تحجز على الخطوط الجويه التركيه روحه رجعه و تاخذ الفيزا بالمطار !
اما بالنسبه لاسعار البيوت هسه يجون الاخوه بامريكا و يفهموك
تحياتي
ألن
-
ممنون منك اخي كريم
زين ماكو اسهل مثلا شركه هيه ترتب الامور بمريكه سمعت اكو هيج شركات بس مااعرف حقيقه ام كذب
ميهمني الماده اهم شي ندخل امريكا بدون هاي هوسه كله مال اردن وغيرهه
-
اخي منو كلك اكو شركة ترتب لامريكا ههههههههه
اخي اصلا هسه السفر متعطل للي طالعلهم سفر من الاجئيين للاجراءات الامنية .مو انوب شركة ترتب سفر
اخي لا توجد اي طريقة للدخول لامريكا عدا ما ذكر من الاخ الي قبلي
يعني تقدم لجوء او انك مشتغل ويه الامريكان تقدر تقدم من العراق.
هنا امور اخرى وتحتاج لوقت اكثر واعتقد هاي اسهل واسرع طريقة
واحذر من هاي الشركات اكثرها نصب واحتيال يعني ياخذون فلوسك وما يسوون الك شي
-
لا اخي الا امريكا وين اكو هيجي شي شركات مااعرف منو امريكا من اصعب الدول بالدخول انت تعر ف بعد هاي امريكا
ماكو غير الحلول الي كلتها فوك في حالة امريكا
تحياتي