ankawa

منتدى الهجرة واللجوء => الهجرة و واللاجئين => الموضوع حرر بواسطة: ابن الحله في 20:25 14/03/2011

العنوان: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: ابن الحله في 20:25 14/03/2011
السلام عليكم
انشالله بخير كل العراقين بشكل عام و العينكاويه بشكل خاص
احبتي ان امكن لو احد يزودني بمعلومات عن سانت لويس ولاية ميزوري ولو ياريت لو ساكن هناك
(من طبيعة العمل ,الاجواء ,الاسعار للسكن و المعيشه او المنظمات ودعمها)
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: مغترب بلا وطن في 20:27 14/03/2011
ها ابن الحلة شنو الموقف ؟؟؟ اجتك الفيزا ؟ :D
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: engineermech في 21:55 14/03/2011
يمعود ابن الحلة صدك شنو اجتك الفيزا
سولف
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: National في 00:57 15/03/2011

اخي ابن الحله عندي اصدقاء اثنين بميزوري وبمدينة سانت لويس اشو  ضايجين من هذه المدينه ونسبة الناس اللي من اصول افريقيه عاليه ومنصحون بهاي الولايه وياريت هم لو اذا اكو منن سكنة هاي المدينه ايوضحونه
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: ســـرى في 03:00 15/03/2011
اختنا swan_mo الغالية وحاليا lamia rehani في ولاية ميزوري حسب علمي حاول تراسلها وتفهم منها بس اني ما اعرف هي بنفس المدينة لو لا..........
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: lamia rehani في 04:26 15/03/2011
تحية طيبة
 الاخ ابن الحلة المحترم
الدكتورة سرى المحترمة

بعد أن راسلتني دكتورتنا الرائعة تسألني حتى اجاوب على موضوع الاخ ابن الحلة ولان هي تعرف قلة تواجدي في منتدى الهجرة أرتأت ان تبعثلي رسالة على الخاص
كم أنت كبيرة ومحبة للخير ومعطاءة ياابنتي الغالية ،تحية اعتزاز ومحبة غاليتي
اخي ابن الحلة بعثتلك على الخاص تفاصيل كاملة وأي سؤال اني بخدمة الاجابة
تقبلوا تحياتي واحترامي
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: ابن الحله في 06:17 15/03/2011
اود التوجه بالشكر الجزيل لكل من وضع رد و خصوصا  الاخت سرى و الاخت ام محمد على المعلومات التي افادتني بها
وتعليقا على كل ردود الاخوان الاعزاء  engineermech و مغترب بلاوطن لاماحصلت فيزا بس صديق الي حصلها و طلب مني اساله على هاي الولايه لان هو ولا طكه بالانترنيت وراح يروح هناك
وايضا لي صديق هناك نصحني بالمجيء حين اكمال معاملتي
فردت اعرف شنو الاخبار
جزيل الشكر للكل مره ثانيه
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: مغترب بلا وطن في 06:29 15/03/2011
مقتبس من: lamia rehani في 04:26 15/03/2011
تحية طيبة
 الاخ ابن الحلة المحترم
الدكتورة سرى المحترمة

بعد أن راسلتني دكتورتنا الرائعة تسألني حتى اجاوب على موضوع الاخ ابن الحلة ولان هي تعرف قلة تواجدي في منتدى الهجرة أرتأت ان تبعثلي رسالة على الخاص
كم أنت كبيرة ومحبة للخير ومعطاءة ياابنتي الغالية ،تحية اعتزاز ومحبة غاليتي
اخي ابن الحلة بعثتلك على الخاص تفاصيل كاملة وأي سؤال اني بخدمة الاجابة
تقبلوا تحياتي واحترامي

ليش على الخاص ؟؟؟
خليها عللا العام للفائدة العامة اذا ممكن.
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: lamia rehani في 07:09 15/03/2011
السيد مغترب بلا وطن
بصراحة مو لان المعلومات سرية
بس عندي خلل برسائل الردود من اطبع اكثر من اربعة أسطر ،ميصير ارسال وتنمحي الرسالة وبعد عناء الكتابة لاكثر من مرة تكرر الموضوع فأرتأيت ان ارسل جوابي برسالة على الخاص
عموما يكدر السيد ابن الحلة المحترم ينشر نص الرسالة للاستفادة العامة
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: ابن الحله في 08:17 15/03/2011
تحية معطره بعطر الياسمين لجميع الاعضاء الافاضل
هذا نص الرساله التي ارسلتها الاخت ام محمد بعد تعذرها على نشرها على العام بسبب الخلل الذي يحدث معها عند كتابة الرساله حتى تعم الفائده للجميع
الاخ الكريم ابن الحلة المحترم
راسلتني الدكتورة سرى تطلب مني معلومات لموضوعك واني بالخدمة اخوية العزيز
اسكن مدينة سانت لويس من سنتين والحمدلله مرتاحة بيها ولو هي تعد من المدن الخطيرة نوعا ما لكن كلما ابتعدت عن سكنك قرب الافارقة السود انت راح تعيش بأمان
ولو اخواني العراقيين صارلهم سنوات عايشين هناك وماكو حادثة تسجلت على اي نوع من الاعتداء عليهم ،يمكن هي مسألة نفسية والله أعلم
عموما الايجارات رخيصة بهاي المدينة يعني اذا المنظمة اختارتلك السكن فمو اكثر من 500 الى 600 دولار بالشهر وكلما ابتعدت الى ناحية الغرب من المدينة كلما زاد ايجار بيتك ،مثلا ايجار بيتي 950 وانت تعرف تقيس الفرق ،بصراحة احنا فضلنا السكن بهاي المنطقة لنوعية الساكنين والاهم نوعية مدارس الاولاد
الجو بالمدينة اذا تقصد الطقس فهو بارد قارس جدا بالشتا وحار ورطب وممطر بالصيف يعني كلش يشبه جو دبي او البصرة بالصيف
المدينة مشهورة باحتواءها على اكبر وأهم جامعات امريكا على الاطلاق هنا اكو جامعة واشنطن العريقة وجامعة سلو ،هاي المعلومة كلت يجوز في حساباتك تريد تكمل دراسة
الشغل يااخي متعلق بلغتك كل ما لغتك احسن فرصك افضل ،ولو لليوم اني ماشفت عراقي عطال بطال ولو نوع وظائفهم بسيط وقد يشوفه البعض غير لائق ،لكن الحمد لله كلها عايشة
المنظمة اكو منظمتين بمدينتنا 1 المعهد العالي لشؤون اللاجئين2 مؤسسة كنيسة الكاثوليك
والمنظمتين يتشابهون بقيمة ونوعية المساعدات ولمدة 4 اشهر فقط
وهي المظمة راح تساعدك بالبداية لايجاد فرصة عمل
اتمنى أكون قدمتلك معلومات تفيدك واي شي اني حاضرة واتمنالك سلامة الوصول والاستقرار
تقبل تحياتي واحترامي

اختك ام محمد
العنوان: رد: حبايب ,ممكن مــــعلومـــات عن (سانت لويس ولاية ميزوري)
أرسل بواسطة: مغترب بلا وطن في 08:28 15/03/2011
شكرا للاخت ام محمد على هذا المجهود , مبين عليها خوش ولاية بس مشكلة البرد بيها.