-
حبايب اهديلكم هاي الاغنية لاجمل صوت من البصرة الفيحاء
اسمعوها كلكم
احسن من المناوشات والحرب بين السعلوات!! وحزب الرجال الظالم
ياريت ياشبابنا الحلوين ماتنسون هذا الطرب الاصيل ،وهاي الاغنية من أجمل ماغنى فؤاد سالم
تحياتي ومحبتي للجميع
http://www.youtube.com/watch?v=Fm_Dt7lkOJc&feature=related
-
الله الله فؤاد سالم ذوق راقي حقا ولست بمستغربة ذلك عن رفيقة روحي العزيزة ام محمد
سلمتِ غاليتي وسلمَ لنا نبض ذاك القلب المرهف لينعشنا دوما بارقى الكلمات
واشجى الاغاني
واود ان اهديكِ هنا اكثر اغنية لفؤاد سالم اعشقها جداااااااا
كلام الناس
http://www.youtube.com/watch?v=On5xnlbnQU0
-
الارمنية صديقتي وغاليتي
شكراً حبيبة على الاغنية الرائعة
الله على أيامنا الي راحت وصوت فؤاد سالم يجمع كل ذكرياتنا الحلوة
الله شكد كانت دنيانا حلوة وشكد كنا سعداء رغم بساطة حياتنا
اشكرك حبيبة مرة ومرتين والف على كلامك الرائع والطيب،دمتِ بالف خير
-
حبيبة ام محمد يا نسمة رقيقة تحي الروح بليلة حب وتحت ضياء نور القمر
دوما ارى بك الانثى التي سمت وعلت وابهرت الجميع بحكمتها وأصالتها وجمال روحها
كنت اتذكر ان بابا رحمه الله ال يعشق فؤاد سالم ومن اروح يوصلني للكلية كان يسمع بالطريق شريط له وانتبه ان يردد معه اغانيه
باركك ربي واحترامي سيدتي فاسعدني المرور
-
شكرا حبيبتي خاله ام محمد على الاغنيه الحلوة
::) ::) ::)
-
اخت عزيزه ام محمد عاشت ايدكي وهاي اغنيه اهديها اليكم
http://www.youtube.com/watch?v=C4d5qmrnBNE&feature=related
-
أمونة ،ابنتي الغالية
ربي لايحرمني من جمال روحك ياغالية
نعم حبيبة فؤاد سالم كبرنا وية صوته العذب ،ومن اسمعه لليوم ،يذكرّني بايامنا الحلوة وناسنا الاحلى
الف رحمة ونور على روح الوالد ،ربي يجعل مثواه الجنة ومليون رحمة على الانسان الفاضل الي أوهب اسمه لأصيلة مثلك
ياريت ياحبيبة ذائقة شبابنا اليوم تتمسك بالعادات الاجتماعية الي نشأنا عليها ،وحتى من ضمنها هذا الفن الراقي الاصيل
اسعدني تواجدكِ حبيبة وأشكر كل كلمة ثناء من أحلى وأغلى أمونة،ربي يسعدك ياغالية
-
ماكنتوشة العذبة الجميلة
حبية متعرفين شكد أسعدتيني بتواجدك
والاحلى انك حبيتي الاغنية وبصراحة هذي كانت غايتي اخلي شبابنا الحلوين يتواصلون مع اجيالنا ويستمتعون بالفن الحقيقي
لان بصراحة وللأسف اجيالنا عاشت احلى من حياتكم حتى ذكرياتنا وطفولتنا هواية اهدأ
المهم ياحبيبة اشكر تواجدك العذب ياعذبة
-
اهلا اهلا بأخوية الغالي ابو تبارك
اي ابو تبارك سمعت شكد حلوة الكلمات ،ياربي ..
مااعرف ليش فؤاد سالم تحديداً هو الي يرافق ايامي الحلوة ،الله على ايامنا يااخوية ،وينها شو لا حس ، ولا احاه ،،، بس كت الدموع ،،،
مااعرف شلون اشكرك وانتَ الي على طول تفرح قلبي وتسعدني بالدعاء لعائلتي ولابني نور العين محمد تحديدا
ربي يسعدك ويحفظك ،ويحفظ اولادك وعائلتك بجاه هو الحبيب المصطفى
يااحلى وأغلى أخ بالدنيا ربي لايحرمني من تواجدك الغالي الطيب
ولايحرمني منكم يااصلاء وطيبين
-
خالتي الغالية ام محمد شلونج
طبعا" ههههههههههههه عجبتني مال حزب السعلوات حسب علمي هاي تسميتي أني أول من أطلقها على السعلوات قصدي على العضوات بالحروب القديمة الطاحنة الي كانت بينا بس مو عالكل أكيد بس على الي تكره الرياجيل >:( >:( >:( >:( >:( >:(
والي يتمنن زوال الرجال وعدائهم واضح اما الحبابات والطيوبات هذني وردات جمبدات 8) 8) 8) 8) 8) 8)
طبعا خالتي اني فؤاد سالم حبيت من والدي الله يرحمه ويرحم أمواتكم اتذكر من جنا نصعد بالسيارة جان تعجب أغنيتين كلش هواية ويندمج وياهم هي بعدج صغيرة عالسهر والخ مشكورة يعني صدگ حلوات هاي الأغنيتين وهذ الطرب القديم ميتعوض والواحد من يسمعه ينطرب ويتونس ويتذكر ايام قبل الحلوة
وهاي رابط أغنية بعدج صغيرة عالسهر ولو قديمة ومقطع واحد يمكن لأن مدورت هواية عليها المهم الي راح يحبها للأغنية راح هو يدور ويتعب نفسه شوية ;D ;D ;D ;D ;D ويجيبها
تسلمين خالتي الغالية على تذكيرنا بسوالف وذكريات قبل الي دنتحسر عليها بس نگول الحمد لله على كلشي
http://www.youtube.com/watch?v=gHZFWrGkhp0
تحياتي وسلامي
-
haigo الجميلة التي لم أسمع منها الا همسِ كل ماهو رائع
الله الله على هالاغنية الجميلة وعلى هالاختيار الاجمل
بحر عينك ،،واّنة أمواجك تهت بيهن سفينة
اّنة مابعتك وأكول الغالي ،،غالي
واّنة روحي،،، واّنة روحي ،،لشوفتك صارت رهينة
وتدري أحبك ،،تدري ..تدري
وتدري بعيونك حياتي
وانتَ روحي ،وانتَ خليت العمر يزهي بسنينه
اكرر الشكر والمودة هايكو ،،غاليتي
-
ابن زيونة ،ولدي الغالي
اني بخير اذا انتَ بخير ،ربي يسعدك ويخليك ياغالي
ها لعد انت طلعت صاحب التسمية واني كنت متصورة الاخ شمعة والله ظلمته لعد
وهاي مال جنبدات متفيدك خليها الك هههههههه وردة وغالي يا ابني ،،
اسعدني تواجدك هنا وحبك لسماع هذه الاغنيات ،وربي يرحم الوالد ويجعل مثواه الجنة ،والاصيل ياابني يخلف اصيل وان شاءاله تبقى انت شايل اسم هالطيب بكل خير وفخر وكلنا نشهدلك
والف شكر على الرابط ،تحياتي للوالدة الغالية وكل عام وهي بمليون خير وصحة وعافية ،وصّل تحياتي وامنياتي الها بمناسبة عيد الام ،وربي يسعدك بشوفتها.
-
عاشت ايدك ياغاليه على هذه الاغنيه وهذا هو الطرب الاصيل وكل عام وانت بالف خير بمناسبة عيد الام وملكيت احلى من هذه الفرصه كي احييك من كل قلبي واقبل يديك الف مره لانك مثال للام العراقيه الحنونه الطيبه واهديك اغنيه ارجو ان
تتقليها مني
http://www.youtube.com/watch?v=fFyPQlW9hpo
تحياتي وتقديري
-
kfc_w2002 زيد ولدي الغالي
انت الغالي ،ياغالي
ربي يحفظ شبابك ويسعدك ،ويجعل لك بكل خطوة نور وسلامة
متعرف شكد فرّحت قلبي بتهنأتك وعظيم كرمك وخلقك ياأبني
يشهد ربي معزتك من معزّة الغالي محمد ،تصدك مرات أكول هسة يطلع زيودي يشبه حمودي بالشكل هههههه أي والله من كثر ماأحبك ياابني الغالي
ويوم الي توصل بمليون سلامة وتحقق كل أحلامك ،بسلامتك وسلامة عائلتك،اّمين رب العالمين
بس اكول الله يرضى ويسعد البطن الي حملتك وزرعت بيك كل هالخلق الطيب الرائع وبهاي المناسبة أهدي لوالدتك الكريمة كل الرجاء والدعاء بالخير والصحة والسلامة بلغها تحياتي وكبير احترامي
-
الغاليه ام محمد ربي يفرحك دووووم ويحفظك ويحفظ اولادك ياطيبه
ممتن جدا لدعائك وكرمك ولك مثله وسبحان الله الذي يؤلف بين القلوب ويجعل قمه الايمان للمتحابين في جلاله
اللهم اجعلنا من المتحابين فيك، ومن المتواصلين فيك، ومن المتناصحين فيك يا رب العالمين.
الوالده فرحت كثيرا عندما قرات كلماتك اللطيفه المباركه النابعه من اصلك وخلقك الطيب النبيل وتبلغك السلام والتحيه وتشكرك كثيرا على دعائك وتدعو لك من كل قلبها بالصحه والسلامه وان يجمعك بولدك الغالي محمد بعاجل غير اجل اللهم امييين
تحياتي وتقديري وخالص احترامي
-
الغالية ام محمد شجابه ببالك المغني فواد سالم اكو اغنية مرة طلعت بالتلفزيون كلش حلوه اسمها ( حركت الروح ) ردت اخلي الرابط معرفت بالنسبة للاغاني القديمة احلى بكثير من الاغاني الحالية القديمة اكثر بيها معاني من اغاني هذا الجيل امثال هيفاء واغنيتها الواوا :) وغير من الاغاني الي مابيها اي معاني
اختيارك رائع للمطرب فواد سالم عاشت ايدك حبيبتي
(http://www.upgulf.com/gif/uf538739.gif) (http://www.upgulf.com/)