ankawa
منتدى الهجرة واللجوء => الهجرة و واللاجئين => الموضوع حرر بواسطة: knary في 01:14 28/03/2011
-
مساء\صباح الخير اخواني وخواتي:
اني مقدمة على فيزا هجرة ودزولي ايميل يردون " شهادة الولادة" مترجمة!!! اني ما عندي اي معلومات منين اطلعهااا ممكن احد يساعدني منين ؟؟؟ قريت بعض المواضيع هنا مكتوب من مركز تسجيل الولادات الخاص بالمحافظة اني من بغداد بس ما اعرف هذا المكتب وين يصير رجاءاااا ساعدوني!!!!!!!!!!!!!!!!!!!!!!!
-
هذه مشاركه الاخ سبع صنايع
المستمسكات المطلوبة
1-صورة قيد مترجمة
2-صورة قيد ولادة مترجمة والغير مترجمة
3-عقد زواج مترجم والغير مترجم
4-نسخة من DS-230
5-نسخة من DS-234
6-BIOGRAPHICAL
7-نسخة من Refugee benefits
8-صورتين لكل شخص للفيزا بحجم 5*5 سم
9-تعهد خطي ان لا يوجد بالعراق تقرير شرطة (يكولون هسة صارت عدم محكومية فتأكد)
10-نسخ من أي باجات امريكية
اولا:صورة قيد مترجمة(ايضا تسمى 57 او Family book )
1- الذهاب الى دائرة جنسيتك وتطلب صورة قيد لغرض التصديق والترجمة و(شكلهه مستطيل مخطط خطوط حمر او زرق).
ملاحظة مهمة (يجب ان تؤكد على موظفة الجنسية ان تكتب لك رقم اخر بطاقة جنسية قبل جنسيتك الحالية يعني انت اذا جنسيتك الحالية رقمهه 50000 وقبل الزواج او الضايعة كان رقمهه 10000 فيجب كتابة الحالية بالوجه والقديمة بالخلف طبعا هذا يشمل جميع افراد العائلة.
2-الخطوة الثانية هي الذهاب الى دائرة جنسية السنك الواقعة في شارع الرشيد بين شارع الخيام وجسر السنك على الشط
ملاحظة مهمة: يجب احضار العائلة بالكامل لغرض البصم وتستطيع بعد ذلك ان ترجعهم بعد ان يراهم الضابط ويجب جلب المستمسكات الاصلية (سكن تموينية هوية احوال شهادة جنسية وجواز السفر لكل افراد العائلة وستة صور ملونة ويفضل بخلفية بيضاء واخذوا فلوس وياكم)
بعد اصعد وانزل واكثر من ضابط يدقق يدزوكم للترجمة الموجودة في نفس البناية الطابق الارضي
سوف يدقق الشخص معك ويطبع الكتاب وانتبهوا مطابقة الاسماء وحسب جواز الجي.
3-الخطوة الثالثة هي الذهاب الى دائرة تصديقات الداخلية الواقعة في ملجأ في زيونة شارع الربيعي قرب جامع اليقين ومن الافضل ان تروحون من وكت وتاخذون الجوازات والجناسي وبعد شتلة ساعتين ينطوكم الكتاب اللي يكون نسختين لكل شخص.
4- الخطوة الاخيرة هي الذهاب الى تصديقات الخارجية في العلاوي تاخذلهه فد 3 ساعات
هنا احنة كملنة صورة القيد وتكون نسختين لكل شخص
الوقت التقديري (4-5) ايام
ثانيا: صورة قيد الولادة
1-تذهب الى المستشفى التي ولدت فيها اوالى مركز الزوية في الكرادة قبل جامعة بغداد بالنسبة للرصافة ومركز الكرخ لتسجيل الولادات قرب مستشفى الكسور في العطيفية او اذا ولدت من قبل قابلة تذهب الى القابلة وتسألهه في أي مركز صحي تسجل الولادات واذا القابلة ميتة تروح لأقرب مركز صحي على بيتهه
طبعا اسهل شي للي يعرف بيا مستشفى انولد ويزودوا بصورة قيد ولادة للترجمة والتصديق شكله يكون شوية اكبر من كف اليد
2-الذهاب الى دائرة صحة بغداد في ساحة عدن حصرا وتستنسخ الكتاب قبل متطب وراح اتقفص عليك ام الاستعلامات وتبيعلك طوابع المهم شغلتكم بين الطابق الرابع والخامس طبعا كل شخص بالعائلة اله صورة قيد منفصلة يعني اذا زوجتك ولادتهه بصرة او سليمانية لازم تروح وتجيب صورة قيد ولادة قبل متروح لصحة بغداد هااااي شلون شغلة تعبانة.
2- الذهاب الى مكتب نادر للترجمة قبل المسرح الوطني واخذوا فلوس وياكم
3- ثاني يوم تأخذ صورة القيد المترجمة والاصلية الى تصديقات الخارجية واخذوا فلوس وياكم
وهنا نكون خلصنة صورة قيد الولادة الوقت التقديري(4-6) ايام
ثالثا: عقد الزواج
1- تاخذ نسخة من عقد الزواج وتذهب الى المحكمة التي عقدت فيها وتطلب اربع نسخ للترجمة والتصديق الارشيف راح يدزوك الى عرضحالجي في الباب وسوف يطبعلك اربع نسخ على جهتي الورقة
تنطي 5 الاف وتدخل للمحكمة وهنا يجب التأكيد ان يتم الختم على جهتي الاوراق يعني وجه وكفة وهذا الشي جدا مهم طبعا اول شي القاضي يوقع على جميع الصفحات وبعدين المحقق القضائي يختم على جميع الاوراق لذا يرجى الانتباه.
2-تأخذ جميع الاوراق وتروح الى محكمة استئناف الرصافة في عمارة شذى في الوزيرية اذا كنت عاقد بمحكمة بالرصافة او الذهاب الى محكمة استئناف الكرخ في حي العدل اذا كنت عاقد بالكرخ واذا بالمحافظات فكل شخص حسب محافظته.رح يشتلوكم 5 الى7 ايام
3-تاخذ الاوراق الى مكتب نادر للترجمة لغرض الترجمة
4-من تستلم النسخ الاربعة تعمل نسختين ملونة وتاخذ الاوراق كلهن الى كاتب عدل الصالحية في شارع حيفا ضمن بناية وزارة العدل وراح يملوهن اختام وتواقيع وراح يحتفظون بالنسختين المستنسخة.
5-في اليوم التالي الذهاب الى تصديقات الخارجية في العلاوي
الوقت التقديري (7-10) ايام
رابعا:
DS-230
طبعا تتكون من 35 فقرة واربع صفحات رح اشرحهن وحدة وحدة
اولا يجب ان تحول البي دي اف الى وورد ثم تطبع وتوقع وتسوي سكنر وترجعة بي دي اف
1- الفقرة الاولى هية الاسم الكامل وحسب ما مكتوب بالجواز الجي وبدون غلط رجاء
2-الاسماء الاخرى تطبع
N/A
3-الاسم حسب مامكتوب بالجواز ولكن بالعربي
4-تأريخ الولادة
5- العمر
6- مكان الولادة (المدينة,المحافظة والبلد)
7-الجنسية طبعا عراقي
8-الجنس
9-الحالة الزوجية
10-اسم وعنوان وهاتف الصديق او القريب في امريكا واذا لايوجد تكتب
N/A
11-هنا يترك فارغ يكلك اذا تريد الكرين كارد يوصلك الى مكان يختلف عن العنوان اللي انطيتة في الحقل العاشر يعني عوفوه فارغ.
12-شنو شغلك يعني اذا مترجم تكتب
ثم رقم تليفونك.Linguist
13-عنوانك الكامل محلة وزقاق ودار ومحافظة والبلد
14-اسم الزوجة وحسب ما مكتوب بالجواز ثم الحقل الذي يليه تاريخ ومكان الولادة والحقل الذي يليه عمل الزوجة واخيرا تاريخ الزواج يعني مو الحفلة عقد المحكمة.
15-اسم الاب الكامل
16-تاريخ ومكان ولادة الوالد وعنوانه الحالي واذا متوفي تكتب
في حقل العنوانDeceased
والحقل الاخير سنة وفاة الوالد اذا متوفي.واذا غير متوفي تكتب
N/A
17-اسم الام الكامل
18-تاريخ ولادة الام ومكان الولادة والعنوان الحالي ومتوفية لو لا يعني نفس شرح الفقرة 16
19-تكتب اسماء الابناء وتاريخ الولادة ومكان الولادة
20-تكتب جميع العناوين والاوقات التي سكنتها لمدة ستة اشهر واكثر منذ ان اصبح عمرك 16 سنة
21- القسم الاول هنا تكتب الاسماء التي كتبتها بالفقرة 14 و19 يعني الزوجة والابناء
والقسم الثاني
-هنا محد رح يلحكك لامريكا يعني تكتب
N/A
22-عملك في العشر سنوات الاخيرة الشركة,الموقع,عملك يعني طالب او مترجم او معلم وهكذا,اوقات العمل من والى.
23-المعاهد والكليات التي دخلتها مع الاوقات ثم اللغات التي تتحدثها ثم لاي نقابة انت تابع يعني المهندسين المحامين الاطباء واذا متابع لاي نقابة بس اكتب
N/A
24-الخدمة العسكرية اذا خادم تكتب الفرع يعني جيش نظامي حرس جمهوري حرس خاص والرتبة وتواريخ الخدمة واخيرا صنفك يعني مشاة مدفعية وهكذا واذا مخادم بعد احسن خلي اكس بمربع النو
25-هنا تطبع كلمة
Never
يعني انت بحياتك مرايح لامريكا على فرض انه كلكم مشايفين امريكا
ثم توقع وتكتب تاريخ تنظيم الاستمارة.
26-ترجع تكتب اسمك مثل الجواز
27-تكتب
N/A
28-اسمك الكامل بالعربي
29-اسمك وعنوانك ورقم تليفونك بالانكليزي
30- مربعات تزركهن كلهن
NO
يعني انت مو حشاش ولا مخبل ولا مجرم وهكذا
31-
NO
32-
NO
33-طبعا انت ما عندك سوشيال سيكيورتي فتخلي اكس بمربع الاول
تريد واحد طبعا تخلي اكس بمربع الاول يعني يس
الحقل الذي يليه نضع اكس في حقل الاول يعني انت توكل المنظمة باصدار سوشيال سيكيورتي
34-هل ساعدك احد بكتابة الفورمة تكتب لا لان اذا كتبت أي يعني تكتب اسمة وعنوانة ولغوة لذلك اكتب لا واخلص
35-لتلعب لان هذا الحقل مو الك
ملاحظة: يجب ملئ هذة الفورمة لكل شخص يعني للزوجة والاطفال يعني كل نفر فورمة وفي حالة ان لايوجد جواب مثل طفل عمرة سنتين ماهو عمله او اسم الزوجة وهكذا فقط تكتب
N/A
خامسا:
DS-234
تتكون من صفحتين و29 فقرة وايضا تكتب حسب عدد افراد العائلة
1-عدد الافراد في القضية يعني اذا 2 تكتب 2 واذا اربعة تكتب 4
2-اذا انت مفدم الطلب الرئيسي تكتب نعم والزوجة والاطفال تختار كلا
3-
N/A
4-الاسم الكامل وحسب الجواز وبالانكليزي
5-الجنس
6-الحالة الزوجية
7-تاريخ الولادة
8-مكان الولادة محافظة وبلد
9- الجنسية
10-القومية
11-الديانة
12-العنوان الكامل
13-رقم الهاتف
14-العنوان البريدي
15-اخر عمل
16- اعلى مستوى دراسي يعني بكلوريوس دبلوم ماجستير وهكذا
17-اللغة الام
18-اللغات الاخرى
19-درجة اتقان اللغة
20-مشاكل صحية تكتب
None
21-عندك احد من كرايبك مقدم على نفس البرنامج
22-اذا عندك كرايب مقدم وتريد تروح وياة بنفس الولاية اكتب اسم الولاية ورقم الكيس مال كرايبك
23-عندك كرايب بامريكا
24-اسم كرايبك
25-تاريخ ميلاد كرايبك
26-عنوان كرايبك بامريكا
27-رقم تليفون كرايبك بامريكا
28- صلة القرابة يعني عمك خالك
29-عنوانه البريدي
سادسا:
Biographical
لحد يدوخ ترة جدا سهلة تسوي سكنر للجوازات وتحت كل جواز تكتب
1-رقم الكيس
2-العمل الحالي
3-الشهادة الدراسية
سابعا:
Refugee benefits
بيهه مربعين تخلي اكس على الاول يعني انتة تريد فوائد والثاني متريد
تكتب رقم الكيس والاسم وتاريخ الولادة توقع وتاريخ التوقيع
ثامنا:
صورتين لكل شخص للفيزا بقياس 5*5 سم وماكو داعي تخافون المصور بس كلله صور للفيزا وهو يعرف.
تاسعا:
هنا شوية انتبهوا مطلوب تقرير من الشرطة يؤيد انك ماعندك جرائم وبالعراق ماكو هيجي شي لذلك تكتب تعهد بالانكليزي وتوقع وصارت ويايه وقبلو بي ومشة
عاشرا:
سوي سكنر لاي باج امريكي عندك مثل باج تايتن او جي ال اس او أي زي باج وطبعا لتنسون الباج وجه وكفة
الان ماذا ترسل؟
1-ببداية الايميل تنسخ اسمك ورقم الكيس نمبر كما موجود في الايميل المرسل من قبلهم وعنوان الموضوع هو رقم الكيس نمبر
2-تقسم البي دي اف الى ايميلين لان الحجم كبير
3-تعمل اتاجمينت للملفات وترسل التالي:
1-عقد الزواج العربي والمترجم طبعا المصدق
2-صورة قيد الولادة العربي والمترجم لجميع الافراد
3-صورة قيد 57 لجميع الافراد
4-صورتين خلفية بيضاء والنظر مباشر على الكاميرا قياس 5*5 سم للفيزا
5-الباجات
6-
Biographic
7-التعهد الخطي حول تقرير الشرطة
8-
DS-230
9-
DS-234
10-
Refugee benefits
http://www.ankawa.com/forum/index.php/topic,267544.msg3996962.html#msg3996962
-
اختي العزيزة
اكيد تملكين بيان ولادة مال حضرتك تاخذين بيان الولادة اذا كنت من سكنه الكرخ الى دائرة الاحصاء تسجيل الولادات والوفيات واللي صايرة على الشط بين جسر الشهداء وجسر مدينه الطب يم مقام الخضر عليه السلام
واذا بالرصافه محل ولادتك هاي ما اعرف بس احجيلج على الكرخ وبعد ما تنطيهم البيان تقوليلهم اريد بيان مصدق الى وزارة الخارجيه
راح يسولكم كتاب الى دائرة صحة بغداد واللي صايرة بساحة عدن منطقه الحريه اقصد بين الحريه والكاظميه بالطابق الرابع تنطيهم الكتاب طبعا المستحبات الاربعة وياج سجلات وصادر ووارد واختام ينطوج كتاب ترجعين للدائرة الاولى راح يزودوج بشهادة ولادة معنونة الى وزارة الخارجيه التصديقات تاخذيه للترجمه وبعدين تصديق الترجمة ومن ثم للخارجيه تتصدق وعاشوا عيشه سعيدة
-
تحياتي للزملاء،،
لولا توصية من سرى كان ما اجاوب على موضوع عنوانه مبهم..اعتقد انه تكتبين الموضوع بيان ولادة او شهادة ولادة.
الخطوات:
1- معرفة مكان مسقط الراس مستشفى او قابلة ماذونة..اذا مستشفى الذهاب الى قسم الاحصاء في المستشفى و تطلبين بيان ولادة وسوف يعتمد تاريخ ولادتك بالبطاقة الاحوال للبحث في السجلات...اذا كانت قابلة موضوع اصعب..لكن المكان الذي يتواجد فيه بيان الولادة هو صورة قيد النفوس في دائرة الاحوال لان يثبت رقم وتاريخ البيان طبعا في حالة لم تعلمي بمكان الولادة نهائيا تلجأين لموضوع معرفة مكان البيان من سجلات النفوس.
2- بعد الحصول على البيان يكون باللغة العربية وبدون صورة الذهاب الى دائرة صحة بغداد ساحة عدن لغرض التصديق و التفاصيل ذكرها اخي عراقي هواي فوق..
3- الذهاب الى وزارة الخارجية لغرض التصديق..
4 الترجمة القانونية مع ختم الجمعية يكون في مقر جمعية المترجمين العراقيين شارع فلسطين الفرع المقابل للباب الخلفي للجامعة المستنصرية..
ملاحظة: ممكن عمل النقطة 4 قبل 3 لغرض التصديق للترجمة لكن لا تشكل فرق كبير لان الوثيقة الاصلية باللغة العربية.
وتقبلي فائق التقدير
-
اشكركم اخواني مـــــــا قصرتوا بالجواب واني اسفة اذا اسم الموضوع مبهم صلحته ,, تسلمون ... بس استفسار ثاني اذا رادوا طلب من الجهة الرايدين الشهادة بهالحاله شنو اسووي؟؟
-
تحياتي للزملاء،،
نسخة لغرض التصديق من الخارجية/ سفر