ankawa
منتدى الهجرة واللجوء => الهجرة و واللاجئين => الموضوع حرر بواسطة: iraq1977 في 02:50 29/03/2011
-
شلونكم اني مشترك جديد
واذا ماكو زحمه
تفيدونا شويه بمعلومات
اني لقد حولو الفايل مالتي الى ال iom وما اعرف شسوي خابرت ال un قالو انت الفايل اتحول وخابر بعد شهر الiom بالكي تفيدونا شويه بمعلومات ???
-
اي عزيزي تدلل وتامر امر
الاي او ام دام ضلها ظاهريا منظمة انسانيه
بس داخليا طبيب تخدير
كل ابره مخدر وكل مغذي تعلك ولا الثاني
وان بعدك ببداية الطريق وخلي ايمانك بالله واصبر
والله مع الصابرين
مو انزل معنوياتك بس شكلك جاي مندفع ومتوقع خلال 6 اشهر انت محلق بسماء امريكا
لا خويه اهدء شويه واكعد وراك طريق
وانصحك قوي لغتك او ادرس سسكو
تفيدك من تاخذ اللجوء
تحياتي اخوك المأيس من امريكا
-
مبروك التحويل وان شاء الله امورك تكون سهلة طبعا انت ما ذكرت انت باي بلد حتى نفيدك اكثر ولكن اني انصحك من يخلص الشهر اذا محد اتصل بك ابعث ايميل للاي او ام على العنوان ic@iom.int واكتب لهم بانك متحول من اليو ان واكتب اسمك ورقم ملفك باليو ان شوف شنو الرد يجوز يجاوبوك بIZ number وبهالحالة راح تكون انت منتظر موعد مقابلة بس مثل ما قلت لك قول لي انت باي بلد لانه مثلا بمصر ممكن تروح للاي او ام وتسالهم بنفسك
-
مثل ما قال الاخ ددوفي ، الافضل ان تراسلهم ic@iom.int بعد شهر او اقل يردون عليك ينطوك رقم ، وحسب تقديري بعد ثماني اشهر ينطوك موعد اول مقابلة وخلال اربع اشهر انشالله تكمل المقابلات كلها والفحوصات وبعدها مثل ما يقولون الاخوة تاخذ مغذي وتنتظر الامنية الي ممكن تكون من ثلاث اشهر الى ثلاث سنوات.
هاي كلها تقديرات غير دقيقة ، بس حتى لا تتوقع اقل من ذلك ، الا للعوائل التي فيها حالة طبية صعبه
-
مثل ما قال الاخ ددوفي ، الافضل ان تراسلهم ic@iom.int بعد شهر او اقل يردون عليك ينطوك رقم ، وحسب تقديري بعد ثماني اشهر ينطوك موعد اول مقابلة وخلال اربع اشهر انشالله تكمل المقابلات كلها والفحوصات وبعدها مثل ما يقولون الاخوة تاخذ مغذي وتنتظر الامنية الي ممكن تكون من ثلاث اشهر الى ثلاث سنوات.
هاي كلها تقديرات غير دقيقة ، بس حتى لا تتوقع اقل من ذلك ، الا للعوائل التي فيها حالة طبية صعبه
عيني ترة موعد اول مقابلة ممكن يكون خلال شهر حسب الدولة والضغط اللي على المنظمة
-
انشالله مثل ما تقول اخي ددوفي ويسهل باسرع وقت