ankawa
منتدى الهجرة واللجوء => الهجرة و واللاجئين => الموضوع حرر بواسطة: cristiano ronaldo في 06:30 30/03/2011
-
السلام عليكم ..........
احنة مقابلتنة قريبا انشاءالله مضل شي بس اني كلش خايف بس افكر اخاف ننرفض هم اكو احتمال يرفضون
اذا رفضونة كل احلامي تصير سراب
-
كول يالله اخي وانشاءلله ربك بفرجها وتكون مقابلة سهلة
-
اذا تعرف الاسئلة ما راح تخاف
الخدمة العسكرية ودفتر الخدمة
درجتك الحزبية ايام صدام وطبعا يسالون الاهل ايضا نفس السؤال
هل منضم او تريد تنضم الى اي مليشيات؟
الوظائف الحكومية التي عملت بها
نوع التهديد مباشر او غير مباشر ، وطبعا يردون تقول تهديد مباشر ومستمر
اذا كنت مقيم في احد البلدان سابقا فهل يمكنك العودة لها وهل يمكنك طلب الجنسية فيها؟
في بعض الاحيان لكن قليلة جدا يسالون اسالة مستفزة ، مثلا يسال الزوجة هل عملت بالدعارة؟
طبعا هي استمارة موجودة امام المحلف الامريكي والاسئلة نفسها لكل الناس
وهاي في مرحلة مقابلة المحلف ، اما المقابلات السابقة لها ، فالاولى بايوكراف يعني اسمك واخوتك وشهادتك وتاريخ الزواج وما شابه والمقابلة الثانية تشرح التهديدات الامنية
-
انت رجل توكل عل الله واترك الخوف عنك وقول يا الله،،،،،،،،،،،،،،،،
بالموفقيه اخي،
-
اخي الغالي انت توكل على الله سبحانه وتعالى وهو يسهل امورك اهم شي تكون صاددق باجاباتك واهم شي متخفي اي شي انت كاتبة وتكون مرن بالاجابة لان الي راح يسالك هم انسان مثلك وماضم عليك ترة هم خوش ناس ومتعاونين ويانا والحمد لله والشكر ولو اني صارلي انتظر اكثر من تسعة اشهر الفيزا والحمد لله والشكر بس عيني بعين الله واتمنى الله ان يفرجه على الجميع مع تحيات اخوك ايفن
-
اخي العزيز الباحه لي صديق قابل هو و عائلته اي او ام بغداد و جانت المقابله سهله و حلوه و نقلياه صاحبي ويكول كانما سكريننك
-
كول يا الله وتوكل ان شاء الله سهلة بس لا تتأخر بالجواب وتصفن
-
يمعود رونالدو المنشستراوي ;)
جكه ابره و داعتك
اسهل منها ماكو
-
كول يالله ولتخاف اني هم جنت كلش خايفه منه رغم هواايه ناس طمنوني منه بس متوقعته الحمدلله جانت كلش سهله واتمنالك كل الموفقيه انشالله
على بختك اخ ارمي انت مشبهته اله بالابرة ترة اكو ناس تموت من الابرة واني اولهم ;)
-
خايف !!!!!!!!!!!!!!!!
واحد يكول تعبت او قلق او ضايج بس كلمة خايف تره ماتسوه
ثم احنه العراقيين من كثر الخوف كمنه مانخاف يعني كلشي ماياثر بينه
ثم يا اخي وين ماتوصل توصل وانت لا تنسى( ومو موضوع مجامله او تملق )احنه غير شكل عن باقي الناس عدنه قابليه اقوى واصلب وبنفس الوقت اكثر مرونه من غير شعوب بالتعامل مع كل الظروف ولا تتردد بالمقابله جاوب على الاسئله لان تره التردد يصير مفعوله عكسي عليك وعلى المقابله
هذه المحاضره تره مو مني هاي المحاضره قبل فتره انطانياها عبادي 75 وقوه من عزيمتي لان كنت قلقه حيل بس الحمد الله اكو ناس هنا صدك اصدقاء بمعنى الكلمه
-
اخي ياسر لاتخاف انشاللة تنجح مقابلتك بعون اللة 8) 8) 8) 8) 8) 8)
-
شكرا اخواني الله يخليكم الصراحة طمنتوني من صدك وان شاءالله الموفقية لكل العراقيين والعرب بصورة عامة
-
كون متفائل اخي ولاتخاف لانه سهله وليش مفول على نفسك من البدايه ربي يوفقك
-
اني قريت خاايف عبالي طلعلك واوي لو شبح لتخاف عيوني روح اتوكل على
الله ولتخااف ;) ;) ;)
مع تحيااااااتي أخووووكم =)======> °ˆ~*¤®§(* ŦŌҒΫ *)§®¤*~ˆ°
-
اني قريت خاايف عبالي طلعلك واوي لو شبح لتخاف عيوني روح اتوكل على
الله ولتخااف ;) ;) ;)
مع تحيااااااتي أخووووكم =)======> °ˆ~*¤®§(* ŦŌҒΫ *)§®¤*~ˆ°
هههههههههههههههههههههه
-
معقوله كلت اني ؟؟؟؟ تيسير السفير موجود بلمنتدى ..ويغني
.................خااااااااااااايف ,,,,,,,,,
تقبل تحياتي ؟؟؟؟ لاتخاف روح الهوه بصدرك
-
اخوان ترة الولد عمره 17 سنه ومن حقة يرتبك خصوصا انو العملية مصيريه , يا دفتر خدمة يا عسكرية يا بعثية هو هسة الولد راح يشوف دربه.
-
عيني اذا عمرك 17 سنه ليش خايف لتخاف بالعكس ما عندك شي ايخوف وروح ومقبول ان شاء الله بس نصيحه بينلهم خوفك هذا اذا رجعت للعراق هاي اذا انت بدول الجوار واذا انت بغدا د بينلهم خوفك اذا بقيت في بغداد واستثمر خوفك بشي ايفيدك وغير ذلك لتخاف
-
خايف !!!!!!!!!!!!!!!!
واحد يكول تعبت او قلق او ضايج بس كلمة خايف تره ماتسوه
ثم احنه العراقيين من كثر الخوف كمنه مانخاف يعني كلشي ماياثر بينه
ثم يا اخي وين ماتوصل توصل وانت لا تنسى( ومو موضوع مجامله او تملق )احنه غير شكل عن باقي الناس عدنه قابليه اقوى واصلب وبنفس الوقت اكثر مرونه من غير شعوب بالتعامل مع كل الظروف ولا تتردد بالمقابله جاوب على الاسئله لان تره التردد يصير مفعوله عكسي عليك وعلى المقابله
هذه المحاضره تره مو مني هاي المحاضره قبل فتره انطانياها عبادي 75 وقوه من عزيمتي لان كنت قلقه حيل بس الحمد الله اكو ناس هنا صدك اصدقاء بمعنى الكلمه
اخت اليز..............اصدقاء واخواااان واحنا بالخدمه الطيبين امثالك
-
عيني مغترب بلا وطن ، اذا كان عمره 17 سنة شلون فتحوله ملف؟ مو غريبة؟ اقل من 18 يعتبر طفل ولا يسالونه شي بس يبصموه
ومع ذلك فان الاسئلة كما راينا فهي عبارة عن فورم امام المحلف يكرر الاسئلة على الجميع من الفورم ويجتهد في بعض الاسئلة اذا ضن ان الشخص لا يقول الحقيقة.
بالنسبة لي قابلت المحلفين مرتين وكل مرة لم تتجاوز المقابلة النصف ساعة. سنة 2008 كانت الاولى وسنة بالضبط بعدها 2009 قالوا نقص معلومات وسويت المقابلة الثانية وايضا ما طولت اقل من نصف ساعة. بس في المقابلة الثانية سالوني هل عندك جنسية استرالية؟ وبعد المقابلة الثانية بثلاث اشهر اجت الموافقة الامنية لكن بعد يردون يتعبونا ولحد الآن لا يوجد سفر.
-
شنو القصة ليش الكل ضايج لانه الولد صريح وكال اني خايف
شو الكل تخاف؟
الا الامورها عدلة وووضعيتهم تمام وهيج مقدمين على اليو ان بس تجربة مو عليها مستقبلهم واحلامهم وكل خططهم!
والا ماكو احد ميخاف حتى لو خوفة ضغيرة
المهم اني نصائحي الك
تدرس قضيتك اكثر من مرة
انته مقابلتك محلف لو مقابلة اولى؟
اول شي الكلام اذا مقابلة اولة احفظه واول مترجع للبيت كتبه بورقه حتى من تصير مقابلات عدك بالمستقبل ترجع تقرة الورقة هاي
وتحفظها حتى متخربط بالي كلته وما تغيره
وخلي ببالك التواريخ اضبطها ولا تخربط بيها
ولا تطي هواية تفاصيل
اما اذا مقابلتك محلفين
فادرس قضيتك هواية وحضر نفسك لهواية اسئلة غريبة
مثلا تكولك شكو ما استعنت بالشرطة؟
كوللها الشرطة متكدر تحافظ على روحها شون تحافظ على روحي واني ما اثق بيهم الخ....
مثلا تكولك خوب عيش بالعراق؟
حضررها جواب مقنع انه انته مستحيل تعيش بالعراق وراح تنقتل اذا رجعت
ليش تريد تعيش بدولة بالخارج
لازم تكول لانه تريد تعيش بدولة امينة وتحترم الحريات والاختلافات وتحترم قيمة الانسان
راح تكولك بس عادي امريكا هم بيها عنصرية
بس تكوللها صح ماكو دولة ما بيها عنصرية بس ما يفوتون عليك يخطفوك لو يقتلوك لانه انته كذا وكذا؟
ولا الدولة الامريكية تسمح بهل الشي وتتهاون مثل الدولة الي اني عايش بيها.
وكلامك لازم يكون هاديء ولو شكد تستفزك لا تصير عصبي
ومثلا اذا مقدم فيزا لامريكا ومرفوض
كوللها اي قدمت وانرفضت
يعني لا ترتبك
اما اذا انته ببغداد فما ادري شنو الاسئلة الي يسالوك الها
الله يسهلك امرك ...وتنقبل انته وعائلتك
اذا انتو عائلة كعدوا سوة وحفظوا سوة وكلامكم لازم متطابق
-
خلي قلبك قوي يا رجل ههههه
-
اخي اصلا المقابلات مال اي او ام زلاطة انت اصلا راح تنزعج وتضوج من التفتيش والانتظار ولذلك راح تسوي المقابلة عالسريع وبس تريد تخلص
-
لتخاف كلها بيد الله
انت وقصتك اكو ناس تقابلو سهله جانت المقابله واكو ناس صعبه
لتخاف اخويه بيد الله
-
اخي صاحب السؤال عندي كم نصيحه
اولا اذا كانت هاي مو اول مقابله فتذكر كل تفاصيل اول مقابله وحاول تصر عليهة لان مرات يحاولون يغلطوك بالتواريخ والاحداث الي سبق وان كلتهة
ثانيا اذا كانت هاي اول مقابله فانت حاول ترتب كلامك واذا عندك اوراق ثبوتيه هم حاول ترتبهة وتسال شنو يفيدك وشنو ميفيد لان بهيج مقابلات الزايد يضر مثل الناقص وكثر الكلام يدخل الموضف الي يقابلك باسئله انت في غنا عنهة
ثالثا اذا كانت معاك العائله فلازم الكل يتفقون على خطوط اوليه راح تحجون بيهة وخصوصا الموضوع الرئيسي مثل الخطف او التهديد
رابعا حاول بعد ما تطلع وبس توصل للبيت تسجل كل حرف كلته وكل سؤال انسئلته لان راح ينعاد بكل مقابله وراها
خامساحاول حته اذا انسئلت سؤال وشفت نفسك راح الجواب يضرك بدل مايفيدك يكون جوابك معرف او متذكر ولا ترتبك لان المحقق راح يكون مركز عليك مو على الجواب
سادسا تاكد ان هاي المواضع هية كلهة بيد الله سبحانه فتوكل على الله ولاتشيل هم لان الموضف الي راح يقابلك ماخذ فكرة مبدئيه عنك جيدة والا ما اختارو ملفك من بين الاف الملفات البقية ويارب بالتوفيق
-
عيني مغترب بلا وطن ، اذا كان عمره 17 سنة شلون فتحوله ملف؟ مو غريبة؟ اقل من 18 يعتبر طفل ولا يسالونه شي بس يبصموه
ومع ذلك فان الاسئلة كما راينا فهي عبارة عن فورم امام المحلف يكرر الاسئلة على الجميع من الفورم ويجتهد في بعض الاسئلة اذا ضن ان الشخص لا يقول الحقيقة.
بالنسبة لي قابلت المحلفين مرتين وكل مرة لم تتجاوز المقابلة النصف ساعة. سنة 2008 كانت الاولى وسنة بالضبط بعدها 2009 قالوا نقص معلومات وسويت المقابلة الثانية وايضا ما طولت اقل من نصف ساعة. بس في المقابلة الثانية سالوني هل عندك جنسية استرالية؟ وبعد المقابلة الثانية بثلاث اشهر اجت الموافقة الامنية لكن بعد يردون يتعبونا ولحد الآن لا يوجد سفر.
حبيبي اخوية اني مفاتحيلي ملف اني وية ابوية اي وية عائلتي
-
اخي انت بس لتفكر بالموضوع اكثر من الازم
ولتشوش فكرك هيه شغله كلش عاديه
بس انت مخليها براسك وتشوفها محكمة
انساها وين متوصل خل توصل
توكل على الله..
-
لالالا لا تخاف انت بس فوت بيها وعلة اليوان خليها وهية تصفة
-
انشاء الله سهله اخي
لتخاف
-
عيني مغترب بلا وطن ، اذا كان عمره 17 سنة شلون فتحوله ملف؟ مو غريبة؟ اقل من 18 يعتبر طفل ولا يسالونه شي بس يبصموه
ومع ذلك فان الاسئلة كما راينا فهي عبارة عن فورم امام المحلف يكرر الاسئلة على الجميع من الفورم ويجتهد في بعض الاسئلة اذا ضن ان الشخص لا يقول الحقيقة.
بالنسبة لي قابلت المحلفين مرتين وكل مرة لم تتجاوز المقابلة النصف ساعة. سنة 2008 كانت الاولى وسنة بالضبط بعدها 2009 قالوا نقص معلومات وسويت المقابلة الثانية وايضا ما طولت اقل من نصف ساعة. بس في المقابلة الثانية سالوني هل عندك جنسية استرالية؟ وبعد المقابلة الثانية بثلاث اشهر اجت الموافقة الامنية لكن بعد يردون يتعبونا ولحد الآن لا يوجد سفر.
حبيبي اخوية اني مفاتحيلي ملف اني وية ابوية اي وية عائلتي
اذا انت ويا ابوك اي ويا عائلتك مراح ايسوولك مقابله لوحدك فلتخاف
-
توكل على الله هو حسبك ووكيلك