ankawa
منتدى الهجرة واللجوء => الهجرة و واللاجئين => الموضوع حرر بواسطة: مروكو في 08:37 30/03/2011
-
السلام عليكم و رحمة الله و بركاته
اخواتي و خواتي الاعزاء قررت ارسل ايميل الى iom و محتاجه مساعدتكم...
اول شي يمكن اكثركم متعرفون القصه ??? اني مقدمه من البحرين و قابلت محلفين قبل شهرين تقريبا و رسلولي ايميل نفس كليشة المقبولين الي هي نفس كليشة المؤجلين ::) و هسه اني ما اعرف قبلونا لو اجلونا لان محد خابرنا من موظفين iom و كال موافقه او تاجيل مثل الباقين بس دزولنا الايميل من DHS و عافونا و ممسوين فحص طبي و المشكله ما اعرف اي احد مقدم من البحرين بس الي اعرف بيه عددنا قليل منتجاوز 30 واحد و حاليا وضع البلد تعبان و ما اعرف شسوي
ماعندي رقم رسمي اخابرهم عليه لان كل مره ياخبروني من رقم مره لبنان مره اردن مره سعوديه يعني بين قوسين خربطه و هوسه
و اليوم اريد ادز ايميل و ما اعرف لمن ادزه على ايميل iom لو على الايميل مال DHS الي دزولي الموافقه ما اعرف التاجيل منه
انتو شتنصحوني ؟؟؟؟
و ما اعرف شكتب ياريت الي يكدر يساعدني و زين بلانكليزي يكتبلي شي مرتب حتى ارسله لان اني مدبرتها اسلوبي يطلع كلش ركيك راح اتعبكم ويايه بس ما عندي احد غيركم يساعدني :) و شكرا الكم مقدما
-
اختي العزيزة اكتبلي تشريدين بالظبط و اني ان شاء الله ما اقصر ... اكتبي رسالتج على الخاص و اني ان شاء الله اترجمة الج
-
دزيتلك رساله عالخاص و شكرا عالمساعده :)
-
عيني دزي ايميل الى ic@iom.int واكتبيلهم رقم الكيس مالتكم واساليهم شباقي لك بالمعاملة راح ييجيج جواب خلال كم يوم
اما عن موضوع قبولكم عادة لما شخص يحولوه على فحص طبي معناتهة مقبول لانه همة ميصرفون فلوس على شخص ما مقبول او قيد الدراسة هذا اللي يصير عدنة هنا بمصر بعد ما اعرف يمكم المفروض نفس المبدأ بس احسن شي دزي رسالة للاي او ام
-
سهلة وادللي مثل ما كال الاخ العزيز ايهم انا هم دزيلي رساله اي شي تريدين تكتبيه ومستعد اترجمهة الج اختنا العزيزة
-
اختي الفاضلة بما انك بالبحرين احب اخبرج انج تكدرين تتصلين على المفوضية بالسعودية وتخبريهم برقم ملفج وتحجيلهم انو الوضع معرف عدهم والبحرين قايمة القيامة بيها واتوقع والعهدة على الرواي انو همة راح يساعدوج بالطلعة خاصة اني فهمت من كلامج انكم مخلصين هواية شغلات
والله ينجيكم وتبشرينة
-
شكرا الكم اخواني اني دزيت ايميل بمساعدة الاخ ايهم الله يوفقه و يسهل اموره يا رب
بس الي عنده رقم المفوضيه بالسعوديه ينطينياه لان ما اعرفه :-[