ankawa
منتدى الهجرة واللجوء => الهجرة و واللاجئين => الموضوع حرر بواسطة: المهاجر الطموح في 15:48 05/04/2011
-
السلام عليكم اخوان
اني باجر عندي اول مقابلة بأنقرة وداكول يا الله ومتفائل :D .... بس الصراحة كللللللش محتار هسة تكولون ليش ... اني رايد اطلع علة كندا وكالو هنا علة كندا اطول ويجوز يشدولك مغذي وتضل اقل شي 3 سنوات ( طبعآ هذة حجي ربعنة هنا والي ماشاء الله كل واحد يحجي بديرة شكل ;D ) وتلحك تبدي تصبغ شعرك هلكد ما رح تبقة هنا :o يعني ما ادري اقدم علة امريكا لان الي فهمتة مطول من تركيا حتة لا اضيع المشيتين لو اخليهة عل ساطور واكلهم رايد كندا .... مع العلم اني اعزب ومخادم لا جيش ولا بطيخ واصلآ الكلاشنكوف شايفة بس بالافلام 8)
ارجع واكول رايد مشورتكم لان اكيد اكو هنا ناس اعلم مني بهيجي قضية بقاطات فياريت يفيدونة من خبرتهم
اخوكم المحتار مابين كندا وبلاد العم جبار
-
كندا ثم كندا ثم كندا.......ونصيحه لا تمشى ورى كلام الناس ترى تضيع ;) ;) ;) ;) ;) ;)
وانت صاحب القرار الاخير اخى....ولحك يا ولد على كندا ;) ;) ;) ;)
-
candaaaaaaaaaaaaaaaa
-
اخويه الورده
هي مو شغلة تريد لو متريد هي رح تنعرض عليك امريكا اول شي اذا رفضتها ميندرى شكد رح تبقى تنتظر يعني اذا الك قابليه تنتظر بتركيا لمده طويله ف عادي كوللهم ما اريد امريكا و انطيهم سبب
تحياتي
ألن
-
علي النعيمي وعبادي 75 ..... علة راسي رفعتولي الهمة لان اخوكم شلون الواحد عندة بنجر وبطريق صحراوي وحتة جك يرفع السيارة هم ماعندة ;D هوة اني رايد كندا وذابح روحي عليهة لان اكو فرق كبييييييييييييييير بالمميزات مابين الدولتين بس اني الخايف منة بس الوقت اخاف لا ابدي من صدك اصبغ شعري واني هنا :P وحتة الحك اخذ اقامة بعد ههههههههههههههههه
ولحـــــــــــــــــــك يا ولد
-
اخى المهاجر معلومه الك يمكن الكثير ما يعرفها
من انت تتحول كندا اجراءاتها اسرع من امريكا...........وتستاهل الواحد ينتظرها العمر كله ;) ;) ;) ;) ;)
-
اخوية الن الوردة
اعرف هوة مو موضوع اريد وما اريد ولا هية بكيفي هاي كلهة اعرفهة بس اني قصدي امنيتي اوصل لكندا وهاي فرصة صارت لكل العراقيين انو يقدمون عن طريق اليو ان ويطلعون لدول جدنة السابع عشر مجان يحلم بيهة بس اني مثل ما كلت وانتة همينة تفضلت بي يبقة موضوع الوقت والانتظار واني مرات اكول حتة اذا سنتين انتظر هم سهلة بس خوفك لا 4 سنين وشيل ايدك
تحياتي يا طيب
-
اخوية ريان خاف بعدين لاحظت بأمريكا ولا خذت سيد كندي ههههههههههههههههه
تحياتي وردة
-
عمي عبادي انت بكندا حاليآ ؟؟؟؟
واذا اي من يا دولة قدمت ؟؟
-
اذا اتيح لك الاختيار فاختار كندا
كندا وما ادراك ما كندا
-
ياريت الله يسمع منك حبيبى....
انا بعمان وقابلت على امريكا .....بس النا حصه بكندا
-
اختي زهرة الصبار
والله هوة مو موضوع اختيار بقدر ما هوة موضوع حظ واني صلوات حظي من نوع يهلهل اني شلون هذا الي راح للجندي المجهول لكاة متسرح ;D هيجي حظي بالضبط واتوقع رح ابقة هنا مدة طويلة اذا رفضت امريكا وكتلهم اريد كندا لان اول ما انرفض من امريكا يحولوني علة استراليا تعال النوب انرفض من استراليا عود يلا يتحول ملفي علة كندا يعني شغلتي حيل عركانة :P
يلا نبقة بتركيا هم حلوة هههههههههههههه
-
اخي المهاجر الطموح اذا ترقض امريكا واكيد حيكلولك امريكا لازم عندك سبب لرفض امريكا مثلا مابيهة تامين صحي او تكللهم احتمال المحلف يرفضني وميحولوني لبلد لاخ سبب مقنع وحسب قوة ملفك تتحول لكندا اني عن نفسي رفضتهة وكتلهم مابيهة تامين صحي وحالتي المرضية ينرادلهة تامين وداانتظر تحويل ملفي يااما كندا او استراليا وعالاكثر حتكون كندا
-
اخوية علي النعيمي اشكر ردك
اني الصراحة رح اكلهم ما اريد امريكا لان احتلتنة وهل ملاعيب وبعدين ماعندي احد بيهة وهمينة تأمين صحي ماكو بس ما اعرف هل الاسباب مفيدة
زين اني عندي تمزق باربطة الركبة ومحتاج عملية اكلهم ما اريد امريكا لان مابيهة تأمين صحي واني محتاج عملية ؟ تعتقد هيجي ينفع
-
امريكا ;D
-
اختي زهرة الصبار
والله هوة مو موضوع اختيار بقدر ما هوة موضوع حظ واني صلوات حظي من نوع يهلهل اني شلون هذا الي راح للجندي المجهول لكاة متسرح ;D هيجي حظي بالضبط واتوقع رح ابقة هنا مدة طويلة اذا رفضت امريكا وكتلهم اريد كندا لان اول ما انرفض من امريكا يحولوني علة استراليا تعال النوب انرفض من استراليا عود يلا يتحول ملفي علة كندا يعني شغلتي حيل عركانة :P
يلا نبقة بتركيا هم حلوة هههههههههههههه
المكتوب غالجبين لازم تشوفه العين
واذا ربك مو كاتبها لتطلبها لان الك بيها صالح ورزقك مياخذه احد غيرك
-
امريكا سيدة العالم احسلك وبيها كلشي وتكدر تروح مناك لكندا اذا متعجبك
-
[color=red]اخوية علي النعيمي اشكر ردك
اني الصراحة رح اكلهم ما اريد امريكا لان احتلتنة وهل ملاعيب وبعدين ماعندي احد بيهة وهمينة تأمين صحي ماكو بس ما اعرف هل الاسباب مفيدة
[/color]
حبيبي الغالي تريد نصيحتي لو تريد اغشك حبيبي اذا سمعت اليوان اللي كاتبة فوك يمكن مراح تبدي تصبغ شعرك يمكن راح تايس من شي اسمة لجوء وراح تبقة لاجئ بتركيا الة اشعار اخر حبيبي يوان تركيا كلش نحسين وبنفس الوقت سريعين بالمعاملات وصدك اذا كتلهم مرايد امريكا راح يشدولك مغذي ابو الخمس لترات وياه صوندة كلش رفيعة بحيث المغذي ميخلص لمدة الحياة لانه اذا ترفضها لامريكا ورة سنة سنة ونص يحولوك علة استراليا وبعدين فد سنة يرفضوك من استراليا اكيد لانه انت رافضها لامريكا وبعدين فد سنتين الخ لو يطلعوك لكندا لو لا انت وحضك بعد اني كنت بتركيا واعرف شكو ماكو وجماعتي هم بتركيا ويحجولي وبالتوفيق انشاء الله
-
مرحبا شباب..........اخوان اني اريد اقدم على ال SIV & IOM ان شاء الله من العراق, وهم بصراحة مراغب بامريكا بس هي افضل الحلول الموجودة و احسن من العراق ب100 قاط.
و اعرف انه كندا و استراليا افضل بهواي, بس اشلون للواحد يكدر يحول على كندا او استراليا؟
-
شوف اخي اولا هوايه ناس عدهم خبره اكثر مني بس حبيت اوضح الك كم معلومه
اذا عمرك جبير مو مال شغل وتعب ف كندا احسن الك
اذا حضرتك مو مال همه مو مال دعك بالحياه حتى تثبت وجودك فانصحك كندا لان رواتبه احسن
اذا ماتتحمل برد وهذا الكلام مو شقى فامريكا احسن لان بيه اماكن معتدله المناخ
اذا عائلتك وياك فانصحك كندا
واذا قريت مواضيع المنتدى وشفت اللطم على راح ينسد السفر وراح تتوقف الاجراءات وراح و راح فانصحك بالاضمن
ثم اكو شغله انت مادام طلع الك توطين خلص راح تتوطن سواء امريكا او كندا او استراليا وانشاء الله العاقبه على خير
-
السلام عليكم
حبي اني بامريكاا وما اريد اعلق على شغله تركيا لان ما اعرف شي عن عمل المنظمه هناااك
بس تعليق بخصوص التامين الصحي وهاي حالات والله اني شفتها بعيني محد كلي بالنسبه الى التامين الصحي
اولا فيغطون هوايه شغلات يعني شخص هنا عراقي جيراني سوة عمليه قسطرة وكلفت اتوقع شي 90 الف دولار
وهو ما دفع سنت واحد ولد صاحبي والدة سوله عمليه بالقلب وهو تبديل شريان وشغلات بالقلب وظل تقريبا
شهر وسالت صاحبي الي هو عايش في ولايه وسكونسن كتله شكد اخويه القائمه كال والله يا عيوني تقريبا
وصلت 250 الف دولار واني اشتغل بمستشفى وارقام فلكيه تشوف كدامك
بالنسبه الى المميزات اتوقع كندااا بس اكو ولايات هم زينه يعني عندي عائله في مدينه شمال كليفورينا
ينطوك 8 اشهر ايجار وقدرة 650 دولار والفود والتامين الصحي
وعدهم شغله حلوة وهو انت من توصل ينزول اسمك في عمل تطوعي وينطوك عدة اماكن قريبه على محل السكن
وانت تختار ما يعجبك وهي تكون اكتساب خبرة وتعلم لغه والاندماج بالمجتمع الامريكي لمدة 6 اشهر هذا البرنامج
اني صاحبي اشتغل بنفس المكان الي اطوع بيه محل ادوات احتياطيه سيارات
وكال اكو منظمات يمنا ما تشتغل تنطيك فلوس الايجار فهي كل ولايه دوله وكل ولايه بيها انواع واشكال
واخيرا شكرا ........ تحياتي
-
اخي المهاجر بس اكلك لاتكللهم امريكا احتلت العراق اصلا لاتجيب السياسة بالموضوع طبعا اي تقرير طبي ينفع حتة لو كان بسيط
-
كندا ارض الاحلام
اقامه دائميه بعد الوصول باسبوعين
جنسيه وجواز كندى بعد الثلاث سنوات
راتب شهرى لمده سنه بحدود 700 دولار
تامين صحى وضمااان اجتماعى
هديه بعد الوصول 2000 دولار
الشغل اقل شى بالساعه 10 دولار
بعد ما تنتهى السنه غلى الراتب تتحول لغير منظمات
تقيم المرحله الدراسيه ويخلوك بمدرسه على المستوى اللى انت فيه
لاعصابات ولا مخدرات ولا جريمه منخفضه لاقل المستويات
كنداااااا ارض الاحلام :o :o :o :o
-
مرحباااااااااا
اخ عبادى 75
اذا واحد راح الى كندا قبل لا يخلص السنة بامريكا ايصير ارجع الى امريكا لو لا
مع تحياتي
-
اخوية دروح لامريكا
واخذ الكرين كارد
ومناك روح الى كندا
هاي فرصة كدامك منو يعرف يمته اجله
-
ماكو توطين الى ليبيا؟ >:( اشو عاجبتني ;D
-
هسه هي واكعة بيدينا اشو لا امريكا ولا كندا ولا اي شي
عمي ياريت باجر يكلولي تعال لمريكا
مع العلم هم ماعندي احد بيها
-
احبيبي
مشالله الجماعه ماقصروا وياك انطوك المفيد وزياده ....
بس عجبتني شغله وحده بكلامك من كلت لو اذبها على الساطوووور
انته بس ناولني الساطووور... متكلي اشطالب العالم...اشو وحده اخت الثانيه وحاير
اخ لو بيدي الساطور ;D ;D ;D ;D عمي اتوكل على الله وين ماتطلع روح دير بالك ترفض
تره هاي نومتك.....
والله يسهللك
-
اخت اسراء
عندك الكرين كارت تدخلى لكندا وترجعى براحتك
اما الكندى ما يدخل الا بفيزا من السفاره الامريكيه فى كندا
وهاذى الشغله تتميز فيها امريكا اكثر من كندا
-
شكرا جزيلا
اخ عبادى 75
على الرد لا بعدني مماخذة الكرين كارد بس كلت بلكت اكو قانون يسمح باالسفر قبل الكرين كارد
-
عبادي ,هاي كندا مو بس ارض الاحلام ,لك جنة بالارض!!! انته متاكد اخوية !!!
زين اذا تحصل فيزة دراسية ,تكدر تبقى بكندا لو هماتين من تخلص يحطون بيك طابع و يرجعوك؟
-
اخي كندا حتى لو تنتضر سنه زايد هم ميخالف
لان تسوى الانتضار
وانت بكيفك
-
حقك بعدك ما شايف ضيم الكمور يعني الفحم با الشته
و حقك ما مشتغل با الاسبوع سبعين ليره
و حقك ما شايف الشرطة التركية على التوقيع كل اسبوع مرتين و دوخت الاقامة و المقابلة كل ست اشهر تتحول غير مدنية
حقك ما شايف اللغة الي اتلعب النفس
حقك ما شايف غرور البشر التركي اهنا هو حشه السامع حيوان كلشي ما يفتهم و ايفيك ابراسي
والله ما انتضر كند لو اعرف انتحر عمي تركية تره موت خوية
نصيحتي الك على امريكا و من تستلم الكرين كارت روح كندا
اخذ حجي اهل تركيا
لان اهل مكة يندلون القبله وين اتصير
هاي حتى المثل انكلب من ضيم تركيا
ادعيلي
و انت بكيفك
-
امريكااااااااااا وبس
كندا باردة اولا وماتجي نقطة ابحر امريكا العظمى
-
اخي اليوم خابروني اليوان الموظف الي قابلني توطين كال كندا مسدودة بس امريكا كتلة عيني حول ملفي للهجرة كال ححولة هالشهر اخي اقبل بامريكا واذا معجبتك او تعسرت امورك قدم كفالة خماسية او هجرة لاستراليا كندا نيوزلندا وحيقبلوك90 بالمبة لانو انتة مواطن امريكي محد يكدر يكلك لا اني جنت كاتل نفسي علة كندا بس اقتنعت بامريكا لانو الدول العربية كلهة كابة وتريد لجوء هههههههه احجزلك مقعد وعلمتك من توصل قدم هجرة لاحدى هذة الدول اني حسوي هيج واذا اشتغلت وارتاحيت بامريكا بعد احسن يمعود اهل كندا عدهم سبات بالشتة بس بالصيف تشوف تتحرك الناس عاد بكيفك انتة هاي نصيحتي الك