مساء الخير على كل أعضاء منتديات عينكاوه الاعزاء
الحمد لله البارحه أنهيت المقابلة الاخيرة ويا هيئة المحلفين وكانت جدا ممتازه ومابيها اي عراقيل واني ثاني عائلة دخلت للمقابلة تقريبا ساعه 9 الصبح
وقابلتني محلفة امريكية بيضة وشقرة وعيونها خضر بس شوية سمينة بس من النوع الي يضحك ومتعاونة جدا وكانت ويايه زوجتي وبنتي عمرها شهر ..وهي كلش فرحت وتخبلت على بنتي بالاضافة انه المترجم كان عراقي ومو جنسية عربية صح محتاجيته هوايه بس مرات واحد ينسى كلمه او جملة ميكدر يوصلها للمحلف فا كان كلش حباب ونقل كلامي بصورة دقيقة واني جنت مرتاح لانه حجيت براحتي بلهجتي العراقية بدون اي تكليف
وساعدتني المحلفة با اوراق بنتي جانت بعدها مواصلة من مكتب عمان علمود اضيفها على قضيتي وكالت اني بنفسي راح اشرف على وصول الاوراق بسرعه واليوم حصرا ما اخليك تروح وترجع
اني طبعا كلش ارتاحيت وشكرتها على تعاونها ويايه وفعلا خلال ربع ساعة بالانتظار طلعت عليه بنفسها لبره ورحت وقعت على اضافة بنتي للقضية وانهيت البصمات وانطيت عنوان الكفيل وكانت اجراءات سلسة بدون أي مشاكل
واتمنى من الله كل الي عدهم مقابلة محلف ....تقابلة هذه المحلفة وميتعب نهائيا
واحب اضيف الكم اخواني واخواتي الي يسألون عن السفر
اني بنفسي سالتها فعلا السفر متوقف حاليا
وكان جوابها نعم كان متوقف ونفتح يوم 28/3 واول عراقي غادر من بغداد بهذا اليوم ودخل الاراضي الامريكية بيوم 29/3 بالليل وهذا الكلام من المحلفة مباشرة ..ان شاء الله هذا الكلام يكون مطمئن الكم ويخفف عنكم
امنياتي بالتوفيق للجميع ..... ودمتم بخير
[/size] [/color]
ا
الف مبروك اخوية وانشاء الله كل التوفيق بلمراحل الجاية
بالخير عليك و ياربي يوم الي تجي الامنيه و موعد السفر باقرب وقت
وربي يخليلك البنوته الصغيره و تتربى بعزك و ربي يرفع راسك بيها
تحياتي و احترامي
اشكر حبيبي وتسلملي ياورد على ذوقك
الفففففففففففففففففففففف مبروك وان شاء الله السفر القريب بس ياريت تكتب النه شوكت قدمت وتحياتي الك
الله يبارك بيك حبيبي واني قدمت بشهر الثاني 2010 وكانت مقبلتي الاولى 11/11 والفحص الطبي كان بتاريخ 21/2 من هاي السنة والمفروض بتاريخ 6/3 اقابل محلفين بس لانه زوجتي كانت حامل تاجلت ليوم 6/4 وتحياتي الك حبيبي
الف مبروك اخوية وان شاء الله يوم السفر بسرعة والاستقرار والراحة
الله يبارك بيك ياورد وان شاء الله تفرج على الجميع والكل يسافر ويرتاح
تحياتي الك مبروك ونشاء الله القبول وسفر على السريع
اشكرك اخويه العزيز وهذا من طيب اصلك
الف مبروك اخوية وانشاء الله كل التوفيق بلمراحل الجاية
اشكرج اختي العزيزةو التوفيق ان شاء الله للجميع
الف مبروك اخي يوم وصول القبول والامنيه والسفر
مع تحيااااااتي أخووووكم =)======> °ˆ~*¤®§(* ŦŌҒΫ *)§®¤*~ˆ°
شكرا حبيبي على ردك ومرورك
مبروك حبي وهاي اخبار حلوة ومشجعة
الله يبارك بيك اخويه الورد وان شاء الله تسمعون دائما بس الاخبار الحلوة
الف مبروك
بالتماااااااااااااااااااام ان شاء الله
والف شكر على سؤالك على السفر شوية أطمأنينه
شكرا الك حبيبي على مرورك وردك
تحياتي للجميع