ankawa
منتدى الهجرة واللجوء => الهجرة و واللاجئين => الموضوع حرر بواسطة: northbird1 في 17:10 07/04/2011
-
أخواني الاعزاء
تحاتي للجميع
أنا عراقي أعمل وأعيش بالامارات منذ سنة 1999 زوجتي طالبة جامعية في السنة الدراسية الاولى وعندي بنت في المتوسطة.ومنذ ان أتيت الى الامارات لم افكر باللجوء لاي مكان ولم افكر بالرجوع الى العراق علما اني قد غادرت العراق منذ 1992 .أما الان وقد حدثت الازمة المالية فقد ساءت الظروف جدا .. اليوم تحديدا استلمت انذار بايقاف زوجتي وابنتي من الدراسة او دفع الرسوم الدراسية .
الان بدات افكر فعليا باللجوء او السفر الى امريكا او مكان بالعالم فقط لاعيش بدون منغصات ولكي اضمن لابنتي وزوجتى استكمال دراستهما بدون ضغوط وقد سمعت عن ان بعض العراقيين سافروا واستقروا هناك .فارجو من ذوي الخبرة مساعدتي وان لاتبخلوا على باي نصيحة لاني والله العظيم اليوم مسطور سطرة مو طبيعية فبعد هذه المدة اليوم افاجا بالانذار .علما انني وبعد الازمة المالية بدأت ارى ان استمرارية العمل بدات تقل شيئا فشيئا
أريد اسافر الى اي جهة ممكن تتقبلني علما انني :-
- خريج الفلبين هندسة معمارية .
- قتل احد اخوتي بالعراق وقتل اخو زوجتي ايضا .
السؤال هنا هل بالامكان ان احصل على فرصة دراسة استكمال الماجسستير ؟ وهل بالامكان ان اخذ عائلتي معي وهل هي مكلفة ام لا؟
وماهي امكانية استخدام حادثتي قتل اخي واخو زوجتي في العراق لكي تسهل امر لجوئي الى امريكا علما انني لااحبذ استخدام هذا الخيار احتراما لذكراهما ((الله يحفظ الجميع )).
ارجوكم ممن لديه الخبرة والقدرة على ارشادي ونصحي ان لايبخل باي معلومة وشكرا
-
حبيبي الورده
شوف اعتقد اكو يو ان بالامارات
روح قدم عليها وشوف
بس خلي اوضحلك فقره
يعني انت طالع من ال١٩٩٢ من العراق العظيم
وعايش بالامارات كل هاي الفتره
هسه يكلولك زين انت كل هاي الفتره بالامارات شنو نوع التهديد الي عليك
صح لو لا
قابل هددوك بالايميل
لاتنزعج من كلامي اخي بس فكر بيها
شي اكيد ان اليو ان مراح تقبلك صح لو لا
بس لو اني بمكانك
وارجوك ان لا تاخذ كلامي كانما هو الحل الوحيد
لان اني ما اعرف ضروفك وكل انسان اله طريقة تفكير خاصة
لو اني بمكانك كان رحت للاردن دورت شغل حته اكدر اثبت رجلي هناك واكدر اعيش عائلتي وبعدها اطلع جواز جديد واقدم على اليو ان وما اذكر انو اني كنت بالامارات كل هاي الفتره وكول كنت بالعراق ومهدد
طبعا لازم تفكر بالاسئلة الي راح يسالوها الك انو شنو شغلك وليش تهددت
وشغله انو تريد تكمل الماجستير بامريكا فاكو برنامج اسمه فل برايت بس هذا بس انت تروح وعائلتك تضل بمكانهم
والصراحه غير هذا ما اعرف
وان شاء الله ييجي واحد يفيدك اكثر مني
-
قابل هددوك بالايميل
حبيبي الغالي
وشنو المشكلة لو كله للمحلف تهددت عن طريق الايميل
هوه عايش بره مكدرو يوصلون لرقمه وصلو للايميل وهددو
يعني التهديد قابل اله شروط وقوانين شلون يكون
واقاربه الي نقتلو يكدر يكول للمحلف انو سبق ونبهوهم انو يغادرون العراق وجانو يكولولهم بالتحديد اذا متلحكو وطلعون بره احنه راح نصفيكم وهمه مكدرو يطلعون لان الوضع المادي ميسمح انو يعيشون بره
واني حالياً لا اكدر ارجع للعراق ولا اكدر استمر بالامارات بسبب الوضع المادي
لتنسى هوه ديقدم على لجوء مو هجره يعني لازم شويه يدك اليتيمه
وخلي مرته وبنته يركزون على موضوع الدراسه انو مديكدرون يواصلون الدراسه بسبب تكاليفها وراح يدمر مستقبلهم
وكل الي ديكوله صح
واذا انت تشوف تهديد الايميل تافه ومو سبب مقنع . صاحبي كال للمحلف اخويه طكت يمه عبوه . لا تصوب ولا صار بي شي واخوك طكت يمه عبوه انت شعليك . يعني سبب يضحك . وذاك الولد بامريكا هسه
يعني باختصار الي عندك احجي همه من يشوفون هيج شخص يكدر يجذب ويسويله قصه طويله عريضه بس هوه حجه الي عنده بصراحه يوافقون عليه
احسن ميكعد يالفله قصه طويله عريضه ويضيع وقتهم ويدوخ راسهم لان من يسويله قصه وجذب راح يجفتو بسؤالين من نص القصه ويبين اذا جان ديحجي صدك لو جذب
-
اخوية العزيز انصحك بلي كلته اني فوك
ولطلع قصص من عندك ولا تلف ودور عليهم
تغير جواز او تسويلك فد لعبه لان ممكن تنكشف
مع احترامي لكلام اخوية " حمزاوي "
وسالفه الماجستير مو ضروري تحجي بيها لان زوجتك وبنتك راح يحجون عن الدراسه
حتى تنطي مصداقيه اكثر
وفعلا انت اكيد تكول الاهم مرتي وبنتي يكملون دراستهم لان انت مكمل دراسه وماشاء الله مهندس
انصحك نصيحه اخ امشي صح وبله لف ودوران حتى بعدين لتكوم توهس كلت هيج واخاف مصدك المحلف واخاف يكشفوني
-
حبيبي الورده
شوف اعتقد اكو يو ان بالامارات
روح قدم عليها وشوف
بس خلي اوضحلك فقره
يعني انت طالع من ال١٩٩٢ من العراق العظيم
وعايش بالامارات كل هاي الفتره
هسه يكلولك زين انت كل هاي الفتره بالامارات شنو نوع التهديد الي عليك
صح لو لا
قابل هددوك بالايميل
لاتنزعج من كلامي اخي بس فكر بيها
شي اكيد ان اليو ان مراح تقبلك صح لو لا
بس لو اني بمكانك
وارجوك ان لا تاخذ كلامي كانما هو الحل الوحيد
لان اني ما اعرف ضروفك وكل انسان اله طريقة تفكير خاصة
لو اني بمكانك كان رحت للاردن دورت شغل حته اكدر اثبت رجلي هناك واكدر اعيش عائلتي وبعدها اطلع جواز جديد واقدم على اليو ان وما اذكر انو اني كنت بالامارات كل هاي الفتره وكول كنت بالعراق ومهدد
طبعا لازم تفكر بالاسئلة الي راح يسالوها الك انو شنو شغلك وليش تهددت
وشغله انو تريد تكمل الماجستير بامريكا فاكو برنامج اسمه فل برايت بس هذا بس انت تروح وعائلتك تضل بمكانهم
والصراحه غير هذا ما اعرف
وان شاء الله ييجي واحد يفيدك اكثر مني
هع اسف اليوم اني واكفلك سجينه خاصره لا بس حتى ابينلك المحلفين شلون يجو من درب يعرفون هوه جان عايش بره هاي اذا كال اني جنت عايش بالعراق . ابسط شي يكلوله من سنه 1992 لحد 2003 معقوله مستدعوك للعسكرية ؟ شيكلهم لا . راح ينرفض لان شي صعب شويه تهرب من الجيش وثاني شي ميحبون الهارب من الجيش . لو يكلوله من يا سنه الى يا سنه خدمت هوه راح ينطي تاريخ من يمه راح يكشفون التاريخ جذب لان راح يكون اكيد اكو فرق بين الاستدعاء و التسريح وهمين يكلوله بيا معسكر خدمت
-
اخى الله يسهل امورك
انت تكدر تقدم على اليوان بالامارات والى يفيدك هو انو عندك اهل متوفين الله يرحمهم واهم شى اتكون عندك نسخ من شهاده الوفاه حتى تقدمها لان المفوضيه تريد اثبات انو انت ماتكدر ترجع للعراق وانو وضعك بالامارات صار صعب والظروف اتغيرت ومو مهم من اى وقت انت طالع من العراق لان انى اعرف عائله اجتى بولايتنا ام وعندها اولاد ثلاثه وهى عراقيه ومتزوجه من فلسطينى وزوجها تركهم فى سوريا ورجع الى زوجته بالاردن وهم فى سوريا من سنه 2002 وقدمو على اليوان 2009 والان هم فى امريكا
انت قدم واتوكل على الله
وحضرلك مستمسكات وشهادات وفاه وانشالله ماطول
-
اخواني احمد عباس وحمزاوي شكرا لاهتمامكم ونصائحكم ,, بالنسبة لمغادرتي العراق منذ 1992 لم اكن بالامارت فالجميع يعرف ان الامارات لم تكن تستقبل العراقيين الا في نهاية التسعينيات وذاك من ذاك اللي كان يحصل التاشيرة .بالنسبة لي كنت بالاردن وما ادراكم ما الاردن وبقيت هناك الى شهر 4 سنة 1998 ثم غادرت الى الامارات وقبل سنة 1998 سافرت الى العراق عدة مرات سنة 1993 وسنة 1994 وسنة 1996 اخر مرة غادرت العراق ورجعت الى الاردن ولم تدم فنرة بقائي بالعراق اكثر من شهرين ليس الا ولكن لم ارجع الى العراق بعد 1998 لانه تم طلب مواليدي احتياط حتى سنة 2004 في شهر آذار بقيت حوالي ثلاثة ايام في بيتنا وكانت الاحداث ساخنة في منطقتنا ورحت الى بغذاد اسبوعين ومقدرت اطول اكثر ورجعت الى الامارات .علما انه بالاردن عندي منع لاني تجاوزت الاقامة وتم ختم جوازي بالمنع والتسفير الى الامارات وقد حاولت ان ارفع المنع ولم استطع وقد كنت قد سافرت الى الاردن سنة 2002 لاوصل عائلتي الى هناك ليسافروا ولم يسمحوا لي بالدخول وتم ارجاعي بنفس الطيارة الى الامارات في حين غادرت عائلتي بالترانزيت الى العراق .ولم يتم رفع المنع الى الان .ما كنت اتصور يوما ما انني سوف اصل الى هذا المطب الان انا في مفترق طرق لا اعرف اي قرار اتخذ .جزاكم الله خيرا على هتمامكم (( الاستماع الى مشاكل الاخرين والمساعده في حلها هو نوع من المواساة )) .لدي بعض الامور اود ان اوضحها على الخاص ان امكن .
-
اخى الله يسهل امورك
انت تكدر تقدم على اليوان بالامارات والى يفيدك هو انو عندك اهل متوفين الله يرحمهم واهم شى اتكون عندك نسخ من شهاده الوفاه حتى تقدمها لان المفوضيه تريد اثبات انو انت ماتكدر ترجع للعراق وانو وضعك بالامارات صار صعب والظروف اتغيرت ومو مهم من اى وقت انت طالع من العراق لان انى اعرف عائله اجتى بولايتنا ام وعندها اولاد ثلاثه وهى عراقيه ومتزوجه من فلسطينى وزوجها تركهم فى سوريا ورجع الى زوجته بالاردن وهم فى سوريا من سنه 2002 وقدمو على اليوان 2009 والان هم فى امريكا
انت قدم واتوكل على الله
وحضرلك مستمسكات وشهادات وفاه وانشالله ماطول
شكرا لاهتمامك ... بالنسبة لشهادتي الوفاة هل يتم قبول صورة عنها ام يجب ان تكون موثقة واصلية ؟ ارجوا افادتي لان موضوع التوثيق وارسالها من العراق يمكن يطول شوية .وهل التقديم مفتوح الان ام لا ؟ واين هو مكتب اليو ان بالامارات ؟ شكرا لك
-
والله اخى ما اعرف مكتب اليوان وين يصير انشالله الاخوان يفيدوك
وعلى شهاده الوفاه حتى لو يدزوها لك عن طريق الاميل وانت اسحبها يقبلوها انى قدمتها هيج كلت الهم مااكدر ارجع للعراق
وشهاده الوفاه من طلعها هى فيها اختام يعنى ماتحتاج الى توثيق
والتساهيل من الله