ankawa
منتدى الهجرة واللجوء => الهجرة و واللاجئين => الموضوع حرر بواسطة: IMMIGRANT2 في 13:18 09/04/2011
-
السلام عليكم...التظاهر هو احسن حل لتمشية معاملاتنا المتوقفة..اليو ان في عمان وسوريا ولبنان ومصر من الموظفين المحليين وهؤلاء يتمنون ولا مهاجر تطلع له فيزه لانه فعلا هم مستفاديين من وجودنا ويستلمون رواتب عالية جدا ..تلاحظون ان موظف الامم المتحده من هذه الدول يفرح جدا عند رفض اي معامله او تأجيلها..ادعوكم اخوتي الى التجمع والتظاهر امام مفوضيه الامم المتحده يوم الاربعاء 20/4/2011 لكي نطالب بتغير هؤلاء المنتفعين على حسابنا من مكاتب الامم المتحده التي فتحت في بلدانهم لمساعدة العراقيين.......لنكن من النوع المغامر وليس الحالم.....ومهما كانت النتيجه فهي افضل من الذي نمر به حاليا من الموت البطيئ..وخلي نذبحها على قبلة..وشكرا
-
بس اخذو موافقة السلطات في سوريا قبل التضاهر
وربي ينصركم على اليوان والهجره الدوليه
-
شكرا اخي هذا كلام صحيح ..المفروض الاخوان الموجودين بسوريا ومصر ياخذون موافقة السلطات السوريه والمصريه لانه في الاردن ولبنان لايحتاج الى موافقة لغرض التظاهر ...واطلب من الاخوان في هذه البلدان بان تبلغ كل العراقيين الموجودين بيوم التظاهر وليس فقط المشتركين بهذا الموقع .اخواني اتصلوا بكل العراقيين خلي يطلعون بهذا اليوم وانا متاكد بان الامم المتحده سوف تعيد موضوع الاجئيين العراقيين الى الواجهه بعد ان شبه نامت علية طابوقه مصخرجة...وشكرا
-
كلنا وياكم توكلو على الله ولازم تكون المظاهرات كدام مقرات ال iom مو ال un
-
اخوان ارجو المشاركه وليس الاطلاع ..ارجو كتابة رأيكم بالموضوع ودعمكم للتظاهرة ولتكن تظاهرة تعيد لنا حقنا وماقدمناه من تضحية ومخاطر لنا ولعوائلنا...شاركو اخواني بهذا التجمع الكبير الذي سوف ينطلق امام ال UN وال IOM
-
اخواني الاعزاء ترى الوضع اشويه متأزم اشوف لو انئجلها اشويه بعد ما تخلص الاحداث شنو رأيكم لان اعتقد السلطات السوريه ما راح تنطينه تصريح بتجمع في مكان فيه سفارات اخوكم الرجل العراقي
-
السلام عليكم خطوة رائعة اذا حصلت الموافقةعلى التظاهر رسميا وليس كلام فقط وانشاء الله نكون ايد بيد كلنا لان الكل مضرروتعبان من الوعود والانتظارتحياتي
-
ياجماعه اهل سوريا لتطلعون حس ترة الاوضاع موزينه وتجيبون النفسكم حجي وبعدين يرحون يطردون كل العراقيين يعبوهم بسيارات ويحطوهم عالحدود ترة اللي بيهم مكفيهم وانتو امشو بظل الحايط حتا محد يتحارش يكم ,مولازم هالاعتصام خلوها الله كريم وهال سته فوك السنين
-
أستروا على الجميع
و ديروا بالكم الاوضاع مو مال تظاهر و بعدين يندس وياكم كم واحد من هذولي اللي مايتسمون واتصير مشاكل
مجرد تحذير و توعية
-
مع احترامي لرايك الكريم ولكن
هذا شي غير منطقي انه همة مستفادين من عدنة لانه دياخذون رواتب
ليش همة شنو هسة بالجديد فتحوا علمود العراقيين
اخوية هذولي منظمات دولية قديمة قبل ما العراقي يختلق
وهمة لما ينطوهم رواتب مو على اساس عدد اللاجئين ;D
-
همه الامم المتحدة يجيهم عدد كل سنة من كل البلدان و ليكن العدد مثلا 4000 للاردن فلذلك همه يوطنون كل ال4000 فمن غير المنطقي ان يدزون كل اللي مقدمين دفعة وحدة يعني اذا اكو 100000 لا جي بالاردن ميكدرون يدزون هاذه العدد..ماكو اي فائدة ديستفادوهه من تاخيرنه؟همه راتبهم محدد سواء سافرنه او بقينه...
-
السلام عليكم عيني اخوان احنة حتة ايقامه ماعدنة بالاردن ونروح انسوي مظاهرات هذا شلون حجي قابل هو بلدنه والكل الي سوي مظاهرات ايذبو على الحدود اذا الزم من قبل السلطات
-
السلام عليكم
اخواني الاعزاء هسه الوضع متازم بالمنطقة واني مو ضد الفكرة لكن خوفكم تطلعون مظاهرة ويندس بيكم كم واحد ضاملكم نية سوء ومخططين الى اعمال الله اللي يستر منها ويكومون يسوون اعمال شغب ويكسرون الكزاز مال الشبابيك ويضربون احجار على البناية وراح اكيد السالفة تنكلب من مظاهرة سلمية الى اعمال شغب ضد منظمات انسانية .
وراح اكيد المتضاهرين يصيرون بين حانه ومانه وتنكلب المظاهرة مصيبة على روس الناس .
وعلة كولة ابو المثل ابعد عن الشر وغنيلوووو .
اخوكم ابو رزوقي
-
تحيه طيبه للجميع..
الاخ صاحب الفكره\\\ حول المطالبه بمضاهره اني مانصحك ان تاخذ المبادره من جانبك على تاليب الاعضاء والتجمع في بلد ليس لك الحق حته ان ترفع دعوه على شخص اذا ما مسك بسوء ... فاعلم باننا ضيوف في هاذه البلدان وقد تحملو ازر ظروفنا ,,, ومهما يكن من معانات التي نعانيها فلا يجب علينا ان نمس سمعتنا بهاكذا فعل... والمثل القاءل ياغريب كن اديب..ان اي فعل غير محسوب سيعود علينا بلكارثه ,,,,
خلي هسه نحجي بجلفي .. مثل ماكالو من الاعضاء من قبل الاخت زهره الصبار وايدن والاخ الوالي
يعني راح نوصل صوره على نفسه باننا حته بباقي البلدان العراقيين يسون مشاكل وياخذون نظره علينه موحلوه ومنو ميكلك بعدين ميرجعونه قسريا ويذبونه على الحدود من وره جم متضاهر شغلته نايمه لان اساسا قصته مو مقنعه ليش باقي الناس طلعت ووصلت ليش قسم اتاخرت احنه دائما نركض وانكول واله هاذا حظه كاعد وطلع واني بعدني
اخوان ماكو هيجي فلم اني لو اكول لو شغلتي نامت اكثر من سنتين اروح ابسط يم اليوان وبوحدي اعتصم وما اجرجر عشرات ويايه يمكن الشغله بهجي حاله تكبر واتصير مشكله بلتالي نخسر كلشي
حبيت اوضح وجه نظري فقط والكلام ليس معني لاي شخص
مع فائق احترامي للجميع ولاارائكم .....
-
ابو ارا انت ذهب وحجيك ذهب
-
حبيبي كاتلوني الالماس ...
اقبل كم يوم نزل هيجي موضع عن قيام بعمل مضاهره شي من هل القبيل والشخص ايضا عضو جديد عن المنتدى همينه طرح هيج موضوع .. هم جاوبنا خلي ادور وين صار الموضوع وارجع
ابو ارا انت ذهب وحجيك ذهب
-
ااعزائي الاعضاء ...تحيه لكم
اهاذا الموضوع ايضا للاخ العضو الجديد ؟..............
؟؟؟؟؟؟
0الكتاني ))))))http://www.ankawa.com/forum/index.php/topic,495641.0.html
-
=مساء الخير للجميع اخواني الله يحفظكم وانشاء الله اتصير سوالف وتنتهي هالمشكلة العويصة الي خلونا بيها الاي او ام اخواني عندي فد اقتراح وانتوا قرروا اذا كان ايفيد او لا
المقترح هو نعمل مجموعة من الاخوان يعني خلي انكول فد عشرة اشخاص من عدنا وشوية ايكونون بالحمسين من العمر صعودا ونروح للاي او ام مثلا اهنا بعمان ويطلبون مقابلة شخص له كلمة كان يكون مدير او يعني مسؤول وننقل هالمعاناة وتكون بنقطتين طبعا اكيد بعض الاخوان راح ايكول همة كلشي يعرفون اوكي هذا صحيح بس ميصير اتكون معملة لاجئين بهالطريقة يعني اللاجئ مو مهاجر اكو فرق اللاجئ معناها اكو في حالته اظطرار يعني مو مترهي
النقطة الاولى ينقلون انه التاخير اصبح مو طبيعي واحنة اهنا لاعمل ولاشغل وصعبة علينة الانتظار الطويل وهذا الموضوع ينقل للجهات في امريكا بتقرير مفصل لان الحالة مو موضوع امنيات وتتاخر لان قبل ايضا كان اكو منية بس مو بهالطريقة
وانقطة الثانية ليش تنطون مواعيد سفر وبعد كم يوم تلغون او تاجلون المواعيد يعني الواحد الشقة الماجرة يرجعهة لاصحابها والمدارس يكعد اولاده وللي عندة شغل ايبطل ويكمل المعاملات مال المدارس ويشد اغراضه وبعدين تكلوله ها والله الموعد اتاجل والمصيبة بدون تاريخ محدد يعني هذا مو صيغة عمل منظمة دولية لا والله فالرجاء من اخواني الرجاء ابداء الراي واعلامنا مع التقدير
-
اريد تنقلولهم مطالبي بأستقالة بان كيمون . شنو قحط ناس مخلين واحد صيني ;D
-
شكرا لكل من شارك بهذا الموضوع..ارجو من الاخوه كتابة مايدور باذهانهم لكي نخرج بمقترح يوافق عليه الجميع..ان المشاركه بالكتابه على الموضوع سوف تكون هناك عدد من المشاريع قابلة للتنفيذ ولا تسبب مزيد من الالام والماسي لاخواننا العراقيين...ارجو من الاخوان كتابة مقترحاتهم لكي ناخذ قرار جميعنا بما يخدم قضيتنا..وشكرا
-
اخوان غيرنه العنوان وصار اي واحد يقرأ هذا الموضوع خلي يدز ايميل لقناة الحره يدعوهم بها لاجراء مقابلة او الخروج بخبر عن لماذا تتاخر الفيزه هذه الايام وماهي الاسباب لهذا التاخير.... على العناوين التاليه:
comments@alhurra.com
خدمة الإعلام و الصحافيين media@alhurra.com
موقع الحرة الإلكتروني web@alhurra.com
لأسئلتكم واستفساراتكم حول بث قناة "الحرة"، يرجى إرسال بريدكم الإلكتروني على العنوان الآتي satellite@alhurra.com
-
احترم الجميع .........
-
للتواصل مع رمزي العبيدي يرجى الكتابة إلى :
Ramzee _alobadi@yahoo.com
وأرجو من الكاتب صاحب الفكرة أنْ لا يزعل مني وياخذ النصيحة برحابة صدر
-
يا غريب كون أديب ..... احنة مو بالعراق حتى تطالبون بتظاهرة وخصوصا بهيج اوضاع حرجة تمر بيها الدول العربية لو هي فتنة ولازم احنة نقلد بكل شي اذا بينا خير ونريد نتظاهر خل نتظاهر بالعراق على الفساد والظلم الي بي هذا اولى من فيزنا وهجرتنا....
-
السلام عليكم جميعا... عمي صاحب الموضوع خذها نصيحة من أخ اصغير واحذف الموضوع أأأألف رحمة لوالديك من غير مضاهرات والعراقي صوفته حمرا واحنا ضيوف بالبلدان المجاوره وجزاهم الله خير انو متحملينة ومتنعمين عندهم بنعمت الامن والامان الي فاقديها اهلنا بالعراق هذا غير عن الكهرباء والمي وغيرها وغيرها ... واحب اوضحلك انو الموظفين ديسون الي عليهم وقايمين بواجبهم واعدادنا مو قليلة ترى وبتزايد كل يوم اكو ضغط وزخم عليهم وتره ديتعبون ... فيا اخي خلي الله ساتر علينة وكلنا مثلك ننتظر الفرج بس ترى الشغلة كتبه ونصيبك والمكتوب الك تاخذه مهما طال الزمن وادعو من الله ان تهدا الاوضاع في كل البلدان العربية... وتقبل تحياتي اخوك حمادة عزو@
-
الاخوة الاعضاء الرجاء احترام جميع الاراء اي رد مسيئ او اهانه يحذف يدون الرجوع لصاحب الرد واذا تكرر الرد المسيئ يرفع الرد واسم صاحب الرد للادارة الرجاء من الجميع احترام جميع الاراء مهما كانت مدام مابيه اي اساءة
-
اخوان خلو كلامك واضح وبدون استهزاء
حتى يفهمه الاخر بالشكل الصيحيح هي مو كلشي عركه
اخي صاحب الموضوع انا ما اتفق وياك للاسباب التاليه:
1. الوضع الان في سوريه خطر جدا واي تحرك راح يفسر مية تفسير وراح يستغل من اشكال ناس شي ويا الحكومة وشي ضدها
وشي من الخارج خو هاي مو غريبه احنا نعرفها كد ما نعرف اولادنا ولا اكو احد يعرفها كثر العراقيين
2.انا اعرف شكد تعبانين وحقكم بس مال موضفين ياخرون هاي مايكدرون لان يعملون ببرنامج ثابت بس الاوضاع هيه الي اثرت عليكم مثل مصار بمصر
3. توقع سوريه تطرد كل العرقيين بسبب هيج شي لان هسه هما طاكه روحهم (هم نزل وهم يدبج فوك السطح)
4. اتمنى ان تحذف الموضوع لان مراح يجي من وراه الا شعلت القلب
5. تقبل تحياتي الك اخي الغالي وارجو ان تكون باحسن حال وكل اخوانا العراقيين
6. الله يحفظكم من كل شر وانشاء الله تهدئ الامور وتمشي معالملاتكم
-
انا مع الاخ war man جوابك حلو ومقنع وتوقعك بمكانه ... اخي صاحب الموضوع مدام غيرته الي بعث ايميل غير اسم الموضوع من تظاهر الى دعو لقناة فضائي او اي اسم غير التظاهر لان مصطلح التظاهر ثقيل بهاي الايام وبالظروف الي دتمر بيها بعض الدول العربية وهذا مجرد رائي وانت حر تقبل تحياتي أخي صاحب الموظوع وتحياتي للجميع
-
عزيزتي الأخت إنجي الإدارية .
أنا كتبت رد منطقي على الأخ صاحب الموضوع ، وأنتِ حذفته باعتباره مسيء ، أرجو أنْ تبعثيلي رسالة تبيني لي موضع الإساءة فيه ، إذا كانت هذه الإساءة موجودة ، وسأكون شاكرا لك في كل الأحوال ، مع تحياتي .
رمزي العبيدي