ankawa
منتدى الهجرة واللجوء => الهجرة و واللاجئين => الموضوع حرر بواسطة: Dollar في 21:58 11/04/2011
-
اني قدمت IOM اخويه ويايه عابر السن القانوني. بيوم المقابلة الاولى دزولي موعد و بي رقمين (فصلو اخويه و انطوا كيس نمبر وحده) طبعا اني ال مين ابلكينت وقابلنه سوء. خوش ...وراه دزولي ايمل تحديد مقابلة ثانيه رقمي و رقم اخويه قابلنه سوء. هم خوش . وراه خابروني على فحص طبي و جان الفحص همينه سوء..هم خوش. هسه نجي. وراه بفتره دزو الايميل مال نتيجة المحلف . شاو النتيجة مالته دزوه اله على ايميله و مالتي على ايميلي الي هو جان الرئيسي من البدايه للكيسين................................. اهنا عندي سوال: هسه من اول يوم الى هايه اللحضة لا واحد من المنظمه سالني تريد ربط ضعيف لو قوي ولا دزو ايميل يسالون بي هذا السوال ولا المحلف سالني ولا ساله .... هسه شنو الفلم؟ الرابط بين الكيسين شلون اعرفه؟؟؟؟ واحنه نريد نطلع سوء يعني يكون الربط قوي و القوي الله ;D.
شعاري بالمنتدى ... (بس اللي متاكد من الجواب 95% فما فوق يجاوب و البقيه يتفظلون يشربون الكهوه و يتوكلون)
تحياتي
-
حبيبي اذا ثنينكم بالغين فالربط رح يصير ضعيف تلقائيا، الا اذا انتو شخصيا طلبتوا ربط قوي
الربط القوي يكون بين الازواج وبين اولياء الامور والاولاد القاصرين.
-
المفروض الربط يكون قوي اذا ما سالوك بس كلش عادي دز ايميل واسالهم عن الربط بينك وبين اخوك واكيد راح يجاوبوك بس همة عادة من ما يسالون عن نوع الربط فة همة يحطوه قوي
طبعا هذا رايي مخالف للاخ هرمز فة اكول الله اعلم هذا اللي اعرفه اني
-
السلام عليكم
حبيبي اني عندي والدتي ربط بالكيسين ربط قوي وللاسف اوراق الحجيه كملت كله واني منتظر الامنيه صار سنه تفريبا وشفت نفسي ماخر الحجيه فاتصلت بيهم وطلبت منهم جعل الربط بيني وبين ملفه ضعيف حتى اتسافر
اما بالنسبه اشلون تعرف فانته تتصل بيهم وتستفسر عن طريق قسم المعلومات وهمه يكلولك
اما اذا تحب تعرف عن الفائدة فالفائدة بين ربط الملفات هي اولا اذا جان الربط قوي فمعناه انو كلشي لازم يكمل بالاجراات للاثنين وبعكسه لايوجد سفر اذا احدكم استكمل الاجرات والثاني لا لازم الاثنين مع بعض وللعلم انو يسكنون سوه اهناك وبكفالة وحدة وبموعد سفر واحد اذا كان الربط قوي واذا كان الربط ضعيف فمعناه انو تستكمل الاجرات لكل على حدى واذا استكمل اي شخص منكم الاجرات قبل الثاني والاخر بعده فمعناه مياثر عليه اللي متاخر تبقى اموره ماشيه وليس مقيد به
تحياتي اللك اتمنى اكون افدت بس ياريت تغير توقيعك بيه شويه زحمه مو لو لا واعتقد انو بيناتنا تبادل معلومات ليس الا لفائدة الجميع وكل شخص اموره تختلف عن الثاني تقبل مروري
اخوك بهبهان
-
حبيبي اذا ثنينكم بالغين فالربط رح يصير ضعيف تلقائيا، الا اذا انتو شخصيا طلبتوا ربط قوي
الربط القوي يكون بين الازواج وبين اولياء الامور والاولاد القاصرين.
اخي هرمز الكيسات متكون مفصله الا للبالغين
والربط القوي او الضعيف يكون بين الكيسات وليس بين الاشخاص
والزوج والزوجه يكونون بكيس واحد ومعهم اولادهم القاصرين فلايحتاجون الى ربط قوي او ضعيف
-
اخي دولار المعلومات الي ذكرتها كلها متنطي احداثيات ولا استنتاجات بنوع الربط
واذا واحد جاوبك كلك ربط ضعيف والثاني قوي انت بيمن اتصدك ??? ???
احنا عادة يسالونا بالمقابله الاولى اذا تريدون يكون سفركم سوه او ميهمكم وبهاي الحاله احنا الي نحدد نوع الربط
اما اذا دكول مسالوكم
فالحل انه ترسل ايميل تطلب ان يكون الربط بين الكيسين قوي واقطع الشك باليقين
والسلام ختام واستمتعوا باحلى قهوه عربيه والحساب بالدولار