ankawa
منتدى الهجرة واللجوء => الهجرة و واللاجئين => الموضوع حرر بواسطة: مارينز مان في 16:31 14/04/2011
-
السلام عليكم ورحمة الله
اخواني ان شاء الله اني متوكل الى المانيا اذا احد محتاج شي مناك يدلل
واذا احد عنده معلومات عن الكامبات والاقامه والجنسيه والحياة هناك وفتره الحصول على اللجوء ياريت يفيدني واكون ممنون
وشكرا الكم
-
توصل بخير وسلامة ان شاء الله
-
توصل بالسلامه اخويه و اتوقع الجنسيه وره الاقامه 7 سنوات
تحياتي
ألن
-
توصل بالسلامه
-
اخوية توصل بالسلامة بلكت تظمني بالجنطة ههههههه ترة داتشاقة الجنسية 10 سنين ويمتحنوك امتحان لغة
-
اخي العزيز
اني عايش بالمانيا اذا تحتاج شي اني بالخدمه وحاضر لاي سؤال بس راسلني على الخاص
اخوك فراس
-
شكرا الكم اخواني على التعليقات الحلوة
اني قفلت على المانيا ورح اضبط قضيتي واتوكل واذا رادو يرجعوني للعراق احاول انهزم واذا مكدرت احرك روحي واخلص لان والله طكت روحي
والله كريم
اخويه فراس طبعا احتاجك فياريت نتواصل
وشكرا
-
لك راين شسويت بالولد ؟ هسه خليته يقفل 100% !
اخوية مان مارينز ,الله يوفقك ان شاء الله. بس انته ليش قفلت على المانيا؟ يعني هسه بلجيكا و فلندة افضل بهواي؟
-
اخويه مارينز مان دزيتلك رساله على الخاص
-
مارينز اخويه بيها الخير
بس العبها صح
و اهم شي عندك كيس قوي
و له اذا ماعندك تره تروح بل زلك
و هاي مال اطفر مايلزموني ما تفيدك لاان انته بعد بصمت و خلاص يعني وين ما تنطي وجهك يرجعوك لاالمانيا
انشاء الله تمشي امورك حسب ماتريد
ARMY STRONG
على عناد المدسوسين
-
بالتوفيق ان شاء الله
هو الانسان من يحب مكان اكيد راح يعيش مرتاح بيه مهما تكون العيشة , بس من تبني قضيتك نصيحة اخوية سوي فد تهديد حالي لحياتك , يعني حاليا اكو تهديد على حياتك بهذا الشهر او هاي الاسابيع مو قبل سنة او قرن .
-
شكرا الكم اخوتي
اني احب المانيا من قبل والشي الثاني اكو وجوه مثل وجوهكم الطيبه بالمانيا كالولي انه المانيا بلد حلو واقتصاده قوي لان بلد صناعي وتقريبا رخيص مقارنتا ببلجيكا وغيرهه لانه بلد منتج
وكالولي صح البهذله بالبدايه بس الي يحصل الاقامه يرتاح
وبالنسبه للقضيه الحمد لله اذا اسولفلكم هسه تبجون من القهر علي بس اوراقي شويه قديمه وهسه اولاد الحلال دلوني على طريق اسوي بي شغلات الجديده
واروح والله يسهلهه وشكرا لاهتمامكم اخوتي
-
طبعا شكرا لكل الاخوة والاخوات على ردودكم وتعاطفكم ويايه وان اشاء الله اكدر اردلكم فضلكم
اخويه ريان
اني الي اعرفه انه الكامبات بيهه بهذله ومعاملاتهم طويله ولازم قصه قويه بس وراهه الواحد يرتاح
اذا عندك غير معلومات ياريت تفيدني بيهه لان كتلك معلوماتي الزينه والموزينه اخذتهه من وجوه طيبه مثل وجهك
واكو صديق اخذ لجوء بيهه قبل سنه تقريبا وهو سوالي واهس وكلي جيب كل اوراقك واني ارتبهه الك قبل لتقدم واني اعلمك على كلشي الى ان تاخذ الاقامه ان شاء الله
اخويه العزيز ياريت تكولي معلوماتك حته استفيد
-
السلام عليكم ورحمة الله
اخواني ان شاء الله اني متوكل الى المانيا اذا احد محتاج شي مناك يدلل
واذا احد عنده معلومات عن الكامبات والاقامه والجنسيه والحياة هناك وفتره الحصول على اللجوء ياريت يفيدني واكون ممنون
وشكرا الكم
الله وياك , اذا محتاج معلومه او نصيحه كلي . الي اصحاب اهناك .
سلام
-
اولا : الله وياك اخ مارينز مان وتوصل بالسلامة ويتم كل شيء على خير ان شاء الله .
ثانيا : برأيي الشخصي المانيا افضل دولة من جميع النواحي . العمل والاحترام والدراسة والأنضباط و والنظافة والتطور .. الخ الخ ...
ولهذا اختيارك صائب .
لا تتوقع الامور سهلة واكيد انت حاط امامك هالمعلومة .. اللغة .. اذا تكدر تشتري قبل لا تسافر روزيتا ستون للغة الالمانية ترة ممتاز ممتاز ورح تسهل عليك كثير صعوبة باللغة ورح تنطق بسرعا لان اني دا ادرس عليه الماني وانكليزي . وهذا الان على حد علمي البرنامج الاول بالعالم لتعلم اللغات .
ايضا احب اضيف بالنسبة للارجاع القسري على حد علمي لا يوجد .
والي حصل رفض لا يرجعوه بالغصب للعراق ومن الحجي الي نسمعه غير صحيح بالمرة .
واكو ناس حصلت رفض وبعدين اشتغلوا واخذوا اقامة عمل .
الطريق صعب ولكن الي يتعب رح يرتاح بعدين . ومرة اخرى اختيار صائب وموفق ان شاء الله .
فداء ;D جاييكم المانيا بس الى اشعار اخر
-
شكرا للاخ ابو ابراهيم الورده وفداء الروح
بارك الله بيكم ويارب يوفقكم ويسهل كل اموركم
وشكرا مرة ثانيه
ومثل مكلتو كلشي نيرادله تعب والله يسهل ان شاء الله