ankawa
منتدى الهجرة واللجوء => الهجرة و واللاجئين => الموضوع حرر بواسطة: khaldon72 في 06:33 16/04/2011
-
السلام عليكم
سوألي هو صحيح الكونكرس وقع على قرار يقلل المساعدات المالية للاجئين بسبب ازمة مالية في الموازنة الامريكية؟
-
والله مادري عبالي انت التدري من قريت عنوان الموضوع ;D ;D ;D
-
والله همة بدوا يدورون فتوك علينة .. كلساع مقابلة ويه الولفر علمود يرجعون المساعدات
-
دخل يخفضون الإنفاق العسكري وشون حيصير الشعب الأمريكي اغنى شعب.
هنوب عللاجئين المكرودين , كلشي براسنه
-
براس المكاريددددددد الله يساعدنة
-
العنوان يخرع!! طلع سؤال؟؟
هسه خلي نوصل والله كريم
-
هسه خلي يقللون المساعدات, علاساس شلونها المساعدات المالية, اليسمعكم يكول الاف الدولارات كاعده تنزل بحساباتنا كل شهر, بابا روحوا اشتغلوا احسلكم, لانه حتى لو اشتغلتو شغلة بسيطة فراح اتحصلون فلوس بعدال 3 اضعاف من المساعدات اللي جنتوا تستلموها.
-
انته نقيب مال شرطه لو جيش؟؟؟؟؟؟؟
-
السلام عليكم ...اخواني الكونكرس الامريكي مايقرموضوع ويوافق عليه الا بعد ان يدرسه من كافة الاوجه والجوانب والاحتمالات واهم شيء هي التخصيصات المالية وعندما يضعون التخصيص المالي السنوي ويقروهفمن المسنحيل ان ينراجعوا او الميزانية تقل لان هذا يعتير بمثابةخلل في الجهاز التشريعي لاميركا وليس من المعقول يجيهم واحد يقول لهم (الفلوس خلصت) هذه امريكا ياخوان واستراتيجيتها الاقنصاديةمتينة ومدروسة بعنابة فائقة
-
يا اخي, هي مساعداتهم عباره عن فتات, بطرك الفود ستامبس و كلسع لو يقللوه لو يقطعوه عليك وروح ياعمي قدم و اعترض من جديد عود لو تحصل شي لو لا
لا اعرف شنو هي المساعدات الاخرى؟ ماعدا ما تحصله في بدايه اشهرك الاولى في البلد
-
اقروا تخفيض مبدئي حوالي 38 مليار دولار من مجمل الميزانية العامة المقررة للست اشهر القادمة ( حتى الشهر التاسع ) وهاي من مجمل الميزاننية العامة وليس مساعدات اللاجئين بالتحديد ... بعد الشهر التاسع اذا اتفقوا الجمهوريين ويه الديمقراطيين بخصوص الميزانية راح يبين اذا اكو خطة لتقليص مخصصات اللاجئين او لا وانشالله ماكو شي
-
هوة مو تقليل الانفاق على المساعدات ... المسالة عكسية يعني تقليل اعداد اللاجئين الداخلين "هذا الكلام منقول من مدير منظمة الكاثوليك جارتيز" ... المنظمة هاي بولايتي كان بيهة 5 كيس منجر هسة صفوا بس اثنين .. يعني 3 منهم استغنوا عن خدمتهم والسبب هو قلة اعداد اللاجئين القادمين (هذا الكلام منقول من مدير المنظمة شخصيا) من باب العلم بالشيء ليس الا ..
ابو سارة
-
السلام عليكم
سوألي هو صحيح الكونكرس وقع على قرار يقلل المساعدات المالية للاجئين بسبب ازمة مالية في الموازنة الامريكية؟
عيني اذا انتة لاجيء وجاي جديد 8 اشهر اذا كنت عازب تستفاد من المساعدات اذا كنت لاتعمل
اما اذا كنت عائلة ولا تعمل المساعدات خمس سنين مستمرة ( ولاتشمل جميع الولايات )
[/color]] (http://[color=red)[/size]
هوة مو تقليل الانفاق على المساعدات ... المسالة عكسية يعني تقليل اعداد اللاجئين الداخلين "هذا الكلام منقول من مدير منظمة الكاثوليك جارتيز" ... المنظمة هاي بولايتي كان بيهة 5 كيس منجر هسة صففوا بس اثنين .. يعني 3 منهم استغنوا عن خدمتهم والسبب هو قلة اعداد اللاجئين القادمين (هذا الكلام منقول من مدير المنظمة شخصيا)..
الاخ صفاء الكرخي حبيبي الغالي
انت تفضلت وقلت ( هوة مو تقليل الانفاق على المساعدات ... المسالة عكسية يعني تقليل اعداد اللاجئين الداخلين "هذا الكلام منقول من مدير منظمة الكاثوليك جارتيز" ... المنظمة هاي بولايتي كان بيهة 5 كيس منجر هسة صففوا بس اثنين .. يعني 3 منهم استغنوا عن خدمتهم والسبب هو قلة اعداد اللاجئين القادمين (هذا الكلام منقول من مدير المنظمة شخصيا)..
لااااااااااااااااا اخي الكريم اليوم حظرتك نزلت ردين بخصوص المنظمة واني نزلت رد باول ردك بخصوص المنظمة ورجعت مسحته لان ماحبيت انه اقلل من معلوماتك ؟ ولكن الان معلومتك خطاء او غير صحيحة او غير دقيقة او حضرتك افتهمتهة حسب فكرتك ؟
اني احب ان اصححلك واصحح الى مدير منظمتكم الي عددهم خمسة واصحبحوا اثنين ؟
اني احب احجيلك انه هنالك تقليل وتقليص في النفاق على ( البرامج التي يحصل عليها اللاجيء او بالاحرى اي شخص يتواجد في اميركا من قليلي الدخل )
اني ما اتكلملك عن مليون ومليونين دولار ؟ لا بالعكس اني اتكلملك عن ملااااااااااااااين الدولارات بالتقليص والتقليل ومراجعة البرامج التي يحصل عليها اي شخص داخل اميركا
مثلا الكثير من الخدمات ( التقاعد وخدمة المتاقدعين والفود ستامب والهاوسنك والسيكشن 8 وغيرها من الامور التي تكلف امريكا )
1-6-2011 هذا التاءريخ بعدها سوف يعاد تقيم كافة الحالات من مساعدات ورواتب وغيرها من الامور
اما اخ صفاء من ناحية كان عند منظمتكم خمس كيسات منجر واصبحوا اثنين ( لايعني قلة اعداد اللاجئين الواصلين )
يمكن منظماتكم ومسؤليكم تعبانين وغير صالحين للخدمة او المنفعة العامة .
ارجوا عند التصريح بموضوع التخصيص ؟ وليس التعمين في 50 ولاية اميركية ؟
هنالك فرق كبير وشاسع عن ما تتحدث فيه ؟
-
حصلت الها رجل وكالت عور
يعني على اساس احنا هسه عايشين ملوك وماعجبتنا المساعدات مال الامريكان
دكولوا يالله يمعودين لا تكلبون امريكا على راسنا
-
حصلت الها رجل وكالت عور
يعني على اساس احنا هسه عايشين ملوك وماعجبتنا المساعدات مال الامريكان
دكولوا يالله يمعودين لا تكلبون امريكا على راسنا
:D :D :D :D :D :D :D
اذا فعلا هاي مقولتك ؟ لعد اني اتوقعلك الكثير في امريكا .
مع التحيات ;)
-
صفاء الكرخي ؟
اشو نزلت ردي بخصوص ماكتبته حضرتك من رد وبعدين اختفيت وطلعت من المنتدى ::)
-
:'( :'( :'(
-
والله راح اتيبسون اكلوبنة بهيج مواضيع
الله يفرجهة عليكم وعلينة
ا مييييييييييييييييييييييييييييييييييييييييييييييييييييين
-
حبي نقيب علي
لاتكلي جاي لمريكا علمود المساعدات؟؟؟؟؟؟؟
لا حبي اني مجاي لامريكا علمود المساعدات, هاي المساعدات مو اليه وانما للفاشلين اللي ميحبون يشتغلون ويطورون نفسهم بهذا البلد الشامخ,
وثاني شغله اني مو نقيب, أني طيار مدني, وحاول تدرس انكليزي زين علمود تعرف شنو معنى كابتن, ترة كلمة كابتن بالانكليزي مو معناتها بس نقيب!!!
-
شباب الله يساعدهم ............ الي عنده حيل يشتغل واكو شغل حتى لو نزاح خلي يشتغل احسن من القعدة والشغل مو عيب ولكن العيب هو الاتكال على الاخرين .............. بس شويه على كيفكم لانه اكو ناس هواي دمرته الحروب والخطف وسوء الاوضاع بالعراق ومابيه حيل ترفع ايده من التكسر والمرض شلون تقدر تشتغل.
واذا اكو شغل بامريكا فخير على خير ............ احسن من بلدنا الي بي شغل بس للحرامي وللهتلي وهواي ناس عده شرف وضمير صاروا تحت خط الفقر.
ومحظوط محظوط الي راح امريكا بساع وأشتغل خلي يحمد الله ويشكره ...........هنا الاوادم بدول الجوار اصحابين شهادات وخبرات ويدورون على اتعس الاعمال ومالاقين لانه لو ممنوع العمل لو ابو البلد مايريد يزاحمه احد غريب على شغله واحدنا صارلنا سنين ينتظر حتى تكمل معاملته وماكوشي يوميه لو اجراءات لو امنية لو ضراط الهوش لو جعب ابريج.
شباب الدنيا مو بس عقل وارادة وطموح وحجي مالت كتب ........الخ الدنيا بخت وحظوظ.
-
اخي الفاضل hamada2
شكرا على ال مداخلة وعلى التوضيح ... وهذا الموضوع متشعب وشائك .. وانت تعرف - ربما اكثر مني - بان الولايات المتحدة هية عبارة عن 50 ولاية وكل ولاية لها نظامها وشبه استقلاليتها .. الموضوع برمته ياعزيزي لايعدو ان يكون استنتاجات وملاحظات وتصريحات وليس هناك مايءكد قولي او قولك او حتى قول الاخرين بشكل رسمي قاطع .. نأتي الان على موضوعي انا ... فانا نقلت لكم ماقاله مدير المنظمة ولم ازد او انقص منه شيء وربما يكون هو او أنا على صحة او على خطأ ربما .. ولكنني كتابع لحالة وصول اللاجئين هنا في نيو مكسيكو خلال فترة الثلاث اشهر الماضية فان اعدادهم قليلة جدا مقارنة باعدادهم قبل ذلك .. واما مسالة الاستغناء عن خدمات اثنين او ثلاث من الكيس منجر فهذا امر ناقشته مع احدهم لانه صديقي (الولد من بغداد طلع وابن منطقتي واتفاجأ بية من شافني بالمنظمة اول مرة !!!) فقال لي بالحرف الواحد انه هو شبه المستغنين عنة لانه يعمل الان 3 ايام في الاسبوع عندهم بمعدل 3 ساعات باليوم يعني مامجموعه 9 او 10 ساعات بالاسبوع فقط!! وقد قال له مسؤول الموارد البشرية HR في المنظمة بانه لو يلكالهة شغل ثاني يكون افضل لانه هاي ايسموهة (شبه الاستغناء) لانه همة مايكدرون ايبطلونة بشكل رسمي لانه لازم يدفعولة تعويض ومااعرف شنو !!
المهم .... انت ترى وانا انه الوضع الاقتصادي الامريكي تعبان ومنهك واسعار الوقود قد قفزت قفزة غير طبيعية مما أثر على باقي اسعار المواد والسلع .. ولحد الان فانه لم يتم زيادة الحد الادنى للاجور في معظم الولايات يعني مثلا الحد الادنى في نيو مكسيكو هو 7.25 دولار وهذا منذ سنة 2006 وكم هو الفرق بين 2006 وبين 2011 ..؟ ان غالبية العراقيين وباقي اللاجئين الاتين الى الولايات المتحدة يلاقون صعوبات كبيرة في ايجاد عمل لهم مما يضطرهم الى البقاء على برنامج المساعدات الحكومية وهذا يتعب وينهك الاقتصاد الامريكي .. اكثر من 90 بالمائة من الذين يعملون الان لايعملون فوول تايم يعني 40 ساعة بالاسبوع او حتى 36 ساعة بل اغلبيتهم مابين 20 الى 30 ساعة بالاسبوع وانت ترى ان هذا مايسمونه البطالة المقنعة فانا مثلا اعمل الان 22 ساعة بالاسبوع كحد اقصى ويطلعلي بالشهر من عملي هذا تقريبا 720 دولار وهو يسد فقط ايجار الشقة .. فكيف بباقي تكاليف المعيشة ؟؟!! الفوود ستامب اذا اشتغلت لولو ساعة بالاسبوع سيقل بنسبة ماتشتغل.. يعني هية محسوبة شلون ماتريد .... لااتذكر اين قرات ان الحكومة الامريكية تنفق سنويا مامقداره 30 مليار دولار على برنامج الفوود ستامب فقط وانت كما ترى فانه هذا الرقم كبير وليس بالسهل ياعزيزي.....
على كل حال .. صدقوني انني اتمنى ان تكون كل هذه الحقائق غير دقيقة او مبالغ فيها وان لاتؤثر على معنويات القادمين او الجدد او حتى على القدميمين في الولايات المتحدة ولكن هذا هو الواقع وارجو من بقية اخوتي في باقي الولايات ان يرفدونا بما لديهم من معلومات وحقائق حتى تتضح الصورة اكثر ...
بالنسبة الية ياعزيزيhamada2 فاني لم اطلع من المنتدى بعد مانشرت معلومتك انتة لانه اني رحت نمت لانه الساعة كانت تقريبا 12 بالليل واني دوامي يبدي ساعة 4 الفجر لذلك لم اقرا ردك الا بعد ان اتيت من عملي ساعة 8 ونص الصبح وكتبت ردي الكم ....
تحياتي للجميع
ابو سارة
-
ليش هية اكو مساعدات باميركا ??? :o :o :o
-
يقال !!!
والعهدة على القائل!!!!!!!!!!!!!!!!
-
حبي نقيب علي
لاتكلي جاي لمريكا علمود المساعدات؟؟؟؟؟؟؟
لا حبي اني مجاي لامريكا علمود المساعدات, هاي المساعدات مو اليه وانما للفاشلين اللي ميحبون يشتغلون ويطورون نفسهم بهذا البلد الشامخ,
وثاني شغله اني مو نقيب, أني طيار مدني, وحاول تدرس انكليزي زين علمود تعرف شنو معنى كابتن, ترة كلمة كابتن بالانكليزي مو معناتها بس نقيب!!!
مو بس هيج اذا تضل تفكر بالمساعدات متكدر اطور روحك لان اذا شتغلت كطعوها اذا جمعتلك كم فلس كطعوها اذا عندك كم فلس مخليها يم احد يحولها الك من تتحول راح تنكطع المساعدات يعني خصم الحجي . يكلك اذا تفكر بالمساعدات خليك على نفس الحطه