ankawa
منتدى الهجرة واللجوء => الهجرة و واللاجئين => الموضوع حرر بواسطة: جرح الزمان في 23:21 17/04/2011
-
السلام عليكم اخواني .. اني عندي اكثر من سؤال واتمنى ان تجاوبوني عليهم كلهم لان اختكم محتاره وكل واحد اساله يحجي شكل اتمنى الكه الاجابه المضبوطه من عدكم .. وراح اسهل عليكم وانطيكم معلومات الي تحتاجوهه بالرد
1. اني عندي كرين كارت وفاصله ملفي عن اهلي وعندي شغل فول تايم ومقطوعه عني كل المساعدات وصارلي سنتين ونص باامريكا وطلعت عن طريق الاي او ام
اني انخطبت راح اروح للعراق اكمل معاملة العقد مال الزواج والهوسه كلهه
سؤالي هو يصير اسوي لم شمل بعد ما اتزوج وارجع الامريكا واني عندي بس كرين كارت ؟؟
و اذا يصير معاملة لم شمل شكد تطول؟؟ وشنو الشغلات الاساسية الي يردوها مني ومن زوجي ؟؟
وهم بيها رفض وقبول مثل باقي الدول الاوربية لو تمشي المعامله عادي وابقه انتظر ؟؟
وبالنسبة للزوج هم يحتاج يقدم معامله من بغداد لو بس اني اقدم المعامله منا ؟
ومن بعد ما اقدم المعامله عادي اذا ارجع البغداد انتظر الموافقه لو لازم ابقى باامريكا ؟؟
وشلون و وين اقدم المعامله مالت لم الشمل؟؟ وبالضبط شكد اتطول ؟؟
اني اسفه طولت عليكم بالاسئله بس والله العظيم دايخة ومحتاره كلش هوايه واتمنى ان تردون على كل الاسئله .. وتحياتي الكم والجهودكم االحلوه
-
والله اختي كان بنفسي اساعدج بس ماعندي معلومات كافية لأني بالعراق..
بس عندي ولد صديقي تزوج من عراقية متجنسة امريكي وهي اجته للأردن وهو سافر ايضآ للأردن بس هو مسيحي وعقد بالكنيسة وقدمو اوراقهم للسفارة في عمان ولكن اعتقد في حينها ان السفارة الأمريكية التزمت بتقالين الطائفة المسيحية وهي يجب ان يستمرو بالزواج لمدة اعتقد ثلاثة اشهر من ثم يراجعون السفارة مرة اخرى ليتم تأكيد ان الزواج حقيقي ومتوافق وليس لغرض تسفير الزوج طبعآ هذا ماأتذكره من كلام صديقي وبعد ان اكملو الثلاثة اشهر رجع صديقي الى العراق ورجعت زوجته الى امريكا لتكمل باقي اجراءات زوجها من امريكا ولكن اين اكملتها وكيف لااعلم وبعدها بقى صديقي في العراق تقريبآ ثمانية اشهر واتصلت به السفارة الأمريكية من عمان للحظور وأستلام فيزته وسافر وراح...
هذا ماأتذكره قبل 3 سنين تقريبآ.
انشاء الله يدخلون الأخوان اصحاب الخبرة ومايقصرون وياج ومبروك لزواجك
-
الله يبارك بيج عيوني ريم والله يوفق الجميع
اشكرك اخي ساحر بس الفرق اني مو متجنسه وهذا الي مخوفني
والله يبارك بيك وانشاءالله اشوف ردود الاخوان البقيه
-
اني عندي كرين كارت وفاصله ملفي عن اهلي وعندي شغل فول تايم ومقطوعه عني كل المساعدات وعمري 21 سنه وصارلي سنتين ونص باامريكا وطلعت عن طريق الاي او ام وهسه اني اسكن بنبراسكا.
اذا ما عندج مشكلة عزيزتي
اني انخطبت وبشهر السابع راح اروح للعراق اكمل معاملة العقد مال الزواج والخطوبه والهوسه كلهه
الف الف مبروك
سؤالي هو يصير اسوي لم شمل بعد ما اتزوج وارجع الامريكا واني عندي بس كرين كارت ؟؟
اي يصير وهاي تكون معاملة هجرة عزيزتي لانه زواجك كان بعد دخولك لامريكا فتقدمين لزوجك معاملة لمن ترجعين لامريكا
و اذا يصير معاملة لم شمل شكد تطول؟؟
هاي بس الله يعلم شكد تطول لكن بصورة عامة صلة الزوج درجة اولى واذا وفرتي الكفيل المادي (مو معنوي) الامور الباقية سهلة ان شاء الله
وشنو الشغلات الاساسية الي يردوها مني ومن زوجي ؟؟
هاي موجودة على موقع دائرة الهجرة الامريكية هسه اشوف الموقع وارجعلج بس اهم شي اثبات العلاقة الزوجية قانونا وبعض الامور المادية مثل الصور او غيرها وممكن يطلبون ايميلات متبادلة او فواتير الهاتف لمن ترجعين لامريكا ايضا لاثبات صحة الزواج
وهم بيها رفض وقبول مثل باقي الدول الاوربية لو تمشي المعامله عادي وابقه انتظر ؟؟
عادة اغلبها قبول ما سمعنا بيها رفض
وبالنسبة للزوج هم يحتاج يقدم معامله من بغداد لو بس اني اقدم المعامله منا ؟
التقديم من يمج وتوصل المعاملة بعد الموافقة عليها الى السفارة الامريكية ببغداد ويدزون عليه على مقابلة ورة ما تخلص كل الامور الاخرى المتعلقة
ومن بعد ما اقدم المعامله عادي اذا ارجع البغداد انتظر الموافقه لو لازم ابقى باامريكا ؟؟
المهم تقدميها من امريكا ممكن ترجعين لبغداد بس لازم ما تبقين هواية تروحين وترجعين علمود المحافظة عالكرين كارد
وشلون و وين اقدم المعامله مالت لم الشمل؟؟ وبالضبط شكد اتطول ؟؟
تقدمين الفورم i-130 من امريكا ويرسل الى دائرة الهجرة الامريكية حسب التعليمات وتنتظرين الموافقة عليه وراها راح تبدي رحلة ايجاد كفيل مادي مطلوب براتب سنوي محدد علمود يضمنون زوجك ما يقدم على مساعدات لمن يجي لامريكا
-
اشكرك عيوني سرى على الرد الحلو وبالتفصيل والله يبارك بيج وتعبتج وياي بس شنو المقصد بالكفيل المادي مو المعنوي ؟ يعني حد اقصى تطوللهه سنتين المعامله ؟ واشكرج مره ثانيه
-
اشكرك عيوني سرى على الرد الحلو وبالتفصيل والله يبارك بيج وتعبتج وياي بس شنو المقصد بالكفيل المادي مو المعنوي ؟ يعني حد اقصى تطوللهه سنتين المعامله ؟ واشكرج مره ثانيه
عزيزتي الكفيل المادي هذا يتوفر عادة وينطلب في معاملات الهجرة وحسب قوانين دائرة الهجرة انتي اذا راتبج يوصل الحد المطلوب للكفيل ممكن انتي تتكفلين زوجك يمنا هنا سمعت يريدون على الاقل راتب سنوي لازم 37 الف دولار وطبعا لازم ما يستلم اي مساعدات من الحكومة الامريكية هذا الكفيل راح ينطلب ورة ما يوافقون على طلبك الخاص بسحب الزوج
وان شاء الله ما تطول سنتين انتي بس رتبي امورج شوفي شغلة الكفالة او هل راتبج يكفي بحيث انتي تتكفليه؟ هاي اهم شي بعد موافقة دائرة الهجرة عالفورم 130
-
تسلمين عيوني سرى على الرد بس كلش هوايه 37 الف دولار هاي شلون شغله
-
ربي يسر امورك والف مبروك
---------------------------------------
شكرا للاخت سرى على المعلومات المفيدة وبارك الله بيج اختي
خير الناس من نفع الناس
-
عاشت أيدج أخت سرى وفيتي وكفيتي ..... ألله يوفقج
-
بالرفاه والبنين ان شاء الله يتمم على خير وينلم شملكم
-
الله يبارك بيكم رحم الله والديك على وكفاتكم وتهانيكم الحلوه
-
الف مبروك ..بس تأكدي لايكون زواج مصلحة من قبله وبعدين تتعبين علية وتجيبيه لامريكا وينكر الجميل ..ظبطي امورج زين قبل ان تتخذين اي خطوه.....سوي اختبار بسيط وكوليله اني ابقى يمك بالعراق وبعد مااروح لامريكا وشوفي شنو جوابه يبقه متمسك بيج لو يتغير كلامه..وموفقة ان شاء الله ..انتي مناظله والله
-
تسلمين عيوني سرى على الرد بس كلش هوايه 37 الف دولار هاي شلون شغله
ال37 الف دولار هاي مو تدفعيها الهم فقط هاي راتب للكفيل المادي
-
مبروج اختي جرح الزمن وياربي ان شاء الله يتمم عليكم بالخير ومثل مذكرتلج اخت سرى مشكوره انه الكفيل يكون دخله السنوي بحدود ال 37 الف حتى يكدر يكفل زوجك
والف شكر لسراوي على هذا التوضيح المفصل وان شاء الله كل المقدمين على هاي الخطوه يستفادون منه
ياربي ليحرمنا من مشاركاتك القيمه ومواضيعج المفيده
-
شلونكم عيني ؟
:) الراتب ينحسب مع الضريبه اللتي يقطعوها من الراتب ...............لو الراتب صافي لازم ( 37000 )
جرح الزمان : تكدرين سئلين محامي مال هجره .... راح يفيدك اكثر ???
-
الف مبروك ..بس تأكدي لايكون زواج مصلحة من قبله وبعدين تتعبين علية وتجيبيه لامريكا وينكر الجميل ..ظبطي امورج زين قبل ان تتخذين اي خطوه.....سوي اختبار بسيط وكوليله اني ابقى يمك بالعراق وبعد مااروح لامريكا وشوفي شنو جوابه يبقه متمسك بيج لو يتغير كلامه..وموفقة ان شاء الله ..انتي مناظله والله
الله يبارك بيك يارب ..لا طبعا اكيد اختبرته واتاكدت منه ونفس ما كلت كتله شنو رايك نبقه بالعراق فجوابه كان بالعراق مو بالعراق اهم شي ينلم شملنه. والله يوفقك ويوفق الجميع يا اخي .. مو بس اني المناظله ماكو عراقي هسه مو مناظل حتى لو جان عمره سنه شنسوي عراقيين وانكتب علينا التعب والله يفرجها علينه انشاءالله
-
اها اوكي افتهمت عزيزتي سرى اشكرج وتعبتج وياي والله ..
الله يبارك بيج عيوني ريم واكيد الف شكر للاخت سرى رحم الله والديها على المساعده الحلوه
والله ما اعرف اي محامي هجره هنا كلت من اروح للعراق وارجع ادورلي على محامي زين
وشكرا الكم جميعا اخواني
-
السلام عليكم مره ثانيه.. رجعتلكم بكم سؤال واشكركم هوايه على ردودكم السابقه وخصوصا الاخت سرى
1. فرضا اني قدمت منا على معاملة لم شمل الزوجي وهو بالعراق هل يحقله هو يقدم على الاي او ام من بغداد ويكول الهم زوجتي باامريكا ويشوفهم عقد الزواج ؟
2. هل راح يعجل بالمعامله هذا التقديم مالته لو لا ؟
3. زين وفرضا هو ما عنده جواز وطلعت الفيزا بهالحاله راح تروح عليه الفيزا او لا ؟
4. والفيزا هل الها مدة معينه وتسقط اذا طلعتله ؟
5. واذا ممكن احد يشرحلي الفورم I-730 ؟ اني قريته بموقع الهجرة الامريكيه بس ما موضحين ؟
6. وهل يكدر يقدم على الاي او ام من بغداد لو الا يسافر المصر او الاردن او سوريا؟
واشكركم جزيل الشكر تعبتكم ويايه
-
اختي جرح الرمان وليش هل الخبصه والدنيا ومايحقله المساعدات ...عمي خلي يسويلى قصته مضبوطه ويطع على تركيا ويقدم على اليو أن هيه اكثر شي سنه ويكون بأمريكا وكل حقوقه موجوده ..........................
وثاني شي ....تكدرون تتزوجون ..............وانتي تروحين على امريكا وهو ...يروح على اليو أن وقصته تكون انو يريد يطلع عند زوجته الي هيه انتي ..... ;D ;D ;D ;D ;D ;D ;D ;D ;D ;D ;D
أمك وأبوك بلجنه ..وطبعا هاي النقطه مو من عندي الان اكو حالتين هسه موجودين يمي وحده منهم خطوبه وعلى اساسها يقدم ....تحياتي :) :) :) :) :)
عمي اسهل منها ماكو
-
اختي جرح الزمن اتصلت بمحامي الهجرة يكول خلي تقدم لزوجها معاملة السحب ورى 8 اشهر تنقلب تصير معاملة اللجوء بصراحة بس هذا الجواب انطاني انتي حاولي تستشيري محامي الهجرة اكثر يعرف بكل القوانيين وانشاءلله تكمل معاملة زوجك ويوصل بالسلامة للولايات المتحدة
-
تسلميلي عيوني انجـي .. اتصلت بالمحامين الي انطيتيني ارقامهم بس للاسف الا موعد وعلى الايميل ما يجاوبون ومحامي هنا بالمدينه الي اني بيها ماكو .. وتسلميلي على الرد
اشكرك نوار على الرد مااعرف والله هي دوخه صايره
-
عزيزتي جرح الزمن
جواب على اسئلتج
1. فرضا اني قدمت منا على معاملة لم شمل الزوجي وهو بالعراق هل يحقله هو يقدم على الاي او ام من بغداد ويكول الهم زوجتي باامريكا ويشوفهم عقد الزواج ؟
لا عزيزتي ميكدر يقدم من بغداد على الي اي او ام الا اذا كان هوه مشتغل مع الامريكان
2. هل راح يعجل بالمعامله هذا التقديم مالته لو لا ؟
هوه اصلا ميشمله التقديم
الا اذا طلع للاردن وقدم على اليو ان واذا رفق ويه المعامله عقد الزواج راح يسرعوله بالموافقه للتوطين
3. زين وفرضا هو ما عنده جواز وطلعت الفيزا بهالحاله راح تروح عليه الفيزا او لا ؟
حبيبتي يعني شلون يسافر به جواز
هوه اول وتالي من بداية المعامله الى نهايتها يحتاجون رقم جواز بكل امعلومات ومن تطلع الفيزه لازم اكو جواز يطمغوله عليه
4. والفيزا هل الها مدة معينه وتسقط اذا طلعتله ؟
مدة الفيزه 3 اشهر
6. وهل يكدر يقدم على الاي او ام من بغداد لو الا يسافر المصر او الاردن او سوريا؟
هذا نفسه السؤال الاول والثاني
لا ميقدر الا يطلع لاحدى دول الجوار
ومعاملة لم الشمل لازم ترجعين لامريكا وتقدميها مناك
واشكركم جزيل الشكر تعبتكم ويايه
تدللين
-
5. واذا ممكن احد يشرحلي الفورم I-730 ؟ اني قريته بموقع الهجرة الامريكيه بس ما موضحين ؟
وهذا شرح عن النموذج
الغرض من النموذج :
إذا تم قبولك إلى الولايات المتحدة كلاجئ أو إذا كنت قد منحت حق اللجوء في الولايات المتحدة في غضون العامين السابقين، يمكنك تقديم طلب الانضمام لزوجتك و / أو الأبناء غير المتزوجين تحت 21 سنة من العمر.
عدد الصفحات :
شكل (4) ؛ التعليمات 6.
تاريخ الإصدار :
01/06/10. تقبل الطبعات السابقة.
إذا كنت في الولايات التالي
تختارين اسم ولايتك
نبراسكا مركز الخدمة
P.O. المربع 87730
لينكولن، شمال شرق 68501-7730
إذا كنت في مدينة، ..تختارين اسم المدينه
تنزليها من هذا الموقع
http://www.uscis.gov/files/form/i-730.pdf
وهاي التعليمات تلكيها بهذا الموقع
http://www.uscis.gov/files/form/i-730instr.pdf
واذا احتاجيتي مساعده حاضرين انساعدج