-
الـسلام عليكم
خلال شهور المقابلات والروح وتعال
وشهور انتظار الغضب الأكبر (( الموافقه الأمنيه ))
كنت اتجنب دخول اماكن تجمعات العراقيين على النت
الي حالهم حالي وكالت مقابلة الوفد وحجت الموافقه
مثل ميكولون جنت " حاطتها عله الله "
والى الآن حاطتها على الله بس ...
" وصلت حدها "
وبالاضافه الى وصلت حدها الاوضاع هنا صارت تخوف كلش
واكو عراقيين رجعو للعراق .. واحنه أهل الأمنيه مندري وين ننطي وجهنه
البارحه سمعت خبر وعلى اثره كلت خلص بعد مابيها مجال لازم نتحرك
الخبر يكول : (( العراقيين من أصل فلسطيني الي موجودين بسوريا ودينتظرون فيزتهم لـ كندا اتحركو عن طريق جماعتهم الي بكندا واتسهل امرهم ))
يعني خلال اتصالات معينه اتجمعو جماعتهم الي بكندا وكتبو رساله او عريضه وقدموها الى المسؤلين بكندا شرحولهم بيها اوضاع الي دينتضرون الفيزه بسوريا وكلولهم الاوضاع الامنيه حالياً موزينه وياريت تسرعون اجراءات سفرهم
ولله الحمد المسؤلين استجابو الهم وبعثو برقيه للسفاره الكنديه بسوريا حته يسرعون سفر الي مخلصين كلشي ودينتضرون الفيزه
وتم الموضوع وسفرهم خلال شهر ان شاء الله
واحنه نضل نايمين لو شلون ؟؟؟؟؟؟؟؟؟
مصار لازم نتحرك ؟؟؟؟؟؟؟؟؟
تره اذا متحركنه رح تضل نايمه علينه الطابوكه
ومثل مسمعت اكو ناس وبعد سنه من انتظار الموافقه الامنيه رح يعيدولهم مقابلة الوفد !!!!!!
زين شوكت رح ييجي الوفد والاوضاع هنا موزينه وسحبو الرعايا الاجانب من سوريا !!!!!!
الي صارله سنه واكثر من سنه بس دينتظر الأمنيه اله خلك بعد ينتظر ؟؟؟؟؟
لو اله خلك بعد يعيش ازمات امنيه والله اعلم شوكت رح تصفه ؟؟؟؟؟
لذلك يااخوان خلونه نسوي مثل مسوو ربع كندا
خلينه بداية ً نحاول نسوي تجمع للعراقيين بسوريا الي مخلصين كلشي وبس دينتظرون تخلص الموافقه الامنيه وتطلع فيزتهم لـ اميركا
بعد منسوي التجمع نحاول نسوي ربط او اتصال بين كفلائنه الي بامريكا وايضا ً ممكن مساعده من عراقيين موجودين هناك
ونتفق وياهم على رساله ممكن يقدموها ويساعدونه بيها
او أي تحرك ممكن يفيدنه بتسريع اجراءات سفرنه
واكو فكرة ثانيه مطروحه ممكن ننفذها بعد هذا التحرك
وهي الاستعانه بأحد اصحاب الكلمه بـ اميركا حته يساعدونه بموضوع تسريع اجراءات السفر
لكن بعد وكت عله هلفكرة
بداية ً خلونه نتفق ونعرف شلون ننسق بيننه وبين كفلائنه
والي عنده أي فكره أو أي طريقه ممكن تساعدنه ياريت يطرحها
وياريت نبدي نتحرك
* اطلب من مراقبين القسم تثبيت الموضوع للأهميه
-
عزيزتي فكرة سديدة جداً و أشد على يدك ِ ..
لكن لننتقل من طور التنظير للفكرة كفكرة الى طور المرحلة العملية
ماكو شي اسمه اتصالات معينة او قدموا عريضة ...
اتمنى تتواصلين مع هذوله الناس وتعرفين النه شنو الدوائر المعينة الي راجعوها او شنو الجهات الي لجأو لها
وشنو كان فحوى العرايض الي قدموها ..
انا واثق اننا ( احنا الي منتظرين الموافقات الامنية ) انا واثق ان كل واحد مننا عنده على الاقل ثنين او ثلاثة اشخاص هناك مستعدين يتجمعون حتى لو عن طريق الانترنت ويراسلون او يتصلون بهذي الجهات
لكن مثل ما نعرف كلنا اميركا دولة مؤسسات فياريت تعرفين لنا شنو المؤسسة الي راجعوها وتفاعلت وياهم بهاي النقطة
هل هي بوزارة الخارجية .. وان كانت كذلك .. فأي هيئة بالظبط .. وشنو عناوينها
انا عادة ً ما اتفاعل ويه مثل هذي الدعوات .. لكن دعواك منطقية و احس انها مجدية
اكرر دعمي وشكري لك ِ ..
إستقرار
-
هاي ماصارت امنية ................. هاي لعنة.
وللعلم قام اعضاء كثر من المنتدى بطرح هكذا مواضيع ......... ومرات تعدى الطرح التطبيق بمراسلة اعلى الهيئات الخاصة بمواضيع الهجرة واللجوء ولكن ................. كلها لم تأتي بنتيجة.
الله كريم.
-
اقتراح جيد جدا بس منو الينفذ
:'( :'( :'( :'(
-
للاسف اخويه العزيز تم التحرك وعلى اعلى المستويات و بصوره جاده و لكن الامنيه خط احمر فاقع غير قابل لل لمس
تحياتي
ألن
-
يعني ماكو حل؟؟؟؟؟؟؟؟؟؟؟
-
عزيزتي فكرة سديدة جداً و أشد على يدك ِ ..
لكن لننتقل من طور التنظير للفكرة كفكرة الى طور المرحلة العملية
ماكو شي اسمه اتصالات معينة او قدموا عريضة ...
اتمنى تتواصلين مع هذوله الناس وتعرفين النه شنو الدوائر المعينة الي راجعوها او شنو الجهات الي لجأو لها
وشنو كان فحوى العرايض الي قدموها ..
انا واثق اننا ( احنا الي منتظرين الموافقات الامنية ) انا واثق ان كل واحد مننا عنده على الاقل ثنين او ثلاثة اشخاص هناك مستعدين يتجمعون حتى لو عن طريق الانترنت ويراسلون او يتصلون بهذي الجهات
لكن مثل ما نعرف كلنا اميركا دولة مؤسسات فياريت تعرفين لنا شنو المؤسسة الي راجعوها وتفاعلت وياهم بهاي النقطة
هل هي بوزارة الخارجية .. وان كانت كذلك .. فأي هيئة بالظبط .. وشنو عناوينها
انا عادة ً ما اتفاعل ويه مثل هذي الدعوات .. لكن دعواك منطقية و احس انها مجدية
اكرر دعمي وشكري لك ِ ..
إستقرار
والله مسألت على التفاصيل لان همه سوو التحرك بكندا
وكندا اكيد دوائرها ومؤسساتها غير اميركا
بس هذي مومشكله
اني الي اعرفه ان بكل ولايه اكو مراكز مسؤله عن اللاجئين
سواء بداية حته يضبطولهم وضعهم من ناحية اوراق وهل امور او حته يدخلوهم المدارس او مسئلة الرواتب
يعني اما تتقدم العريضه لهذي المراكز
او ممكن يستفسرون منها عن مكان أهم ممكن تكون الاستجابه منه اضبط
شغله اخيره بالنسبه لفحوى الرساله
فـ اكيد شرح عن وضعنه الحالي وعن ضروف البلد الحاليه وطلب بان يتم تسريع اجراءات السفر
[/size][/color]
-
للاسف اخويه العزيز تم التحرك وعلى اعلى المستويات و بصوره جاده و لكن الامنيه خط احمر فاقع غير قابل لل لمس
تحياتي
ألن
ممكن اعرف شوكت صار التحرك ؟؟؟ :-\
لان جماعة كندا لعبو على كارت الاوضاع الامنيه الي هنا صارت موزينه
وعلى اساسها استجابو الهم
فـ انا قصدي بكل الموضوع انو نسوي نفس الحركه
يابه الاوضاع هنا من سئ الى اسوء واحنه مناقصنه ازمات فـ ياريت تنتشلونا بسرعه
فـ بس كلي التحرك شوكت صار بالضبط
حته اذا صاير بهل فتره وبحجة الاوضاع الامنيه موزينه ومستجابو حته اغسل ايدي :'(
[/size][/color]
-
اقتراح جيد جدا بس منو الينفذ
:'( :'( :'( :'(
اكو غيرنه :-\
بس داستغرب ماكو تفاعل
يعني ايد وحده متصفك
وماكو احد بينه مبزعانه روحه من الوضعيه
لذلك ماادري شلون
ممكن نحول عله مواقع التواصل الاجتماعي ???
-
السلام عليكم
والله اني اني اشد على ايدج اختي وايد فكرتج ميه بالميه...لان ماضاع حق وراءه مطالب.
خلي نسوي ايميل نسميه تسميه دل علينه... ونكتب بيه استغاثات نادي بيه لاوضاعنه ومصيرنه المجهول...وهكذا من الكلام..ونحط بيه عددنه احنه الي دازين الايميل واذا تردين نرفدهم بارقام ملفاتنه حته يشوفون مو فقط واحد داز الايميل...او نخلينه ونقولللهم انو نزودكم بارقام ملفاتنه حين الطلب..
واني عندي تعديلين بسيطه او اضافة...الاول انو ندز الايميل لكل منظمات الهجرة بالعالم وعني ايميلاتهم وكثير من عدنه عدهم هاي العناوين...حته تصير شويه الموضوع اوسع حته بلكت منظمه من هاي المنظمات تمارس فد ضغط ولو بسيط على المنظمة الرئيسية والي بسوريا , وخلونه شويه نشوفهم سوريا شقد بطيئة بالاجراءات.
والشغلة الثاني اني جنت مفكر انو نجمع كلنه المتاخيرين ( ويامكثرهم) ونروح للمنظمة بالمزه...ونطالبهم بمقابلة مسؤول ونسوي لجنه من عدنه فد 3 اشخاص وندخل عليهم ونحجي معاناتنه....لان اخواني المسؤولين هنا بسوريا الواضح مراضين على الموظفين, لان حجيت ويه الموظفة المرة الفاتت وكالت انتو كلما دتخابرون المسؤولين ديطالبونه بتسريع الاجراءات لان ديبين عدهم وانتبهو للكلام يعني الاجراءات كذلك سوريا هم اله علاقة بيه يعني التاخير هم من هم وعلى الاغلب كله منهم ..لان الواضح ماكو متابعه منهم ,فتكثيف الاتصالات وتحركات جماعية عليهم رح تخليهم شويه تحركون ويوقولون ذوله مرح يقعدون وبدوا يتضجورون,فبلكي شويه يتابعون اكثر,ومرح نخسر شي احنه ,واذا اجه اليوم الي لاسامح الله واضطرينه للرجعة للعراق نقول سوينه الي نقدر عليه. وبالنهايه اقول احنه مشكلتنه العرب انو دائما مناخذ خطوه استباقيه دائما ننتظر الفاس يوقع بالراس ونبدي ناخذ خطوات هزيله تاثيره بسيط فقط للتسكين.
وماضاع حق وراءه مطالب
-
اخواني اعتذر عن الاخطاء الاملاء من بعد ما دزيت التعليق اكتشفت...
اخوان اني رح اتاخر حته اشوف ردودكم بس احاول لهاي الايام افتح.... بس اني وياكم قرروا وفكروا .
وكما قال الرسول (عليه الصلاة والسلام) ((اعقلها وتوكل)) فعقلوها يا اخوان وتوكلوا على الله.
سلام