ankawa
منتدى الهجرة واللجوء => الهجرة و واللاجئين => الموضوع حرر بواسطة: الرجل العراقي في 19:51 29/04/2011
-
طبعا اني حبيت استفسر من الاخوة الي مقبولين وفاحصين اني طبعا بعدني قيد الدراسة بس والله سمعت موخوش كلام عن الفحص الطبي طبعا اني اتكلم على فحص النسوان شنو ايسولهن بالفحص ارجو اجابة حقيقية واقعية مو مثل بعض الناس الي راح سوو فحص نسئلهم ايكولون فحصتنا دكتورة وبعدين يطلع فاحص مرتة رجال وما يكول الصدك فياأخوان ارجوكم جاوبوني بصراحة لان الي سمعتة من اماكن الفحص الي يخلي الدكتور ايده عليها صعبة بالنسبه للكثيرين من عدنا فاذا واحد ايريد يعلق على الامر خلي يكتب بس رجاءا لاتاخذوها بالشقة لان هذا امر خطير واذا واحد مستحي يكتب خلي يكتب شغلات عامة على الفحص لو شتكولون وهل نستطيع ان نغير الدكتور الى دكتورة اذا اجت الموافقة وخابرونه على الفحص لو امر ما بيه مجال ارجوكم جاوبوني
-
اخي الكريم,,,الفحص هو فحص روتني يعني ضغط و نظر و طول و وزن و يسالك اذا عندك مرض مزمن حته يسجله علمود يتابعوك من تسافر و يوصفولك الادوية اللي تحتاجها,,,,شتقصد بامر خطير مدا افهم !!!!!!
-
اخي الموضوع مابي اي خطوره
اني سويت الفحص للمره الرابعه
وماكو طبيب يخلي ايده
هي مجرد يقره التقارير ويسال اسئله
وميفحص فحص سريري
فاخي لتقلق الفحص مو بالدقه الي تصورها
هوه اعتمادهم على التحليل والاشعه
وتثبيت التاريخ الصحي للمتقدم
مثلا مسوي عمليات قبل او تدخن او الادويه الي تاخذها للنساء اذا اكو حمل او لا
يعني اسئله عامه تثبت بالتقارير
-
اخي بكل بساطة وبدون اي احراج تقدر المرأة وبكل سهولة تطلب دكتورة للفحص ............ وماكو اي اشكال.
اللهم اسألك الستر والعافية.
-
بارك الله بيكم على هاي الردود الحلوة يااخوان وردودكم مطمئنه بس والله هذا الكلام مو من عندي البارحة امريه فاحصة هي وزوجه وجان الي فاحصهم دكتور وكالتلها وضع ايدة على مناطق ما نريد نشرحها للحياء بس الحمد لله اذا واحد يكدر يبدل الدكتور ويطلب دكتورة على ما تكولون فهاذا خبر حلو ومطمئن شكرا جزيلا لكم
-
اصلا ببغداد حتى من ياخذون دم مخلين ولد للرجال وبنية للنسوووووووان
يجوز انت تحجي ع عمان ؟؟؟
-
السلام عليكم
اني من جماعة عمان وماكو دكتور بالفحص الطبي يخلي ايدة على امراة لاان همه يعرفون عاداتنا وتقاليدنا . واذا اكو فحص للنسوان فراح تفحصهم دكتورة مو دكتور . فاطمئن اخي وخلي بالك مرتاح .
اخوك جمبوا
-
اخوية العزيز بعد التحية....
اذا جان اللي دتكولة صح فالطبيب شخص يؤدي واجبة..و المرة حالها حال الرجال و الطفل بالنسبة اله..و انت تريد تسافر الى مجتمع مدني متطور...مو تكول هذا هيجي و هيجي...اخي العراق بالثمانينات و السبعينات جانوا اشهر اطباء النساء رياجيل و الكل تروج يمهم من المنقبة للمفرعة..
و السلام
-
أخي العزيز
الدكتور هوه الخ والاب والابن ...ولاتنسى انه حالف يمين الله ومااعتقد اكو واحد دكتور 6سنوات دراسة ودورات وتزكيه يله يلكه هيجي مكان ويكوم يتصرف هيجي تصرفات ...اني قناعتي انه انته او الاشخاص الي رايحين كلش رايحين زايد ...ومثل ما كالوا الاخوان والاخوات أنه فحص كلش طبيعي ولا سريري ولا هم يحونون مجرد اسئله واجوبه ....
زين مو اغلب الدكاتره الولادة والتجميل والجراحين والتخدير رياجيل مو نسوان وللعلم والاطلاع انه حتى لو كانت الدكتورة الي تسوي عمليه المساعدين الهه لازم 1 او 2 رياجيل ..
وشكرا" على الموضوع
-
أخويه العزيز أني فحصت مع والدتي مرتين والفحص عباره عن أشعه وسحب دم واذا كان عندك امراض مزمنه وتقارير او مسوي عمليه او تعاني من شي يسألون عن حالتك شلون صارت واذا عندك تقارير ياخذون نسخه منه والله يبعدك انت وعائلتك والجميع من اي مرض واذا ماعدهم طبيب او طبيب مختص يحولوك الطبيب خارجي وهو يزودهم بتقرير عن حالتك الصحيه وثاني شي قبل متجري اي فحص طبي يدخلون بالبدايه النسوان على الطبيبه تشرحلهم شنو طبيعة الفحوصات يعني محاضره مختصره تسوي بعدين يفوتون الرجال وبالفحصين السويته مع والدتي كان الياخذون الاشعه طبيب وطبيبه والطبيبه هي تاخذ الاشعه بالنسبه للنساء اما فحص الدم هو ياخذون عينه من الدم وهم نفس الشي اكو رجال وياه بنيه ياخذون عينات الدم أما الفحوصات الباقيه هي العاديه وكانو اليسوون الفحص طبيبات او مساعدات والي همه ياخذون الطول والوزن وفحص العين العادي ويسالون عن اذا اجريت عمليه جراحيه او تشكو من امراض واخر شي وهي المرحله الثالثه يروح فايلك الطبي للطبيب المسؤول عنهم ويسوي فحص للصدر واني والدتي بس اول فحص فحصتنه طبيبه وكان بوكته كل السوو الفحص السريري يم هاي الطبيبه هو بس عباره تفحص بالسماعه على منطقة الصدر والظهر وبالفحص الثاني لم نفحص هذا الفحص مره ثانيه فقط كانت اسأله اذا كنا نعاني من امراض او اجرينا عمليات جراحيه وحسب مشفت بالفحص الثاني انه النسوان تفحصهم طبيبه واكثر شي هي كانت تفحص الرجال ايضا بكل الاحوال هناك طبيبه مسؤوله عن كل الفحوصات وهي الي تطي المحاضره بالبدايه (كلش متعاونه وحبابه) تكدر تعترض يمه على اي شي ميعجبك او متكدر تسويه واني حسب مشفت كلهم متعاونين بالفحص الطبي واي مشكله طبيه حاول لتخفيه عنهم أنشاءالله ماكو أي مشاكل.
أنشاءالله يكون هذا شرحي كافي الك بالنسبه للفحص الطبي بعمان والموفقيه للجميع.....
أخوك
الحديقه - عمان
-
اخوية شوف انا فحصت مع زوجتي واطفالي اولا تاخذ وزن وفحص نضر موضفة ثانيا ياخذون عينة من الدم واحد سمين من الوريد واعتقد هذا الشي ما بي عيب ثالثا اشعة بالحارثية والي تاخذهة ابنية والي ادخلنة على الاشعة ابنية رابعا مرة ثانيا طبيب تجلس يمة عدة كرسي يطلع على التقارير الفحص ويسئل كم سوءال روتيني بدون ان يفحص لان همة قبلة فحصو وشي على شي الفحص ما بي فد شي او عيوبوالناس الفحصونة عراقين موضفين وموضفات وناس والله يعني خيرين وطيبين ما شفت منهم بس التعاون وتدلل
-
احنا مسوين فحص طبي اربع مرات في الاردن وانطيك المضبوط
آخر مرلحة في الفحص الطبي الدكتور يصيح ممرضة والممرضة تفحص الصدر ولازم المرأة تنزع لحد الصدر حتى الممرضة تتلمس الصدر والظهر وكذلك بسماعة الدكتور.
اما في حالات خاصة تذكر المرأة (وحتى الرجل) انه متعرض الى اطلاق رصاص او المرض الخبيث ومسوية عملية خاصة او ما شابه في اجزاء من جسمه فسمعت انه سابقا قبل اكثر من سنتين كان ينزع اكثر الملابس. لكن طبعا ممرضة وليس الدكتور.
اكرر هاي في حالات خاصة وليس الجميع.
كذلك في الصورة والبصمات ، في الصورة حتى اذا كانت المراة محجبة لازم يظهر الوجه والاذنين. واما البصمات فرجل يمسك يد المراة ويمررها بسكانر البصمات.
-
و الله يا اخون صارت حالات انو الدكتور فحص المره و خله ايده .. بس تبقه على العائله اذا تقبل لو لا اكو عوائل عدها الشغله عادي و اكوو لا و الله ما تقبل ....
و لحد ينكر هذا الشي لان صارت و للتاكيد سالت ناس فحصوهم و غصبا ما عليهم بال 2007 سافرو الى كندا
همزين اني سنكل
تحياتي
-
ما اتوقع بيها شي اذا الطبيب سوه الفحص هذا طب و الطب ميفرق و الطبيب انسان حالف على شرف المهنه لعد شحتسوون بامريكا
تحياتي
ألن
-
اخي بامكان النساء طلب طبيبة لاكمال الفحص بدل الطبيب حتى هنا بامريكا اي مكان للفحص الولادة وغير امور النساء لهم حرية الاختيار ان تكون طبيبة وليس طبيب
-
السلام عليكم عزيزي الفحص جدا عادي اولامعلومات عن حالتك الصحيةوالعمليات والامراض والادويه التي تستعملها ثم الطول والوزن والصدر والظهر بالسماعه مثل اي فحص عادي وفحص الدم اكو بنات يسحبون الدم واشعه الصدر بنات فقط (لفحص النساء ) ,والايدز يسحب
الدم رجال والله ماشفنه هاي الامور الي تحجون عليه واحنه اجري الفحص مرتين وعندي صبايا الصحه والعافيه للجميع
-
اخي انته تختار الطبيب او الطبيبه وماكو شي اسمه اجباري ..انته بكيفك وممكن تحجز يم طبيبة فقط اذا تريد تفحص كل العائلة مو شرط طبيب..
-
اخي بامكان النساء طلب طبيبة لاكمال الفحص بدل الطبيب حتى هنا بامريكا اي مكان للفحص الولادة وغير امور النساء لهم حرية الاختيار ان تكون طبيبة وليس طبيب
كلام صحيح 100 \100
السفير
-
طبعا اني حبيت استفسر من الاخوة الي مقبولين وفاحصين اني طبعا بعدني قيد الدراسة بس والله سمعت موخوش كلام عن الفحص الطبي طبعا اني اتكلم على فحص النسوان شنو ايسولهن بالفحص ارجو اجابة حقيقية واقعية مو مثل بعض الناس الي راح سوو فحص نسئلهم ايكولون فحصتنا دكتورة وبعدين يطلع فاحص مرتة رجال وما يكول الصدك فياأخوان ارجوكم جاوبوني بصراحة لان الي سمعتة من اماكن الفحص الي يخلي الدكتور ايده عليها صعبة بالنسبه للكثيرين من عدنا فاذا واحد ايريد يعلق على الامر خلي يكتب بس رجاءا لاتاخذوها بالشقة لان هذا امر خطير واذا واحد مستحي يكتب خلي يكتب شغلات عامة على الفحص لو شتكولون وهل نستطيع ان نغير الدكتور الى دكتورة اذا اجت الموافقة وخابرونه على الفحص لو امر ما بيه مجال ارجوكم جاوبوني
السلام عليكم
اخي لاتزعل من كلامي ولكن انته من هسه متحزم بحزام السبع حبيبي انته مقبل على امريكا بلد بيه الفري واصل للياخه اشو من الفحص الطبي وانته تكول امر خطير لو تعرف الحياة اشلون هناك شتكتب قنبله ذريه زانفجرت ه
حبيبي اخويه اولا الفحص مثل ما ذكرو اخوتنا الاعضاء قبلي الفحص بالنسبه للنساء دكتورة واذا كان اكو زخم يحولون على دكتور وتكدر المراة ان تطلب دكتورة وثانيا الفحص روتيني ميحط ايده ولايحزنون هي دكتورة فحصة زوجتي فقط بالكلام يعني ماكو شي يسترعي الخطورة اللي متصوره وارجع واكللك انته مقبل على مشتمع متحظر بامريكا اذا انته مما متحظر اله راح تتخبل ادخل وشوف الحياة في امريكا موجود هنا بالمنتدى وشويه اخذ فكرة يمكن متعجبك اوربا كله مو بس امريكا وتقبل تحيحاتي
-
اخي العزيز احيي فيك الغيرة العراقية وهذا هي شيم الرجال ..بالنسبة الي في فحص ابن البيطار اخذوا عينات دم الي ووطبعا" الفاحص كان رجل -طبيب او مساعد- ولما وصل الدور الى اهلي طلبت ان تقوم الطبيبة بالفحص ، وجدا" عادي قبلوا وما زعلوا..هم اصلا" متعاونين وما يحاولون ان يسببون مشكلة او احراج للناس.
-
اخوان اشو هواية لحينة بهذا الموضوع يعني الكل دتنتظر فحص وديريدون يعرفون منو الي ديفحص اي ديفيدونة بشي زين يبشرنه يرفع معنوياتنا دفضونه من هاي السيرة عاد.
اخوية صاحب الموضوع يعني انته لازم تعرف انو اذا تريد طبيب اكو واذا تريد طبيبة هم اكو انته بكيفك .
بس المهم بامريكا .
تحياتي للجميع
-
لا حياء في العلم
ابو نعال
صح
-
حكمة اليوم
إذا رأيت رجلا يفتح باب السيارة لزوجته
فاعلم أن أحدهما جديد
إما السيارة أو الزوجة !!!
السفير
-
اسمى مهنة بالعالم هي الطب
اكثر مهنه تعتمد على السمعة هي الطب
من اكثر المهن التي فيها اجر عن الله هي الطب
من احيا نفس كانما احيا الناس جميعا
ما اتصور اكو طبيب يقامر بسمعته وشرفه وثوابه علمود يخلي ايده او غيرهه من التصرفات المريضة
اني شخصيا اعتقد ماكو هيج شي
-
لا حياء في العلم
و اعتقد ردي ليس في اي شي مخل لااداب او خارج عن الموضوع
صح اختي العزيزه انجي؟
ابو نعال