اوك اخي بالنسبة لمنطقة اوك باك مثل ما كتلك منطقة مزدحمة بالمحلات العربية والاسواقات وحتى المنظمة قريبة عليها والمنظمة التابعه لهاي المنطقة موظفيها كلش زينين ويحبون يساعدون بكل ما تطلب منهم حسب تجربتنا وياهم واسم المنظمة هو LUTHERAN SOCIAL SERVICES OF MICHIGAN
Refugee services Email nakth@lssm.org
www.lssm,org والايجارات مناسبة شقة غرفة وصالة 450 او مثلا تأجر بيت صغير مثل مشتمل ب 650 او 500 حسب الاتفاق وي صاحب البيت وبيها عراقيين وهم سود وامريكان البيض يعني بصراحة زينه ومو زينه بالنسبة للمساعدات هي 8 اشهر وبعد انتهاء المدة راح يقابلوك يشوفون اشتغلت لو لا واذا ما اشتغلت تستمر الى ان تشوف شغل بما انو عندك طفلة والشغل حسب ما انت تتعرف على الناس وتكون علاقة وياهم يساعدوك تشوف شغل هي بالنسبة كبداية للاجئ زينة لانه كلشي قريب راح يكون عليه على ما يتعلم سياقة وياخذ ايجازة ويشتري سيارة ويسوق المهم من توصل بالسلامة انت عندك حرية الاختيار والتنقل باي منطقة تريد بس من تأجر شقة لو بيت لا تسوي العقد سنة خلي يكون 6 اشهر شوف المنطقة عجبتك ابقى بيها وجدد العقد ما عجبتك تخلص مدة العقد تحول غير منطقة شكوت ما تريد هاي المناطق المزدحمة نسميها وست سايد احنا كاعدين على ايست سايد يعني اهداء من ويست سايد انشاءلله تجي وتشوفها ومن ناحية زوجتك تكدر تشتغل نعم تكدر ليش ما تكدر هواي عراقيات عندنا يشتغلون بالمدارس اخت صاحبيتي هي هم تعينت بالتدريس تساعد بالترجمة للطلاب الي جاين جدد ويحتاجون مساعدة بالغة والترجمة
المهم من تجي اكو مدارس هواي بهاي المنطقة اسالوا المنظمة هي تساعدكم وتعرف اي مدارس يحتاجون واغلب موظفين المنظمة عراقيين ورومان هذا المعلومات عن المنطقة واي معلومات اخرى تريد تعرفها عن كل منطقة بمشكن انشاءلله ما اقصر بالرد
تحياتي
اخي اكو ناس وصلوا هنا بجيبهم 300 دولار بس بعد وصولهم اننطوهم ولكم جك اربع نفرات على 1100 شكد صاروا خلي تروح 3000 لايجار وشراء اثاث بسيطة للشقة شكد راح يبقى راح يبقى 1800 دولار خلي 800 تروح للاكل ويشتري ادوات المطبغ وغير نواقص شكد يبقى الف دولار ما تكفي الى ان يصرفون مساعدات اله ولعائلتك وبالنسبة للاخ مترجم سابقا حسب مكال هما ثلاث نفرات يعني 3300 دولار راح ياخذ ولكم جك من يوصل بالسلامة اذا بقى نفس المنطقة راح يدفع الف دولار ايجار وي التامين شكد يبقى 2300 كول 1300 يشتري غراض للبيت البيسطة وهنا كلها الناس تساعد من كلشي يمكن يشتري كم حاجة والباقي الناس تساعده راح يبقى عنده الف دولار ميكفية الى كم يوم يكمل اوراق التقديم وياخذ مساعدات اعتقد يكفي وخصوصا اصحاب العوائل ما تتاخر المساعدات بعد التقديم مو مثل العازب شوي اكثر يتاخر الكيس على ما ينفتح يعني اخي y3soob هو ديكول هلكد املك من وين يجيب فلوس حتى يجيب وياه .. المهم اخي مترجم حاول لا تصرف الي عندك لاغراض تجيبوها وياكم ما تنفع هنا ويمكن تكون ارخص ما تشتروها من هناك وخصوصا الملابس لا تكثرون بيها اهم شي البطانيات راح تحتاجوها بداية وصولكم هذا الكلام حاليا سابق لاوانه من يكون موعد السفر يكون حديث اخر