ankawa
منتدى الهجرة واللجوء => الهجرة و واللاجئين => الموضوع حرر بواسطة: بغدادي76 في 09:36 01/05/2011
-
أخوان هذه السؤال يمكن شويه مال بطرانين , بس صدك آني معتز بتلفزيون LCD حجمه 21, اجاني هديه ومعتز بيه
هذه اكدر آخذه ويايه لأمريكا ؟ !!!!!!!!!!!
أقصد إذا دبرتله مكان بالجنطة , يصير ؟ مسويهه احد ماخذ شاشه وياه ؟ حته لو مال كومبيوتر
هوه التلفزيون اهنا سعره 225 الجديد , زين إذا بيعه هسه ماجيب 150, وأهناك بأمريكا يكولون بـ 300
يعني إذا آخذه ويايه حوفر على نفسي 150 دولار , اكو حاجة تعرفوهه توفر عليكم 150 دولار وماتاخذوهه وياكم لأمريكا ؟ طبعا لا
شنو رأي اللي رايحين لأمريكا ؟
-
;D ;D ;D ;D ;D ;D
الله يحفلظك التلفزيون ويحميه من الحسد
النقل راح ايكلفك
اتصل ب DHL
-
اخوية اعتقد تكدر تشحنه بس يمكن ايكلفك وتطلع البطانه اغلى من الوجه ومن قريت موضوعك ضحكت وتالمت بنفس الوقت لانه هذا حال الكل عافوا كل ذكرياتهم وكلشي عزيز وراهم وطلعوا انشالله اتسافر وتشتري اغاته
تحياتي
الملاك الحائر
-
;D ;D ;D ;D
الف رحمة ونور على روح والديك والرحمة للحي والميت اخي المحترم
جدا ضحكني عنوان موضوعك والان اكتب واضحك ههههههههه
باركك ربي ودمت بتمام العافية وان شاء الله تفتح لك ابواب الخير ويعوضك ربي والجميع عن كل شي غالي وعزيز فقدوه
تحياتي واحترامي
-
أخويه العزيز :
أذا تريد اتخليه بالجنطه فأتصور بيه نوع من المجازفه لأن ممكن يتعرض للتلف خلال النقل ، يعني اتصور لازم يتغلف زين حتى لا يتلف من أثر الصدمات. آني عندي خبرة قوية بمجال نقل الأجهزة الكهربائية لأن نقلت ويايه كومه أغراض ومن ضمنهه مونيتر حاسبه LCD علما بالمطار كشفوه من كنت امخليه بالجنطه بس مشوني من عرفوا آني عراقي.
تكدر تسأل بالمطار أشكد الكمرك مالته في حال وصولك أو اسأل ال دي أج أل أشكد ياخذون منك اجرة النقل وأتصور اكثر من 100 دولار...
بس من توصل راح تشوف موديلات أحلى وارقى من مالتك والأسعار ترة مو غاليه هناك.
بالموفقيه والنجاح
-
أخوان رحمالله والديكم على الروح الرياضية , آني كلت اخاف يضوجون من يقرون الموضوع ههههه
بس زين ضحكتكم
اخوان الدي اج ال كلش غالي حسب ما أعرف , والبريد العراقي حيييييييييييييييل متخلف , يعني اتذكر بالـ 2008 طلبت من ابويه يسألي إذا جان يكدر يشحنلي الدسك توب مالتي من العراق للسويد ههههههههه هم شغلة مال بطرانين.
بس طلع البريد العراقي بطران بعد اكثر !!!! , كلوله لازم تشيل منه الهارد دسك والبروسيس !!!!!!!!!!
ماتكلولي شبقه منه ؟ ...... وكنسلت الشغلة.
هسه ؟ ادري بيهه طسه , بس شكلتو ؟ اكو مشكلة إذا آخذه بالجنطه ويايه ؟
-
أخويه العزيز :
أذا تريد اتخليه بالجنطه فأتصور بيه نوع من المجازفه لأن ممكن يتعرض للتلف خلال النقل ، يعني اتصور لازم يتغلف زين حتى لا يتلف من أثر الصدمات. آني عندي خبرة قوية بمجال نقل الأجهزة الكهربائية لأن نقلت ويايه كومه أغراض ومن ضمنهه مونيتر حاسبه LCD علما بالمطار كشفوه من كنت امخليه بالجنطه بس مشوني من عرفوا آني عراقي.
تكدر تسأل بالمطار أشكد الكمرك مالته في حال وصولك أو اسأل ال دي أج أل أشكد ياخذون منك اجرة النقل وأتصور اكثر من 100 دولار...
بس من توصل راح تشوف موديلات أحلى وارقى من مالتك والأسعار ترة مو غاليه هناك.
بالموفقيه والنجاح
والله ياخويه إذا شاشة كومبيوتر حاسبوك عليهه , لعد تلفزيون 21 شون ؟
الشغلة واكفه , إذا ماكدرت آخذه انطيه للوالدة ههههه هديه وداع.
-
ههههههههههههه
على راي عادل امام (( الح يلح اصراراً)
طالما انت مصر اخذه ههههههههههههه
بس دير بالك ليتطعج هههههههه
ربي يفرج همك وتوصله بالسلامة للتلفزيون
هاا من توصله طكله بيضايه لو اذبحله ديج هههههه
اشكرك اخي المحترم لانك تقبلت مزاحنه معك ايضا بروح رياضيه فرج ربي كربتك وتوصل بالسلامة
احترامي
-
اخي العزيز..يعني كل المشاكل أنحلت وبقت بس مشكلة التلفزيزن؟؟؟؟!!!!!!!!!!!
-
اني دا انتظر شوكت تكول دا اتشاقة,,,اكيد دتتشاقة مو بالله ::)
-
وين عمي ماخذه دعوفه خله يولي والله يعوض عليك وبعدين مايشتغل على كهرباء امريكا هناك 110 واحنا 220-240 يعني مايفيدك وتعال دور محول وسوالف تعبانه وبعدين والله تحصل اقل من هيج سعر بامريكا صدقني واقصد المستعمل والجديد انتظر يوم الجمعه المجنون عندهم وراح تلقى كلشي ببلاش اسعار مناسبه واحسن لك من هاي الدوخه
-
أخوان هذه السؤال يمكن شويه مال بطرانين , بس صدك آني معتز بتلفزيون LCD حجمه 21, اجاني هديه ومعتز بيه
هذه اكدر آخذه ويايه لأمريكا ؟ !!!!!!!!!!!
أقصد إذا دبرتله مكان بالجنطة , يصير ؟ مسويهه احد ماخذ شاشه وياه ؟ حته لو مال كومبيوتر
هوه التلفزيون اهنا سعره 225 الجديد , زين إذا بيعه هسه ماجيب 150, وأهناك بأمريكا يكولون بـ 300
يعني إذا آخذه ويايه حوفر على نفسي 150 دولار , اكو حاجة تعرفوهه توفر عليكم 150 دولار وماتاخذوهه وياكم لأمريكا ؟ طبعا لا
شنو رأي اللي رايحين لأمريكا ؟
عزيزي بغدادي
صدك تحجي انت لو تتشاقة ؟ حبيبي من توصل هناكة واتشوف التلفزيونات الـ LED وال 3D راح تلزم النص اخمس واتخلصلك فد مخزنين على تلفزيونك هذا .
حبيبي انت من توصل بأذن الله . دورلك بموقع craigslist تلفزيون الي يعجبك واكتب مواصفاتة وشوف الاسعار شلون راح اتخبلك. عمي اكو الجديد سعرة رخيييييييييص كلش .. ذاك اليوم لكيت "52 رايدي بـ 100# . واخو الجديد .. هاي اذا مو الجوراين جيتوا عليك بأنواع الهدايا, طباخ, تلفزيون, ثلاجة, مواعين .. قابل مثل هنانة ياعيني ؟ اول ميريد يعرف سني لو شيعي ؟
عمي سافر واتوكل واخلص ولتجيب شي وياك يشغل بالك او يحجم من حركتك .. حولهن كلهن فلوس .. واطفر واحمد ربك واشكرة الف مليون مرة
-
اني اكول عوفة وريح بالك وانشاء الله تاخذ الاحسن منه والله يوفقك
-
تلفزيون ارحم من الثلاجه هههههههههههه
صديقي اهناك تلكي الاحسن منه عوفه و توكل على الله
تحياتي
-
اخي صدك جذب الي جاي تكولة اتريد تاخذ تلفزيون وياك يمعود كول يا الله ليش انت وين رايح للغجر ;D ;D ;D ;D ;D
حبس احب اكلك ابن عمي اخذ تلفزيون و اعتقد اسمو تلفزيون لان حجمة 55ichتعرف شنو هاذا يعني سينما مو تلفزيون و المسكلة بل سعر 600$و ها جديد حبي مو سكد هاند فا حبي كنسلة مثل ما كنسلت الحاسبة الدسك توب مالتك ;D
-
ههههههههههههههههههههههههه شدتحجي انت يمعود صدك جذب اصلا 90% من الاجهزة الكهربائية الي تشتغل بعمان وسوريا وبغداد متشتغل بامريكا لان الفولتية مال كحهرباء تختلف
ثانيا حتى لو دبرت فد مقسم او شي لسالفة الفولتية فخصوصا التلفزيونات مال امريكا غيرشكل يعني ماكو هناك ستلايت وتنصب لا همه عدهم الدش نيتورك مالتهم غير شكل واكو كيبل هم وهناك التلفزيونات رخيصة هم
-
تحيه طيبه اخي العزيز شنو تلفزيون على بختك اهلي جهزو البيت كله ابلاش والله وكل شقه بيها 3 او 4 تلفزيونات اشدحجي اخوي الغالي اذا هو هديه احتفظ بيه يم اقاربك يبقى ذكرى مثل مدكول وشكرا