حبيت اكتب هذا الموضوع حتى شوية الواحد ينفس عن مافي باله وعن مامر بيه وحصل وياه بحياته مثلا او شي قراه وتاثر بيه وكل واحد حر باللي يكتبه وبالنهاية كلشي ينكتب يعبر عن راي صاحبه بس من الممكن ان تكون بيه حكمة مفيدة والحياة تعلم وتراوينا كلشي ومن خلال التجارب بالحياة الانسان يتعلم وعلى كل حال خلي ابدي اكتب الكم شوية
ابدي موضوعي بهاي العبارة { تشبه الحياة لعبة ورق المهم ليست الاوراق التي هي في يدك او التي بحوزتك وانما المهم هو الطريقة التي تدير بها اللعبة}
بيوم من الايام كعدت واتاملت بهاي الكلمات من هاي العبارة اكتشفت اني انو هاي العبارة مرت بحياتي كثيرا ولكن دون ان انتبه فكثير من المرات كنت اتمنى ان امتلك اوراق لعبة الحياة واسعى واتعب واجهد واحصل هاي الاوراق حتى اغير من نمط حياتي من اجل دفع عجلة الحاضر لمستقبل افضل ولكن ببطء ولااعلم ببعض الاحيان كيف سرقت الحياة مني هذه الاوراق اللازمة للتغير ومرات بسرعة خاطفة عندي الاوراق بس بسرعة مذهلة تسحب مني الحياة الاوراق ومرات اصارع الحياة من اجل مشروع افضل بس بسبب طريقة التفكير الشائكة ماالقي اي نتيجة الخلاصة هي انت تجهد وتعاني وتواصل وتوصل للاوراق اللازمة بس هنا انتبه ايها الانسان تبقى شيء مهم وقد تجهله في بعض الاحيان او تتناساه انهو طريقة ادارة لعبة الحياة شيء مهم جدا فاذا مااديرها بالشكل الصحيح راح اتضل بنفس اخطاء الماضي وماراح اتغير وتضل اتحصل الاوراق وتفقدها وتفقدها وتتحسر وتقول لو و{اللو تدرون زرعوها وماخضرت} لان الزمان مايرجع للوراء المهم ايها الانسان اذا ماتنتبه وتلعبها بالشكل الصحيح ماراح اتحصل اي نتيجة ومرات اتصير غلطة الشاطر موبعشرة لا بمية او اكثر لان مرات الامور الصغيرة اللي مانهتم الها اتحطم البناء ويتاكل من غير مانعلم فالقصد يجب على الشخص ان ينتبه لكل شيء ويلعبها صح لان هذا الزمان غريب عجيب متارجح بالاطوار اكثر طابع طغى عليه هو قساوة الحياة وغرابة مايحصل بها لدرجة مرات تحدث امور وياي احس بانو عقلي خلاص ماعاد يستوعب مايحصل بس ارجع واقول لنفسي هاي حياة وعيش وشوف.
شكرا لسعة صدوركم وان شاالله يارب يعجبكم الموضوع وتشاركوني بيه وبالنهاية ترى الانسان من يكتب شي يعبر عن مافي نفسه او يحجي شي لشخص اخر ترى يحس بالراحة شوية وبالاخير كل واحد حر