ankawa

منتدى الهجرة واللجوء => الهجرة و واللاجئين => الموضوع حرر بواسطة: مغترب بلا وطن في 17:07 05/05/2011

العنوان: شهادة الميلاد منين الواحد يجيبها ؟؟؟؟؟؟؟
أرسل بواسطة: مغترب بلا وطن في 17:07 05/05/2011
 >:([
left]السلام عليكم

اخوان اجاني هذا الايميل من السفارة يردون شهادة الميلاد مترجمه . منين اجيبها لهاي المكموعة  >:( >:(
Dear sir
As we contacted by phone ,please send us a certified translation of birth certificate and identification card for a XXXXXXX to complete processing your case .
 
Sincerely,
Consular Section
US Embassy /Baghdad
YM[/left]
العنوان: رد: شهادة الميلاد منين الواحد يجيبها
أرسل بواسطة: مغترب بلا وطن في 17:10 05/05/2011
مقتبس من: sara california في 17:09 05/05/2011
ليش انته ما عندك ???؟؟؟وينهم جناسيك؟؟؟ ::)


الجناسي موجودة بس شهادة الساعة السوده منين اجيبها ؟؟؟
العنوان: رد: شهادة الميلاد منين الواحد يجيبها
أرسل بواسطة: war man في 17:15 05/05/2011
الجناسي موجودة بس شهادة الساعة السوده منين اجيبها ؟؟؟

 ;D ;D ;D ;D ;D ;D ;D ;D ;D ;D ;D ;D ;D ;D

عمه عوفي الرجال طاكه روحه ;D ;D

اخي كلهم ماعندي وماكدر اطلع لان السفارت ماتنطي شهادة جنسية وما اكدر اروح للعراق وماعندي عرف
سويها ظلمه عليهم اخوي اخوي
العنوان: رد: شهادة الميلاد منين الواحد يجيبها
أرسل بواسطة: mouaid في 17:30 05/05/2011
سارة يمعودة عوفي العالم مو لو موموووووووووووو
العنوان: رد: شهادة الميلاد منين الواحد يجيبها
أرسل بواسطة: war man في 17:33 05/05/2011
مقتبس من: mouaid في 17:30 05/05/2011
سارة يمعودة عوفي العلم مو لو موموووووووووووو

مو مو
العنوان: رد: شهادة الميلاد منين الواحد يجيبها
أرسل بواسطة: mouaid في 18:05 05/05/2011
الاخت سارة  وماادري شنو هاي كاليفورنيامالتج
   انتي اول وحدة رديتي علية مشكورة
اتمنى اشوف الج مواضيع بالمنتدى والعب بيج طوبة
انتي مثل الملح بالاكل بدونج المواضيع ماصخة
يا احلى اخت
الا اصير مثلج واذا منبهة صرت عضو فعال
الامبراطور مويد الاول
لاحضتي التوقيع
العنوان: رد: شهادة الميلاد منين الواحد يجيبها
أرسل بواسطة: مغترب بلا وطن في 18:36 05/05/2011
هسة غير يعوفون الجات بمواضيع فرعية ويشوفولنا شهادة الميلاد منين الواحد يجيبها ؟
 >:( >:(

عندي جنسية وشهادة ماكو مشكلة

بس الشهادة مال ساعة السودة  >:(
العنوان: رد: شهادة الميلاد منين الواحد يجيبها
أرسل بواسطة: السفير80 في 18:37 05/05/2011
حاول تستخرج وحدة لو بف,,,,,,,,,,,,,,,,,,,,,,,,,,,,, وانت تعرف قصدي هههههههههه








السفير
العنوان: رد: شهادة الميلاد منين الواحد يجيبها
أرسل بواسطة: steveo في 18:58 05/05/2011
اني دزيتلهم وكتلهم ما اكدر اجيب شهادة ميلاد وكان هذا ردهم الي
Dear Sir / Madam,

If you are unable to obtain your birth certificate, please bring all the other civil documents to your interview. During your appointment you will be informed if an additional document is needed. For your convenience, we are including you the complete appointment instructions below
بس اخوية انت اشوكت قابلت وشوكت اجاك هذا الايميل
العنوان: رد: شهادة الميلاد منين الواحد يجيبها
أرسل بواسطة: BUTCHER في 19:03 05/05/2011
يعني انتوا شنو لخاطر الله

الولد سئل سؤال اشو كلبتوها كهوه عزاوي
الف مره كلنا الي عنده جواب يجاوب و الي ماعند يسكت
كافي تكلبون  المواضيع استهزاء

رقابه منتديات عين كاوه
العنوان: رد: شهادة الميلاد منين الواحد يجيبها
أرسل بواسطة: Tony Trejo في 19:09 05/05/2011
اخي اشرحلهم الموضوع,,,بلغهم انو احنه من نستخرج الهويات لازم نسلم النسخة الاصلية من بيان الولادة
تحياتي الك
العنوان: رد: شهادة الميلاد منين الواحد يجيبها
أرسل بواسطة: googoo في 19:25 05/05/2011
أخويه مغترب انت وين امقابل؟؟

أذا انت امقابل خارج العراق فهمه مايعرفون شنو شهادة الميلاد... آني من سألوني عنهه انطيتهم هويه الاحوال المدنيه وكتلهم هاي هي شهادة الميلاد ومشوهه وسألوني عن  صورة القيد كللولي هاي شنو كتلهم هاي نفس الدائرة اللي انطتني هويه الاحوال نظمتلي هاي الأستمارة اللي يسموهه الفاميلي بووك وهي تتثبت بيهه كل أعضاء عائلتي. وهم مشوهه..

بالتوفيق أن شاء الله
تحياتي

كوو كوو
العنوان: رد: شهادة الميلاد منين الواحد يجيبها
أرسل بواسطة: مغترب بلا وطن في 19:35 05/05/2011
مقتبس من: steveo في 18:58 05/05/2011
اني دزيتلهم وكتلهم ما اكدر اجيب شهادة ميلاد وكان هذا ردهم الي
Dear Sir / Madam,

If you are unable to obtain your birth certificate, please bring all the other civil documents to your interview. During your appointment you will be informed if an additional document is needed. For your convenience, we are including you the complete appointment instructions below
بس اخوية انت اشوكت قابلت وشوكت اجاك هذا الايميل

اخوية شكرا على ردك , الموضوع يخص بنتي الي عمرها سنه , اني بالنسبة الي عندي كرين كارد , المقابلة جانت في بغداد يوم الرابع من نوفمبر 2010 , ودزوا على اوراق اضافية هذيج المرة واعادة الفحص الطبي وكالو الفيزا مالتكم جاهزة بس دزولنا هذني الاوراق , كلت ميخالف وسويت الي رادوا , هسة طلعلولي بهاي البلتيقة , طبعا من خابروا اني فوخت كلبي بالموضف وزفيته وغسلته هذيج الغسلة المضبوطة لان ماذكروا هاي الاشياء قبل اسبوعين وبالنيابه عن كل المنتظرين نعلت والد والديهم .


يعني هسة استتنتج محد مقدم شهادة ميلاد ؟؟؟؟؟؟

لان اني بالنسبة الي ما مقدم هذا الشي وكتلهم هاي جنسية وشهادة جنسية وصورة قيد ودبروا روحكم بيها.
العنوان: رد: شهادة الميلاد منين الواحد يجيبها
أرسل بواسطة: Broken_Man في 19:41 05/05/2011
اخوية مغترب شهادة الميلاد ما يحتاجوها نهائيا الي يحتاجو هو صورة قيد للعائلة و هذا هم سهل اذا عدك احد يراجع بي يطلع بيومين , اخوية شوفلك معقب مرتب و هو يكملك شغلتك ترا تايهة بالعراق العظيم
العنوان: رد: شهادة الميلاد منين الواحد يجيبها ؟؟؟؟؟؟؟
أرسل بواسطة: kunda في 23:40 05/05/2011
لا ايخي شلون ما يحتاجوها اصلا اهم شي هي شهادة الميلاد اني سالوني عليها كذا مرة بالمقابلة ولجميع افراد العائلة وهمينة رادوا الاصلية وليس المستنسخة ... بس اكو شغلة وهي انه السفارة في كثير من الاحيان يستعيضون عن شهادة الميلاد بأخراج القيد اذا تقدملهم صورة القيد الاصلي قد مايطلبون منك شهادة الميلاد..
وبالنسبة لشهادة الميلاد تقدر اتطلعها من أكثر من مكان حسب انت ولادتك وين كانت باي محافظة وبأي مكان بالعراق حتى لو كانت الولادة مو بمستشفى لانه في كل محافظة وكل قضاء في العراق يوجد دائرة ((غالبا تعبانة ومحد بحالها)) وهي دائرة تسجيل الولادات والوفيات وهاي تابعة لدائرة الاحصاء السكاني .. تروح لهناك وتستخرج هاي الوثيقة ومايتطلب منك الامر اكثر من يوم واحد...
ممكن أيضا تحصلها من المستشفى اللي انولدت بيه (مثلا مستشفى العلوية ابغداد) هاي بحالة اذا كانت الولادة في المستشفى يعني مو بالبيت ....
العنوان: رد: شهادة الميلاد منين الواحد يجيبها ؟؟؟؟؟؟؟
أرسل بواسطة: ابومريومة في 00:37 06/05/2011
اخوية مغترب حاول تطلع صورة قيد من السفارة وصدقها وترجمها ودزها
بلكي تفيدك وتمشي معاملتك لان صورة القيد تمشي بهواية سفارات وتعتمدها


تحياتي
ابومريومة البغدادي
العنوان: رد: شهادة الميلاد منين الواحد يجيبها ؟؟؟؟؟؟؟
أرسل بواسطة: مغترب بلا وطن في 02:06 06/05/2011
مشكورين كل الي جاوبوا , راح اطلع صورة قيد لبنتي وادزها الهم وهمة يدبرون روحهم بيها , ما عجبهم يطبهم الف مرض ما اريد الفيزا

فد مندلة امريكا
العنوان: رد: شهادة الميلاد منين الواحد يجيبها ؟؟؟؟؟؟؟
أرسل بواسطة: rocco في 02:56 06/05/2011
اتصور اخي حجي الاخ كوندا مضبوط سوي مثل ماكلك
ترة صدك... فد مندلة امريكا؟


روكو