ankawa
منتدى الهجرة واللجوء => الهجرة و واللاجئين => الموضوع حرر بواسطة: sarmad122 في 22:58 08/05/2011
-
مرحبا اعزائي شلونكم؟
اليوم جان عندي موعد مقابلة محلفين وطبعا كالولي لازم تحضر ساعة 7:30 الصبح المهم وصلت ساعة 7:10
ولكيت القاعة مال انتظار الخارجية شبه مليانة واغلبهم عوائل المهم دخلونة بالقاعة الداخلية تقريبا ساعة 8
وهم انتظرنة شوي عاد بدوا يصيحون بالاسماء لحد ما اجة سراية ورحت بصمت وكلولي ارجع انتظر بالقاعة لما نصيح باسمك
مختصر الموضوع ساعة 4 العصر يلة اجة سراية وقابلت محلفين بس الحمد لله جانت المقابلة سهلة والمحلفة كلش حبابة
ومشت الامور تمام والحمد لله, وجان اكو عائلة وحدة عدهم مقابلة اولى وولد اعزب عندة دورة تثقيفية
علما النتائج راح تكون يوم 25-6 .
وان شاء الله موفقين واي استفسار اني حاضر
تحياتي
سرمد من عمان
JO-1224
-
بالتوفيق أخي سرمد ويارب يوم الموافقة أنشاء الله لحضرتك ولكل المنتظرين . يارررررررررررررررررررررب .
أختك كوكي
-
الف الف مبروك اخ سرمد و شكرا جزيلا على هاي التفاصيل نطيتنا شويه امل بلكت يجينا السره انشاء الله مستلم الموافقه يوم 25 ووياها الامنيه
موفق اخي و ما قصرت
-
الله يسهل أمرك يارب وتفرحنه بأستلام الموافقة والامنيه بيوم واحد .... الف مبرووووك
-
الف الف مبروك اخويه يوم تستلم الموافقه انشاء الله بس استفسار اخويه بليه زحمه عليك احنه عائله .... يدخلون مره وحده للمحلف لو كلمن وحده ؟ ........ هم يركزون على التواريخ ؟ اكون ممنون الك اخويه.... ;D :)
-
حبيبي بس سؤال يوم 25-6 نتائج مال شنو مفتهمت ياريت توضح
-
الف الف مبروك اخوية على المقابلة والله يسهل امرك ويوم استلام الموافقة والامنية والسفر ويارب يسهل على كل الي ينتظرون المحلف ويارب هذا الاسبوع يكون خير وتغني تلفوناتنه برقم الاي او ام
اخوكم انجل
-
مستر اوباما قصدة يوم 25-6 استلام الظرف
-
مبرووووك حبي المقابله و ياربي تستلم الموافقه يوم 25\6 و ياها الامنيه
و ان شاء الله يخابرونه و يلوحنه سره على المحلفين
تحياتي
-
يارب الموافقة الك ولكل اللي قابلوا وبالموفقية ان شاء الله بس سؤال انت يمتى قابلت الاولى والثانية حتى نحاول نتوقع دورنا وراكم للعلم انا 1228 وبعد ظلت يم الله ربك كريم ويسهلها على الجميع
-
الف الف مبروك ويارب يوم الموافقة
-
الف مبروك اخي العزيز
اخوكم
-
شكرا جزيلا الكم جميعا والله يوفقكم ويسهل امركم
اعزائي
-
الله يبارك بيك اخوية
بصراحة اني مقدم وحدي فممتأكد شلون يقابلون العوائل بس الي لاحظتة دائما بالبداية يقابلون مقدم الطلب يعني رب الاسرة
والله اعلم .
بالتوفيق ان شاء الله
الف الف مبروك اخويه يوم تستلم الموافقه انشاء الله بس استفسار اخويه بليه زحمه عليك احنه عائله .... يدخلون مره وحده للمحلف لو كلمن وحده ؟ ........ هم يركزون على التواريخ ؟ اكون ممنون الك اخويه.... ;D :)
-
مستر اوباما اقصد موعد استلام الظرف مثل ما ذكر الاخ العزيز علي الاعظمي
حبيبي بس سؤال يوم 25-6 نتائج مال شنو مفتهمت ياريت توضح
-
شكرا جزيلا اخوية الفراتي والله يبارك بيك
اني قابلت اولى وثانية تاريخ 4-4-2011
يارب الموافقة الك ولكل اللي قابلوا وبالموفقية ان شاء الله بس سؤال انت يمتى قابلت الاولى والثانية حتى نحاول نتوقع دورنا وراكم للعلم انا 1228 وبعد ظلت يم الله ربك كريم ويسهلها على الجميع
-
السلام عليكم
مبروك سرمد وانشاء الله يوم الموافقة الامنية والسفر للجميع
طبعا اني اليوم قابلت محلفين عمان كالولنة الحضور الساعة 7:30صباحاالمهم دخلنة وضلينة ننتظر للساعة 2:30يالله اجة سرانة ودخلنة قابلنة المحلفة طبعابالبداية دخلنة اني وزوجي واولادي محمد واحمدحلفنة وسئلتني كم سؤال بسيط وبعدين اخذت الولد وطلعنة وبقى زوجي وية المحلفة وساعتين يالله طلع عصرتة عصر بلاسئلةوللساعة 6 يالله كالولنة روحو الله وياكم بس تعبنة تعب مو طبيعي الله كريم انشاء الله ميضيعلنة تعب
:o ;D
-
السلام عليكم مبروك وانشاءالله السفر القريب بس اختنا العزيزة درة العراقية موضحتينة شوكت قابلتي اوالى وثانية وشكد يبدي رقم الكيس مالتج وشكرا
-
شكرا جزيلا اختي الله يبارك بيج
اني المقابلة مالتي اقل من ساعة يمكن
وانتوا لان عائلة دخلوكم اسرع بس مقابلتكم كلش طويلة
وطبعا الكراسي الي بالباب الخارجة جانت كلهة مبللة بحيث كعدنة ومندري ههههه
ويارب ميروح التعب حرامات والتوفيق للجميع ان شاء الله
تحياتي
السلام عليكم
مبروك سرمد وانشاء الله يوم الموافقة الامنية والسفر للجميع
طبعا اني اليوم قابلت محلفين عمان كالولنة الحضور الساعة 7:30صباحاالمهم دخلنة وضلينة ننتظر للساعة 2:30يالله اجة سرانة ودخلنة قابلنة المحلفة طبعابالبداية دخلنة اني وزوجي واولادي محمد واحمدحلفنة وسئلتني كم سؤال بسيط وبعدين اخذت الولد وطلعنة وبقى زوجي وية المحلفة وساعتين يالله طلع عصرتة عصر بلاسئلةوللساعة 6 يالله كالولنة روحو الله وياكم بس تعبنة تعب مو طبيعي الله كريم انشاء الله ميضيعلنة تعب
:o ;D
-
مبروك اخ سرمد انشاء الله يوم السفر
اريد اسال شكد يبقون المحلفين بعمان
-
مبـــــــــــــــــــــــــــــــــــــــــــــــــروك
السفير
-
سؤال لدرة العراق سبب تاخر زوجك لدى المحلفين لمده ساعتين هل هو خادم عسكرية
-
شكرا جزيلا والله يبارك بيك اخوية كريس
اعتقد باقين لحين تسليم الظروف والي هو بتاريخ 25-6 .
مبروك اخ سرمد انشاء الله يوم السفر
اريد اسال شكد يبقون المحلفين بعمان
-
الاخ سرمد والاحت درة العراقية الف الف مبروك المقابلة
وياااارب موافقة والتساهيل من رب العالمين
-
الي يسالون عن العوائل شلون تقابل
اول شي يطبون سوه يسالون على الاسامي والمواليد
بعدين يطلعوهم
بعد شويه او هوايه حسب يجي المترجم يصيح الاب يطب
يطولون ويا شويه لان هوه صاحب الكيس
يطلع يصيحون الابن الاكبر
وبعدين اللي اصغر طبعاً هذا الحجي كله فوك ال18 سنه
ماعدى الام لان هيه ويه زوجها فه لا مقابله ولا سؤال ولا كلام
يكملووون يروحون يكعدون بالصاله ينتضرون باقي العوائل تكمل كلها
يالله يطلعوهم
-
ومبرووووووك على المقابله هيه هاي الفتره الي واحد شويه يحس انو اكو نشاط بملفه مقباله ونتائج
يستلم النتيجه يروح يكعد بالفترينه ديكور يخلو
شوف شوكد يذكرون ملفه يالله يخابرو يابه جتي امنيتك
-
الف مبروك للاخوه والاخوات اللي قابلوا وبالتوفيق للجميع...
اني قابلت قبل اسبوع من اليوم
-
الف الف مبروك للجميع بس عندي عتب صغير للأخ amman2010 ترى احنه منحسدبس انريد نعرف صار وياكم لان احنه بالسره ونستفاد من تجاربكم ألي يسوي مقابله مال محلفين خلي يكللنه مو يخليه سكته ههههههه وانشاء الله يوم استلام الموافقه وترتاحون والسفرهم
-
عيوني اخ الاعظمي على كيفك ويانه ههههه غير من شفت الموضوع كتبت تعليق وكلت للجميع اني قابلت قبل اسبوع خوما كاعد اتابع كل المواضيع يوميه هل تجي عيني عليه واشوف اذا اكدر اساعد بتعليق ماقصر وهذا اللي سويته. انشالله الكل يقابل باسرع وقت والكل مقبولين انشالله.
بالتوفيق للجميع