ankawa
منتدى الهجرة واللجوء => الهجرة و واللاجئين => الموضوع حرر بواسطة: غربة صعبة في 16:13 10/05/2011
-
اليوم خابروني وجان رقم خاص وكلتلي عندك باجر امتحان لغة انجليزية علمود نسويلك دورة لغة انجليزية اكو احد نفس الحالة
العنوان بالجاردنز يم جبري هية هاي الشغلة الها علاقة بالهجرة لو هاي هيج للعراقيين الي بعمان
-
اول مرة اسمع هيج
-
اخوية وين اكو هيجي حجي ??? ??? ??? ???
زين اخاف انته مقدم على شي و ناسي ::) ::) ::)
اخاف مقدم على دورة مال لغة حاول تتذكر تره ماكو هيجي شي :(
-
حبيبي ماكو هيج شي
وعلى كوله اختنا ساره اتأكد اخاف مقدم على معهد لغة
-
او يجوز واحد يتشاقة وياك ;D ;D ;D ;D
بس غير شقة ثكيل ;D ;D ;D ;D
-
لا اخوان اخواتي مو شغلة شقة واني مطالب دورة لغة انجليزية هية كالت انتة عندك امتحان باجر يعني محدين امتحان الي مو كالولي حاب تجي يعني مو اختيارية لا تعال عندك امتحان يعني ديشوفون لغتي الانجليزية اشلونها وينطوني دورة
اني مضايج بالعكس تفيدني هاي الدورة اقوي بيها اللغة مالتي وباجر تبين بس اني لو اكو ناس وياية
-
اي والله يمكن هيج لان مره صارت بين علي النعيمي والاعظمي يمكن خطيه خابره المغرب
ومن شفت هيج اني رحت سويتها بأبوية
خابرته من الانترنت كتله عندك باجر موعد باال اي او ام ابوية ظل يكول لك شنو لك منو لك مااصدك لك شنو اني كاعد احلم وامي تهلهل والبيت عبالك بيه عرس
بعدين كتله ها بابا شلونك ظل يسب بيه ;D ;D
-
اول مره اسمع هيج بس انت روح اخي وردلنه خبر شنو الي يصير وياك
-
اكيد اردلكم خبر واشكركم على جميع الردود
تحياتي للجميع
خاصة شموسة
-
يوم بعد يوم دا نشوف مفاجئات عمي روح حتى لو كانت مزجه سويلك فره وارجع
-
صديقي عادي همه يخابرون بس غير انته تعرف منو همه
اني قبل 6 اشهر , و من خابروني سألت انتو منو و وين و كلولي احنه منظمه كير و اخذنه تلفونك من ملفك الي باليو ان و رحت بوكتها للمعهد البرطاني بالدوار الاول بس امتحنت وراها ما داومت بالدوره و هم خابروني كلولي ليش مدا تروح كلتهم ما اريد
يعني عادي يسوون هيج شغلات
-
فزعتكم هههههههههههههههه لا مو علي
اني سويتها بامير العراقي جنت متواعد وياه و كلت خلي اتشاقه و خابرته من رقم خاص و كتله عدكم مقابله توطين ههههههههههههه ضل صافن هوه اول مره يسمع صوتي وراها كتله عمي اني غزوان... جنه رايحين نتفرج اللعبه بوكتها
تحياتي للجميع
-
اكيد اردلكم خبر واشكركم على جميع الردود
تحياتي للجميع
خاصة شموسة
شكرا لك تسلم
-
اخي روح شوف وتعال كولي اذا بيه مجال اشارك وياك بالدورة تفيد
-
السلام عليكم اخويه الغربه صعبه اني اليوم خابروني ساعه11 الظهر ونفس المكان وهيه من كير واسمه ايناس
بس ماروح بس صرف فلوس ليش مو ب المعدالبريطاني اقرب على الكل
اخوك
ابو هجران
-
اخي غربه صعبه احنه بانتظارك تردلنه خبر
-
عيوني حبايبي اليوم رحت ومتحنت والكل لفل 1 وكالولي احنة منظمة كير والدورة شهر كامل وكل يوم والاوقات 3 اوقات ونتة تختار 10 لغاية 12 ومن 3 لغاية 5 ومن 6 لغاية 8 اني اختاريت اخر واحد وبالمناسبة مالهم علاقة بالهجرة هاي لكل العراقيين الي بعمان بس بصراحة المركز مرتب وقريب على سكني يعني مشي 3 دقائق وهم اتعرف على الوجوه الطيبة
ملاحظة : الدورة تبلش من الاحد
تحياتي
-
اي والله يمكن هيج لان مره صارت بين علي النعيمي والاعظمي يمكن خطيه خابره المغرب
ومن شفت هيج اني رحت سويتها بأبوية
خابرته من الانترنت كتله عندك باجر موعد باال اي او ام ابوية ظل يكول لك شنو لك منو لك مااصدك لك شنو اني كاعد احلم وامي تهلهل والبيت عبالك بيه عرس
بعدين كتله ها بابا شلونك ظل يسب بيه ;D ;D
يعني بس اريد اسأل سؤال
ليش يمسحون ضحكتي ؟؟؟
لاسبيت ولا تجاوزت ولا قللت من قيمه احد كل السالفه انو موقف سويته وضحكت عليه
على العموم شكرا جزيلا
-
شكرا لك اخي وبارك الله بيك بس اريد اسالك ولو رح اتعبك يعني احنه نروح بدون مايخابرونه والسؤال الثاني هو بلجاردنز الدوام
واكون شاكره لك على الرد
-
اخ غربة صعبة هل ممكن رقم تلفونهم او عنوان واسم المركز حتى نروح نسجل
-
عيوني شموسة اول شي ما عندي علم اذا همة لازم يخابروج اني بصراحة خابروني وكالوي تعال امتحن واليوم رحت وراح ابلش من يوم الاحد وراح انطيكم العنوان حتة الي يحب يستفسر مو غلط
شارع الجاردنز - بجانب جبري-عمارة المحتسب-الطابق الخامس اكاديمية الرواد
هذه العنوان اخواني اخواتي اي شي تحتاجوا اني جاهز
تحياتي
-
شكرا لك وتعبناك ويانه تسلم ربي يوفقك
-
دللي عيني شموسة بالعكس اني مسويت شي هية هاي الشغلة لكل العراقيين واني بالعكس كل ما زاد العدد يصير واهس اكثر
تعالووو
تحياتي
-
عيش وشوف ميخالف على امتحان اللغه بسيطه بس خاف يسوون امتحان بغير شغلات هاي شلون لانه الظاهر كلما دانعتك ديطلعون درابيين جديده.. خلي انتظر لما الجاي يخدر احسن من انتظار الفيزه..
-
اي اخوية غربة صعبة كلامك 100% اني اعرف شخص عراقي وياك هم بالدورة بس هذا دينتظر الامنية ومكمل كلشي ومنظمة الهجرة الي كالتله لح نتصل بيك ونرتبلك لان هو ولاطكه بالانكليزي .
تحياتي للكل
-
اخوان هذه الدورات ليس علاقة بالسفر ولاتؤثر على حالة الملف
كل ما بالامر ان منظمات الامم المتحدة وبدون استثناء وبداية من الامين العام بان كي مون ولغاية الموظفين هي منظمات فاسدة يعني رشاوي وفساد اداري لا يتصوره العقل.
ولتسهيل الاستفاده وقبض العمولات يلجأون لمثل هذه الدورات والمشاريع وهكذا.
يعني مثلا كلفة اي دورة لغة في الاردن لا تتجاوز 200 الى 400 دينار ارني. ولكن هكذا دورات للامم التحدة تكون الكلفة 700 او 1000 دينار للشخص والجميع مستفيد المعهد والمنظمة وكتحصيل حاصل اللآجي وانتو تخيلو.
-
يعني متريدنة نروح هههههههههههههههههه
-
يمعود غربة صعبة روح للدوره ولاتجيبلنه بلوه ..هسه يكولون جماعة عين كاوا كالوله لاتروح وبعد شيخلصنه..روح روح روح