ankawa
منتدى الهجرة واللجوء => الهجرة و واللاجئين => الموضوع حرر بواسطة: لاجئ في ايطاليا في 15:41 14/05/2011
-
اخواني اني عندي وثيقه سفر ايطاليه
و عندي حواز اس اكسباير
كان عندي جواز جي بس تلفته من وصلت الى ايطاليا
و هسه اريد اطلع جواز عراقي من سوريا او عمان او اي دوله فيها اصدار الجواز بسرعه
مااريد من اي دوله اروبيه لاان في ايطاليا ممنوع اراجع سفاره عراقيه و من اوربا يتعيقلون علينا هنا السفارات العراقيه
هسه اريد نخوه منكم شلون و شنو المستمسكات
مع العلم اني تالف جوازي
اذا من عمان او سوريا اشكد يطول و شنو الاجراات و شنو الاوراق المطلوبه
-
اخوية العزيز اذا من عمان تروح للسفارة العراقية وتحظر شهادة جنسية والجنسية اي الاحوال المدنية وجوازك الاس وحسب مااتذكر اربع صور وتقدم للسفارة وينطوك وصل اظن بس انتة روح وهمة يسهلون امرك
-
انته تريد تدخل للعراق يعني لوشنو وضح
-
اخي اني اريد طبعا ادخل للعراق ايضا و اريد اطلع جواز رسمي
اذا من عمان او سوريا او حتى تركيا ايهما اسهل
يعني اني عندي جواز اس اكسباير
و هذا قديم لكن كان عندي جواز جي و تلفته بوقتها عندما دخلت ايطاليا
هسه اذا فرضا اجيت لااحد الدول المجاوره
راح يكولولي كان عندك جواز جي وينه؟ صح لو لا؟ و راح ادخل بدوامه الضائع و السوالف التعبانه مالتهم
اريد اعرف الاجراات بهذه الحاله شنو؟
يعني سهله اطلع واحد ثاني لو صعبه؟ اني عندي كل المستمسكات العراقيه ماعدا الجواز
-
اي اخي تكدر تطلع جواز اي هنا من السفارة العراقية وكللهم جوازي ظاع بعد شيحكلولك ماعندي معرفة بس اسرع بالمعاملة باي دولة هاي ماعرف بيهة يجوز هنا او تركيا حسب موظفين السفارة بس هنا والله شفتهم متعاونين كلش بعد انتة بكيفك لانو صارت حالة اجة واحد ديطلع جواز كالولة انطينة مستمسكات كللهم ماعندي كلولة انطينة بس هوية الاحوال المدنية واحنة نسويلكيا جان يروح هاي الحالة صارت كبالي طبعا تسوي الاجراءات بمكتبة بابل الي هية علة اتصال بالسفارة العراقية هية تسوي المعاملات وانتة تسلمهة للسفارة ويكلولك شوكت تستلم هذا الي اعرفة
-
ادخل علة موقع السفارة بالانرتنت مال كلة دولة وراسلهم وهمة يجاوبوك او خابرهم
-
مرحبا
اخي مادام كان عندك جواز ج يعني داخل حاسبة فلازم تسوي معاملة جواز ضايع مثلا هنا بعمان ضاع جوازي فبلغت الشرطة وبعدين اخذت كتاب من الخارجية الاردنية ورحت للسفارة العراقية ودزو المعاملة لبغداد وره اسبوعين استلمت الجواز الجديد A
-
m.a.m هي هاي السالفه الي مضوجتني
اني ادك على هاي يعني اتخبل من سالفه المراجعات
يعني المعامله تندز لبغداد
و ماراح يكولولي اقامتك بعمان و من هاي السوالف مو؟
شكرا الكم
-
اخي متحتاج اقامة بالاردن ومراجعة الدوائر متطول اكثر من يومين وتسوي معاملة وتنطيها للسفارة وان شالله متطول
-
مرحبا اخي اني قدمت على جواز اي من سوريا وطلبو يشوفون اقامتي هنا فمعرف شنو رئيهم بوضعك اذا قدمت منا
وللعلم الموعد بعد 40 يوم يله تكمل معامله ورة 20 يوم تستلمه
-
مرحبا اخي
انشاء الله اني افيدك بشغله الجواز لان هوه نقمه عليه ايضا
او ل شئ حضرتك جان عندك جواز جي حسب مفتهمت من مشاركتك الاولى اول شئ حيكلون الك وين ضاع وين بلاغ الشرطه واب اي دوله الي ضاع به
ثاني شئ اصدار الجواز فقط في الدول التاليه خارج العراق الاردن وسوريا والان دبي وافضل دوله لاستخراج الجواز خارج العراق في الوقت الحالي هي الاردن.
اما في الاردن سوف لايطلبون منك اقامه في الاردن ولاكن سوف يطلبون منك شهاده الجنسيه والاحوال المدينه وجواز السفر اس واذا تم التدقيق في المنظومه الخاصه بهم سوف يعرفون انك تحمل جواز سفر جي ومن الصعوبه اي يصدروا لك جواز جديد بدون الاوراق التي ذكرتها لك
فاذا يااخي لو ترجع للعراق وتصدر جوازك اب نفسك ولا ماكوا غير هل حل لاني واقع مثل مشكلتك ولازم ارجع للعراق والله يخلي لنا الحكومه العراقيه والسفرات العراقيه في الخارج ( ويهجمه على روسهم)
تحياتي